幸匠燒 (新城市廣場一期) (已結業)

幸匠燒 沙田在晚市只有兩成客人，但卻頻頻出現漏單或錯單。拖羅海膽卷：海膽味鮮甜配搭拖羅成件事好豐富，但紫菜太快軟掉及黏，沒有清脆口感，令到性價比不值。鮑魚刺身：爽脆甜度不足，而且有點細。雞心：略厭乾身，鹽亦放太多。福岡豚肉士多啤梨：🍓與燒烤及肉味不夾，燒了的🍓較接近燒菠蘿🍍但較為難食，貪新鮮可以試一下。清酒煮蜆：蜆肉多沙..而且竟然未熟，我不是要吃刺身啊，雖然蜆蓋是打開了但個肉真係接受唔到的生。

1️⃣刺身拼盤8款 $388刺身幾鮮甜而且口感嫩實，唔會鬆散。減肥人士食刺身係唔錯嘅選擇，較低卡路里，同時含有豐富蛋白質和魚油。2️⃣🌟午市定食：日式燒汁燴牛（付前菜、蒸蛋、御飯及味噌湯）$158成個餐食完飽到晚餐都唔洗食。前菜有4款，唔會hea。蒸蛋要俾Like😍 其他不過不失。主食牛舌切得幾厚身，雖然厚但都入曬味，燒汁加咗黑胡椒，帶點辛口，好夾！我好怕食牛舌有股牛臊味，呢度絕無呢個問題👍🏻總共：$546 （包括加一服務費）———————————————Came for a teamwork celebration banquet, meals were quite expensive but the lunch set was worth it 👍🏻1️⃣Lunch Set 🌟 Braised Beef Tongue . Teriyaki Sauce (Served with Appetizer . Steamed Egg . Japanese Rice . Miso Soup) The appetizers were well-prepared, included four dishes.

約咗朋友去新城市廣場嘅幸匠燒食飯，餐廳門前有個鳥居好易搵，可以打下咭！呢度係間日本居酒屋，環境舒適，座位闊落～我哋叫左啲串燒share食，整體來講都幾高質🍢陸之盛有和牛串2串、極上牛舌芯2串、煙薰沖繩黑豚肉串🍢最愛牛舌心，好爽口，而且好厚切，口感非常好！和牛串牛味濃郁，回味無窮！沖繩黑豚肉串鮮嫩多汁，油脂豐富。🍢海之盛有日本蠔、海蝦、帆立貝另外叫咗碟燒海鮮，燒到微微帶焦食落更香口！海鮮本身有鮮味，輕輕加少少醬汁已經好好味！

用餐時間90分鐘，一個鐘左右已經係咁叫你埋單，但成個場勁空，一半都坐唔滿，出面都冇客係到等，大概係8點左右。侍應仲要係咁勁趕咁收野，有碟野食都未食，已經想收走….但服務都幾好，見到杯冇哂茶，都會走黎主動幫手斟茶。但真係完全唔理解點解要係咁趕頭趕命，明明有咁多空枱，又冇阻人收工。當初簡佢就係見冇乜人，可以靜靜地傾下計，唔洗咁趕，點知係咁比人催埋單。2個人晚餐食咗1000蚊，但得d咁既體驗，絕對唔會再去。

幸匠燒，餐廳位於沙田新城市廣場6樓，餐廳日系佈置有特色，門口鳥居裝飾特別，座位寬敞舒適，餐牌以串燒壽司刺身為主，選擇非常多，價錢亦相當合理。鳥之盛$328以雞肉為主，串燒有雞翼，免治雞肉棒，雞軟骨串等等，串燒質素相當高，雞翼燒到剛剛好，皮脆肉滑剛剛好，一流。雞軟骨串香口軟硬適中，有咬口。海之盛串$188， 海鮮為主有日本蠔，海蝦，帆立貝，海蝦大大隻非常新鮮，串燒帆立貝配合餐廳特製醬汁及芝麻，增加一種獨特口味。

朋友聚會最好就係揀居酒屋可以放心咁談天說地唔怕有限時，一邊飲酒一邊食串燒呢間雞肉串燒好出色推薦一定要叫雞肉串鳥之盛 呢set 係食雞既唔同部位包括有雞翼、免治雞肉棒 、雞膝軟骨 、山葵雞腿肉、燒雞腿肉 一次過滿足晒鍾意食串燒雞既人雞翼大推燒得岩岩好，外脆內嫩仲係好juicy免治雞肉棒啖啖肉，用上照燒汁烤好惹味山葵雞腿肉好有驚喜，配上山葵令雞肉味更突出陸之盛 除了雞肉點可以唔試牛陸之盛可以試下牛同豬和牛串 、極上牛舌芯 、煙薰沖繩黑豚肉串 和牛油脂感充足，食落軟淋好滿足牛舌芯好有咬口，爽彈牛味濃黑豚肉好正，油份迫晒出黎，外層燒到好香脆白燒活鰻 燒活鰻一定要叫鰻魚厚肉嫩滑鰻魚皮燒到好香脆每啖都係肉，完全無骨

約咗同朋友去咗幸匠燒食飯，叫左好多串燒，賣相都好精緻，味道亦相當唔錯👍🏻🍢鳥之盛 $328(雞翼、免治雞肉棒2串、雞膝軟骨2串、山葵雞腿肉、燒雞腿肉)串燒排列得好整齊，而且燒得好靚！份量俾到足，每串都啖啖肉咁食超正！佢地既雞肉肉質嫩滑，燒完都唔會好乾，味道調得好，整體好惹味！🍢陸之盛 $328(和牛串2串、極上牛舌芯2串、煙薰沖繩黑豚肉串)呢份有齊牛同豬，同樣串串都好足料！我自己最愛牛舌芯，好厚肉又夠爽口彈牙！本身都好夠味，唔洗點醬已經好夠味！豚肉串燒得好靚，微微帶焦香仲好味！和牛串正常發揮，只要牛靚，點燒都好食！🍢白燒活鰻 $180/2白燒更能夠突顯鰻魚既鮮味，食到魚肉本身清甜既味道，食落外脆內嫩，比平時食既鰻魚更有口感

每次過沙田新城市廣場就滿足左幾個願望，餐廳多商店有較多，就算行足大半日都有餘未盡，行到咁上下，又係時候搵啲特色啲嘅食物，😌同時亦都想享受一下串燒嘅感覺😏陸之盛—🍢呢一款就啱晒一種食肉獸，而裏面就有和牛串 2 串、極上牛舌芯 2 串同埋煙燻沖繩黑豚肉串，和牛串，🍢除咗香之外就係更香，外層燒咗一層好薄嘅脆皮油脂，再入面就係油花四濺嘅和牛。🍢至於牛舌心就係成條牛舌比較最嫩嘅部份，同時厚度亦都有一定嘅基礎🐮白燒活鰻— 🐟另外亦都要推介幾多度嘅燒活鰻，🐟新鮮嘅鰻魚就係皮夠彈性，肉質夠爽🐟幸匠燒 (沙田)沙田沙田正街18號新城市廣場1期6樓632號舖

夜晚收工同朋友喺沙田新城市行完街，同朋友就搵到一間佈置特別嘅日式居酒屋，喺6樓嘅幸匠燒，門口有一個日本鳥居好容易認。第一次嚟就簡簡單單，叫一啲串燒拼盤唔使諗，非常方便。一個以雞肉為主嘅串燒，鳥之盛$328，雞翼雞軟骨免治雞肉串燒雞腿肉，樣樣有。燒雞翼淨係睇雞皮燒得好脆，都覺得好好食。免治雞肉串啖啖肉，味道適中，唔會太油膩。朋友就鍾意食燒海蝦，所以就叫咗一個海之盛，又有燒日本蠔海蝦帆立貝非常豐富。餐廳除咗串燒之外，其實仲有好多壽司刺身，下次嚟到一定要再試吓。

昨天跟朋友去沙田新城市廣場食串燒，餐廳門前有鳥居好易認。餐廳屬高級居酒屋，串燒質素比一般的好，尤其食材和調味都甚有水準，環境舒適，服務優良，當然價錢也會貴少許，但絕對值得。我和朋友們叫了三個串燒套餐，涵蓋豬牛雞和海鮮，把酒談歡，渡過愉快的一晚。套餐相當豐富：海之盛 ( $188）有日本蠔、海蝦、帆立貝串鳥之盛 ( $328）有雞翼、免治雞肉棒 2 串、雞膝軟骨 2 串、山葵雞腿肉和燒雞腿肉 陸之盛 ( $328）有和牛串 2 串、極上牛舌芯 2 串、煙薰沖繩黑豚肉串

餐廳正門的鳥居⛩️很搶眼，仿如進入了日本的居酒屋，給人幸福溫暖的感覺，而且座位闊落，坐下非常舒適。串燒套餐抵食又好食，全部都燒得啱啱好，保留肉汁；調味也適中，食到食材的鮮味。鳥之盛 ( 雞翼、免治雞肉棒 2 串、雞膝軟骨 2 串、山葵雞腿肉、燒雞腿肉 ) $328陸之盛 ( 和牛串 2 串、極上牛舌芯 2 串、煙薰沖繩黑豚肉串 ) $328海之盛 ( 日本蠔、海蝦、帆立貝串 ) $188雞、牛、豬、海鮮，款款試齊，個人最愛冲繩黑豚肉串，鮮嫩多汁，油脂豐富。

幸匠燒主打的爐端燒串燒料理也絕不能錯過！原店嚴選福岡華味鳥雞肉入饌的各款雞肉串燒料理，再加火炙燒成金黃焦香，一脆一嫩，是最佳的佐酒小食！鳥之盛 ( 雞翼、免治雞肉棒 2 串、雞膝軟骨 2 串、山葵雞腿肉、燒雞腿肉 ) $328陸之盛 ( 和牛串 2 串、極上牛舌芯 2 串、煙薰沖繩黑豚肉串 ) $328海之盛 ( 日本蠔、海蝦、帆立貝串 ) $188餐廳更有單點刺身拼盤、海鮮串燒、壽司卷物等，一間餐廳有齊壽司串燒兩種美食享受,食完真的幸福滿瀉😆

🌕Hello我係Moon🌕我前幾日話想食日本野，特別係串燒！😳今次朋友仔就帶咗我去沙田嘅新城市廣場食幸匠燒，🤭佢話依間串燒一定令我有驚喜喎！😌今餐食嘅嘢都幾多，😛不過最令我深刻嘅一定係串燒！🫣燒牛舌同埋燒魚都幾正！🤤串燒豚肉系列真係令我大開眼界！🤩估唔到除咗可以串蔥仲可以串埋菠蘿🍍同埋士多啤梨🍓，味道酸酸甜甜，😏仲帶岀肉香！😝朋友果然冇介紹錯！😋🌕最後MoonMoon幾滿意依度，特別係串燒有驚喜，下次再食！🌕

幸・匠燒的裝潢以神社為靈感，正門豎立鳥居，以加強客人體驗。步入店內，環境氣氛恬靜舒適，不同於其他喧鬧的日式居酒屋，梳化卡位之間更以竹簾分隔 ，有足夠的私人空間好好享用餐點。一家人用餐，最重要是父母夠飽肚，散點各種菜式。薄燒鰹魚沙律，鰹魚新鮮紮實，魚味濃。略略燒過的鰹魚配上酸爽的沙律，令人開胃！特上刺身拼盤，足足有10款刺身，拖羅、海膽、甜蝦、帶子、三文魚、炙燒左口魚等等，每款刺身都是厚切！惜每款只有2片，未能盡試各款，家人大讚刺身鮮甜味美。拖羅充滿美麗的油花，油香四溢，入口即溶！海膽亦鮮甜濃郁！刺身配上鮮磨芥辣與醬油，味香而不嗆，吊出刺身鮮味！鐵火卷，味道普通，不太嚐到吞拿魚香。幸之卷，以時令鮮魚製作，每件的面層以兩款刺身包裹，入口嚐盡不同的口感與滋味，魚的鮮甜在口腔內交織。來到熟食部分，明太子芝士蛋卷，軟綿綿又富蛋香的玉子燒，面層鋪有蟹籽及紫菜絲，口感豐富！明太子與芝士份量不多，惹味程度不足～土豆芝士炸雞，最為美味的熟食！炸雞皮脆肉嫩，粒粒飽滿，富肉汁，微微鹹香配上半溶芝士，好惹味！薯仔切成厚片，焦香味加上吸了點雞油，配芝士，同樣滋味！串燒是幸・匠燒的主打之一，點了兩串和牛串 ($9

之前吃過這間的另一分店⛩️在尖沙咀，知道沙田也有進註這間日式居酒屋🏮，所以今天也來品嚐多次。這裡裝修得很像傳統日本🇯🇵的風格🎏和佈置🎑，給客人有舒適溫暖💡的感覺。午餐定食🍱有很多選擇，串燒、鰻魚飯、牛舌和牛扒等。定食仲包豆腐沙律🥗、麵豉湯、燉蛋和漬物。<日式燒汁燴牛舌>🥩牛舌每一塊很厚肉，醬汁豐富牛舌燴得肉質嫩嫩，口感好綿身，菜疏也很新鮮，醬汁濃郁配白飯一流。<幸福串燒七盛合>🍢串燒盛合很吸引，每一串都很新鮮美味有鰻魚串、牛舌串、雞翼串、雞軟骨串、雞肉串、冬菇串和秋葵串。<燒谷飼牛扒嚴選部位>🥩谷飼牛扒份量足，一大塊很厚身燒得甘香肉味濃，不用醃製已經很好味，配合沙律不會太油膩。