山翠熟成牛料理 (已結業)

和朋友每人點了兩款午餐。一個係牛加溫泉蛋飯 ，另一個係三文魚飯。小食方面，每人兩隻餃子，一個湯及餐飲。兩個餐的味道可口，牛肉嫩滑，三文魚煎得香口。埋單共大約$250

最近想食肉，行k11發現咗一間開左幾個月嘅熟成牛專門店🐮🐮日式簡約裝修，平日夜晚靜靜地好舒服🌾🌿嗌咗燒牛腰肉料理，肥瘦平均，入口較嫩，配搭玫瑰鹽或者蒜蓉已經可以👍🏻  簡左生蛋配白飯，白飯仲可以任添嫁！另外嘅4週燕麥飼養熟成西冷扒，肉味較濃，三成熟煎得剛剛好，入口較有質感。 配飯食或者單食扒都好有滿足味 另外仲嗌咗燒帶子，味道未算太岀眾，始終主打食牛肉，但亦唔會無鮮味，正正常常食肉獸們都應該會中意依到😋

嗌左個二人餐。但唔知邊d有2份邊d得一份。沙律同湯係正常。串燒：二人餐本來應該平均分，d串燒又唔係貴，一人得半串，仲要係單數。好心就大方些少。講真，燒芝士獅子狗唔好同我講好貴囉！雞軟骨正常，牛脷有筋唔爽，牛肉好食，獅子狗正常。主菜大塊肉眼都好有牛味，有d肥膏，但就有d筋位要吐走。有個飯果幾塊牛腰肉真心少。我係女仔都唔夠飽。飯就仼添，可惜無餸點食飯呀？真係食白飯？最尾無甜品又無野飲....268/head, 都500幾蚊。因為嗌二人餐所以無OpenRice 9折。最尾要落樓下再食野.....下次？不了。

山翠熟成牛料理- dry aged兩週熟成牛腰肉平民價錢食熟成牛，lunch 去左試下K-11入邊呢間專做熟成牛既餐廳. Lunch Menu都有好多唔同部位既熟成牛set. 先來一個蕃茄濃湯，飲落有點怪～麻麻地，飲落唔似湯跟餐有兩件餃子， 皮薄，味道唔錯～牛既份量唔算多，男仔應該要食兩份先飽LOL唔知係咪期望太大，我覺得味道唔算突出，熟成牛比較乾身肉汁唔多但牛味算濃正常腰嘅部位比較軟身但其中兩幾牛有點柴 

談起乾式熟成牛，這幾乎都是高級餐廳的主流。而這家餐廳除了出名以親民價享用優質牛外，自家乾式熟成亦是其賣點。因要與客人飯聚的關係，特意選了這家地段方便，旺中帶靜的餐廳晚膳。重點是食物不失禮之餘，亦是可接受的價格範圍，環境清靜是見客的好地方。點了一份二人套餐，包括手工湯、沙律、４款小吃，１款熟成牛，１款山翠料理。看似得幾款食物，但其實飽肚到足以捧住肚走！。山翠手工湯及沙律：主菜前暖暖胃，味道不過不失。小吃：一上碟已令人感到有驚喜！我們分別選了（１）烤芝士竹輪；　熱騰騰，一咬即有芝士伴隨流出，正！（２）麻醬大蒜秋葵；這個勁力推介！本身喜愛秋葵的我，一般都是用水焯熟就食，但原來此種食法亦非常好味！（３）牛脷芯；牛味香亦有咬口（４）煎椰菜豚肉餃子。餃子一向都是我的最愛，所以不得不點！山翠料理：這個我們選了七味燒西班牙黑豚肉料理。這家除了牛好得之外，豚肉亦令人喜出望外！除了賣相非常吸引，豚肉的肉質非常嫩口入味，不得不說正！！乾成牛：選了６週３００日燕麥乾成肉眼扒。何謂乾式熟成 (”Aging”)？食之前亦做足功課，據知是因為牛隻剛被宰殺後的幾個小時後，肉質會由鬆弛變得僵硬，而熟成過程則可以破壞肌肉

經同事介紹，嚟到呢間食午餐，話說有同事連續食咗三日🤣 到底真係咪真係咁吸引，等我又試吓先。間野雖然係K11商場, 但係商場嘅角落位，算係比較難搵，如果你平時淨係行街根本就唔會發現呢間野。Lunch Menu有好多唔同嘅牛部位俾你揀，而我就揀咗雜錦熟成牛肉料理$158，一次過可以試晒所有Menu上嘅唔同部位嘅優質牛牛🐮淨係睇賣相都流口水，雖然份量係少啲，但牛嘅質素絕對唔輸蝕比高級扒房，牛肉十分嫩口，又juicy. 我就最鍾意牛腰部份雖然份量就少咗啲，但勝在有質素，少食多滋味，如果男生唔夠飽的話，可以免費添飯哦。

在K11找到一家新的餐廳，主打熟食牛料理，更特別之處是，是日式熟成！ 這餐廳跟旁邊的其他餐廳一樣，都是採用簡約但美觀光亮的風格作裝潢 如果單點熟成牛排也滿貴的，叫套餐倒是滿抵吃，每位只要＄３００左右這裡的湯有像西式羅宋湯，不過比較濃，裡面有一塊豆卜而雜菜沙律則是超ＦＲＥＳＨ！菜的份量很多也很爽甜。四款前菜： 麻醬大蒜秋葵：非常健康，份量也是前菜中比較多的，口感黏滑美味。 牛脷芯：爽口彈牙，加點鹽跟檸檬最好 熟成牛肋肉：果然是比一般牛肉香味更濃 椰菜豚肉餃子：爽口又軟稔的日式餃子４週燕麥熟成西冷：簡而精，放進熟成櫃４週的牛排味道比普通牛排濃郁一倍，而且這牛排的脂肪不多，煙韌有勁，愛牛者必試另外有少量鹽跟鮮蒜頭，帶點辣勁的鮮蒜頭非常濃烈，跟牛排出奇地夾燒牛後腰脊肉料理　藜麥飯　溫泉蛋這個牛後腰脊肉比西冷的還少些筋，入口軟稔，加上有口感的藜麥飯跟流心溫泉蛋，可說是一流

現在想食有質素的牛扒，不一定要去傳統扒房咁悶，新派食肆都可以自設熟成櫃，例如今日我搵到一間位於K11的和式料理店，名叫山翠熟成牛料理，聽個名就知道主打優質牛，難得食物造型顏值亦高，真是一頓賞心悅目的午餐。新派牛扒店，和式裝潢設計，以木為主，加插花卉及碗瓷作點綴。設置酒吧，新鮮啤酒有售。午市料理百多元起，而$268x2的二人套餐正適合我們，因為同時可一試招牌熟成牛。套餐包括山翠手工湯及和風沙律，基本簡而美，湯內的洋蔥先炒香，心思好主意，味道提升。小吃項目可選四款，麻醬大蒜秋葵、牛脷芯、熟成牛肋肉及阿波清酒純天然雞翼，都是心機細作，燒得恰到好處，調味適中。牛扒熟成時間越長，牛肉味道就越濃，既來之，挑了餐牌中最好的6週300日燕麥乾熟成肉眼扒，多加$18不成問題。肥大半圓的牛扒，配合整齊漂亮的坑紋，見到已經誘惑，五成熟是最佳狀態，肉質鬆軟，味道香，配燒汁錦上添花。山翠料理六選一，有點花多眼亂，聽說燒牛骨肉料理是招牌，就此決定。燒牛骨肉配上蕎麥飯及溫泉蛋，簡單的擺盤，清新脫俗。流質蛋黃倍增潤澤，蕎麥飯一點也不粗，牛骨肉香嫩，同樣配燒汁，完美的組合。最後的美式咖啡及玫瑰花茶作終結。開店於藝術館場

本來滿心期待打算吃dry aged 牛肉，特意叫了二人餐，可是剛上一碗湯就在我滿腔的熱誠上澆了一壺冷水。所謂的洋蔥湯，跟洗鍋水沒什麼兩樣，就跟自己在家裡把洋蔥炒焦了以後，要洗鍋一樣，完全沒有洋蔥的香味，只是一鍋很油的水。前菜選了餃子、牛脷芯、熟成牛肋肉、雞軟骨，四道前菜除了牛脷芯很爽，有牛味外，其他的毫不出色，牛肋肉也是沒有牛味，雞軟骨倒是雞味濃郁，餃子很一般。加了錢吃草飼肉眼扒，五成的牛排如果不是上面有些grill marks 我還以為是水煮的，說好的乾熟成牛肉，真的一點牛味都沒有，只有煙燻味，沒有油香、肉質非常粗糙，坦白說，我在菜市場買一塊75塊的牛排放在冰箱裡自己dry age幾個小時，牛肉味都比他們家的重，真的很失望。整頓飯約吃心情越差，簡直在往肚子裡塞垃圾，浪費錢浪費時間浪費quotas。

從飲食雜誌得知K11開了熟成牛料理，百多元就可以品嚐到自家熟成牛，比西餐的乾式熟成更加便宜。山翠熟成牛料理位於K11二樓頗入位置，如果不是細心尋找很容易看漏眼。餐廳裝修很簡約，淺木色加上乾花點綴，感覺上很有襌味。餐廳有二人套餐或散叫，套餐已經配搭好，可以不用煩惱。洋蔥湯洋蔥湯估計以牛骨湯做湯底，加上洋蔥絲將鮮甜味迫出，洋蔥絲香濃腍甜。和風沙律沙律菜新鮮爽脆，用上和風汁輕輕調味。粟米豬肉餃 牛脷芯 熟成牛肋肉 鹽水枝豆小食串燒可以任揀四款，日式餃子焯熟後淋上醋汁，粟米豬肉餡鮮甜美味。牛脷芯應該是牛舌中心部位，肉質爽脆嫩滑。熟成牛肋肉肉味香濃，如果切成較大件，肉汁應當更加豐富。枝豆高纖健康有益，可平衡一餐中的膳食纖維。6週300日燕麥乾熟成肉眼扒9安士七成熟的肉眼扒很對板，血水已收又未至於過熟。肉眼使用熟成方式處理，肉汁得已保存，肉質比一般牛扒有咬口而肉味更香更濃。肉眼份量很大，兩人共享剛好。燒牛腰肉料理 藜麥飯 溫泉蛋此菜色擺設得很美，溫泉蛋放在藜麥飯上，旁邊綴上牛腰肉，碟邊分別放上岩鹽、蒜蓉、芥末、酸薑及蘿蔔漬，牛腰肉可以沾上不同配料，或拌上溫泉蛋藜麥飯一同食用，品嚐不同風味。

今日去k11 行街，因為朋友介紹有間是專門食熟成牛！是指吊掛且經過幾個禮拜風乾後的牛肉。因為這個處理過程需要牛肉內富含豐富且均勻分布的脂肪。乾式熟化的最主要效果是讓牛肉本身天然的風味更佳集中與飽和。我們兩個人點了一個兩人餐！沙律湯～洋蔥湯小食～七味章魚；餃子；燒牛利心；牛肋肉另外再左個八爪魚燒餅。和芝士釀雞翅小食都好好食味道都剛剛好主菜～熟成左300日的肉眼扒肉味香濃，質感細滑入口就化了😘👍🏻👍🏻主食～牛後腰脊肉藜麥飯另外再點了一個牛肩肉燥藜麥飯兩款飯都好好食肥瘦剛好肉味和油香平均得剛好，藜麥飯又健康！可以減輕邪惡感！🤫總結味道～小有在外面食到咁香濃的牛肉，因為熟成的工序比較煩複！環境～日本風格的小店！舒適👍🏻價錢～合理，都將幾低食！

行過尖沙咀K11商場，突然有間熟成牛餐廳映入眼簾，諗諗吓🤔其實熟成牛我就聽得多，食就未食過🥴，所以趁著呢次緣份就決定試試佢！作為選擇有困難人仕，最怕menu花多眼亂，見到有二人餐（$268/位）就決定食佢，喺個框框下，好揀好多🤪🤪首先拎上嚟係湯同沙律，湯係豬骨蕃茄湯，十分足料，濃濃蕃茄味🍅🍅🍅個沙律夠哂凍，好爽脆！而串燒小食就叫咗熟成牛肋肉丶牛脷芯丶阿波清酒雞翼&雞心，串燒整體質素好高👍🏻而最令我難忘就非牛肋肉莫屬，有三大塊，滑嫰多汁，直情成口都係😍而牛脷芯亦都值得大家食吓！之後終於到熟成牛排🥩，我揀咗4週300日燕麥飼養安格斯西冷 8oz，五成熟😚雖然望落唔似，但肉質一樣嫰口，而啲牛味的而且確比平時更多，啱哂啲牛魔王食🙌🏻仲有一樣係，店家會切開啲肥膏擺側邊，呢啲邪惡份子😈無論夾牛排定撈飯食都充滿罪惡感🤤🥴最後都有個飯食，千辛萬苦揀咗燒牛後腰脊肉料理，跟藜麥飯配生蛋😚完全估唔到牛後腰脊肉係咁好食😍😍睇落冇乜肥位，但好鬆軟，直情似食棉花糖咁😳而個飯再加生蛋黃，簡單天作之合😚👍🏻從佈置到食物，完全感受到店家既誠意，下次有fd想食牛排，我一定會推介呢間俾佢地食😘

欠缺誠意既熟成牛肉料理K11最近似乎大裝修，唔少店舖都移位轉舖。今日見唔太餓，決定試下呢間sale自己熟成牛肉既日式餐廳。食之前都有哂心理準備：份量較輕盈。所以叫定串燒會穩陣啲.....點知出事啦😖👵🏼老婆問：我想問咩係「牛肉眼芯」？🤷🏻‍♀️女待應答：「唔好意思，我唔係好記得」🤷🏻‍♀️女侍應走入廚房問，廚師就答👨🏼‍🍳：（問咩牛肉眼芯啊？）「9吹咪得囉！你出去睇圖啦！」女侍應開始焦急🏃🏼‍♀️，向另一位男侍應求助。最後，女侍應滿有自信咁答我🙆🏻‍♀️：「牛肉眼芯其實係牛眼周圍既肉」👵🏼🔜😑🔜😡🔜🤬我雖然唔識日文，但我都嘗試用唔同方法去了解咩係：「牛肉眼芯」應該是rib eyes 中心部分(肉眼中心部分囉）😑最終，我同老公食完三碟野就走1）牛舌串（薄切，好韌）2）雞軟骨串（外面入貨，正常水平）3）芝士年糕（口感挺特別，似饅頭包著啲芝士）最終我地埋單後搵老細了解今日既事。答覆係：因為最近換左廚師👨🏼‍🍳唔好意思......查實，一個廚師連自己煮既肉都唔知咩部位，請問仲稱職咩？Good luck

普通牛肉，西冷扒就食得多啦，熟成牛真係第一次食，肉味比較重肉汁也比較多.在K11的商場內十分方便也鄰近多個大型的商場，地點已經贏晒啦.晚上就有dinner set ,lunch就有lunch set有不少選擇.食店都是主打特別的牛料理，不同的部位不同的位置有不同的口感.set附上一個清新的沙律十分開胃.蘋果汁來自日本的也十分好飲.愛熱飲的人士也可以叫花茶也比較健康.牛肉的份量十分多，肉味和普通的牛肉有十分大的分別.牛腰的部份也是十分香滑.水準十分之高.

自從喺日本食過一次熟成牛仔後就深深愛上咗呢一種咁特別嘅菜式 呢一間餐廳係位於k11 專門做熟成牛料理嘅餐廳一入到餐廳個環境就非常有和式氣氛 充滿著素色嘅木製傢俬加上 草同木嘅配飾 令到我置身優雅同舒服嘅空間而餐牌上最令我感興趣嘅當然係熟成牛嘅料理 所以我同友人一齊嘗試咗一份二人套餐 (當中包括 四款串燒小食 一款山吹料理 以及一款熟成牛扒料理)二人套餐附送一份 前菜同埋餐湯 餐湯係蕃茄牛尾湯 味道非常濃郁 前菜係一份沙律 配上醒胃醬汁 非常開胃😊小食四款 - 牛脷芯 熟成牛肋肉 烤芝士竹論 多春魚🍢牛脷嘅生熟程度同埋味道都恰到好處 幾出色熟成牛肋肉係用上餐廳招牌熟成牛 牛味好濃郁 同埋調味非常到位烤芝士竹輪 外層脆卜卜入面係流心芝士好好味熟成牛扒 - 6週300日燕麥乾熟成肉眼扒 9oz (+$18)🥩終於上主菜我最期待嘅菜式 - 熟成牛扒賣相非常美觀擺碟好靚 旁邊配有 青豆蓉 酸薑 岩鹽 等等嘅調味料配合返自己嘅口味 餐廳亦都自己調配咗一種熟成牛肉醬 甜甜地可以更加得出牛肉嘅味道整道菜式都毫不吝嗇 足足有四大件熟成牛扒 每一塊都煎到啱啱好五成熟 牛味好香濃 質感軟滑 食落唔會有筋 係