巨根小菜王 (已結業)

一向喜歡廣東小炒夠鑊氣，適逢這店新開各路評價又不錯，當然沒有不去試試的道理。約齊了飯腳便一行五人拉隊去食飯。這店的地點雖然方便，但門面並不好找，因為是隱藏在另一定家店的二樓，不過幸好當晚有人去做攞位先峰，不然不知道要找多久豉油皇鵝腸 - 甘香肥美，處理手法還可，不會覺得很膻很腥，長長的鵝腸要落足牙力嘴嚼，一不小心會嗆到。另一經典口味 - 咕嚕肉，囗感足，淡淡肉， 但酸甜的對比不是太明顯。虎皮尖椒炒牛肉，肉質鮮嫩多汁，濃味夠鑊氣XO 醬家鄉小炒王，不愧為特别推介的招牌菜，惹味好食，食完之後應該可衣錦還鄉 海皇豆腐煲，大大舊魷魚及豆腐，配以爽脆西蘭花、蔥段及甘筍，味道上乘。

行過旺角唔知食乜好，本來諗住入一間蒸氣火鍋，但家人又想食小炒，發現樓上原來就係食小炒嘅地方，見到環境都好乾淨，一於入去試吓！Facebook like就每人送一碗自家製老火湯，今晚係紅青蘿蔔粟米湯，雖然冇屋企高嘅咁老火，但味道清甜，飲得杯落！黃金脆豆腐外脆內軟，豆腐好滑好香，只係略嫌外皮有少少厚，但勝在好香口，也不會太鹹。黑椒牛仔骨係最惹味嘅一道菜，用個汁來送飯味道一流！另外清清地叫咗一份魚滑魚湯浸時蔬，湯底好清甜，白菜仔好林好甜，味道唔錯。最後要左一個瑤柱蛋白炒飯，飯一粒粒，唔會太油膩，幾十蚊就份量咁多好抵食！

嗰日約咗朋友喺旺角食飯，見到朋友之後未諗到食乜，所以決定喺附近搵下。行經砵蘭街見到一間餐廳菜式啲名好特別，所以決定入去試下。由正宗水上人氣鍋專門店入，再上一樓。餐廳環境寬敞，環境光猛，座位舒適。餐牌菜式選擇多。粉葛湯，材料十足，而且十分鮮甜。酥炸池魚，魚厚肉，炸得透可以連骨吃十分香脆。啫啫嫩芥蘭煲，不油膩，芥蘭翠綠口感爽脆。瑤柱蛋白炒飯，炒飯乾身，配料同返比例恰到好處，而且飯粒分明。所有菜式份量十足，非常滿足。

巨根小菜王位置十分隱世,要進入正宗水上人氣鍋專門店再上一樓,餐廳坐位寬闊,有卡位,坐得舒服,乾淨,店員服務快,有幫我們換碟,來巨根小菜王之前已知道菜單上的菜名很特別,只看菜名不知道是什麼東東,好像猜謎語,魚滑浸菜苗是鯪魚球加白菜仔,上湯沒有味精,有魚味,很清甜,like facebook有例湯送,很大碗,是玉米紅蘿蔔湯,金磚豆腐外皮香脆,不厚粉,豆腐很滑, 口感又脆又滑,黑椒牛仔骨的汁配飯一流,但牛仔骨肉味要改善,蛋白炒飯夠乾身,平時不吃飯的我也吃了兩碗!

星期日見有時間就去旺角搵吓有冇新嘢食。跟住喺市中心朗豪坊隔離街，有啲食中菜嘅餐廳，兼好耐冇食中菜就同朋友去試吓呢間😄😄呢間小菜餐廳好特別，見到個餐牌啲名全部都好有心思。食正香港人玩嘅食字同諧音，同朋友研究餐牌都玩左好耐😆😆首先嚟咗個愛心靚湯，好足料，夠火候好好飲。之後最後決定試過個咕嚕肉、梅菜扣肉、豉椒炒魷、肉鬆炒四季豆，個人最喜歡同最特別嘅就係個凌波微步，即係水煮凌波魚🙈🙈成餐飯個感覺都唔錯，仲有好多鬼馬嘅菜式都想試，下次一定會再嚟😋😋

今日去左旺角食飯，朋友鐘意食中菜，旺角又開左一間新餐廳，小菜好有大排擋風味，環境又大又舒服，地方又夠寬敞。我地二人行叫左四個菜。涼瓜黃金磚，涼瓜爽脆加上咸蛋黃，入口咸香味道夠特別，即叫即炸熱辣辣。炸魚細細條可以連骨食，入口唔會太油膩，朋友超鐘意。干炒牛河係我最愛，牛肉有咬口有嚼勁，河粉炒得好入味，加上豉油咸香，好濃香好滋味。最後我地叫左薑蔥生蠔煲，蠔肉都算好大隻，入口唔會腥有濃郁海水味，入口肥美飽滿，加上香蔥和薑爆香，味道超驚喜。

今日去左旺角同朋友食飯，佢話好想食中菜，我地就上網搵下有咩餐廳推介，點知發現左一間新開張餐廳，主推中式小炒，環境比大排擋整齊乾淨，我地就入去去試下啦！我地兩個人坐低即刻點餐，我地先叫一碟炸魚，小小一條入口好鮮甜，炸魚唔會好油膩，入口好香口好香脆，愈食愈停唔到口。之後我地叫左涼瓜黃金磚，苦瓜完全唔會苦澀，好清甜加上有咸蛋黃調味，更加咸香滋味。主食我地叫左干炒牛河，牛肉香口香嫩，唔會乾，河粉好乾身唔會油膩，濃郁醬油味道濃郁。我地口痕又再叫多碟薑蔥生蠔煲，蠔肉大大隻，而且肥美夠香甜，唔會腥而且味道好滋味，薑蔥炒香提升味道。我地下次約埋一班朋友再食過！

人越大越鍾意食廣東菜，可能因為有媽媽煮嘅風味。今次去到呢一間餐廳，喺旺角市中心好易搵。而最吸引我嘅就係佢個餐廳名，同埋佢啲菜式名。今晚一共叫咗四個小菜，四個小菜啲名都古靈精怪，其實基本上睇過菜名俾你都估唔到係乜嘢菜式！但不得不提一坐落嚟嗰碗湯，真係好好飲，係老火湯！我覺得佢呢間嘅咕嚕肉，係我食過咁多間裏面，數一數二出色嘅！佢啲肉半肥瘦，炸得啱啱好！當然唔少得就係佢啲配菜好多啦！另外仲帶咗梅菜扣肉，啱晒我呢啲鍾意食肥肉嘅人，真係舊舊都肥架，一放入口即刻溶化嘅感覺真係好正！最後嗰個侍應姐姐仲非常好人，請我哋食西瓜 🍉 今次真係食到飽！

今天和朋友在旺角朗豪坊行街，不想在foodcount食，走到砵蘭街看到這間水上人蒸鍋同舖面的”巨根小菜王”，被它地道搞笑菜名所吸引，便入內試試，到了樓上二樓，坐位寬闊坐得舒服，再細看菜牌，真佩服可以想到咁多搞笑菜名。店員送上是日靚湯 - 鮮淮山茨實煲鯊魚骨 - 老火湯料多味濃，正。沙薑雞腳 $58每隻雞腳都好大隻，肉多膠質豐富又入味。黃金涼瓜磚 $58份量好足，咸蛋黃漿薄脆，味道適中不膩口，苦瓜正好帶甘，底舖滿脆脆米通。欖菜四季豆 $68四季豆翠綠鮮嫩，沒有半點渣，肉碎香口惹味，整體好夠火喉，四季豆好入味，正。咸魚雞粒豆腐煲 $68雞粒有雞件般大，熱騰騰咸香撲鼻，豆腐四面都煎香過有口感而且份量多，配有咸魚碎、大粒的雞肉和冬菇粒，忍不住點了一個「靚仔」相伴。拔絲生炒骨 $88新鮮襯熱食外皮脆身，裏面肉厚嫩滑，加上酸甜咕嚕汁十分醒胃，配菜還有菠蘿三色椒。

喺朋友介紹下，你都喺旺角嘅小菜館食中菜。喺朗豪坊附近，好快就搵到啦。入去見到個大魚缸，就知道一定有海鮮食，仲好新鮮添。餐牌上仲有好多唔同嘅菜式，叫咗聖子，咕嚕肉，東坡肉，全部都好好食好有鑊氣。食之前每人仲有一碗免費嘅蓮藕例湯，都幾好飲。最後每人都係百幾蚊就埋單，價錢係旺角來講算不錯👌

老實說真的是被它的有味餐牌吸引而來，但於路上尋找餐廳的正確位置時要注意，一不留神就會錯過，因為餐廳其實位於正宗水上人蒸氣鍋專門店的一樓，是這餐廳除了吃蒸氣鍋外的中菜部分。一樓環境舒適不嘈呀，更沒有蒸鍋味，光猛並有兩部電視，四人座位夠寬敞。正經版有味版職員先送上是日靚湯 - 鮮淮山茨實煲鯊魚骨，清得來又濃郁，入口滑溜有膠質，很滋補。《沙薑雞腳 $58》有6大隻，入味又夠腍，吃雞腳都能感到膠質滿滿很養顏。《黃金涼瓜磚 $58》估不到$58有如此大碟！賣相金黃吸引，入口薄脆有咸蛋香，而且涼瓜清甜不苦，整體又感覺不油膩，不錯！《欖菜四季豆 $68》大碟！四季豆鮮嫩無渣，炒得有鑊氣又惹味。《拔絲生炒骨 $88》一大碟橙紅色的生炒骨很吸引，襯熱吃時生炒骨外層酥脆而內裡肉嫩，配上咕嚕汁更是惹味，再配有三色椒和菠蘿減膩感。服務：職員有禮貌，上菜又快。

一去到餐廳坐低，侍應便親切地送上蓮藕豬骨湯，絕對唔係水湯，所以一開始已經對黎緊既菜式好有期待。我地一行四人，共點了五個送，第一個送上係咕嚕肉，超好食，外脆內熱，啱啱煮好就送上的，而且餐廳選用帶有少許脂肪的豬肉，食落口感特別好。第二道菜係聖子，份量非常足，而且很新鮮，肉質又彈又滑，加分第三道係欖菜炒四季豆，調味很足，淨係叫呢道菜都送得落一碗飯之後到戲肉，雖然需要多一點時間等待，但絕對值得，第五道係我最期待的水煮魚，不算很辣，所以不吃得太辣而又想試下水煮的朋友不妨一試。最後一道係梅菜扣肉，又比佢呃左一碗飯落肚

今日同友人諗住係MK搵D新既餐廳食下，行過砵蘭街見到個餐牌D名好得意，俾佢吸引左，而且見佢價錢唔太貴，所以就同友人試下!餐廳位於正宗水上人蒸氣鍋專門店一樓，所以係要入呢個舖頭再行樓梯或者搭電梯上去喲!上到餐廳，環境寬敞，枱與枱之間都有適當既空間，唔會好迫，有卡位同大枱，方便小家庭或者一大班朋友黎食飯!仲有電視可以方便追開電視既人!我地兩個人被安排坐卡位，非常舒適!坐低後睇下食咩先，餐牌上面D名非常特別同搞笑，例如: 「0趙完鬆」、「咸濕啤酒妹」、「打茄輪」等等，就咁睇名有可能會唔知佢係咩餸，但好好佢個餐牌有括返果樣係咩餸!最後我地兩個人叫左4個餸食下!新張期間餐廳仲送上例湯，今日既例湯係合掌瓜湯!坐左一陣D餸就有啦!酥炸池魚，熱辣辣，脆卜卜，咸度適中，加埋佢俾既檸檬汁，非常香口，用黎送酒一流!可惜果日唔飲得酒，如果唔係一定啤啤佢!用心良苦(黃金涼瓜磚)，即係咸蛋黃苦瓜，咸蛋既咸味加埋苦瓜既苦味，感覺好特別!涼涼地咸咸地，而且苦瓜清清地所以令呢個餸即時冇咁油膩!用心做雞(沙薑雞半隻)，D雞熱辣辣，再點埋D沙薑醬一齊食非常野味!而且D雞肉都好滑!薑蔥土豪煲(薑蔥生蠔煲)，又係熱辣辣送上枱，

味道不錯,很有大排檔風味。餐牌非常特別,全部名稱都特別設計過的,今次叫了黃金涼瓜磚,魚腐浸菜苗,香蝦骨,單是看到菜名,我和朋友都笑翻天了😂,還有些名稱太特別了,出唔到街,自己睇餐牌就明😆,座位方面,都很寬敞的,我們兩人去食,都給我們4人座位,侍應服務方面, 也很好,姐姐都很有禮貌和主動,經理都親力親為,落手落腳介紹客人食咩推介,這餐飯~我和朋友食得挺開心的😁。

位置在'正宗水上人'的店舖內上一樓，很像好隱秘，但美食通常都是在隱秘中尋找的嘛。絕對值得一讚就是餐牌，因為所有菜名都很特別，有粗俗的也有搞笑的，今次叫了咸濕啤酒妹(啤酒花膠豬手煲)^和|酥炸戇x魚(酥炸池魚)，味道不錯，都是熱辣辣的，豬手味道夠濃而且林，花膠都入哂味，池魚炸得脆脆好香口，因為而家新張期間，店家送例湯，每位一大碗，毫不吝嗇，座位挺舒適的，侍應姐姐服務又很好，主動又熱情，這間新店是不錯的選擇。