山翠熟成牛料理 (已結業)

今日去左K-11行街, 行到差唔多食飯時間朋友話不如試下呢間山翠熟成牛料理～我地見個MENU 都唔錯，所以就一於食呢間～我地叫左２個餐，餐包括沙律, 南瓜湯, 飲品及MAIN COURSE~沙律簡單，幾塊西式葉菜及少許沙律醬~南瓜湯味道濃郁, 熱辣辣, 好味~~MAIN COURSE 分別係:300日純燕麥飼養黑毛安格斯西冷扒(4週) & 2週乾熟成牛腰肉料理~300日都食燕麥既牛，再經過4週風乾熟成，牛味超香濃，肉味肉汁都重，食落去鬆化又嫩口非常，冇得輸～～而2週乾熟成牛腰肉料理秉承日式料理傳統，賣相好精緻；有五色繽紛漬物+喜馬拉雅山粉紅岩鹽;而藜麥飯有隻溫泉蛋，圍住飯既有五片厚切牛腰肉，肉味香濃唔會覺得膩，肉質嫩滑、鬆軟，有咬口感！最後仲有2杯飲品，揀左BLOSSOM - 芳香花果茶同APPLE JUICE, 2杯都好FRESH~OVERALL 價錢唔算貴, 下次可以再食下!

之前同朋友慶生，佢話想食牛所以我地就嚟左呢間食熟成牛嘅餐廳試下！熟成嘅做法係利用牛肉本身帶有的酵素破壞肌肉的結締組織，令牛肉更加嫩滑。見網上好似好多人食牛腰肉，我就嗌咗2週乾熟成牛腰肉料理。我朋友就嗌咗2週乾熟成牛骨肉料理。 話明生日嘛，所以我地就再嗌咗兩杯黑糖梅酒同朋友點名嘅烤日本芝士年糕。首先上枱嘅係跟料理嘅湯同沙律。湯入面係有牛肉嘅，但係湯嘅味道有啲似冇落鹽嘅羅宋湯，有少少奇怪。烤日本芝士年糕就好好味啦。個皮有少少燒焦嘅味道，一咬入去識勁軟！仲要拉絲！ 同放題嗰啲好唔同架！值得嗌！主食方面，我同朋友都覺得牛腰肉好食過牛骨肉。不過因為可以撈飯食嘅肉唔多，儘管個飯嘅份量好細，我同朋友都食唔哂。但係大食嘅朋友係可以免費添飯。總括而言，成餐冇乜特別嘅記憶點，水平一般。

由於因爲未食過同埋好奇心嘅驅使下今日就決定嚟到尖沙咀食呢間食熟成牛嘅專門店一探究竟😎--最後都係決定食呢個二人套餐有串燒、熟成牛扒同埋料理😆😆-沙律比想像中大份，好fresh-先嘗熟成牛肋肉串燒，味道唔錯，令我更期待跟住落嚟嘅主菜😛章魚墨魚好有咬口，過癮👍🏻-由於咩都唔識嘅關係就問左店員原來熟成牛肉係可以更加鎖住當中嘅肉汁嘅而二人套餐入邊嘅6週同埋4週我係選擇咗4週嘅店員話6週300日熟成肉眼扒9oz（+$18）既油脂味會出d而我今次揀既4週300日熟成西冷扒8oz 就牛味比較重聽完之後，就緊係試下牛味有幾重啦🤩🤩🤩-原來300日都食燕麥既牛，再經過4週風乾熟成係呢隻味牛味真係好香濃😍😍😍😍肉質嫩口每一啖咬完之後牛味仲係個口內俳佪不得了😛😛😛😛真係好好食！餐廳煎牛扒既功力都好高深😂😂果然無介紹錯！！！！一路食心入面一直覺得好彩我聽店員既分析點左呢個4週熟成西冷😋😋😋😋😋😋-料理方面，見唔少評價都話牛腰肉料理唔錯咁就一於「跟！」😎果然，牛腰肉既賣點係嫩滑既口感，鬆軟既肉質不過在我心目中，一直都被主菜既熟成牛吸引住🙈-食完呢餐，身為牛魔王既我大滿足！食到咁咀叼要食300都用燕麥飼養既牛，之

二人餐又貴又份量少，食唔飽又唔好食。沙律系生菜同埋羽衣甘藍，係人都知羽衣甘藍係是比較硬的，加少少醋生食完全係難消化兼唔好食！ 小食可揀四樣，叫咗三隻串燒（ 雞軟骨、牛肋肉、牛舌心 ）加餃子隻， 分量少兼口感麻麻，尚算合格！ 主食係叫五成熟熟成肉眼扒， 肉眼多筋，又乾又硬又細塊， 整塊生熟都十分不平均， 有啲部分，好似柴皮，有啲部分過份就生，只有少部分"霖"。最後是牛腰肉絆飯，肉的分量少，但尚算是最好味的了！二人餐沒有餐茶及甜品！！完全唔惦！

🔎 尖沙咀河內道18號K11購物藝術館2樓201號舖*📍 山翠熟成牛料理.($536 2人套餐)蕃茄豬骨湯是日沙律湯料應該熬咗幾長嘅時間,相當濃郁.真係足料足味,鍾意蕃茄嘅我完全飲哂😛沙律無咩驚喜,真心無咩味🙈不過好大碟,啱哂平日唔食菜嘅我😂牛肋肉牛脷芯煎椰菜豚肉餃子清酒純天然雞翼四選二嘅串燒,唔算好驚喜.牛脷芯比起牛肋肉出色,腍啲易入口啲,味道大家都差不多,係口感取勝.豚肉餃子🥟同雞翼都無咩特別,雞翼食唔到有清酒味🙈300日純燕麥飼養黑毛安格斯西冷7成熟正常肥瘦,肉質非常有嚼勁,唔會好肥膩.每啖都鮮甜多汁,非常入味.牛腰肉料理7成熟嘅牛腰肉,都係正常肥瘦.配埋熟蛋.感覺好豐富,雖然牛腰肉味道唔算濃,但聽講呢個部分算係牛中比較名貴.肉質比較鮮嫩,仲配埋藜麥飯.配飯非常很下飯😋而且仲可以再添加飯,唔驚會唔飽😛#entrytsimshatsui

今天同好友聚餐，試試新開的熟成牛餐廳。餐廳位於尖沙咀的K11，裝修以簡單的自然木系為主，簡單清新，滿有曰式料理店風格。這兒餐點選擇唔多，有沙律、料理、主食、小吃和串燒，價格由$18-$328。 大家都不想費神，就點左兩個二人餐share.$268(每位）。每個套餐有湯、沙拉、小吃/串燒4款、熟成牛排和山翠料理1款。先來山翠手工湯和和風沙拉。山翠手工湯帶有濃厚的蕃茄風味，口感稠密而滑溜。和風沙拉的沙拉汁是柚子風味，沙律菜很新鮮。鹽水枝豆、烤芝士竹輪、熟成牛肋肉和煎椰菜豚肉餃子這四款前菜味道唔錯，但沒有驚喜。枝豆由鹽水煮過，而咸味唔太突出。烤芝士竹輪的芝士幾甘香，配上魚肉竹輪，味道ok. 熟成牛肋肉燒得比較乾身，帶少許鹽燒風味，口感稍為硬，帶一點嚼感。椰菜豚肉餃子的餃子皮很薄，椰菜餡比較鬆散，帶一點鮮甜味。阿波清酒純天然雞翼、阿波原粒雞心、雞軟骨、牛脷芯這純天然雞翼是曰本風味的那一種，燒得比較乾身，然而雞翼的肉不多，適合送酒。阿波原粒雞心口感Q彈，比較爽口。雞軟骨口感脆而不硬，十分香口。牛脷芯肉質軟身又帶一點嚼勁，而且燒得唔乾，不錯。6週300曰燕麥乾熟成肉眼牛扒9 oz (+ $18)這

是日又黎到K11搵食，今次試吓呢間山翠熟成牛料理，主打自家熟成肉類，呢個主題外面確實少見，果然夠吸引！午餐時間都算人多，成間餐廳坐滿哂。午餐除左牛，仲有豬有魚，選擇好多！價錢算正常。環境好日系，好似去咗食日式料理咁。開頭以為午餐個前菜係三樣嘢揀一樣，蕃茄豬骨濃湯，和風沙律或煎餃子，但原來番茄豬骨濃湯係一定有既，只係選擇和風沙律或餃子，我哋兩樣都試哂。蕃茄豬骨濃湯👇🏻正常啦，唔係特別出色。青菜豚肉餃&和風沙律👇🏻餃子意外地好食，估佢唔到。沙律略嫌細碟，同埋啲菜係一大塊，只係簡單幾塊菜放埋一碟，加啲和風沙律醬汁。主角嚟喇，雜錦熟成牛肉料理$158👇🏻走飯，配溫泉蛋。雜錦即係：牛脷，牛骨肉，牛腰肉。朋友食完第一舊牛脷，話：”係得嘅”，好食。就算唔要飯，份量都好夠！👍🏻除咗牛，我哋試埋佢嘅豬：燒胡椒黑毛豚肉扒$128👇🏻跟藜麥飯。正常好味，同牛肉比豬係差少少，但唔差嘅。煮得好淋，調味好夠。藜麥飯出奇地好食，食得到係日本米！好食到我食晒成碗飯！😍唔記得可以添飯，唔係我一定食2碗！餐飲配蒸漏咖啡或是日花茶-玫瑰花果茶👇🏻我哋兩個都揀咗蒸漏咖啡，係日式咖啡嘅味道。好飲。叫完先知可以揀凍飲...以呢個

復活節假期第一日，去了尖沙咀K11開餐。這個商場以購物藝術館作為招徠，應該都是香港第一個。商場室內地面首層有一個固定空間，長期安排了小型藝術展，而且定期轉換主題，保證帶給客人新鮮感；室外更加規劃了一個有蓋露天空間，開放予公眾作為休憩用途（雖然可能只是市區重建的地契條款），所採用的綠化設計併入了舒適休閒風格。概括而言，整個商場的規劃雖然是商業主導，但刻意加入了可持續發展及以人為本的概念，有別於香港其他純商場項目。商場內當然有多間食肆，但細心留意就不難發現，大部份餐廳皆並非一般的連鎖集團食肆，似乎商場宗旨就是盡量引入個體經營餐廳。一來突顯商場的藝術購物館概念，食肆也是獨特而有品味；二來，這種人冇我有的特色，也是一個吸引客源的有力誘因。今次就揀了開業未夠一個月的「山翠熟成牛料理」。餐廳位於商場一個不太起眼的位置，加上門面裝修低調；如果不是刻意留意，好容易就會路過而看不見。近門口位置有點三尖八角，並不好用；索性僻成一個展示架，擺放本地藝術家的手製陶器寄賣 ⋯⋯ 似乎餐廳老闆相當支持本地陶器藝術家。餐廳以「料理」兩個字為名，差不多等同開宗明義是日本菜餐廳。裝修風格同樣是東瀛風味，以本材為主要裝修

感覺呢間餐廳係當客人狗咁玩，十分失望也很生氣😞！特別係我仲帶咗媽咪去食，以為係啲咩正野，點知食到一肚氣！酒店價錢但係就玩弄信仼你既客人，我嗰個牛腰肉叫還好，媽咪嗰個牛腰頂脊肉真係離哂大譜！唔通7塊薄到紙咁既牛肉入面，有3大塊係肥膏就係高質素？我敢講呢3舊肥膏比我地碟上既仼何一件肉要厚。整碟菜式既分量少得可憐，大家都睇到，一拮串隻蛋黃，個飯就已經俾隻蛋覆蓋有餘。佢地話可以加飯，即係佢地明知道分量唔夠架啦，牛肉雖然好食，但牛肉分量又係少之又少，唔通係要加飯既客人食白飯？向職員查詢有關肥膏既問題，佢竟然回答肥膏係bonus，呢啲肥膏燒過之後會有爽爽地既口感，係師傅特地為客人加既？！再問職員自己會唔會食嗰堆肥膏，佢自己都老實講唔會啦，咁究竟間餐廳當客人係咩呢？水魚？前菜既所謂濃湯又係令人火滾既位，根本就係蕃茄汁加水，完全無味。餃子應該係全餐最正常最好味既野，我諗應該唔係佢地自己包架啦。公道講幾句，佢地既牛肉調味確係唔錯既，環境舒適而侍應服務都良好。但咁樣對待客人，的確好難睇到你地會有長遠發展，客人係食得出你既心機既，唔係隨便搵幾個人氣food blogger幫你寫幾句就以為間餐廳高人氣咗會做得

食咗肉眼扒，佢切咗幾舊噤上，食咗兩口之後發現係一半根本唔係肉眼，係完全兩個質感😡你唔係覺得啲客人食唔出下話？三百蚊食牛扒唔係貴，如果成本係問題的話，你將個價錢set高啲呀嘛，唔好俾啲西冷扮啦。其他嘢食都ok,牛舌係好食既。但你呃人呢下真係唔得。

去餐廳點熟成牛普遍價錢較高，如果想初體驗熟成牛，這間不錯啊👍🏻 可以平民價享用熟成牛✨。推介2週乾熟成牛腰肉料理，份量適合女士享用，伴碟很精緻，肉質好嫩滑帶淡淡牛肉香味，配上溫泉蛋汁令口感更滑😋 另一款300日純燕麥飼養黑毛安格斯肉眼扒也很不錯！純燕麥飼養令營養更豐富和蛋白質更高，吃起來油花分布平均，肉味更香濃，不用沾醬汁也好吃🥰。其他小吃和串燒都不錯，喜歡日本年糕的話一定要吃烤年糕，好有驚喜好好吃😆

第一次幫襯一坐下就點餐，伙計仲重覆一次滿心期待我嘅E餐等咗半小時，除咗一杯茶就乜 都冇以為沙律同湯會跟主菜一齊上又以為製作需時加上唔趕時間亦無謂趨呢個時候隔離位入座點餐後唔洗5分鐘即上湯及前菜一問之下，原來伙計完全冇落單🔥🔥🔥🔥🔥即撇！😡😡😡😡😡😡😡

🥩 6週熟成300日肉眼扒 $328經過熟成嘅牛肉, 去除左牛肉嘅結締組織, 肉質非常軟嫩 牛肉嘅肉味亦經過時間而變得更飽滿同集中 🥩 2週乾熟成牛腰肉料理 $158中意肉質軟腍嘅話可以揀呢款牛腰肉 肉味軟而肉汁滿溢 牛腰肉雖唔及肉眼濃肉味 但配上藜麥飯同溫泉蛋係天作之合 而且價錢更加相宜 幾抵食!食日式熟成牛同西式有啲唔同 嘗試唔用mustard或其他西式醬料 試試用岩鹽、山翠自家製醬料、甚至wasabi 可能會有驚喜啊山翠熟成牛料理 地址：尖沙咀河內道18號K11購物藝術館2樓201號舖

A newcomer at K11 Art Mall - SanSui Aged Beef Bistro, nestled inside a quite hidden area at 2/F of the mall. The Bistro offers an impressive selection of in-house aged beef at an affordable price. In here, you’ll get to enjoy in the relaxed Japanese dining vibe with high quality dry aged steak.⏺300日純燕麥飼養黑毛安格斯西冷扒（HK$298/8oz)Using 300-day old Oat Fed Black Angus Beef, dry aged for 28-day, as a result, the Sirloin becomes more robust, intense and pronounced. Price-wise, $298 for 8oz dry aged beef,

見食評中全好評，就諗住一試，但食物質素只可以「極普通」嚟形容。兩人晚餐點了：1️⃣日本味煮牛蒡 - 3/5 ✏️味道普通，緊緊合格 😶2️⃣300日純燕麥飼養黑毛安格斯西冷扒 - 2/5 ✏️2/5  -  肥瘦不均，肉汁欠奉，牛味不夠，以$298 for 8oz, 完全唔合格 🥴3️⃣ 清酒純天然雞翼串燒 - 2/5✏️又話燒雞翼，但完全唔脆𠺢喎 😣4️⃣ 沖繩黑糖梅酒 - 3/5P.S. 全晚1.5 小時左右，前後坐了兩枱食「免費餐」的KOL，所以睇食評要小心分辨真假 🤫