川味雞烤魚大王 (隆亨商場) (已結業)

近期川味雞烤魚大王推出了全新午市烤魚/雞煲套餐$328性價比高，每天有12:00供應，18:00前離座便可享用這套餐烤魚套餐包括有大邊鯇魚、原條鉗魚、海鱸魚選其一，雞煲套餐包括雞全隻$328或半隻$268，肉類配料一款和蔬菜類配料兩款選擇，分量足夠兩至三人，烤魚做得非常出色，味道正宗，有重慶麻辣、剁椒、酸菜和泡椒湯底選擇，雞煲也有重慶麻辣、藥膳、花雕醉和椰子雞煲，辣道也可以要求大中小辣，在沙田大圍區吃雞煲烤魚必去的熱點！

見到大圍呢間餐廳名，就知係我最愛嘅川菜口味。Lunch時段都幾多人價錢好大眾化，揀咗兩款唔同口味嘅米線 / 薯粉。幾款湯底．有辣有唔辣...仲有好多款配料可以配搭。望下Menu...原來午市時段都有得食烤魚，正呀。小食都只係三十幾蚊，辣辣地 味道好正...「涼拌海蜇」夠爽口「涼拌雲耳」份量都幾多「口水雞」雞肉超嫩滑「重慶麻辣湯薯粉」有唔同辣度選擇，響鈴索哂湯底嘅味道．雞扒啖啖肉，大大塊，半透明薯粉口感好彈牙「蕃茄湯米線」蕃茄味好濃郁，可以連湯都飲埋。加咗配料大碗到就快瀉喇～下次一定帶埋屋企人嚟食烤魚

去左大圍搵食，去左呢個小店，通常小店都有驚喜，果然無失望。餐牌有好多選擇，由於同行朋友不食辣，就選左一隻椰子雞煲，食物好快就到，一打開蓋已 經聞到好濃既椰子味😋😋湯底濃郁，好足料，有大量椰子片、紅棗、龍眼肉等，隻雞好滑，好好食，好有雞味，好有質素另外點左牛栢葉，爽口，不會有腥味，打邊爐一流打邊爐唔少得烏冬，餐廳提供的是出名好食的日本讚崎烏冬，烏冬吸哂椰子雞湯的精華，好好食我見餐廳中午已經有烤魚提供，下次約食辣的朋友去食烤魚！😍😍

去左大圍呢間川味館食飯，餐廳有好多選擇，有雞煲、烤魚、椰子雞…最後叫左一隻椰子雞，$238，雞既份量好多，湯底有好多好鮮甜既椰子、紅棗同龍眼肉，岩哂我呢啲養生人士😍😍😍食材足料好食另外叫左金牌手打墨魚滑，$73，果然係金牌之選，好滑好彈牙，份量都唔細，正香菇貢丸，$48，貢丸多汁，好食而且員工友善，態度好好，非常滿意既一餐。中午已經有提供烤魚，臨走時見到隔離枱叫左烤魚，個樣好得，有機會下次可以試下😆

依家無得去內地食探魚，唯有喺香港發掘烤魚店過吓口癮。喺大圍隆亨邨嘅呢間烤魚店，離地鐵站大約十分鐘⏰，都算方便~ 舖頭都算闊落, 唔會枱貼枱好逼咁，見其他食客多數都係一大班朋友黎聚餐咁😆佢有雞煲同烤魚，魚有鯇魚同魽魚，我哋就叫咗一條重慶酸辣魽魚 ($268)，有大辣，中辣同bb辣，因為我哋怕太辣所以叫咗bb辣🌶 魽魚比鯇魚少骨，啱哂我哋呢啲懶人🤣然後有啲蘿蔔，薯仔同菜喺個底度，真係好似探魚😋 條魽魚啲肉好嫩又乜骨，真係啖啖肉☺️不過我覺得bb辣唔夠辣，下次可以挑戰中辣😳 我哋再叫咗韭菜餃，薯粉，油麥菜同蜂巢豆腐, 全部嘢嘅份量都唔細，食到我哋好飽🤤臨走之前，同老細吹左兩句水，佢話下次黎開大圍，中午都可以過嚟食烤魚，因為佢哋舖頭中午已經開始有烤魚火鍋食，唔使等到夜晚🤣

沙田人必食食雞煲💛重慶麻辣雞煲 (半隻$158)雞煲食得多，呢間永遠食極都晤厭😋雞煲啲雞會事先醃過，有小小酒味，好鐘意呢個味道，雞件好滑，真係煮得啱啱好，好有鑊氣，入面有大量洋蔥，青椒，又多汁，真心推薦鐘意食雞煲嘅人去食，一定會愛上😋❤️墨魚咀丸第一次食，丸係要食粗糙先越足料，食到有粒粒煙韌墨魚咀肉，好有咬唔，好少地方有得食，值得一試💛豬粉腸呢度啲豬粉腸真係好粉同好新鮮，我係開始轉打邊爐時已經放晒入去，要淥耐啲，吸晒雞煲所有嘅精華，入晒味，好好味，必點！❤️涼拌皮蛋超流心，拌埋麻辣汁，無得輸重點係呢到職員應該係鏡粉，不段重複Mirror MV 睇得好開心😆😆😆川味雞烤魚大王 (隆亨商場) (大圍)大圍田心街1號隆亨商場地下隆亨街市H86號舖

原來大圍都有呢間鋪，之前係荃灣食過烤魚覺得好好食，所以今次係大圍見到有就入去食多次～今次叫左椰子雞煲，雞同湯分開上的，湯滾後，店員會幫你落雞🥰好貼心，啲雞望好新鮮，好多肉～終於滾起左啦！可以開始食！😍先試左塊雞先～肉質超滑，皮薄厚肉～仲充滿左椰子雞湯味，好甜！ 我好鐘意飲個湯底，會一羹羹咁倒落碗到飲🥰真係好清甜～配埋響令一齊食可以吸埋啲湯汁～正呀🤤呢個墨魚滑都好好食，兩大粒，食極都仲有～好彈牙好爽😋之後仲有竹笙，又係吸湯系列～平時潭仔得兩三條，呢度超多條你食～好滿足🥰超甜粟米！真係超甜～切到一片片咁好細片方便容易咬～爽脆最後到食肥牛～份量叫左細既都好夠食了～呢度除左食烤魚，原來雞煲都唔錯！ 店員態度都好好～可以再黎食～🥰

有時出街食得多熱氣野，有時都會想食返啲清淡啲嘅，所以今晚就決定食椰子雞煲呢間小店係喺屋邨附近，都有幾多街坊客幫襯，中午已經開始有打邊爐烤魚火鍋食，唔使等到夜晚先有！食椰子雞煲最緊要就係叫啲吸汁嘅嘢，當然唔少得嘅就係響鈴、竹笙、腐竹呢啲，將個海底椰嘅清甜湯汁全部索曬，食落去又清甜又爽口！另外就係要叫返啲鮮甜嘅蔬菜，例如係粟米🌽呢啲，放落去又係鮮甜到爆🥰🥰粟米本身都甜加埋個椰子雞湯底，已經係好簡單又最美味！呢度嘅墨魚滑都真係好滑同彈牙，值得一試～我哋都叫左半碟普通肥牛，但係都建議大家最後先食，因為咁樣就可以保持住好清嘅椰子雞湯底，食晒啲索湯汁嘅食材先 最後讚一讚員工態度同服務好好，不斷有幫手睇下煲野同加水

由於疫情嚴重，無得食探魚，只好外賣烤魚回家過過口癮。bb辣小朋友都食到。如果就咁食唔辣，但索左汁既野都少少辣。唔辣味道都好好，魚冇咩骨，肉亦滑。一定要加紅薯粉，好味。可以用$100 按金借個盆，。

🚩川味雞·烤魚大王呢間嘢除咗食烤魚之外，佢嘅小菜都唔錯嫁！今次我就過咗嚟試佢哋嘅午市套餐同小食～〰️〰️〰️〰️〰️〰️〰️〰️〰️〰️〰️〰️〰️〰️〰️🌈招牌口水雞 $63口水雞比我印象中嘅多汁，份量都好多🥹雞係淋身，冇碎骨～但鍾意重口味嘅我就覺得唔夠濃味啦〰️佢嘅辣度都唔會話好辣，食得少少辣嘅人都可以輕鬆駕馭到！🌈麻辣牛展 $68分量比我想像中多好多，出面買麻辣牛展幾廿蚊得個細細盒，呢度超級抵食！牛展入味，又唔會韌！套餐可以俾你揀米線/薯粉或者白飯，我同屋企人都揀咗薯粉！薯粉煮得煙韌得來又唔會好難咬斷，成碗食曬！🌈脆炸豬大腸 $68先採用先炸後切嘅方法，令到佢裏面都唔會乾，唔似旺角嗰啲小食店！大腸都處理得好好，唔會有異味🌚不過一頭一尾就炸過左少少，好似食緊薯片咁～🌈涼拌川辣味魚皮 $78涼拌魚皮喺香港真係好少見，除咗魚皮之外佢仲配咗大量嘅芫荽、京蔥，青瓜，花生！撈埋一齊食真係好好食😋魚皮夠爽脆，辣度又唔高，推薦大家過嚟食下！〰️〰️〰️〰️〰️〰️〰️〰️〰️〰️〰️〰️🥢地址：大圍田心街1號隆亨商場地下隆亨街市H86號舖🌟推薦指數：8.5/10

喺媽咪屋企附近佢話帶我去食酸菜魚川菜野，一去到話見到個餐牌竟然有藥膳雞煲嘩❤️❤️好想食呀😋所以我地就轉行食藥膳雞煲🐥阿媽都話我冇揀錯❤️佢話係呢度第一次吃藥膳雞煲😋估吾到真係半隻雞好新鮮嘅俾你自己落落個鍋度即刻飲啖湯先嘩😘好好味🤩放哂啲雞落去焗一陣食得😋d雞好滑好入味，完全唔使用豉油辣椒油做調味，食佢嘅原汁原味super yummy💯白飯配藥膳湯唔使餸都已經成碗清晒💯好好味🤩貢丸完全勁彈牙係香菇貢丸好好味呀！黑毛豬肉片份量好多好大片仲好新鮮呢😎放入鍋到滾一滾食得😋好正喎🤩🤩公仔麵都唔使落調味，每條麵都好有濃郁嘅藥善湯精華"正"👍👍呢個藥膳雞煲個湯底真係very good👍益力多沙冰同凍檸檬茶，嘩好大杯仲好好飲呀😋😋川味雞(大圍)大圍田心街1號隆亨商場地下隆亨街市H86號舖

喜歡食辣嘅我,今日嚟到川味雞烤魚大王（大圍隆亨分店), 果然沒有令我 失望。招牌口水雞多款小食選了招牌口水雞,其惹味醬料辣香紅油,配上嫩滑雞肉和爽口青瓜, 一絕配搭, 十分好吃。重慶麻辣烤原條魽魚（BB辣)先選了湯底, 餐廳把原條金魽魚炸熟, 令魚肉更鮮嫩更香甜, 魽魚少骨, 啖啖魚肉, 食落很滿足, 窩內已配上酸菜, 大豆芽, 蘿蔔, 薯仔, 娃娃菜, 很好嘅配搭。 由於湯底麻辣香十足, 配上竹笙和幼薯粉, 幼薯粉彈牙煙韌, 索曬湯料, 我真係食唔停口, 好值得一試。

今日喺紅梅谷燒烤場行上獅子山，行完梗係大圍搵食，聽朋友講有間晏晝開始就有烤魚火鍋食，唔使等到夜晚，決定一試。餐廳唔大，但間隔幾好，坐位舒服，同朋友擦翻餐勁嘅！最正嘅係，晏晝已經有烤魚套餐食，價格唔貴，只係三百蚊有找，但兩個小鳥胃怕套餐食唔晒會浪費，所以只係叫左一盤酸菜鱸魚加米線。餐廳用鐵盤端上，熱辣辣冒哂煙，湯底酸到十足，且唔會死鹹又不渴喉，配菜仲包羅萬有：鹹酸菜、豆腐、蘿蔔、旺菜、芽菜、芫荽，每一樣都索晒湯汁，而且豆腐唔會好散，蘿蔔亦夠清甜，最後加埋個米線🍜，補充番行完山消耗嘅體力！如果唔想食魚，佢都有其他午餐提供！

🥢泡椒烤桂花爐魚BB辣泡椒湯底酸辣惹味湯底有必備的酸菜、芽菜、芫荽外還有娃娃菜和蘿蔔切片佢地吸晒啲酸辣湯汁既開胃又好食鱸魚肉質結實感覺到魚本身的新鮮質感魚皮預先烤得剛好香脆鱸魚本身又唔多骨 份量頗大啖啖都是魚肉好滿足🥢特級雪花肥牛慣左打邊爐類都係要食啲牛兩個人加點左一份雪花肥牛細份已經很夠食雪花牛半肥瘦的油花味+牛味香濃可能因為湯底酸酸辣辣所以不太感到油膩🙊🥢闊薯粉最後食烤魚就算唔點其他配料都一定要點闊薯粉煙煙韌韌又吸哂湯汁就算好飽都仲係會忍唔住繼續食佢地係最完美最好嘅朋友*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*而家日頭好多時都好凍中午都會想食番啲熱辣辣嘅野呢到中午都可以食到好食嘅烤魚真係滿足到為食嘅我

非常有驚喜，平靚正的川味菜重慶麻辣雞煲，$238，份量超多，味道非常正宗，麻味很夠，亦很濃郁，最重要的是雞沒有雪味，很怕在街外點的雞有雪味。另點了涼拌粉皮，$48，粉皮很爽滑，麻辣汁很濃，配上青瓜絲，很清新的感覺。兩樣食物都很好味，十分推薦，價錢又便直，果然小店是很有驚喜的。發覺中午開始已有烤魚火鍋提供，不用等到夜晚才有。 下次要再來試烤魚。餐廳雖不太，但環境整潔，裝修亦富川味色彩，跟友人邊吃邊傾，店主都不趕我們走。