影片
以上資料只供參考, 請與餐廳確認詳情
招牌菜
幾日前睇左本專講日本餐既雜誌(本人最愛食日本野)睇到有間叫山之花料理d壽司呀...刺身唔錯...不過係貴左d見到d價錢,仲要預訂先有得食就打去book位,試下佢d野...==叫左個師父推介既秋刀魚刺身( 嘩...勁肥美,唔係講笑,好好食)推介比大家!因為而家係食秋刀魚既最岩時候! 所以特別大條特別好食!都係個句:咩時侯食咩野啦! 另外叫左個壽司盛!啊老闆仲知道我地係睇雜誌黎食...所以特別送多幾件壽司,好好食,好正!個師父超有心機整...勁靚...成幅畫咁...老闆好好人...多謝你....有叫到其他野食:燒珍寶大蝦,好大隻呀...好香好食! 抵食汁煮羽太 條魚好鮮好滑,個汁既甜味又啱啱好....可以送埋飯呀個汁下次一定要叫番這個食!個fd叫左個什麼泡菜炒飯,不太感興趣...普通啦...燒羊扒正呀, 個多汁...夠晒味,d肉又滑,整法似西式咁...夾埋香草一齊整...不俗不過就等得耐左...一路食...一路都有叫酒飲!1 set 酒 有3種酒,3種味, 當中最好飲係梅酒 推介大家叫梅酒飲!最後4個人食埋單都係$ 八百幾平均一個 二百幾到!都幾抵食...食物水準真係一流!
繼續閱讀
同老公去伊館黃子華,因為唔熟路,就求其喺附近揾間食飯,老公叫咗個388嘅二人前,待應問我地食包鱼定龍蝦,我地揀咗龍蝦前菜 枝豆(普通貨色)沙律 魚生碎+生菜+蟹籽+沙律汁(ok好味,特別係個汁)什錦刺生 三文鱼.油甘.吞拿魚.赤貝(全部都好新鮮,三文魚最肥美,赤貝最甜)銀雪魚 味道ok,但喺得一片什錦天婦羅 好熱,好脆,好味 什錦壽司 嘩,靚到吖,真係唔捨得食龍蝦 成隻鞋咁大隻,唔知佢点整到金黃色,味道就一流海胆炒反 見到海胆,但冇海胆味,唔知点解甜品 士多啤梨班戟(緊緊合格)另外送咗兩杯梅酒比我哋試味,味道好好,相信係貴價貨埋單連加一共426,柢食到吖,但企起身出門口先發現食得太飽估唔到咁嘅價錢可以食到咁多有質數嘅嘢,遲d又去食過
繼續閱讀
食咗:季節盛合剌身(池魚, 油甘魚, 秋刀魚,, 象拔蚌)魚每樣兩片, 象拔蚌就一小堆, 味道就一流,尤其是秋刀魚, 肥美到不得之了~量雖然少d, 賣$168, 但係睇得出有花心機盛盆, 有誠意~蟹膏壽司 (好濃味, 用青瓜片氏包軍艦幾得意)雞皮蝦 x 2帶子 x 2雞皮 x 1雞腎 x 1雞翼 x 1牛舌 x 1大蔥牛肉 x 1 (超好味)銀杏 x 1汁燒雞泡魚干(送酒一流)半打Asahi $126基本上, 所有食物都好有水準, 另外仲送一碟汁煮螺比我地, 埋單$600, 啤酒都$126, 我就覺得價錢合理, 絕對會近期再去
繼續閱讀
這是我第二次到此餐廳晚飯了, 今次一行4人, 因知道此店已領有出售酒類牌照, 所以主要是幾位男同事飲清酒啦. 此次到來發現菜式方面豐富了很多, 第一次晚膳是沒有那麼多串燒類產品, 我們order了一客鐡板帆立貝及小許刺身後, 其他的都是串燒, 有他們最有名的招牌蝦串燒, 豚肉蘆筍, 豚肉車厘茄及牛脷等等......, 味道固然上佳, 但最重要的是大家真的能食到師傅們的誠意同對食品的重視, 每道菜都能另我們感受到其出品精巧, 很明顯是真的用心制作的. 在這裡要謝謝山之花的師傅們能給與我們一個很滿意晚餐. 最後, 老闆送我們每人一客甜品, 是芒果蛋糕, 飲酒的我們又點會食甜品呢! 但老闆一再請求我們賞一口, 就免為其難地吃了一口, 嘩.., 很美味, 我們不約而同地叫了出來, 原來是他們自家制的蛋糕, 真的很好味, 現在回想起, 還想再吃! 對飲酒人士來說, 是很小會對甜點讚賞的, 但這個必定要向大家推介. 還需一提的就是, 他們的收費便宜了很多, 約-25%, 當晚我們消費HK$800.連清酒, 每位200大元, 好底飲底食.
繼續閱讀
天口好熱, 問朋友去邊食飯, 朋友就話去呢間山之花, 因為睇過一本鬼老周刊話這間d壽司好有特色, 就去試試, 到左後馬上問問有什麼壽司好食, 師傅就介紹左豆紙壽司同各款波子壽司, Yummy, Yummy, 然後點了些串燒, 都好好味, 但我們食這裡的汁燒豚肉蘆筍就真係掂, 好Juicy, 其他日本餐廳多數都鹽燒的, 賣14元一串ok, 不過都係想食多d壽司, 就問師有冇多d特色Sushi? 師傅景然介紹左一件叫花浦的壽司給我們試, 好鬼靚, 點舍得食! 但吳食吳食都要食啦, 好好食, 問仲有冇特別d, (人係貪心的)師傅就都有料推介三色壽司, 冇花浦壽司靚, 但食法就完全兩回事, 因為三色的意思是Toro蓉, 海膽及三文魚子, 口感好好味, 直得推介. 兩個人就消費左約HK$300. 每人$150.
繼續閱讀