山本屋 (圍方)

營業中

休息中

和朋友很久不見，在open rice上見到附近有間食烏冬嘅舖頭幾吸引，就相約咗喺呢度見面。平日晚上八點幾，都有人等位，心諗今次一定係食好西！我同朋友都一齊嗌咗咖喱湯底，麵嚟到飲咗啖湯先，個咖喱湯好淡味，食埋個烏冬，完全就係刀削麵咁。我嗌咗牛肉咖喱烏冬，108蚊，牛肉得好少。最差嘅都唔係呢樣，我哋食到九點左右，啲staff就好似望住你睇下幾時停手就過嚟收野。結果我同朋友放低咗30秒左右 就問我地要唔要全部人都勁趕收工咁。。。明明係閂10點如果你係100蚊內嘅，呢啲質素真係冇問題但係我哋埋單人頭差唔多$200 一個，真係好唔OK囉

星期四晚自己一個人早少少諗住食晚餐。就試吓依間手打烏冬。一日到去安排坐低之後冇人理，目測有六至七個員工企晒喺度傾偈，高談闊論！有啲就黐住幅牆郁都唔郁，有啲就溝𡁵女。咁唔好阻人啦。其實好簡單，我剔完我要食嘅嘢淨係想俾張單落order同埋攞杯水，都要等7至8分鐘。點咗個天婦羅蝦手打烏冬要麵豉湯底。追加牛肉同埋生蛋。埋單連服務費$141。成碗嘢係得個熱字，死咸味道唔吸引，烏冬就彈牙嘅。天婦羅蝦有兩隻，追加牛肉有幾片。總之唔會俾百幾蚊食碗咁嘅嘢啦下次，大把選擇。

第一次去新商場圍方，商場啲舖頭同平時都差唔多，之前上網睇好多人都食呢間過江龍手打烏冬，所以晚餐一於試吓佢。差唔多食飯晚時間6點已經開始排隊，都係採取人齊先可以入座嘅形式，不過就冇限用餐時間。等咗大約20分鐘就有位，裏面鋪面唔算好大，坐位都唔太多，但我哋兩大一BB車嘅情況下，門口姐姐都安排得唔錯。✨吉列豬扒烏冬，配招牌咖喱+$10睇啲人話個烏冬得幾條ja，但其實無講到咁誇張囉，普通烏冬嘅份量，同埋真係手打烏冬，食落好彈牙，唔係出街買d普通烏冬味道，可能配咖喱汁關係，食落都好飽，個咖喱汁就甜甜地，一啲都唔辣，我個人就覺得幾好食，個吉列豬扒就正常發揮囉，冇乜特別。✨蝦天婦羅煮烏冬，配老店傳統味噌呢個蝦天婦羅就賣相一般，有兩條，唔算大隻，不過就冇出邊食落咁多粉漿，但呢個湯底落個人就覺得好鹹，但我老公就話佢好鍾意個湯底，佢話味噌係要咁濃味先好食，所以都係個人嘅口味。✨日式炸豆腐都係一般普通炸豆腐，不過不失。另外要讚吓呢間餐廳嘅服務態度好好，因為兩樣食物製作都需時，佢哋都會不斷幫你fill水同埋問你要唔要圍裙怕汁醬彈到你身上，當你食完嘅時候又唔會話太要你趕住走，雖然出面好多人排緊隊😂而且係請勿靠等

坐馬鐵去到大圍，兩公婆唔知食乜好，最後入咗圍方尋寶。 行到山本屋，18:45竟然唔洗排隊，所以決定試吓！多年前去富士山曾經食過類似嘅野菜麵，當時覺得碗麵冇肉，感覺有點失色，呢間有得揀豬肉、牛肉、豬扒同炸蝦，老婆吉列豬扒我就安格斯牛，大家都揀咗老店傳統味噌(另外有鰹魚同咖喱選擇)。十幾分鐘烏冬送到，店員問烏冬食爽定腍，一致食爽，咁佢就幫我哋攞走煲蓋，仲係滾熱辣，賣相正正常常，不過一試啖湯就賴嘢，不是我喜歡的味道！味道偏咸，手切烏冬同急凍讚岐烏冬分別不大，牛肉亦非想像般高質，老婆的豬扒尚算合格。整體都算接受嘅，不過赤味噌就唔好預我啦！後來上OpenRice先知呢間嘢都好多負評(😋67 🙂58 😥50)，主要都係難食 、唔值 、名過其實⋯⋯完全將我啲心聲講晒出嚟👍🏼👍🏼是日消費：老店傳統味噌安格斯牛肉烏冬$108 老店傳統味噌湯炸蝦天婦羅烏冬$108 加一$21.6共$238($237.6竟然直接四捨五入🤣🤣)

勁難食我嗌咗個五目烏冬（姐係雜菌，佢寫有五種菇），食到一半發現，一條菇都冇，得啲葱。向員工反映之後，佢加返幾條菇俾我，但係白烚，完全冇味。睇返評論，間鋪都唔係第一次俾漏嘢，唔知點解開張咁耐，都可以有呢啲甩漏，竟然仲要收加一！次次行過都見到要排隊，但其實只係啲員工手腳慢。環境都坐得好迫，隔籬枱講緊啲咩，都聽得勁清楚。咁嘅價錢已經食到兩碗丸龜。味道而言，都同丸龜差唔多，加$10嘅咖喱湯，係咖喱磚質素。特登download openrice奉勸各位，勿做水魚！

唔使排隊等好耐的話可以試👌🏼之前圍方開個陣大排長龍而家去6點幾食飯時間等左5分鐘就入得等緊個陣店員已經比定紙剔定入面中size 流動都好快 另外要加一出面仲可以睇到師傅即整烏冬😯有三款湯底 冇揀到咖喱湯 (+$10)美國安格斯牛肉煮烏冬 ($118)配黃金鰹魚湯 比較似清湯 但有點油每碗都有生雞蛋、腐皮同葱個牛肉好食！有牛肉味又唔韌冇筋大約7-8塊到 份量都適中至於烏冬都幾煙韌 食得出手打到枱時店員會問想食爽定冧爽就即食 冧就唔開蓋焗多陣先咁可以cater唔同口味嘅人 幾好👍🏼親子煮烏冬 ($98)配老店傳統味噌 濃縮左嘅麵豉湯都幾重口味😂 但都好味接受到親子姐係雞肉 不過就只得2件雞肉正常 比較普通 牛肉好食d最後仲可以要飯撈落d湯食盅飯仔好的式😂d飯好好食粒粒分明有口感！配味噌湯會好食d如果係叫咖喱湯應該會仲正

一碗加埋服務費大概100蚊 ，我覺得超級唔值。 什麼時候去都要排隊，假期更不用說，然之後因為標榜係新鮮即整，故此上菜比較慢。試咗佢嘅味噌湯親子烏冬，湯偏鹹， 烏冬口感係硬傷，一啲都唔煙韌，我認真覺得759同元氣賣嘅烏冬好食過佢。 因為佢嘅烏冬後感唔好食，所以我連想下次試其他湯底嘅意欲都冇。

無論咩時段，成日都見到呢間餐廳keep住有人排隊，一於試下佢！餐廳門面…有一個大玻璃可以睇到師傅係度整烏冬，烏冬既製作過程透明，比食客欣賞/了解手打烏冬既製作！1. 親子煮烏冬 $88呢個揀左傳統味噌湯做湯底，湯既味道好濃，味噌好突出，烏冬好掛湯汁👍🏻雞肉有少少老，而且份量唔多，得幾舊，但都好濃郁湯汁味！雞蛋係全生，但烏冬係以石鍋盛載，上到枱都仲係滚湯咁，如果唔鐘意個蛋太生，可以焗左一陣先食，或者搞散個蛋落個湯度又得。2. 黑豚肉煮烏冬$98呢個就揀左黃金鏗魚湯，個湯清清地，但都幾濃鏗魚味，黑豚肉有啲肥，但肉質唔錯，唔會好嚡。唔鐘意重口味既朋友，揀黃金鏗魚湯就啱晒啦。（以上價錢未計加一服務費）利申：並冇任何試食活動/優惠！全部正價！(按餐廳MENU上價格付款)

今晚第一次來這間店食晚餐,我們叫了一個炸豬扒烏冬,一個豚肉烏冬,一個炸蝦天婦羅.先講個炸蝦天婦羅,蝦肉淋及散.另外烏冬份量少,湯底看上去好似好濃但飲落無乜味.炸豬扒炸得乾又無味.另外地方細,張枱再叫多一些食物都放唔落.收這個價錢提供這樣食物質素,非常差,感覺非常不良好.下次不會再來

今次黎食呢間日式烏冬🤣見佢俾人吹捧得咁犀利，就一試究竟！之前見好多人排隊但我星期三晏晝去唔使排就入得我叫咗親子煮烏冬🌸（湯底係老店傳統味噌）再加牛肉同兩款小食🥰湯底超香濃，係啱我嘅口味！入面嗰啲腐皮食極都仲要吸滿湯超好食小食分別係雞翼同埋雞皮餃子個人覺得不過不失整體感覺都幾好食，隔幾日都有啲回味想再幫襯💆🏻‍♀️

路過比佢塊金色牌吸引，望下佢寫咩，一開始仲以為係拉麵鋪，望真d原來係賣手打烏冬，仲要係有砂鍋裝嘅，咁特別就入去試下佢嗌完野食，冇野做，就四圍望下，佢嘅佈置好日式，加埋d音樂，好似去左日本咁見到枱面介紹就望下，都未睇完，就有個侍應好主動行埋黎介紹li個名古屋嘅食法，食完個麵就可以加d飯落個湯度食，多口問句li度有冇得咁食，佢就話食完揾職員加就可以，可以試多個食法，正味噌湯嘅吉列豬扒烏冬個湯好好味，吉列豬扒好脆，唔會好厚粉，又唔會好油，d烏冬好粗，好好食，唔會淋曬炸雞皮餃子外脆內軟，好味日式炸豆腐正常發揮食曬個烏冬，加左個飯落去，變左個湯飯，好好味，好夾

呢間過江龍一開張就周圍都有推介成日話排哂長龍所以我就揀左平日時2點黎到去到都好快有位我地叫咗兩款蝦天婦羅煮咖哩湯烏冬 HKD108+HKD10咖哩湯底五目煮咖哩湯烏冬HKD88+HKD10咖哩湯底🍤蝦天婦羅正常發揮 略嫌粉漿唔夠薄類似有d菜絲 豆腐皮既配料但試完個咖哩湯底 就有d失望其實就係日本咖哩咁 唔算特別香濃反而有少少過咸 烏冬都算掛湯 但口感就唔夠彈牙煙韌可因為一路煲煮緊總括而言 賣相係吸睛 但食落就未至於要熱捧 感覺只係用普通咖哩黎煮烏冬而且價錢其實唔算好抵食

地方窄 唔舒服 食物價錢對唔係食物食過一次就算 難食過吉野家鳥冬😩成餐飯感覺 逼！貴得黎難食！冇下次🥳🥳🥳🥳🥳 希望店家可以改善下啦 唔係應該過多排就要執笠架啦鰹魚湯烏冬配天婦羅炸蝦個炸蝦仲衰過普通日料店，個烏冬超級一般

望住呢間舖頭開店排長龍到而家人龍減半，終於有機會試到。個人認為，唔使排長龍嘅都可以一試🤫若然要排隊嘅，就不值了。燒地雞手羽▫️上碟已經聞到好香！雞翼大大隻，啖啖肉！▫️炸得乾身，但內裏仍然保留juicy 的味道，唔錯！親子煮烏冬（老店傳統味噌湯）▫️即係雞肉蛋烏冬，傳統味噌湯味道夠濃，但唔係死鹹，如果鍾意味噌湯嘅朋友可以試吓。▫️雞肉切到好幼，個人覺得麻麻。▫️烏冬麵質偏硬，已經冚蓋焗咗一陣，仍然硬身。美國安格斯牛肉煮烏冬+泡菜（黃金鰹魚清湯）▫️見到唔少食評話呢個湯底太清淡，同行友人就係貪佢清清地。不過，確實冇乜魚湯味道。▫️牛肉唔係平價貨，牛味突出。▫️腐皮份量有點過多，如果有其他配菜會令到整個烏冬更加豐富。

放假陪朋友試吓新嘢🫶🏻 當日紅日，晚餐時間排咗大半個鐘終於有位。未入座前，日本藉店員幫忙派定order form🙌🏻 入座後同朋友叫同一款烏冬，店員有詢問各自偏好的烏冬質地。我鐘意硬啲，朋友鐘意淋啲。不過嚟到烏冬一樣都係淋的。匪夷所思嘅係，朋友個碗有牛肉，而我個碗就無。可能係漏咗？！同店員講，佢隔一陣就補返另上的牛肉俾我。不過個湯都凍咗少少了。考慮到輪侯時間、服務、質素、味道、舒適度、價錢等等⋯ 完全唔推薦。朋友亦表示早知就唔等咁耐。