巴辣仔烤魚雞煲 (昌耀大廈) (已結業)

真可惜，良心店，價錢合理，竟然結業了，上個月先第一次去，點點了個醉雞煲，百零蚊任食喺香港嚟講算係好平，諗住嚟緊呢個要會encore，點知見到已經結業了。我仲同啲親戚講香港仲有單咁平嘅醉雞煲，遲了。傷心。仲諗住同啲人講唔使北上。

同朋友一齊試吓巴辣仔，感覺不比深圳探魚差，尤其香辣烤魚，性價比都比探魚高，並且真的好香+辣+魚炸封得好脆口，真係好好味，還有香辣茄子+串燒豬皮肉正👍🏻。好值得舀留港消費的一間出色分店。

我不嬲對巴辣仔嘅湯粉麵都情有獨中，以前響上水做野，Lunch間唔時都去巴辣仔食，由於我小朋友都好鍾意食辣粉麵果類，所以今次帶佢嚟試下，但見佢有呢個$158一位雞煲任食火鍋，仲要唔使加一，又好似幾抵食就試下，呢個價錢有確實係唔錯喎，食材都唔失色還可以，而雞煲都幾好味，不過bb辣都好有辣味，對小朋友嚟講就辣咗少少，但唔知係咪人手不足，雞煲等咗幾個字先嚟，火鍋配料仲成張單唔見咗，要我再落過，由於我哋比較細食，雞煲火鍋配料都係叫咗一轉，就已經足夠，我見隔離左右都叫咗兩轉雞煲，所以呢個價錢，真係非常抵食。

一向食開荃灣分店一人烤魚，因為唔係間間都有一人烤魚餐，自從荃灣分店轉晒用烤魚機之後就好失望冇再去食，魚唔脆….影響口感，問佢地點解啲味唔同晒，佢地話老闆買左烤魚機喎⋯⋯如果係咁姐係同大陸果啲咪一樣？？好想食返烤果隻烤魚！唔會再去呢度食了！

曾經，巴辣仔的鷄煲是我的最愛！曾經，巴辣仔的特大檸茶讓我非常滿足！但一排沒去才發現餐牌改了，鷄煲沒了，飲品變小了，一切只能回味了。冇咗鷄煲，只能叫烤魚和串燒...麻辣味烤魚湯底也算夠香，可惜完全唔辣，配菜更是欠奉。不過加錢有啲蜆仔一齊煮，味道唔算太差～牛肉串燒肉質偏韌，孜然粉不足，一口一串，非我所好～飲品依然是檸樂，不過份量不再，冇乜特別也曾經差不多一星期食一次，但以後，除了中午的一人份烤魚，也許冇乜機會再嚟...可惜...往事只能回味

从城门水塘玩好，下山吃东西来到了这一家，非常差，味道差，食材不新鲜，三个人吃完两个人半夜拉肚子，太差啦上菜以后发现鱼肉硬巴巴一点弹性没有，而且没有烤鱼的温度，一看就不是活鱼现烤，虚假宣传，总之非常差！！！！初来香港，这是吃到最差的一餐饭，味道完全没有烤鱼的香气，又咸味道又奇怪，小朋友吃了几口觉着不好吃只吃了白米饭幸免于难，第二天早上写这个食记的时候两个大人肚子还在痛，从来没吃过这么差的食物，奉劝大家不要上当

其實呢度我前前後後都食過五次 今次真係好想寫返一次食評📍巴辣仔烤魚雞煲 (昌耀大廈) 荃灣青山公路－荃灣段167-173號昌耀大廈2樓冇嚟幾個禮拜 除咗Menu轉左 仲有DIY冰粉配料任食整返碗先🤤我自製咗瓜子+紅豆+椰果+晶球嘅冰粉記得要落埋紅糖 如果唔係唔夠Sweet🤭-任飲杞子菊花茶✨烤江團魚+麻辣卜卜蜆烤魚另加左萵筍同金菇一上枱 哇左聲…條魚好大條魚皮不經油炸 烤到微微焦香 魚肉滑味道鮮鹹檸七x2✨蒜香燒生蠔(2隻）蠔肉非常細 蒜唔夠香 仲爭幾粒辣椒 可以唔使試✨串燒雞軟骨雞軟骨表面有辣粉 燒得酥脆有嚼勁 好惹味✨燒菠蘿菠蘿表面有一層燒焦焦糖 燒得啱啱好菠蘿鮮甜多汁整體用餐體驗🌟🌟味道( 4/5)🌟環境( 4/5)🌟服務( 5/5)
🌟抵食( 4/5)#每天也要食好西 #相機食先#荃灣覓食 #烤魚推介 #香港美食#串燒 #卜卜蜆 #任食DIY冰粉

食到一半嘅時候竟然發現一隻不明物體喺個碗入邊真係好污糟 奉勸大家唔好再食。。。之後個侍應攞咗杯熱水話俾我浪口 但係心裏嘅陰影仍然係好大 雖然張單免左 但我仍然係覺得10分難受 以後唔會再幫襯

之前住粉嶺經常去粉嶺巴辣仔食烤魚，因為覺得粉嶺間巴辣仔既烤魚好好食夠惹味搬咗黎荃灣都會間唔中突登入粉嶺食巴辣仔，同埋會叫外賣返屋企食，後尾見到荃灣都開左間分店一直都好想去食，今日終於去試下。都係同平時一樣叫左條沙巴龍躉香辣，之前有四樣配菜比你揀，依家轉咗無配菜，不過唔緊要，最重要係食佢條烤魚落單後條烤魚好快就黎咗，一上枱已經聞到同之前食果間唔同味，烤魚上面既料都唔同左…食落口同粉嶺果間完全兩樣野😓條魚可能未烤香定未炸香就拎出黎，仲有陣腥味…個爐下面兩個火黎到唔夠十幾分鐘一邊就熄左，叫侍應加火加埋另一邊，因為另一邊都就熄，個服務員好似好唔憤氣咁。服務員態度有待改善總括而言，荃灣呢間分店真係無下次…

星期日去食下午茶 同朋友一齊嘟枱上QR code 各自叫左一碗麵， 味道差過以前， 但米線口感尚算過得去。比錢時諗住用會員優惠券($80扣$10蚊)， 點知個惡收銀話你哋分左單， 麻煩你$109蚊。 我話同一張枱一個QR code點解會分單。 個惡收銀話一向都係分，無得改， $109呀我話甘取消單再出過一張， 惡收銀話唔得呀， $109呀真係火都嚟埋， 之後經理出嚟話今次幫我照扣$10蚊， 之後有個樓面走嚟叫經理自己哽$10蚊再唔係經理同惡收銀每人哽$5蚊。成班好似我乞個$10蚊淨係個經理係有禮貌之外， 個2個都唔休做甘之後我哋放低$120蚊走人， 同經理講啲tip係因為你我地先比真係嬲到一個點大家記住去食 要一次過落單一次過叫， 加單都係當新單架。

我其實好鐘意食巴辣仔烤魚，食過深水埗店、荃灣店同尖沙咀店，但荃灣店嘅服務態度真係最差。我地一行三人叫咗3份烤魚，各人喜好不一樣，有小辣、BB辣，有走麻有唔走麻，但啲侍應放低條魚就走，飲品又係咁！！！3條魚放低冇5分鐘，3盆火已經熄哂！！！叫侍應加火，好似好唔順氣咁之前試過有一次食仲正，但男侍應嚟，佢好悔氣話，只限加一次（火），咁好心佢就俾多啲燃料人。杯飲品沖得又係各分店中最淡嘅，沖得最好飲嗰間係尖沙咀，如果可以請多多學習。

今日中午12:30左右喺荃灣千色店附近見到呢間食烤魚嘅餐廳，自己又未食過烤魚，一於去試下啦，呢度除左一人烤魚餐同多款午市飯套餐選擇，不過黎到呢度梗係食烤魚啦呢度點餐係用手機QR Code落單都好方便，一人烤魚套餐有五款魚可選擇，價錢由$83-$158, 今次就揀左花鱸魚套餐$103,要酸菜味中辣，另再加一份羊肉片$9，同一杯凍檸茶$8,烤魚原條上枱份量唔少，鱸魚質地幾肥美又滑，魚味幾重，只係多少少细骨，個酸菜湯辣度幾好，加上有豆卜，芽菜，花椒，紅椒同芫茜等配料，都幾惹味，現場環境坐得舒適，而且員工工作態度幾好，下次會再黎食！

選擇困難症呀～烤魚又想食、花膠雞煲又好滋補最後都係簡番食過返尋味嘅烤魚🐟.原條烤魚 - 江團魚【連四款自選配料】$388原條江團魚足兩斤魚肉厚身亦唔多魚骨👍🏻加分位魚皮事前煎得香脆亦減少魚肉散開湯底好多款式咖～有泡椒、蕃茄、蒜香、酸菜等我地go for 酸菜（小辣）貪佢有酸有辣多層次配料選擇左蓮藕、萵筍、雞髀菇、紫洋蔥樣樣都索哂湯底😈🙈正～呢個價錢已經包哂上面既食物夠兩人食今次我哋四大一小一齊開餐就可以幾多幾款火鍋配料✌🏼🔥 安格斯牛肩胛 $288🔥 雙拼（鳳城水餃 x 韭菜豬肉餃）$68🔥 蟹籽墨魚滑 $88🔥 蜂巢凍豆腐 $28🔥 炸芋頭 $42水餃質素同專食水餃嘅舖頭有得揮蟹籽墨魚滑份量都幾大而且幾彈牙牛肩胛都唔錯不過我都係鍾意肉味更濃郁既封門柳炸芋頭必點💜必點💜必點～總之配料多達60幾款咁多一定有款式啱各人口味另外仲有多款川味小食推薦即炸腐皮蝦卷！新鮮炸起冇得輸好香口～仲有涼拌豬手一口一件又夠辣又夠骨膠原🐷如果多人聚會可以又食烤魚又食雞煲再叫到全枱火鍋配料就無敵啦😍.大大杯龍鳳檸樂特飲 $35平時打邊爐坐底嗌兩三罐可樂、王老吉呢度貨真價實一杯大既已經夠你食一餐烤魚仲有咸檸雪碧、

又係一年一度嘅農曆新年，阿媽年尾好忙，所以為咗減輕佢嘅工作，團年食乜就交俾我啦。本身有諗過買盆菜，但佢哋嫌所有嘢一樣味，再加上天氣凍，咁就一於打邊爐啦😆。同事推介可以試吓「巴辣仔烤魚雞煲」，上網一搵之下發現有勁多套餐選擇。屋企人鍾意食雞煲，所以我就揀咗價值$398(外賣自取七折價)嘅2-3人超值實惠套餐🌟。餐廳服務唔錯，Whatsapp佢哋落單揀定食乜，同埋幾時幾點、邊間分店取就OK👌；佢哋設有多種支付方法。我約咗荃灣店夜晚六點取，去到完全唔駛等，外賣已經熱辣辣準備好👍。食物包裝企理，我拎住兩大袋都唔覺得好遴迍。題外話，荃灣店距離地鐵站唔遠，面積好大，環境好似都幾好😉，起碼我去到唔覺污煙漳氣、好大浸味。套餐內容非常豐富，我呢一款寫係2至3人用，但其實只要自己加少少料(100蚊內)，已經足夠四個人食👨‍👩‍👧‍👦。主食火鍋煲類方面，我哋要咗巴辣鮮雞鍋(半隻)🐔，如果唔食雞，亦可加錢轉烤魚🐟。辣雞煲用大膠碗裝住，芫荽下面就係辣椒花椒海同埋其他食材，如洋蔥同蒜頭等。我哋要咗中辣，辣度唔算好嚇人，起碼唔係一遍辣油，不過食耐啲就開始嚟料，可能因為啲辣椒煲開咗。同時，佢「麻」味都夠，而且冇辣椒籽同

📸巴辣仔屋企人中咗完Covid話口淡淡 想食啲濃味野第一時間就諗到食烤魚🐟位於荃灣千色店附近既巴辣仔相信好多人都聽過佢午餐有得一人烤魚 $78就有交易今次一行三人就揀咗🍴原條足兩斤烤江團魚 $378亦可選龍躉/凌波魚❗️口味可以6選1香辣｜酸菜｜蒜香｜泡椒｜蕃茄｜鮮青椒👉🏻 今次揀既係蕃茄平時食開都係辣 悶悶地就試吓唔辣既反而好有驚喜 酸酸甜甜幾開胃仲會越煮越濃味 杰身架👉🏻江團魚肉厚少骨食落啖啖肉 啱曬我呢啲唔識吐骨既人😂肉質經烤焗後 外皮香口而肉質結實條魚食到差唔多可以加多少少湯打邊爐架火鍋配料方面：🍴雙拼餃 $68 皮薄餡靚 而且價錢算抵食🍴水魷 $68平時唔係成日有 食落幾爽口🍴自家製紫菜響鈴 $38咬落非常香脆 配搭紫菜令響鈴食落無咁dry🍴蟹籽墨魚滑 $88一上枱成碟都橙色 嚇一嚇原來係巨量蟹籽😂😂😂🥤飲品估唔到竟然會有珍珠奶茶🥰廢水愛好者點可以錯過仲有三款黑糖系列揀黑糖珍奶｜黑糖珍珠鮮奶｜黑糖珍珠烏龍 $32黑糖夠香夠甜 珍珠又夠咬口 正！#wwh食勻荃灣#wwh烤魚#wwh火鍋