川味雞烤魚大王 (隆亨商場) (已結業)

#christine開飯日記 ［🍲貼地高質烤魚大王］放假去左大圍行街，行下行下就去左隆亨邨度搵嘢食。隆亨邨都有幾多特色小店，零食店、小食店應有盡有。我地就上網搵到依間「川味雞烤魚大王」，因為我地去嘅時間比較早，所以唔洗等位就可以入座🤭不過聽伙記講平時都好爆場架🌟酸菜烤海鱸魚（$268）烤魚口味方面佢都有好多選擇：重慶泡椒烤魚、剁椒烤魚、麻辣烤魚同埋酸菜烤魚。我地就揀左唔辣嘅酸菜烤魚。海鱸魚嘅肉質好嫩滑，一啲都唔會實的的🤭加上酸菜嘅調味，令到成件事更加惹味，酸酸甜甜咁都幾開胃。啱開一家大細食😍佢嘅份量都唔少架。2個人食一條魚已經夠晒飽👍除左烤魚，佢都仲有幾多配料，例如：蘿白、娃娃菜、豆芽等等🌟芋絲（$18）我地另外仲叫左一碟芋絲，芋絲熱量低之餘，仲要好嗦湯😍吸晒湯底嘅精華，認真正🌟百香果沙冰（$26）男朋友就叫左佢地嘅特色沙冰，百香果酸酸甜甜咁同烤魚都幾夾😍不過好可惜大圍店，做到今個月月尾就約滿。不過佢地荃灣都仲有分店，大家都去荃灣店支持下啦🥰🍴川味雞烤魚大王 (大河道) (荃灣)📍荃灣大河道91號天保大廈地下F1號舖

朋友的介紹下, 一行4人黎到呢間川味雞烤魚大王食飯。呢間餐廳出名食烤魚🐠同雞煲🐔，所以就點左佢個午市火鍋雞煲試一試。平時食麻辣雞煲就食得多，藥膳雞煲就好少食，見朋友唔太食得辣，所以就點左藥膳雞煲試一試。店員先將藥膳湯底放在枱面，打開蓋，好香藥材味😋。店員再將鮮雞送上，並將雞件放入藥膳煲煮熟。店員提醒我地，隔5至6分鐘就可以食雞架喇😍。雞件煮熟後，食落口， 很嫩滑，不鞋口，很鮮甜😌。我地仲叫左其他配菜，有打邊煲必須的豬肉片啦，豆腐啦，水餃啦，仲有雜菌拼盤。朋友仲想試埋其他野食, 再叫左一個大王米線二人套餐, 有大王米線1碗, 有2人份量, 小食2份, 我地叫左涼拌海蜇, 同埋茴味雞翼. 很喜歡涼拌海蜇, 因為調料的搭配非常到位，蒜末與醋的酸爽十分夾，食完勁開胃👍🏻。雖然呢間餐廳係屋村小店，但是用料足，價錢又唔貴，下次再黎要試下佢地烤魚呀🫰🏻。

今朝同朋友行上望夫石，回程到山腳已經中午， 沿路紅梅谷道落大圍搵食，過咗世界花園就到隆亨邨，在隆亨商場隆亨街市外，決定一嘗川味雞烤魚大王，門外餐牌有可跟粉麵飯的午市套餐，最後我地都係決定食雞煲😂。我們柯打了午市火鍋優惠套餐，先選全隻椰子雞煲，配料點了雪花肥牛、豆卜、響鈴。店員先端上椰子湯底，煲裏 鋪滿椰子 紅棗 杞子 圓肉 南北杏，再送上一碟雞，碟雞都好大碟堅足料，店員說話才是令我驚喜，她說：呢到半隻，仲有一碟，我真係嘩一聲，好大隻呀～再上肥牛、豆卜、響鈴。起動，店員先協助將雞放落鍋，夠鐘過來提示雞可以食，打開鍋蓋已透出好香椰子味，飲啖湯、的確好清甜，煮雞時間啱啱好，雞好嫩滑有雞味，放入豆卜慢慢煲，再食肥牛，響鈴拖一拖食得，吸收晒湯汁好甜，都已經有啲飽，食埋啲豆卜，索晒湯 豆味加甜味提升濃度，真好味，最後飲埋碗湯將所有精華落晒肚。

劉家成日都會經過 #川味雞都知呢間有唔錯評價最初以為呢間餐廳只係食川菜魚鍋😅經街坊介紹原來都有唔辣嘅雞煲打邊爐仲要好得嗰款椰子雞煲今晚劉媽唔想煮😆一於去打邊爐啦～今次我哋order咗🍽️椰子雞煲(半隻） $188有椰子絲、龍眼肉、紅棗等煲成嘅湯底 加入半隻雞後變得鮮甜無比店員幫手計時⌛️控制火喉令雞件很鮮嫩 皮脆嫩滑 沒多點肥膏🍽️黑毛豬肉片 $68油潤甘香 肉質彈牙有咬口 🍽️特級雪花肥牛(大) $168淥幾秒就食得 油脂分布均勻 肉質嫩滑帶少少嚼感 🍽️牛根丸 $58質感juicy又彈牙🍹百香果沙冰 $26🍽️手打烏冬 $22🍽️生菜 $33同場唔少客人食烤魚 聞到都覺得好香劉爸話下次再嚟試烤魚😋川味雞烤魚大王 ( #大圍 )📍大圍田心街1號隆亨商場地下隆亨街市H86號舖

🍲重慶麻辣雞煲 半隻 bb辣 $188雞煲一送到上嚟已經勁香😍面頭鋪滿花椒，芫荽，乾辣椒🤩呢度嘅店員仲會幫我哋煮同教我地點食 超好人～雖然我哋嗌咗半隻雞 不過都好夠食 啲雞都好大舊仲好滑Tim!我哋嗌咗BB辣辣到啱啱好👍🏻🍗茴味雞翼$36呢個係必食推介！啲雞翼係即刻整，外脆內嫩，再加埋佢哋自己整嘅調味粉真係食過返尋味🤭🤭🥩特級雪花肥牛 細$108牛肉望落都好靚仔！油脂分布均勻，加埋個雞煲啲汁真係勁好味😝🥟自製韭菜餃 $58呢度嘅餃子真係皮薄餡靚，$58已經有8隻！隻隻都大大粒 好足料👍🏻🥗田園雜菜$35我哋仲嗌咗兩杯大大杯特飲 $26/1杯，食辣嘢一定要配返杯凍飲🫢真係好夠大，夠我哋食埋雞煲再打邊爐，如果大家嚟大圍嘅話一定要試吓！

最近都慣左早食晚餐，知道呢一間烤魚好抵食會多人食，所以今日早啲過去試試佢🤣1️⃣🐟酸菜烤魚（海鱸魚）（$268）2️⃣黑毛豬肉片（$68）3️⃣幼薯粉（$28）4️⃣魔絲（$18）整體黎講都好出色😆我地有卡位坐所以都坐得好舒服👍🏻酸菜烤魚有驚喜，因為佢地落左好多孜然粉，所以陣味好香好吸引～而魚質好嫩滑，魚皮又煎到好香口🤣👍🏻配料方面都好新鮮，芋絲有好多舊😆豬肉片真係無乜肥肉，岩晒我🫣下次會再黎食！

今日好想食烤魚，去呢閒勁辣烤魚餐廳，叫做重慶麻辣烤魚，但係叫做BB辣，哈哈哈哈，渠道見到辣椒就熬底，揀坐鱸魚，肉質靚而且少骨刺，魚肉夠大塊又惹味，分量好足夠，兩個人食，餸飯岩岩好，涼拌都好好食，海蜇爽口。

前排好想食烤魚🐟即興約左屋企人撐枱腳佢哋帶我去試大圍出名烤魚店☺️期待啊烤魚有4款揀，我哋揀左海鱸魚，湯底分別有重慶麻辣，泡椒，剁椒，酸菜，我哋揀左泡椒小辣🌶️除咗烤魚，餐單上仲有大量配菜，店員細心提醒魚嘅份量頗多😆可以食到中段唔夠食再加🫶🏻熱辣辣嘅烤魚上枱真係勁大條，聞到泡椒嘅香味，慢慢滾滾下味道愈出👍🏻成條魚冇乜魚骨，啖啖肉，魚肉好滑，索晒汁 好正🙌🏻泡椒又香又出，唔會得死辣，烤魚本身都有跟配菜▶️娃娃菜，白蘿蔔，芫茜，芝麻，酸菜等。全部滾到入曬味😋真係好正，完全唔洗再加配菜，已經好夠食😋🥤大大杯檸檬茶🥤百香果梳打下次試埋佢哋雞褒先☺️

.最近翻查香港屋邨資料尋找到些屋邨遊樂場🎠 同地景設計 資料順便去視察下環境 行吓行吓😩去咗 大圍 Tai Wai｜隆亨邨 ｜順便食🍽️ 個午餐.｜川味雞。烤魚大王｜大圍｜Tai Wai｜.最後揀左👈 午市雞煲套餐 🐓｜重慶麻辣雞煲🔥｜BB辣🥵除重慶麻辣🔥 有 大辣、中辣、BB辣｜仲有▪️ 藥膳雞▪️ 花雕醉雞▪️ 椰子雞但既然係 川菜餐廳🍴｜當然係麻辣🥵🧯🔥.配料🅰️類 選👆🏻雪花肥牛｜黑毛豬腩片｜黑毛豬肉片 🈵🈵蛋白配料🅱️類 選✌🏼1️⃣ 新鮮雜菇🍄 ｜2️⃣ 闊薯粉.飲料選擇仲多｜汽水 啤酒🍻 同埋 檸茶檸水🍋PS 店內有不同牌子的啤酒牆🍺🍺🍺.花椒 乾辣椒🌶️｜ 芫茜🌿｜就滿滿鋪在煲面對我黎講 唔太受辣🥵｜BB辣 完全可以接受開煲蓋那你剎 花椒辣椒🌶️ 👃香氣撲鼻👃.一整隻切碎 雞肉完全💯 吸收麻辣湯底🍽️食一半雞肉 再將新鮮雜菇 🍄‍🟫 放進再將剩低雞肉 食完 再放入黑毛豬肉片肉片烚熟 再將闊薯粉 唔使5分鐘 煮埋.👥 兩個人份量｜食完都有7成飽..👨🏻‍🍳 總結報告 👩🏻‍🍳🉐📃性價比：7.5/ 10 😋｜四川菜｜火鍋｜中菜館｜—————————————————————📬 川味雞。烤魚大王｜大圍

呢間位於隆亨邨既川味雞烤魚大王，從大圍火車站／圍方行過去約十分鐘路程，響商場外圍，好顯眼。店內唔算好大，火鍋店來說，店員算多，就算坐滿食客，店員非常友好。椰子雞煲（$188/半隻），雞件先以花雕及玫瑰露醃製，再加入雞骨、豬骨、新鮮椰子、桂圓肉、紅棗肉、南北行同杞子等熬煮，怪不得湯底極鮮甜清潤，雞煲一上檯，已經聞到好香既椰子味。加上店員既指導，雞件好嫩滑，真心好食。我覺得個雞煲好食，除了食材好之外，少不了店員專業的協助，不但幫忙落雞件，調教火候，甚至幫我們計時，提醒我們要焗幾耐同埋進食既次序，店員貼心服務，吸引左區內區外既食客，我入坐一會後，店內已經坐滿食客。特級雪花肥牛（$108/細份）雪花分明，肥瘦適中，牛味濃，灼一灼就食得。牛根丸（$58）一咬爆汁，彈牙而有嚼勁。響鈴（$38）索哂啲椰子雞湯，每一口都充滿了濃郁的湯汁，味道清甜。雜菜（＄35）好新鮮，但實在太飽，打包返屋企自用。柚子梳打／百香果梳打（$２６）食到新鮮水果肉，有驚喜。

原條魽魚 $288烤魚總共有4款味道揀，三款辣一款唔辣。鐘意食辣既我梗係揀重慶麻辣烤魚🐟湯底就揀左中辣❤️‍🔥落單時店完好細心提醒我烤魚份量比較大，建議我食食下覺得唔夠先再加餸，開頭都係到諗烤魚唔會好飽姐，仲諗住加啲肉，點知一上菜咁大條真係嚇親我，真係抵食到爆😮一黎到就聞到又香又麻既味道，愈滾味道就愈出，店員教我地食左側邊滾起左既魚肉先，魚肉質地好滑，而且無乜細既魚骨，麻辣味好正宗，唔會淨係得個辣字😋本身烤魚都有配菜，例如酸菜、白蘿蔔、娃娃菜、芫荽等等，全部滾到入哂味好刺激😂最後我哋真係冇加其他肉類，只係叫做白飯同闊薯粉，已經飽到攬住個肚走，估唔到屋村入邊有啲咁嘅隱世美食，仲要隔離就有停車場🅿️等我下次再試佢地既雞煲同酸菜魚先🤤

🍊Tangerine‘s visit🍊—————————————————————🍜 Monster Spicy (Lung Hang Commercial Centre) (Tai Wai)Shop H86, Lung Hang Market, G/F, Lung Hang Commercial Centre, 1 Tin Sam Street, Tai WaiTel：+852 2388 9802—————————————————————.🌟Chongqing Spicy Grilled Fish $268(Chongqing Spicy / Pao Shu (Sour and Spicy) / Diced Chili (Green Peppercorn) / Pickled Vegetables).The restaurant offers a variety of flavors for customers to choose from. Because me and my friend like spicy food so much, we chose "Super Spicy"

❤️距離大圍地鐵都係10分鐘路程～又有曬指示，都幾容易搵😚🧡餐廳嘅環境都舒服，最值得讚係通風做得好好呀！雖然好多爐喺度滾滾下，但唔會聚集曬d油氣～💚午市火鍋套餐好正！仲可以任選三款配菜～唔夠可以額外加！🤍今次就揀咗肉質較實同滑啲嘅鱸魚～又無乜骨，啖啖肉、大大條😂比起兩隻手掌還要大！足夠三個人食有餘！佢嘅鱸魚皮上檯前煎烤完，魚皮焦脆可口，好impressive🤤🩵雪花肥牛嘅肉質都好靚！👍肉質嫩滑，油花都好細膩～💙雖然無曬幼薯粉，但粗薯粉配麻辣火鍋底都係一流，索曬魚汁，麻辣鮮香！味道好有層次之余又唔會太鹹！🤎推薦鍾意四川野食嘅朋友👍👍☺️☺️☺️個人覺得比起大型連鎖嘅餐廳一啲都唔輸蝕！😋😋😋

閒日請假貪沒太多人流，和朋友打算到大圍新地標行街，朋友說要帶我去食地道好味的烤魚。我們二人點了午市套餐，可選烤魚或雞煲，再選配料。我們今次選了鉗魚，以前食開是鱸魚，所以對鉗魚好有期待，再選了肥牛，薯粉和蔬菜藍；份量足夠我們二人享用！原條大大條鉗魚，魚肉很多，厚實，但吃起來又有滑嫩口感，好好味！而且無什麼魚骨，也很適合小朋友吃！烤魚裡面還附配了一些蘿白和蔬菜。雪花肥牛看似好肥，但煮熟後，雪花和牛分佈得適中，入口嫩滑！薯粉真是絕配，索了少許湯底的辣汁，好入味，質地通透又彈牙👍🏻，總結而言，這個午市套餐性價比高。每人百多元可以吃到烤魚火鍋，豐富但又不會飽得過份。

女兒喜歡吃烤魚。今天我們到大圍「川味雞烤魚大王」吃晚餐。我們選了海鱸魚，配剁椒口味。只等大約五分鐘左右，店員便送上一整盤大大的烤魚。烤魚是以長型盤呈上，放在桌面上的電磁爐加熱。原條鱸魚兩面已煎香平放，並預先炸至九成熟，開火後約5分鐘，整盤烤魚已再滾起。烤魚內的魚湯有薯仔、大豆芽、酸菜、蘿蔔等食材，滾一會兒後已香氣四溢。我們迫不及待地吃魚的邊位，啖啖肉，入口很滑，魚亦炸得很脆。魚非常大條，肉質鮮甜，沒有太多骨，口感十分好。加上惹味的剁椒和bb辣的辣度，我們吃得十分愉快。我們還追加了手包粟米餃、溏心皮蛋、八寶雜丸和出前一丁。手包粟米餃是店主自己包的，每一個都脹卜卜，內裏的餡料入味，豬肉和粟米的份量剛剛好。糖心皮蛋值得一層放在鍋內滾一滾，非常吸味。這雖然是一間小店，但是它的價錢合理，食物質素亦高，值得一讚是服務。店員的服務相當勤快，老闆的態度殷勤有禮。