幕多

營業中

休息中

我非常喜歡吃拉麵坊間有不少出名的過江龍也未能得我歡心！早前吃過一間非常用心的本地小店，品嚐到店家用心的真材實料好味道。拉麵店位處尖沙咀漆咸圍內的幕多！擁有超養眼的紅色店面行過絕對不會錯過的。這天下午兩時許來到仍然全店滿座！幸運的是未有人龍所以等了約10分鐘便可入座，期間店員先給我們餐牌點選食品，餐牌內容非常簡單絕對是吃專注。店內設有十多個座位於拉麵店來說算坐得挺舒適，放在檯面的貨櫃紙巾盒也勁可愛啊。拉麵店每日也有精選美食這天有蟶子及貴妃蚌，實在太合我們口味一於全點上。不消一會所點美食全部來到我們面前！肚子已經非常雀躍地打鼓我們也不客氣要大快朵頤了。精選海鮮小食各$38/份全以醬油來調味！貴妃蚌和蟶子也沒有華麗賣相，看似簡單但吃下爽口彈牙加上幽幽的醬油提鮮是好吃的。拉麵獨孤一味只售醬油蝦濃湯麵$118但足以令我回味無窮。拉麵上檯的時候會在席前淋上自家提煉的蝦油！紅彤彤的色澤非常亮麗有了它能增味添香不可多得的小確幸。先呷口用上超過40斤的蝦來炮製的濃湯！濃稠的口感令嘴巴充斥幸福感，超鮮香確實真材實料是沒法輸味道。溏心蛋$16/隻浸得夠入味蛋香也迷人！橙紅色的蛋黃流心程度挺合我們心意，雖然不

2個人食 係openrice 收藏左甘啱係附近就過嚟食 ，店側有紅鐵櫈可以坐係到等位 ，等左3枱到我地 等，得唔算耐 ，店家仲好細心 ，問我地飲唔飲水比左2枝樽裝水我地 ，餐牌係得蝦拉麵/刀削麵 同另外追加既餸 我地嗰日食既是日海鮮係蟶子 我地坐低嗰時格離枱係有叫蟶子(佢地已食晒準備離枱） ，原本係想試但聞到有陣腥味，所以嗌左2個拉麵追加溏心蛋同鮑魚，鮑魚好大隻同唔un，蝦拉麵個湯係唔夠熱，微熱嗰種，蝦一碗係有3隻，但係係凍 ，上拉麵嗰時會落少少蝦油，但未落前同落左蝦油都無聞到同食到濃蝦味，有少少失望，店家只收cash only,想去食要撳cash

醬油蝦濃湯麵 $118當間餐廳只提供一樣嘢既時候，你就知道間餐廳有幾好。幕多菜單只有醬油蝦濃湯麵同埋醬油醃製海鮮。麵的話你可以揀麵條款式，拉麵或者刀削麵，再選擇洋蔥份量，就可以。佢哋仲有少量海鮮可以追加，全部都係慢慢醃製喺醬油醬裡面。我哋揀咗蠔同埋當日特別嘅北寄貝 ( $38)。 當湯麵送上嚟既時候，店員會淋上蝦油作最後一步。飲咗一啖湯就覺得好好味！蝦肉鮮嫩，拉麵有嚼勁。湯底嘅蝦味香燶，唔會太鹹。以拉麵嚟講都算幾light，唔會覺得膩。海鮮都大推。蠔同北寄貝都係輕輕煮過，帶有少少醬油味。小提示：建議早啲到，就唔洗等太耐。我哋大概五點半到，等咗大約十分鐘。 

經社交平台介紹今日終於一試7:30pm到達 8:15pm入座 無籌派.係巷排隊.人龍不斷.亦有唔小人見到條龍而放棄排隊既時候有桃味酒供應 鋪內坐位比較窄每碗拉麵基本有3隻蝦 上左碗麵後再加蝦油湯底濃 拉麵彈牙 大蝦已剝殼 追加左蠔同鮑魚 (當日溏心蛋賣哂）🦪肥美 鮑魚大隻彈牙個人覺得不足既係：湯底唔夠熱 碗麵份量細注意：只收現金💰

知道這拉麵店多人排隊，所以5時多就過去，天氣炎熱，家人早到在外等候，送了水一支給他，入到去大家必選醬油蝦濃湯拉麵🦐🦐🦐，醬油醃製蠔，及每日精選醬油蟶子，溏心蛋等！湯底濃郁, 蝦也鮮甜，醬油蠔大隻肥美，幸運當天的是日精選有蟶子，爽甜可口，我們也再encore 蟶子；拉麵不夠可加，服務方面態度親切良好，幸好我們早到，很快就坐滿及有人排隊，唯一缺點是不收電子貨幣，只收現金，所以想去試的話要準備現金了。

終於黎左尖沙咀傳說中好出名嘅拉麵，黎到已經排緊隊，餐牌只有一樣野，就係呢個 #濃蝦湯拉麵 ，落單時仲有得好細心揀拉麵硬度，同配菜嘅需求，全部都好細心有得揀自己喜好。 好細心 店員上果時會即時倒個蝦油落個拉麵道，即刻勁香，好吸引，拉麵一定要試下個啖湯先，見到佢個湯好吸引，好Creamy ，特製打到起曬泡，好濃蝦味又唔太鹹 ，正 ，仲有三隻好靚嘅蝦，好細心摵曬殼，可以專心一啖拉麵一啖蝦，正，拉麵真係按返我喜好煮得好彈牙，好好味，真係唔覺唔覺會一路食麵一路飲曬啲湯，絕無欺場。 🌻🌻🌻🌻🌻再有其他是日推介可以追加，我地追加左今日精選嘅蟶子，好大隻，都幾好味。🌻🌻🌻最正老闆會不時請排緊隊 / 食緊嘅食客飲日本酒，令到環境好有Feel，個個都好似係老闆朋友咁，老細都請左我地飲杯蜜桃濁酒，整體氣氛感覺都好好 ，正 🌻🌻🌻🌻🌻不過店舖坐位有限，所以食完都想立刻想讓位俾其他人，所以都唔太可以坐好耐傾太耐

今日同友人途經尖沙咀，發現一間細地鋪大排長龍，係炎炎夏日下仍做到大排長龍，想必味道一定唔錯，我同友人也試試呢間日式拉麵餐廳，支持香港本地小店特別推介：醬油蝦濃湯麵呢間餐廳只得呢款麵，獨沽一味，拉麵上枱前會淋上餐廳自家提煉的蝦油，令味道更突出，湯汁濃郁鮮味，陣陣蝦香，超級好飲，拉麵彈牙爽口，軟硬適中，做得唔錯，最正係新鮮彈牙的蝦，入口彈牙，可見食材十分新鮮，極力推介醬油蠔佢啲蠔勁大隻，勁肥美，而且好新鮮，加上用醬油醃製，兩者配合十分完美，十分推介

每日街市新鮮蝦熬製濃底，唔落一粒鹽，真材實料！鮮蝦仲要已經剝哂蝦殼，啱哂我呢D懶又為食嘅人。每次放隻經過都大排長籠，咁啱平曰2點排左5分鐘就入得，超幸運！🦐醬油蝦濃湯麵 $118 💫9/10呢個價錢，呢個質素係超哂班！上枱仲會淋一圈蝦油，令到個蝦味更突出！第一啖湯，真係完完全全係蝦，仲有好多櫻花蝦，超鮮，飲落唔會覺得膩，忍唔住Keep住狂飲，難怪見到好多人都飲到清碗！拉麵還好，我覺得佢係配角，最出色都係個湯，下次會想試埋刀削麵！去殼蝦有3大隻，蝦頭有膏，蝦身食落啖啖肉真係好爽，夠哂爽彈。🌊是日精選海鮮蟶子 $38 💫10/10每日唔同，可以向店員查詢。蟶子超肥美大大一條，入口係勁勁勁鮮嫩帶DD爽甜，大大條食落真係巨爽！醬酒味道剛好，唔會蓋過海鮮本身鮮味，有提鮮作用！食完馬上叫埋蠔黎食！🌊醬油生蠔 $38💫9/10生蠔兩大隻，好飽滿白雪雪，入口三個字大滿足！生蠔鮮甜，一D腥味都冇！食完其實想再叫埋個鮑魚食，但真係有D食唔落，唯有留番下次！🌟總結：鍾意食蝦嘅一定唔可以錯過，湯底絕對令人回味三分！另外一定要點佢地海鮮，唔洗諗，可叫哂！

今日專程去咗尖沙咀「幕多」，試佢哋醬汁蝦濃湯拉麵。預咗要排隊，果然門口等咗大約2張枱，需時半個鐘左右，算係預期之內。好彩入到去冷氣夠凍，即刻舒服晒。主角醬汁蝦濃湯拉麵真係冇令人失望！個湯底一上枱已經聞到好香，色澤深沉。飲一啖，濃郁到不得了，蝦嘅鮮味非常突出，仲帶有醬油嘅鹹香同層次，真係好味，掛喺麵度食更加正。麵質算係中意嘅偏硬身，爽口。雖然要排一陣隊，但係碗湯嘅質素同味道，加上入面坐得舒服，我覺得係值得嘅。下次會想再嚟。🍜

🦐Cappuccino-texture soup with rich shrimp flavor, yet the sakura shrimp and shrimp oil leveled it up. Fabulous!🦐House-marinated shrimps were super springy, and umami with the tail shell removed. Delicate!🍜Chose sliced noodles 刀削麵 yet it's a bit thick and can't hold much soup1️⃣ Focus on one item, attracts loads of supporters 👬👭Young and energetic team with a handsome vibe

睇咗上網一啲Youtuber的介紹所以過嚟食又話平時會排長龍諗住一早過嚟唔使排隊我嚟嘅時候約下午5點真係唔使排架但係食物嘅質素非常一般首先講下全店得一款拉麵可以選擇拉麵面底普通一啲都唔煙韌同埋完全冇味湯底原本係我最期待嘅嘢點知得少少蝦味一啲都唔濃碗面面頭有三隻蝦 不過一咬落去係凍嘅追加食物有糖心蛋，鮑魚，蠔及蝦但係剛剛開舖～蛋又冇鮑魚又冇最後叫咗$38的蠔～呢個叫合格整體嚟講不太推介～好彩唔駛排隊如果10分滿分我比5分

由於呢間舖頭實在太出名，太多人推介，於是bookmark咗一直都未去。今日咁啱有嘢做出開尖沙咀，於是乎一點前就去咗舖頭排隊，本身以為有排等，點知等咗10分鐘左右就有位入去，不過夏天，覺得餐廳入邊冷氣唔係好夠，舖頭淨係得一個食物，就係蝦湯拉麵，仲可以加醬油海鮮，不過因為怕自己食唔晒就冇嗌到。但係上網睇，醬油海鮮都係佢哋嘅主打，亦係靠醬油海鮮做到開舖頭，有機會下次會想去試吓。不過都係建議平日避開高峰時間後會比較好，咁就唔使排隊啦。

每次經過見到這食店都排長龍，今日中午12時許見前面都有七至八個人，比之前晚上見少啲，於是就決定試中午，相信總比晚餐排隊更長，天氣炎熱，食店很窩心，排隊時送上飲用水一樽，值得一讚。之後排到第六七個位置時，店員開始派餐牌選擇，簡單直接易明，而且還可循環再用，比寫餐紙更好。店舖面積細細，但由於每位都是以吃拉麵為大前提，所以番枱時間未算太久⋯⋯店外門口寫著當日精選，要留意一下，只收現金。加推小食，每款$38，首次到來，我們試了是日精選帆立貝、鮑魚以及𧐢，三款追加小食雖然底味一致，但由於每種海鮮質感不同，也帶出不同的個性，三種都令人吸引，三款項目之中，筆者最愛鲍魚，大隻又夠爽彈。𧐢是後來追加的，我們只是見到鄰座點了，賣相夠吸引，肥嘟嘟，於是決定追加，這道菜如果能夠作為下酒小吃一定不錯。蝦拉麵~主角出場了，蝦麵架勢地端上枱，看見樣子已覺吸引⋯⋯之後店員會在你面前倒”蝦醬油” 在拉麵上，很有儀式感。湯底質感厚身，味道濃厚，吃得出花了很多心機熬製，每碗拉麵有三隻蝦，細心一看，蝦🦐殼中央部分已剝殼了，真細心，令食客吃得容易，而且感到很窩心。整體來說心思的食店，值得一試回味中，難怪如此多人排隊。

幕多，食日式拉麵。星期六下午六點去到，已有顧客在店外等候，店內滿座時，想幫襯的人便要乖乖在店外排隊，沒有籌號派發，但有支裝水和可愛酒杯仔裝的桃味果酒供應，招待方面算大方，另又有工作人員來吹下水, 感覺餐廳重視客人。等約半小時，有位，但人未齊，等到齊人已是晚上7點，是日精選蟶子已售罄lu食物選擇不多，基本有個醬油蝦濃湯面作底，可另加蠔、鮑魚、蝦、溏心蛋，那我們每項點一款試試。店子充滿蝦的香氣，拉麵一上枱，未食已聞到濃濃蝦湯味。飲啖湯，嗅覺與味覺是一致的，很有質素，很實在，湯不過鹹，食面飲埋湯都無難度。面方面，不論刀削麵定拉麵都彈牙，好食😋蠔（飽滿點更好）、鮑魚…嫰滑易咬，有適當的調味，蝦肉爽彈，很讚。很享受這一餐，有在日本食到的拉麵質素。

Visited this ramen resto in Tsim Sha Tsui, suggested by my friend, for dinner tgt. .We both ordered the Shrimp Soup Noodle. For the noodles type, one can select between ramen and sliced noodles, and I chose Ramen. The broth was simmered with a generous amount of shrimp, creating a rich and flavorful base. Before serving, the waiter poured shrimp oil into the broth, intensifying the taste of the already thick and creamy soup. Each bowl featured three large soy sauce-infused unpeeled shrimps, whic