峰壽司魚屋

營業中

休息中

坐吧枱位可以直接見住師傅整壽司都幾正😂手勢好專業 見到有個應該係大粒啲嘅師傅 將相對不太好質素嘅食材會取捨走去 (見到表示十萬個安心入口嘅野)。🔺特長海鰻魚壽司好吸睛 入味肉質好正😋🔺🌟🌟🌟100分推介係金箔海膽 真正做到入口即溶😭油香又唔會搶左陣味😫$40性價比高！完美😎🔺每次去到日本餐廳有芥辣八爪魚🐙我都會叫 因為要好味真係要新鮮同調得好😋呢個我比8分 係wasabi味有d過左☹️🔺叫左夏季期間限定嘅火炙金目鯛 個味幾特別 有厚度有質感有咬口☺️🔺最後個沙律$58好抵食 都幾多份量嘅魚生 仲有帶子🤤。食到飽到嘔😂下次要食埋嗰個抹茶大福😋😋PS 夜晚都多人食 預早dd去拎飛

峰壽司魚屋Toyota 位於荃灣廣場，是一間䇄立於荃灣的老壽司店，因為他的出品很有水準，保持穩定，使顧客再回頭幫襯的原因。今日天氣很熱，叫了一個豆腐沙律來清涼一下，伴碟的蔬菜很新鮮，豆腐加上胡麻醬又是幾好的選擇。特上夀司盛(2人前) 份量十足，有三文魚、左口、帶子、魷魚、三文魚魚腩、甜蝦、三文魚子和玉子壽司等，一次過吃到多款口味，新鮮超值。龍之卷 及 軟殻蟹卷 很好味，值得推介。

峰壽司的午餐也是第一次來食飯，原來也有八款選擇。迷你鰻魚飯＆牛肉烏冬，沙律。賣相幾好的，牛肉烏冬是薄薄的牛肉，烏冬幼身，有日式魚蛋同昆布，清甜，沙律是青瓜車厘茄椰菜絲粟米，好味喎。鰻魚飯不是好大碗，薄身的鰻魚有六七件，唔腥，飯上有好多蛋絲。好好味！壽司盛，壽司有帶子，三文魚，醋鯖魚，飛魚子，北寄貝沙律，峰玉子。蛋峰壽司的賣相可以再好d。味道就是正常，不是好凍的。同事初初說烏冬一般，但塊腐皮好大好厚好味。過了一陣，她說烏冬也好味，唔係hea的。壽司盛，壽司有三文魚腩，油甘魚，千尋海老，魷魚，海鰻魚，蟹柳，飛魚子，北寄貝沙律，炸蝦手卷，麵豉湯，沙律。壽司都好夠飽，都算新鮮，蝦爽甜，鰻魚唔腥，炸蝦手卷放耐了，所以有d淋。麵豉湯好多海帶，不會好咸。好味呀。

佢d壽司一夾就散 散到個豉油碟好多飯坐過吧枱 佢地係每身有個盒整定一舊舊壽司飯 然後同經理講 佢就拎住我張單去同師傅講 跟住佢地即場握飯 之後黎既壽司就冇散開喇d飯其實以前峰壽司一開頭做得幾好一多人幫襯就越做越差咁

今日同嫲嫲想搵個地方坐低慢慢傾下計，四圍都好多人，係峰壽司比較靜，就揀左呢度。落左單野食好快就到，嫲嫲最鐘意就係依度既火炙壽司，貪佢個面夠多沙律醬。呢度有兩款鰻魚壽司，厚燒個隻好好味。三文魚腩油脂豐腴，又夠厚身，正！特別想推介呢個蟹三味壽司，入面有一件松葉蟹腳壽司，一件蟹肉軍艦同一件蟹膏軍艦。三件都好鮮味，食得出蟹肉係新鮮既。 蟹膏好香，最後仲encore左一次。埋單都係百幾蚊，其實佢有lunch set揀會仲抵食，不過覺得單點過引d！

雖然喺屋企附近，咁耐以嚟都未食過峰壽司，因為朋友邀約就嚟試下一試發現好驚喜，估唔到喺香港以咁低價錢都可以食到咁高質嘅壽司壽司飯同醋嘅比例剛剛好，飯軟硬適中，亦唔會太凍或者太熱啲料每一款都好新鮮，刺身有鮮味鰻魚壽司係其中一款最推介，鰻魚燒得好靚，加埋個鰻魚汁超好味軍艦亦好好，紫菜好脆，亦好足料，由其是蟹膏軍艦，蟹膏夠多，味道好香濃，食完成口蟹味叫左勁多，埋單每人約二百蚊，質素拍得住喺日本食咁，抵食好食！

不論星期一至日，一到晚飯時間，峰壽司都會好多人排隊今次我地都唔例外，拎左飛，慢慢行去GU一田行下街先再番黎，咁就岩岩好有夏の極既menu，點左夏の三文魚盛好厚既三文魚肉，但唔係靚既部位，唔算特別肥美鰻魚の蒲燒卷、最出名的龍の卷鰻魚の蒲燒卷比較有豐富口感，因中間有青瓜這個卷物更好食峰玉子壽司，平時即叫即整的，玉子會熱燙燙，但今次凍曬，玉子已經變成普通蛋，很可惜北寄貝壽司：鮮甜彈口👍🏻吞拿魚手卷：食到最底都有吞拿魚，CP值高炸三紋魚鰭：炸粉多咗少少，三文魚唔滑炸墨魚咀：炸粉同樣厚，但墨魚咀爽口都算是值得等待的一餐！

星期五成班同事出去食，點知大家都like的E餐居然售馨A. 壽司盛 $58果件白色魷魚刺身壽司咬唔爛三文魚飯套餐這不是午市套餐，餐湯明顯多油揚，連沙律醬都較多芝麻汁。若非無 E. 蒜香三文魚飯 $58，乜不用俾多幾十蚊。B. 壽司盛$68手卷要食先 or 本身紫菜已經林左。D. 壽司盛 $88蟹糕好正

今日約左舊同事係荃灣廣場食lunch 1點鐘真係好多人我地兩2個人都得左二十分鐘就算有四人位，佢都係比左四個人入座先（哪怕四位客人是遲我們勁多取票）我地極速睇定叫咩餐，入座後即點我叫左個午餐Set B 再加$18有迷你烏冬大約10分鐘就有啦先黎烏冬可以食住先之後就到重頭戲啦我最愛的壽司不過今餐真係食得比較趕但整體食物質素都不錯今日午餐總費用$94.60

今日去完荃灣整蛋糕，好肚餓，就無特別搵餐廳。於是，是但入左一間峰壽司🍣想食日本野。入到去已經超級肚餓，就係ipad 度按左一個迷你天婦羅烏冬、迷你火灸三文魚飯、蒜香蜆。點知等左成廿分鐘都未到😪😪😪飽到都暈暈地。催左單之後，再等多十分鐘先有！救命，已經好耐！一試個烏冬，無咩特別，正正常常醬油湯底，加另上一碟天婦羅🍤天婦羅唔算話好脆，但都還可以。反正肚餓，食咩都係咁。之後，食晒成個天婦羅烏冬，朋友個火灸三文魚飯仲未黎，又再催單！之後上埋，朋友話幾好食，我就試左淡。個飯幾黏，唔會話個飯係冰箱拎出黎未解凍咁凍哂！三文魚就不過不失。最驚喜既係碟蒜香蜆，真係連汁都飲埋咁濟！加蒜之後，d蜆肉好入味，蜆肉唔算大粒，但起碼無空殼先！40幾既價錢黎講，算唔錯了！值得一試！👍🏻👍🏻最後唔夠飽😂😂又試多個炸墨魚同埋三件壽司🍣炸墨魚上碟時係剛剛炸好，熱辣辣，但就無岩岩蒜香蜆咁惹味🤭而三件壽司塊紫菜「un」到不得了 😑😑明顯用cheap cheap 紫菜。最好食算係吞拿魚壽司🍣入口即溶

荃灣這一間峰壽司，座位舒適，星期一至四不用排隊就能輕鬆入座！價錢不算太貴，加一服務收費！蛋壽司、蟹盛（三款蟹壽司）、鯖魚壽司、芝士焗蟹蓋都保持水準！喜歡吃薑的，可以叫侍應，佢地會給你一碟，包你唔會失望，因為都好多！

作為一個荃灣人，一想到要食壽司，就會即刻諗到要去峰壽司。峰壽司係我心入面係最高分嘅壽司店亦都係我最常光顧食晚餐嘅餐廳之一。峰壽司位於荃灣廣場4樓，又近西鐵站，係荃灣港鐵站行過去亦都好近，位置好便利。因為呢個原因，我經常約朋友去食壽司。今次同3個同樣係壽司愛好者嘅朋友行完街之後食。我地3個人大約7點鐘到，等左15分鐘就有位。餐廳好先進，可以用平板電腦點食物，如有需要，在場亦有侍應幫手下單。入到餐廳坐低，我地就即刻點野食，由於太肚餓嘅關係，我叫左盒2人三文魚盛再另加壽司。唔好睇佢盒三文魚盛係比2人份量，但其實份量多到足夠3-4人食。三文魚盛（$198）盒入面除左有好多唔同嘅三文魚壽司外，仲有6塊刺身，而且件件都好高質👍🏻👍🏻👍🏻我最鍾意三文魚明太子花之卷壽司，明太子鹹香，同三文魚味道好夾，食完好想再encore 😋😋😋雖然全盒都係三文魚做主食，，件件都好有份量，但完全唔會覺得厭同膩！我同朋友食到捧住個肚走😂😂😂峰壽司真係百食不厭，每隔一星期就會約朋友再光顧😝

🥰又食峰壽司上次食完午餐 覺得質素幾高 就黎試下晚餐單點價錢可以接受 不過人龍有啲長 但值得一排.吞拿魚三重奏啊💕好幸福雖然未去到日本食個種肥美拖羅口感但味道都真的不錯 略有魚香.細鰻魚飯🍚份量都幾多不過鰻魚有啲骨 肉是厚身的 三大舊仲有好多汁撈飯🙈如果冇骨就完美啦.蟹蟹蟹🦀三款口感分別係蟹棒 蟹肉 蟹蓋 好鮮甜最正一定係蟹蓋 不過咸左少少.炙燒鮭魚 元貝 左口魚🍣大愛炙燒系列油香出哂黎🤤加上微微的燒汁同燒香的外層

前排新聞出左香港好多壽司店啲壽司有蟲又有重金屬，好彩睇左選擇發現峰壽司好安全，即刻約個friend出黎食下壽司先～😍一直都知峰壽司多人食，所以已經六點半去食，點知都等左大半個鐘🤦🏻‍♂️七點三度終於入到去！即刻叫左個春の三文魚盛食下先！個三文魚卷真心好好食，我本身已經好中意食海膽魷魚，加埋落壽三文魚卷真係好正！其他三文魚壽司都好特別，加左配菜啲壽司口感好左。跟著有三點刺身盛，無咩特別，反而壽司好食啲。因為個三文魚卷太好食，叫多左個再食，點知第二次叫細件左，啲海膽魷魚又少左...好失望...另外叫左櫻鯛盛，啲櫻鯛比我想像中淡，不過口感好好，好爽口彈牙！其他普通壽司都正常水準，比一般連鎖壽司店新鮮同好食，最驚喜無諗過叫左既清酒好甜好易入口好襯壽司。雖然峰壽司比較貴，不過真係比其他連鎖壽司店好食好多，期待下一次再食😍

出左荃灣廣場食飯，好多人排隊，終於可以排到我地既日本餐廳啦3個人份量剛剛好。迷你火炙三文魚飯，沙律醬稍為有d多，有少少膩呀可以減返份量，又或者另上就會比較好，感覺食唔出三文魚既味道。鰻魚飯，附上面豉湯，蟹柳沙律，不錯，一個set先98蚊，但對於我呢個鰻魚忠實粉絲㴝講，都可以值得推介的。面豉湯好好飲，不會太咸，而且味道好濃好香。蟹柳沙律份量非常少，一兩啖就無嚕，但其實好好食！左:龍之卷。右:軟殼蟹卷。龍之卷非常好食，可惜我地無叫6件，而揀左3件，呢個值得一食！軟殼蟹反而有少少失色炸墨魚軟骨，呢個我覺得好食過x長果款。唔會太咸，熱辣辣甘食，好正！唔需要醬汁，已經覺得味道調得好好。燒餅風味炸魚餅，呢個可能原味會好食少少，因為都係個沙律醬出事搶晒魚餅既味道啊三人食都差不多價錢啦