巴西燒烤餐廳 (已結業)

Food too salty.: Every BBQ stuff I can eat the real salt on the foodSlow service; Take ages to change plate and refill drinksOnce is enough

估唔到我嘅第一次就比左呢間餐廳,我自問已經係一個唔太嘴饞嘅人,但呢間餐廳實在太差,以我已經將佢列左入黑名單,以後都唔會再去.佢主打係巴西燒烤,但係成10多分鐘先有一轉人出嚟,d野又無咩味,選擇又少,d熟食又煮得唔好食,而三文魚剌身每次放出嚟轉眼已經無曬,refill又慢,又唔係平過人,坐得又唔係特別舒適,真係一無事處呀!不過,最後都有一種食物可以推介吓,就係有濃厚芝士嘅德國香腸.

之前夜晚八點時段食過一次, 個次有焗蠔, 又有青口, 覺得都幾好~~今次九點半睇完戲去食.......我地十點去到, 發覺已經冇咩野食,諗住等啦, 點知原來佢係唔再refill...........熱食方面, 只有好似kfx的炸雞比較熱同新鮮,有一個煎豬扒牛扒, 一塊分左三四舊, 我食個時都得返d骨多....咖喱雞.....得返雞碎粒....雞扒, 兩次食都好鞋, 完全唔得唯一新既有菜同芝士茄子, 可以接受......所以都係等佢黎個d燒烤~有腸仔, 雞翼, 菠蘿, 可能得一個人行黎行去, 黎到都凍晒....dessert....多type, 但全部都好難食........

同老婆,小女(130cm), 一入去waiter講價錢和confirm二大一細. 就點我地坐門口. 到我一開始攞野食見到入便大把位, 就要求轉枱(未開始食),侍應即刻黑面,到食?? 問有否火腿扒.....哈哈...未出!!問有否燒菠蘿?.....等等...未出!!問有否雞肶?....剛出完...死未!!最後叫埋單..重衰, 博大霧, 收三個大人價錢, 問幾次唔應, 重大我話小女超過140cm, 要求量度身高. 但去到尺前說唔使. 連小女都話無下次!!!!!

因為有fd生日, 加上有人食過都ok,今次就去左呢度食野我地成8-9個人去到諗住可能要等,入到去, 見到個場空左一半就知唔洗,我個fd話上年真係好多人, 全場爆,今年唔知點解少左不過都無所謂,一坐底全部人都去拎野食,得我一個等,之後有fd拎完先到我出去,睇下有咩食先~~~有個好似係芝士味既意粉, 有炒飯, 有牛肉粒,試一試先, 飯其實都ok.......可能擺耐左...凍哂,意粉......麻麻地....有芝士味...但本人麻麻牛肉粒都係味道一般,之後就不停有人上菜,有烤菠蘿, 有牛仔骨, 有豬頸肉, 肉腸等等....烤菠蘿好正, 好多汁, 菠蘿面仲有D烤過既香豬頸肉都幾好味, 面頭已經烤香了, 入面既肉都好爽口,肉腸都ok.....如果有少少辣可能好味D,跟住食甜品,有個唔知咩既蛋糕真的難食因為食落唔知係咩黎,之後唔敢食其他蛋糕, 轉食雪糕芒果味好正~~ 仲食左幾次總括來說有D真係ok的, 不過有少少其他的確唔好食,不過不失吧(P.S. 本來諗住有音樂伴奏, 不過果日無, 少左D巴西味)

尋日同朋友行街....行到差唔多九點行到咁上下就搵o野食見到呢間o野個樣好似ok咁....個埸都唔係太full(星期日o黎講)入去一坐低,出去buffet個邊睇下有咩食同我平時食開k buffet個d食物差唔多個味道我諗k buffet個d仲好食侍應個態度好唔認真收o左隻碟又唔俾過隻新ge烤物的味道都係麻麻地.....加o左$35任飲紅酒.....味道都係麻麻唯一可讚的就係兩個歌手

4,5月有2個fd都一齊生日,1行7個人諗左好耐決定食自助餐,見好耐冇食過巴西燒烤就決定左..對上一次去都係成年幾前去灣仔個間,今次就轉左黎尖咀呢間..等到9點半入去食...唔算多人, 好啦, set好哂就去拎野食..點解全部野都係凍既...唔理係扒又好, 咩都好, 都係凍既...算啦, 咁唯有等佢係廚房拎野出黎啦..d野又係微暖...最過分係d雞腿..d皮硬到用刀叉都整唔開...最過份有個朋友出去拎左碟菜番黎d芥蘭過份到用刀叉食都斬唔開....最後埋單, 位位都要成舊水..估唔到第一次寫食評竟然係劣等-.-..

上年有天來過吃午餐,很黑仔地難得一遇沒有牛肉供應,問經理,她說沒有就沒有,道歉也沒有半句 ( 等夠兩個鐘都沒有牛類,問經理佢話今日冇牛肉)今次沒有帶什麼期望去吃六點多進場假期前值$128(免加一)+$16 汽水 得兩三台人,燒烤食物來得很快以下係我最喜歡的食物排行榜(都係BBQ的) 1 翠玉瓜 : 從未試過吃這樣的翠玉瓜, 瓜皮微脆, 瓜肉極多汁好好味 2 羊髀 : 好掂, 掂過富豪東方酒店果D好多,很嫩,很多肉汁,淋但唔係梅,小小穌,但有穌先叫係有羊味嘛! GOOD! 3 菠蘿, 唔知道係唔係受左其他食評影響, 特別覺得好味, 但其實同百佳PACK好12蚊包果D差不多,差在一個凍一個熱 4 雞翼&雞槌 : 雞翼個味好好,個皮又香又甜, 雞槌皮脆薄, 肉很滑, 本來以為咁鬼大隻雞槌應該好鞋(個樣都似), 點知食落係滑gei! 5 金沙骨 : 骨多肉少冇所謂又唔係叫「金沙肉」, 味道不錯 (我食左四件^o^) 6 牛肋骨 : 切到好大舊, 食起上尼好似野人打完獵燒野食咁,有汁, 有咬口唔鞋以下係我唔建議大家食的(排名不分先後) 牛肉 : 看似很淋, 但我趙左好耐

今天同同事去'巴西燒烤'食lunch,叫左個西冷扒(係lunch set最貴, 成$58+10%) 上菜時,成塊扒'印'晒黑椒,根本見唔到D肉於是,我同個經理講,佢話整個塊畀我,不用5分鐘(之前要成20分鐘)出過一份,好明顯係整走之前D黑椒當係見已經到1:45(我2:00返工) 都算,叫佢waitress囉碗水,打算自己沖下先食.點知食第一小塊(3xm x 1cm) ,已經食唔到,咀嚼左好耐都咬唔開,成兩大舊渣(80%渣)吐返出黎同個經理講,佢話因為我要7成熟,所以係有渣!?我從來無食過有渣7成熟既西冷扒! 我順便同個經理投訴D黑椒太多,但佢竟然話咁多黑椒係美式,我真係從來冇食過 佢話佢係美國食過!我激鬼氣,餘下既90%都無食,埋單時,佢仲好意思收我全數我成日食扒,去過好多5*高級酒店扒房(英國&香港),亦去過好平個D(快餐連鎖店)咁既煮法同咁差質數佢真係No 1!我畀六十幾蚊,都唔會expect塊扒好好，但至少可以入到口啊!P.S.好後悔無影底D相同大家分亨有幾多黑椒

星期日一行十三人黎食lunch buffet ($58+10%=$64)時間由12pm~3pm可以自己出去任拎既有:薯仔/水果沙律, 長通粉, 桂花糕,jelly仔, 蛋糕仔炸雞,炸魚, 小棠菜, 炒飯/麵南瓜湯, 羅宋湯西瓜, 哈蜜瓜雪糕: 芝麻, 紅豆, 抹茶, cookie & cream, 芋頭周不時會有人出來拎住d燒烤食物問你要唔要,食左雞腎, 牛肉(有d生), 羊肉, 火腿,菠蘿, 雞翼, 金沙骨 強烈推介烤菠蘿!!!真係好鬼甜!!!個人認為食物味道可接受, $64可以任食+一大班朋友傾計三個鐘實在好抵

嗯...話說昨天考好了中化聆聽就已經開心得像考完AL 一樣的我,相約了好友X一起吃飯。因為我們是一個"路癡"而且記性不是很好的關係,所以在尋找那間"餐廳"時走了多冤枉路不過最後就決定了去尖沙咀的"巴西燒烤餐廳"自助餐....結果付了64元(午餐)但得出的結果是連"漢陽""梨和"等那些都不如...講多無謂,看照片吧~ 見到沒有???所謂的自助餐就只有這些東西可以吃唷~~真的是不之所謂- -"不過啦,他們那的菠蘿是好吃的而已數量都很多.不過還是太酸了,連胃都吃得有點不舒服.......吃見到雞翼就高興..因為那些"肉食"是要他們餐廳的人不定時拿一些出來才有啦,而且數量....唉~~~最可怕的就是,他們的甜品很多啫喱都有3.4種..蛋糕3.4種.別開心了...因為他們所有甜點都是同一種味道..就是...甜~"~ 竟然連香料都不下了,只有色素........唉唉唉...不值呢.早知就不去,還可以去看電影啦!!!我相信只有雪糕才是最好吃的東西在那家餐廳... 3點他們餐廳打烊了我們才走呢~~

Sat $128 一位,不包drinks.. 加＄16有 bottomless soft drink.服務:沒有...我不明為何我叫waiter來,示意想要該食物,他可以拒絕?????一定要跟他的路線？因為食不到雞翼所以有點不快...食物：其實食物都不太差, 而且款式很多,想不到還有三文魚,焗蠔，燒烤類有 ﹣羊腿,很多汁,我們要了一大件. Rib..只係chop左塊骨頭比我.. 豬攬..吾敢食.... 豬頸..有Ｄ硬.. 雞比菇,汁好好味，翠玉瓜，ok..巨芝士腸..好好味,波蘿...sweet and sour~ 好味Buffet 類有 - 熱菜,焗茄子,炆雞, 冷盤 - 三文魚, 韓式酸菜都免免強強...其他吾想食，Dessert - 只有雪糕(芝麻) 好味其他吾得.音樂﹣兩個巴西 guirstist 好識撂氣紛,如果一大班 friend有人生日, 佢地會唱 birthday songs..十分好.Casual Dinner 的話,這裡是不錯的,十分飽..好玩,但其他不可要求太多. 小比都幾滿意..

一向聽人講這間店的食物麻麻地,不過,同事生日指明想食這間,最後訂了位.準時七點半去到.因為訂位時己說明只有2小時進食時間.燒的食物中只試了雞腎,雞翼,火腿扒,牛肋骨,牛扒和烤菠蘿.最好味是雞翼和雞腎,火腿扒麻麻地,因為無味同埋似白烚.烤菠蘿好鮮甜好味.牛扒唔好食,煮得過熟加上沒有牛味,猶如嚼臘.要讚的地方是燒食物補給得好快,唔會無得食.熱盤有好多選擇.有雞,雞唔好味.椰菜花.椰菜花唔夠新鮮,好似有不異味.沙律只吃了羅馬生菜小豆苗,洗得好乾淨同埋好新鮮.刺身方面只有三文魚.原本都怕唔乾淨,可惜敵不過樣子看似新鮮的三文魚,最後還是吃了,三文魚切得好厚,好新鮮好肥美甜品只吃了豆腐花,豆花幾滑惜欠豆味.杏仁豆腐無乜味道.芒果粒粒同樣無味,原本想食意大利芝士餅,點知去到己沒有了,失望總括來說130多元來說己經好抵了.服務幾好,會主動收碟甜品

之前黎食過一次 打返個食評先自助餐其實真係無乜選擇的 黎黎去去都係個幾樣比較好食既係焦糖燉蛋 yummy!呢間野叫巴西燒烤 當然唔係講緊出去羅個d野食啦!就係d waiter會羅住一串野埋黎你張台問你要唔要個d好多都好好味 菠蘿仲超甜tim!仲有呢間餐廳會有兩個結他手周圍唱歌! 你點歌都得嫁 不過當然要佢識唱先得啦

環境環境同幾年前一樣, 有d up doub, 七點鐘去到, 成間餐廳先得嗰幾枱人,最嘈既唔係人聲, 而係枝結他聲。撻地行起黎有d黐立立食物好食: 燒芝士腸, 燒翠肉瓜, 燒粟米, 燒火腿, 燒豬頸肉, 羅宋湯 普通: 燒雞亦 (有d燶, 唔入味), 沙律 (有少少腥味), 豆腐花 (同百福差唔多), 桂花糕 (有d酸)唔好食: 燒菠蘿 (酸), 燒牛肉(韌) 燒雞肶菇(凍冰冰), 泡芙 (硬, d cream冇味), 壽司 (唔新鮮)服務態度好: 1) 不時添水, 要求暖水也有 2) 結他手, 客人不作回應也繼續唱, 很有敬業樂業精神需要改進: 收了碟後要自己去拿, 而且位置極不方便惡劣: 拿燒烤串既waiter, 好似d客得罪左佢咁, 說話語氣惡劣, 行到埋黎竟要求客人執好張枱比佢切野 (『你比個位我切先得架』), 而且要求客人幫佢夾住舊肉既時候仲要分左右 (『唔係呢邊呀!』)整體黎講, 下次唔想再幫襯