影片
更多
2024-07-14
2218 瀏覽
第一次去新商場圍方，商場啲舖頭同平時都差唔多，之前上網睇好多人都食呢間過江龍手打烏冬，所以晚餐一於試吓佢。差唔多食飯晚時間6點已經開始排隊，都係採取人齊先可以入座嘅形式，不過就冇限用餐時間。等咗大約20分鐘就有位，裏面鋪面唔算好大，坐位都唔太多，但我哋兩大一BB車嘅情況下，門口姐姐都安排得唔錯。✨吉列豬扒烏冬，配招牌咖喱+$10睇啲人話個烏冬得幾條ja，但其實無講到咁誇張囉，普通烏冬嘅份量，同埋真係手打烏冬，食落好彈牙，唔係出街買d普通烏冬味道，可能配咖喱汁關係，食落都好飽，個咖喱汁就甜甜地，一啲都唔辣，我個人就覺得幾好食，個吉列豬扒就正常發揮囉，冇乜特別。✨蝦天婦羅煮烏冬，配老店傳統味噌呢個蝦天婦羅就賣相一般，有兩條，唔算大隻，不過就冇出邊食落咁多粉漿，但呢個湯底落個人就覺得好鹹，但我老公就話佢好鍾意個湯底，佢話味噌係要咁濃味先好食，所以都係個人嘅口味。✨日式炸豆腐都係一般普通炸豆腐，不過不失。另外要讚吓呢間餐廳嘅服務態度好好，因為兩樣食物製作都需時，佢哋都會不斷幫你fill水同埋問你要唔要圍裙怕汁醬彈到你身上，當你食完嘅時候又唔會話太要你趕住走，雖然出面好多人排緊隊😂而且係請勿靠等
商場啲舖頭同平時都差唔多，
之前上網睇好多人都食呢間過江龍手打烏冬，所以晚餐一於試吓佢。
差唔多食飯晚時間6點已經開始排隊，
都係採取人齊先可以入座嘅形式，
不過就冇限用餐時間。
等咗大約20分鐘就有位，
裏面鋪面唔算好大，坐位都唔太多，但我哋兩大一BB車嘅情況下，門口姐姐都安排得唔錯。
✨吉列豬扒烏冬，配招牌咖喱+$10
睇啲人話個烏冬得幾條ja，但其實無講到咁誇張囉，普通烏冬嘅份量，同埋真係手打烏冬，食落好彈牙，唔係出街買d普通烏冬味道，可能配咖喱汁關係，食落都好飽，個咖喱汁就甜甜地，一啲都唔辣，我個人就覺得幾好食，個吉列豬扒就正常發揮囉，冇乜特別。
✨蝦天婦羅煮烏冬，配老店傳統味噌
呢個蝦天婦羅就賣相一般，有兩條，唔算大隻，不過就冇出邊食落咁多粉漿，但呢個湯底落個人就覺得好鹹，但我老公就話佢好鍾意個湯底，佢話味噌係要咁濃味先好食，所以都係個人嘅口味。
✨日式炸豆腐
都係一般普通炸豆腐，不過不失。
另外要讚吓呢間餐廳嘅服務態度好好，
因為兩樣食物製作都需時，佢哋都會不斷幫你fill水同埋問你要唔要圍裙怕汁醬彈到你身上，當你食完嘅時候又唔會話太要你趕住走，雖然出面好多人排緊隊😂
而且係請勿靠等位期間，餐廳出面可以見到裏面真係有個日本人嘅師傅喺度整緊烏冬，
十分之有笑容，會同d小朋友互動🥰
真係冇啲人講到咁差，起碼我食呢餐飯係覺得開心🥳
張貼
