嵐川日本串燒 (已結業)

一行五人，試了多款食物，水準基本上都不錯，特別推介有：燒羊鞍－幾個朋友食第一啖, 已經話要encore. 軟熟, juicy, 又有肉味, $65兩件, 食得過.燒安格斯牛柳－同普通牛柳有明顯分別, 細嫩無渣, 牛味濃郁。煙肉露筍串－煙肉燒完薄到黐著露筍, 煙肉既香加上露筍既清甜多汁, 正~~ 據報攤凍少少先食, 煙肉更脆喎。燒廣島蠔－一串兩隻，大家食完之後, 發覺每串入面果隻, 都飽滿多汁, 好正; 但出面果隻就爆左少少肚, 差一截......燒蕃薯－咬落去無乜特別, 啖真d就食到蕃薯既甜味, 仲有牛油香, 好食。以下幾款都非常值得一試：燒牛舌燒雞軟骨－燒得好香脆，朋友之中有好此道者，邊食邊讚。燒雞皮－又係香脆。燒雞頸肉－爽口。燒粟米－燒到幾乾身, 但香口, 睇住師傅燒左成半粒鐘, 期間不時用牛油塗抹粟米, 淨係心機都抵。燒鵪鶉蛋－蛋白部分燒到煙煙韌韌, 幾高膽固醇都要試下。燒茄子－勁juicy.燒帶子－我無食, 據報幾得手。還有燒牛柳、雞肉釀冬菇及大蔥鴨胸串都不錯。其他如燒蒜頭、銀杏、大蔥雞肉串和燒青椒仔也ｏｋ；相對來說，汁燒豆腐、炸豬扒、燒雞肝、燒雞腎及燒雞翼就顯得一般而已。星期

小店地方真係十分隔涉,搭車搭左好耐先到是日午飯時間下午一時多到達,只有3人在內.食物方面質素唔錯, 同男友牛小子兩口子,叫左:一個豬排拉麵lunch set $ 28, 豬排炸得香口,不過又未叫juicy , 但係又唔會乾爭爭串燒幾款: 雞軟骨-- 呢個最好食,又夠味又脆又乾身,正安格斯牛柳--牛痴既我地,特別係男友食得好開心,淡淡鹽味配入口唔駛咬咁制既牛肉,真係正. 不過如果可以燒得再香口小小更好燒冬菇--冬菇味香燒雞翼--味道夠,冇燒焦,好食燒雞皮--燒到冇晒油份,唔駛驚,好似食薯片咁咋嘛,好食燒鴨胸長蔥串--鴨胸有鴨香,不過長蔥有小小渣燒豆腐--呢個則一般,因為豆腐都燒到幾乾服務還可, 係唔知點解明明有客係到都係到洗地, 搞到一到食一到成陣消毒藥水味,呢到要改善喇,個時只係點幾,唔係咁趕住清潔嘛燒串燒既師傅全程係入面燒野,其實個時人客又唔係多,可以出黎同d客傾下計,睇下d客有乜意見都好嫁總括來講,值得去, 如果佢選址冇咁偏,應該發展仲好

這間店是朋友近來的推介，說價錢非常便宜，且有西環南蠻亭之美譽。老公去過一次也覺得不錯，今晚帶小頭來試試看和正宗南蠻亭比較比較。一坐下也有一碗爽甜的蔬菜條蘸麵醬。http://www.imagestation.com/picture/sraid214/p99c452c4cb23a16261d226f7b6c24ae1/ecfebf18.jpg星期一至四，六時至八時是優惠時段，有十來款特價串燒供應，包括最便宜$8/串的銀杏，最貴$15/串的牛舌和牛柳。牛舌有種濃郁的牛羶味，有嚼勁，有肉汁不乾韌，但略嫌下黑椒多了點。http://www.imagestation.com/picture/sraid214/p2355c6c833aa8191558a5e0d925ae453/ecfebf14.jpg雞軟骨爽脆，比南蠻亭烤的更好味。http://www.imagestation.com/picture/sraid214/pdfd7c6d2478d50137ab2866d402153a0/ecfebf17.jpg雞肉釀冬菇，菇味香濃和雞肉十分相配，我還安歌了兩次。小時候，母親在過時過節會弄豬肉釀冬菇

爸爸媽媽去左旅行,星期六得一個人食lunch,既然咁難得機會,梗係去d 平時唔會去0既地方...... 一個人落左西環嵐川,叫左個紫蘇豬肉set lunch($28),另叫一雞腎串($10)及雞軟骨串($10) 紫蘇豬肉味道幾好,食落唔覺肥膩,個set配湯&飯,$28係超值,雞腎串及雞軟骨串亦係非常好食,10蚊一串,抵!! 由於店舖細,好快就滿晒,早黎早著呀!!服務亦好,不過顯得有點亂,而且應是即叫即燒,上菜時間會慢d,趕時間朋友請留意.lunch有set又唔加一,確實係抵,未知晚飯有無類似0既set dinner??

此店在我樓下...見過老闆是到csw大超級市場買貨昨日終於一試..星期日也有午餐..叫了紫蘇豬肉..ok朋友叫牛脷..ok天氣太熱..不要湯...要特飲..青檸梳打...ok..但好細杯..傳統酒家茶杯size...另叫了大葱鴨胸串...好吃!!!沒有甜品..不知是否天氣太熱...空調不夠...好熱..但..感覺好好!!相信同朋友有關

終於明白點解嵐川有西環南蠻亭之稱上個禮拜五晚阿Mo 訂o左位(無訂位都可能無得食)裝修都唔差,standard居酒屋格局. 二十個位左右. 開放式廚房中間有個燒烤爐, 兩個師父逐條逐條竹籤咁燒. 老闆招呼周到點o左以下串燒:鰻魚串- 4/5 醬汁幾好味雞腎串- 3/5免治雞肉串- 3/5魷魚紫蘇葉串- 5/5 魷魚唔會過熟, 紫蘇葉味亦好出雞丸串- 3/5燒蠔串- 4/5飯團- 4/5. 唔會太過亁豬肉大蔥串- 3/5燒大蝦- 4/5總結: 服務唔錯, 燒物幾好, 值得一試

同之前幾位食友一樣, 都係食lunch. 同同事兩個人去西環搵食, 本來諗住去"吉利", 點知門口貼住"到日本工幹", 當堂語塞, 於是就轉去嵐川, 好彩都無令我地失望.舖位唔大, 只有一檯客, 裝修十分四正, 比我感覺就十足十南蠻亭, 我地點左兩個豬排定食, 雞腎雞軟骨各一串, 白頭哥哥極力推介燒雞翼, 佢話好正架, 燒雞翼我鐘意食, 就唻一串啦, 果然, 燒雞翼真係全餐飯最驚喜, 真係外脆內軟, 非常美味, 雞腎雞軟骨亦十分正, 豬排稍稍略嫌乾身, 絕對不比南蠻亭差, 以咁0既價錢同質素, 好快會再唻.

岩岩開acc... 寫多幾間西環食店先... 係西環讀書..所以只係食過lunch,都食過兩三次lu...呢度既定食有28,38..都係雞扒豬扒面,飯。 我食過既野:三文魚碎泡飯:真係三文魚碎......超碎加少...可能呢間係串燒店唔係壽司店既關係掛...唔記得咩雞扒飯:佢塊皮煎到好脆:我幾鐘意食呢個咩咩豬扒飯:好普通既吉烈豬扒...無乜特別豬骨湯既面:呢野就真係比唔上幾條街之隔既吉利啦..食完會有隨機比你既雪米'遲',點解我話隨機既呢?因為我食三次有兩次無一次有XDD雪米''遲''好硬,要攤涷佢先食得。 呢度坐得幾舒服,唔錯

三姊妹食lunch,本想到神谷,原來下午5:00p.m.才營業。於是到這間店試試。Lunch set 很抵食,包麵豉湯,平均$28-$40不等。點了3個。麵豉湯: 很熱。有豆腐粒及海帶,味道一般。炸豬扒拉麵: 豬扒和拉麵分開上。豬扒炸得金黃香脆,不油膩,麵包糠不厚,有肉汁,不像是雪藏貨,有水準,但比較薄身。配上醬汁,惹味。拉麵彈牙。黑椒牛脷飯: 餸和飯也是分開上。有很多片牛脷。炆得算軟淋。我較喜歡大片厚切的牛脷....較有"趙口"。飯一大碗,本以為會吃剩,但黑椒汁很好送飯,所以吃清。紫蘇豬肉: 餸和飯也是分開上。豬肉切成細薄片,應是先煎香再用豉油汁煮。豬肉煎得香口,配豉油汁,也是很好送飯。到這家串燒店當然要一試串燒,午巿平均每串$8-$15不等....也是抵食。秋都魚: 雖然魚仔細細,但燒得很好,沒有燶焦。整條給大家姐"毀滅"...無緣試味...雞軟骨串: 上桌時熱"辣辣",也是燒得金黃香脆,軟骨串爽口,好味,佐酒一流。燒串燒的位置是在樓面,可以看到師父的手勢,他灑調味的手勢是"啄啄吓,很有趣!吃完後,想不到侍應送上6粒甜品,細看下原來是雪糕糯米磁。是黑芝麻味。雪得很硬,放軟些會較好。

今日同朋友黎呢度食，入到去見d裝修幾靚，食左個紫蘇豬肉飯，味道都OK但不算好好，仲有湯同雪米糍送，價錢唔駛三十蚊亦算平，但朋友食o個個拉麵..佢話西環另一間日本野食個間好D喎.....

剛考完試, 想吃豪一點的宵夜, 就試了這一間其實是一間小小的店舖, 裝修不錯, 點了串燒雞腎&串燒冬姑($2x 一串),還有蔬菜沙律($15)雞腎很好吃, 有咬口, 不會燒到好乾,冬姑&沙律則一般在menu看到晚餐有set dinner, $120一位有10串串燒連湯&白飯,在西環來說如此消費稍為高了點, 不知道晚餐還有沒有其他平宜點的set 呢??

如果不是朋友的推介，都絕對找不到這裡。原本同個朋友吃午飯，但佢臨時甩底，就在附近找地方吃飯，佢推介呢度，話食物都唔錯的。坦白講，沒大意欲幫襯本地人經營的日本料理店，但見價錢唔貴而附近又無咩選擇，就來試下。一時許，意外地人客也不少。內裡裝修以深色木為主，好有居酒屋的格調。但牆上寫著的選擇不太多，應該是以串燒為主的店子。午餐得幾款選擇，就選了紫蘇豬肉定食。為了試下串燒得唔得，又叫了一串燒雞翼。先來味噌湯，不過鹹，都算幾有鮮味，除了豆腐粒，亦有幾顆蜆肉在內，交足功課；串燒有三串，套餐跟的腸仔味道一般，是現成貨，情有可原。燒雞翼是雙飛的拆了骨，吃得方便。用鹽燒得香口，都有水準，好味。另外還送了一串燒冬菇，也不差；紫蘇豬肉用了半肥廋的豬肉，肉質有點韌，但起碼沒有給化學劑「招呼」過，個人而言都覺得幾好。真的有幾香的紫蘇葉的味道，加上燒汁，很快便吃完碗飯。店員全是本地人，禮貌好好，招呼不錯，值得一讚。埋單55蚊，不算貴，如要在同區吃日本東西的話，這裡都食得過。問過呢度夜晚收十二點，可以下次同老友收工來吃串燒。

我上個禮拜lunch 食過以下食物: 1. 燒雞定食<-- 幾好2. 朱肉定食<-- ok3. 牛定食<-- 一定要試4. 七味薯仔串<-- 一定要試5. 肉包露荀串<-- 一定要試6. 雞軟骨串<-- 一定要試7. 安格斯牛串<-- 一定要試8. 燒羊架(一碟兩件) <-- 一定要試9 燒冬菇<-- ok午餐不用加一, 定食包一小食串燒total都係320咋, 好抵食!!!