平昌 Premium (已結業)

通常我去這裡吃， 都是因為跟一個食很多東西的韓國朋友吃烤肉。 我們喜歡的是 沒有用醬醃製過的牛肉， 因為這樣才知道這一家的牛肉， 品質好不好。 還有我們都喜歡點他們的海鮮， 最喜歡的是 鰻魚， 但是限量的喲。 因為無論你叫10條魚， 他們都只可以給我們2條。 可能是我們真的點太多了啦。 😂其實， 這一家真的有夠便宜啦， 肉也不錯， 算是ok 啦。

用左水筆同過膠紙 入單環保抵讚，唔太多油煙侍應主動換爐版 加分今次我哋食晚餐。肉類選擇多，有埋石頭鍋飯 ，正但麵有點咬不斷 ，唔夠好味叫最平嘅套餐都夠飽👌🏻同平時嘅漢x, 高麗x , 明顯有質素差別 ， 對比兩間，平昌較偏向韓式多於港式，有埋韓國飲料（汽水，檸檬茶）同韓國雪條第一次食 唔錯 （我係聽朋友介紹，佢喺日本大板力x 食燒烤，仲話香港平昌好過呢間😂）唯一不足係甜點得雪糕雪條 ， 不過價錢咁抵，就唔好計啦。最近分店做緊記者學生優惠 ，好有心👍🏻決定再試下午巿。* 備注 呢間有沙發坐，旺角嗰間得圓櫈， 但價格當然有少許分別記得訂位同訂早點五花腩大塊牛好搶火，見住隔離枱咁大火。 😂😂

夏天都可以食燒肉，呢度韓燒有三個不同價錢嘅套餐， 不同套餐的食物種類有啲唔同，但都係任飲任食。肉類方面已經有十～二十款， 仲有餐前小食，好似泡菜、芽菜等， 當然唔少得韓國料理啦， 好似泡菜煎餅、海鮮豆腐湯、辣年糕， 仲有好多串燒～香草五花肉、 豬皮、雞腎。燒肉方面呢就點咗牛脷、五花腩、特級豬頸肉， LA牛排骨， 肉質都好新鮮。 海鮮呢就點咗 生蠔、新鮮蝦、帆立貝同埋魷魚。整體嚟講上菜嘅速度都快，職員亦會嚟檢查烤盤需唔需要更換。

今次又是和韓國人來， 再加多一位美國人。第一次中午放題，平時是晚上來， 原來中午放題可以點的食物會比較少。我和韓國人常常點的鰻魚， 扇貝， 蝦， 在中午都不會供應。當然難不到我們3個烤肉達人了。豪點肉肉， 我就豪點蠔， 和章魚。不過，今次認真吃了一下泡菜， 這裡的泡菜， 比較喊中帶酸。 只用來夾生菜和肉夾在一起是可以的。 單吃泡菜就不見意了。120 mins, 3個人不停吃，不停點。沒辦法， 因為我們都是烤肉鐵腳。 更何況， 這裡上餐有點慢。 中午海鮮沒甚麼可以點， 我就最少點了6次蠔， 一共18隻。 肉就不用說到， 排山倒海的上。 飲品， 我們都只拿茶類。 因為其他的太甜， 不太喜歡渴。 甜點雪糕雪條種類很多， 不過我們太專注烤肉， 忘了吃。。。 下次再試吧， 反正我和韓國仔常常來。

突然好想食韓燒，朋友介紹左呢間，所以試下。形式是任食，我地選擇最平的大君御膳套餐。套餐包咗幾款前菜，泡菜嘅味道唔錯。欣賞佢哋嘅點菜紙係可以重用嘅，唔洗每次點食物都浪費咗一張紙，夠曬環保。套餐包咗海鮮雞肉牛肉豬肉等等 望落都好新鮮味道都唔錯。其實呢間餐廳都算唔錯，但係抽風真係好差！！！ 現場真係煙霧瀰漫，好似火燭咁樣， 好懷疑點解個煙霧感應器咁大煙都會唔響 ，仲搞到成身都好臭！！出到去好尷尬，個個行過都望住，尤其交通工具上面。真係扣曬分。而家出面好多韓燒餐廳抽風已經做得好好，但呢間真係好差，所以 我同朋友都不約而同覺得真係唔想再幫襯。

昨天一行6人聚餐，在OpenRice 訂位前已致電查詢，問他們收費幾錢同埋有冇限時，那位聽電話嘅同事呢本身已經夠幾冇禮貌㗎喇佢同我講價錢呢就分別係三個餐飯啦你自己上網睇啦跟住我話但係我睇唔明呢三個餐牌同埋無顯示價錢跟住佢好唔滿意覆咗我啦跟住問咗朋友朋友都係照樣去試，但那位員工話無限時的，昨天去至佢介紹咗個三個餐牌價錢之後我哋揀咗最貴果隻378啦，而且他再重覆係冇限時的，成日都話自己冇限時但到我哋食到咁上下時候有個講英文嘅女子呢就走埋嚟同我講last order ,咁我哋一行六人的一面茫然啦因為問咗你哋冇限時點解無啦啦同我地講最後點餐呢，跟住再問另外講中文嘅侍應佢哋就話係呀點餐有限但就食嘢呢就冇限時咁我哋都算啦，咁就叫埋最後一轉之後諗住就慢慢坐下食啦，食食吓突然間那個講英文嘅女士又走埋黎同我地講話夠鐘啦，你哋要走了⋯⋯還要好兇好不滿意，我本人覺得這間餐廳啲人好似溝通唔到

一班人聚會，又平又抵食的方法，就係任食，燒烤也是不錯的選擇。人不多，大約5成滿。友人book了枱，安排坐最角落較靜的位置。以傾下偈來說是不錯，但燒烤時很多煙都散不去，硬食。任點任食的選擇都好多，牛、雞、豬、扇貝、蝦、生蠔、蔬菜菇類、連鰻魚都有。勁👍另外熟食有冷麵、海帶湯、海鮮煎餅、拉麵等。選擇花款多，份量也足，真可說是抵食😋飲品雪櫃有汽水、檸茶、龍井茶、烏龍茶、忌廉溝鮮奶等；再加雪條有芒果、紅豆、椰子、咖啡與榴槤。以這個價錢來說，算很化算了。

上網見到有咁多好評就決定一試。結果極級中伏。一出𨋢就見到煙霧瀰漫。已經心知不妙。到燒嘅時候發現除左成場煙。眼前亦都成爐煙。抽風極差。塊鐵板又極易黑。根本係燒兩塊野就黑哂。仲要燒咩都痴底。好彩侍應密密換板。不過諗起洗板嘅人都覺得佢慘。個場冷氣又唔夠。連企喺reception嘅職員都要拎野撥涼。更何況係坐喺爐前嘅食客。餐廳用可重用卡仔寫number落單。環保。但份量一定係跟人頭上。想叫少啲都唔得。唔環保。講番食物。揀左大君御膳。因為同枱都唔係大食之人。唔需要有咁多選擇。雖然明白呢個價錢質素唔會好高。不過認真唔合格。啲牛同豬係完全冇味。雞醃左就叫做好啲。蠔同扇貝燒完縮到好似唔見左咁。韓式拉麵味道係落左少少辣粉再加味精。冷麵完全唔冷。最多係叫室溫。豆腐鍋。係碎豆腐配味精湯。全晚最好食係鰻魚同午餐肉。食完番到屋企。同朋友不約而同都話仲係勁口乾。食物衛生方面亦都唔合格。生菜一早放左喺枱面。認真唔知放左幾耐。雖然侍應帶左手套。不過見到佢呢頭上完生肉。嗰頭上湯時就成隻手指插左入碗海帶湯入面。最恐怖係臨走時去廁所。竟然見到廁格入面啲木板生哂木耳。真係即時呆左。完全唔明廁所應該一日清潔幾次。點解可以容忍到

Wa....呢間野。垃圾到不得了。真係唔明點解可以有咁多好評。除非收錢。希望大家唔好中伏浪費金錢時間。我諗都真係有十宗罪。第一：訂位冇Confirm..未到打黎吹..上到去大把位第二：Reception 冇人..有人都仲要黑口黑面第三：入坐後..完全冇人理我地..呆坐..原來係要簡咩野價錢既放題..同自己寫野落單..一開頭完全冇人同我地講第四：全場油立立。又臭。抽風極差第五：食物。全部一樣味。肉質素差。熱食hea。其實真係唔知自己食緊咩第六：落單。唔理你寫幾多。計人頭比你。想食多食少冇得你選擇第七：仲用緊十年韓燒果D板。兩野就黑哂第八：話冇卡機。要比現金。不過係埋單LastCall先講👏第九：個場冇人。但嘈到一個點。坐對面都聽唔到人講野第十：D員工企哂係到望住你食野。完全唔知佢地做緊咩第一次食到D咁垃圾既野。食飯冇味道。服務差。環境差。點解仲要去。真係比D食評昆哂

韓燒來講，醃肉味道尚算ok,但款式極少，同漢陽苑無得比。一入門口，見到間店勁多吉位，咁諗住無訂位都無所謂啦（之前打左幾次都無人聽）點知個reception話要等20分鐘？我心諗無聽錯掛？多口問句明明好多吉位喎，佢話打算要收一個區，我望下錶，當時9點都未到，正當我企左係度好疑惑既時候，佢又無啦啦召左我入去（無錯，真係召，牛頭馬面咁既樣）咁間野油煙大不嬲都知既，通風差都無辦法，點左野好耐唔來，趁佢換板時問句，可以零反應，答都唔答一句走開左，心諗洗唔洗咁串呀？轉頭，有個侍應行過來通知左一句：今日卡機壞左，只收現金。噢，又真係咁岩帶唔夠錢喎，都食到一半啦，咁.....所以而家放低筷子，落去搵櫃員機啦，希望佢唔好咁準時趕我走啦，剛才望住佢係咁催隔離台走.......

今晚同同學聚會，係openrice預先book左位，去到等左十分鐘左右就有枱啦！今次試大君套餐，平平地但都好夠食。套餐包生蠔，唔算好肥美，但都幾好味。但一隻要燒好耐，少啲耐性都搞唔掂。仲有扇貝、肉（豬、牛加埋都超過十款）真心推介燒鰻魚。鰻魚黎到，輕輕燒一下，熱熱地加埋本身已經有嘅鰻魚汁忍唔住追加左四次！！呢個價錢有咁多款肉、海鮮，仲有得燒鰻魚，真係近期食過最高質嘅任食韓燒。值得一讚嘅仲有職員嘅服務態度，非常好仲會自動波幫你換燒鐵盤，讚

發現原來好耐無食韓燒，最近又搵到間新寶貝，有韓燒仲有醬油蝦食，緊係即刻去8掛下啦！ 呢度最好笑係一入門口就有人問你要做「大君」、「世子」定「國王」，3樣分別在於食物種類嘅選擇，國王就緊係最高級最多啦，但重點係大君都已經好多款揀仲有海鮮同主食，完全唔小家！ 一坐底揀完食邊隻御膳，就有前菜同基本碟上場，呢度啲料全部都腌得好入味，完全唔使燒完再狂點醬先食得，值得一讚！肉類特別推介烤牛肉（光陽調味）、辣醬牛五花肉、烤牛腸同烤豬腸 烤牛肉好嫩，完全唔會一渣痴埋食唔到，調味好特別，肉汁香濃，果然係韓國最高水準烤肉嘅調味法～烤牛腸雖然切得好細，最正仍然係明洞食過果間一號牛腸店，但呢度都有啲影子，處理得唔錯呢度嘅海鮮都唔錯，醬油蝦係任食，雖然每次填幾多都係按人頭派，但蝦新鮮彈牙，腌得都好入味！烤蠔特別有驚喜，烤完仲有好重蠔鮮味，可惜臨尾先叫食完都再唔夠時間再叫 不過溫馨提示各位唔好著吸味嘅冷衫到場，始終燒烤都一定會有味🤪---------------------------好味指數😋：7.5/10翻啅指數🙆🏻：6.5/10 人均消費💰：201-400服務態度👨🏼‍🍳：7.5/10 乾淨

講到任食嘅韓式燒烤，比一般人嘅感覺都係唔太高質素，但係今次嚟嘅呢一間就比我好唔同嘅感受。今日難得早收工就同太太嚟撐枱腳，揀咗一個二人卡位坐，感覺幾舒服餐廳有唔同級數嘅套餐可以選擇， 選擇咗相應套餐就可以在餐單上任點任食今次我就選擇咗比較多嘢食嘅世子御膳， 不論係肉類及各式料理都比較多選擇，而且仲可以選擇海鮮類食品，肉類亦都比較高級首先點嘅係各式各樣嘅牛肉及豬肉，一望就知非常新鮮，而且脂肪都比較少呢度值得一讚嘅係服務員非常細心 ，會經常幫我地更換鐵板海鮮亦都非常鮮味，蜆都大大隻韓國人生日先會飲海帶湯，雖然我地唔係生日但係都可以喺度食到,暖笠笠非常開胃飲品選擇非常多，亦都有各式各樣嘅韓國飲品而今次我覺得最有驚喜嘅食物莫過於係呢個醬油蝦，通常喺韓國先食到，要佢呢度就調味調得非常好，足足點左5 round韓式涼拌冷麵非常爽口及透心涼最後仲食埋佢嘅韓式雪條非常滿足

見呢度個個都係講韓燒，等我講下呢度嘅set lunch啦！有日同事話呢度食lunch好抵，心諗佐敦抵極都五十蚊啦，韓國野喎！可惜冇影到餐牌，睇完之後我都忍唔住講句「好抵呀！」。點解呢？因為佢個set lunch除左包飯，仲有前菜（食晒仲可以叫佢添），湯，同埋罐裝野飲...like埋佢個facebook page仲有雪糕，埋單真係唔洗五十蚊一個人..你話癲唔癲先..佢仲要每日都有唔同嘅choice比你揀，平之餘都唔會話日日限死某幾款做特價套餐，今次星期一，我就叫左個牛肉飯～你話係咪超好食，我又唔敢講，只可以話呢個價錢黎講算係唔錯架喇。佢唔同吉野家個啲日式牛肉飯，佢啲牛係偏甜嘅，而且牛肉同飯嘅份量真係好飽，男士都一定夠晒飽呀！

早2日想食韓燒，見openrice呢間幾好評，所以就訂左試試新野。地點好近佐郭站，好易拉、搭閘上去好方便。星期六既7點去到，全場大約6-7成滿、有大枱也有2人卡位唔差。當日接待處是一位韓國人的男服務員，去到同佢講訂左7點2位既，唔點佢忙緊咩咁巴閉遞起手stop 我叫我唔好講落去，fine ，你忙你大哂我等你叫左最平既餐牌 2個人連服務費 480蚊有肉有海鮮有主食算抵食一坐底待應即遞5款前菜，爐邊蛋等，自助寫單號落單，幾好呀，唔會亂又唔會落錯，但無論你寫幾多塊肉都好，佢見你得2個人就最多俾2你。 round 2 我寫左10隻蝦，佢都系俾2隻，驚死俾多蝕俾你咁，我2個人落10隻蝦唔系好過分下話？？？值得一提系，佢枱是油淋淋，油到連餐牌都好油。。。。呢個系衛生問題，真系油到我手都唔敢擺上枱面。。可能我簡左最平既menu 定間野本身質素系咁上下，寫左2輪，，，冇咩野好食又冇咩唔好食。唯一抵讚就系侍應好主動地換燒盤，我食左90分鐘就停左，但應該都換左4-5次但如果你問我有冇下次，我一定答冇