幸福四季椰子雞 (譽發廣場)

營業中

休息中

連椰子雞喺香港都有分店，唔使返大陸都有得食呢一間位於油麻地嘅椰子雞火鍋專門店，主打椰子鍋同埋糯米飯我哋今日叫咗四季椰子雞鍋$168雞件非常嫩滑，而且非常重椰子味，因為湯底有原片椰子肉和椰子水喺裏面，所以湯底特別鮮甜另外店員推介佢哋呢度嘅幸福臘味煲仔飯$98，先花少少時間焗一焗個飯，特別香口，而且臘味鋪滿糯米飯，而且帶一點飯焦！火鍋配料方面，我哋叫咗三色手打丸，雜菇拼盤，手打院每款有四粒，包括手打鮮蝦丸、手打墨魚丸、鯪魚手打丸，由於係手工制嘅關係，特別爽口彈牙！最後飲品方面我哋叫咗杞子圓肉雪梨茶，係打邊爐嘅時候零舍解渴附上餐廳環境相片

頭盤涼拌雲耳小食好好食😋主打我鍾意食野生馬蹄椰子雞煲馬蹄細細粒好好食首先會飲湯先，湯非常清甜，好香椰子味啲雞皮脆肉滑，雞係海南島文昌雞！依家仲有新款式特色手打丸～黑松露墨魚丸超好食其他仲有牛肝菌豚骨肉丸、蟹子鮮蝦丸、火辣牛丸食到差唔多整多個臘味煲仔飯超滿足

同朋友試得麻辣雞煲多， 試下椰子雞煲， 椰子湯夠曬清甜，雞夠滑 。火鍋配料， 響鈴 ，手打丸 ，全部自家製。 煲仔飯真係有飯焦咖，幾好味。環境乾淨，唔迫。價錢合理。我地都認為可以再去食。

近年在內地十分流行吃椰子雞鍋和烤魚，香港離內地的距離也愈來愈近了。使用港珠澳大橋，很快就能到達珠海，之前乘坐高鐵，20分鐘就能來內地返回香港！內地那間很有名的椰子雞我當然都試過，不過味道真的不是真的那麼好吃，被人吹捧得太厲害。得知香港竟然也是了椰子雞專門店，真的要去試試比起內地的是否會好一點。以火鍋店來說，裡面的環境很寬敞呢，牆身還有一些椰子樹的圖案，果真有椰子雞專門店應有的特色呢。椰子雞鍋有數款，有分半隻和一隻。椰子雞鍋專門店中的煲仔飯店也很有名，這裡有3款。比較常見的有手工丸類，平時在火鍋店也吃過不少，如果吃完椰子雞鍋覺得高質素的話便下試試它們的手工丸類。反而飲品的種類挺多，除了一般的飲品，還有不少特飲，例如雪梨茶、冷泡茶、沙冰和珍珠，很吸引，反而其他的火鍋店沒有那麼多的飲品種類。 手拍青瓜 $48 黑雲耳 $38先來了兩份小食，一份是手拍青瓜，一份是黑雲耳，份量足夠，味道辣辣的，但是溫度清涼，吃進口感覺好滋味，夏天吃最適合不過了，用於拌飯也挺好。還有另外一種菜式是黑雲耳，我向來很喜歡吃雲耳，爽口之餘又有益。然後是主角椰子雞，椰子的數量頗多，應該是海底椰？海底椰向來給人的印象都很清

成日聽人講椰子雞好熱門，一於去試一試。黎到呢間係彌敦道的，好易搵。入到去服務員好熱情招呼同介紹，我地叫做原味四季椰子雞，窩蛋牛肉煲仔飯，前菜有雲耳同辣青瓜，仲有雪梨水。呢度招呼好好，水都唔使我地倒一杯。個湯底係椰子水，好新鮮好健康，比起我地已前食個d雞煲，健康好多。倒左d雞落去，煮5分鐘即刻食得，每張台都會有個漏斗，比你計時，等你唔會煮得太耐，d雞老晒。個個牛肉煲仔飯認真一流，好好食，好濃味。我地個晚坐窗邊，仲有景看。

深センのココナッツ鶏鍋美味しいよー！と噂では聞いていたが、深センに行く機会がななかなか無くて、調べてやっと香港にもお店が出来たと知りすぐ行きました。駅から近いし、分かりやすい所にあって、ココナッツの甘さ加減も丁度良く、鶏肉との相性がすごく合ってて美味しかった〜🤤店員さん達も親切で、また来たいと思います😀😀😀今まで香港で火鍋を食べた後の服に付く匂いが気になって、服装に寄って火鍋を避けてたが、ここでは服に付く匂いがそう気になる事なくて、良かったです👍🏾

冬至前夕約咗班朋友開心飯聚，系open rice 見到Lee 間只有正評既火鍋店，佢嘅主打系椰子雞鍋，我打堅爐就打得多，但未試過椰子雞火鍋，決定一試！一出電梯已見到店外牆上嘅裝飾，唔洗怕去錯地方😆 入到店內，空間感足夠唔會有好焗促既感覺。今次我哋一行14 人，店員安排左一個好有私人空間既位置比我地，真係唔驚嘈親其他食客 👍🏻👍🏻約左7:00 人未到齊，叫D前菜食住先，order 左炸魚皮同香煎墨魚餅，個墨魚餅好有驚喜，又香又彈牙重好夠墨魚味，結果掙住食，要再來一round 😄到主菜上場，我哋選左原味四季椰子雞鍋! 店員介紹：首先要選左個雞鍋，食完雞再放其他材料當火鍋，咁就可以試到椰子雞湯既清甜同D雞既味道。好快店員送上鍋底和雞件，原來鍋底系用純淨椰青水無加其他調味料同清水，所以好有椰子香味而帶有清甜味道，而D雞冇多餘嘅脂肪，感覺好健康。根據店員介紹，佢地用既係未生過蛋的海南雞🐔，所以肉質更鮮嫩。當湯底水滾後就放D雞入鍋，枱上有一個沙漏，將佢倒轉，等所有既沙漏到另一邊就食得 😉我本身對椰青湯厎唔係特別鍾意，但個湯底的確清甜，唔太重椰子味，雞既質地嫩滑唔肥，好健康嘅火鍋！😋 食完雞後，就將

寒流來襲，今年香港終於有返冬天❄ 依家喺香港都可以食到美味椰子雞鍋啦👏👏 食完個身暖笠笠😊😋·食雞之前梗係食啲少少前菜先，叫左我最喜愛既手拍青瓜同川味雲耳🤤 味道正係我杯茶，辣得嚟又唔會辣到喊嗰種👍口感爽嫩彈牙，食完好開胃呀🤗🤗·☆ 馬蹄椰子雞鍋 (半份雞)最正係個鍋底，百分百既清甜椰子水做湯底💯🥥 等啲湯滾起就可以放啲雞件落去🐓 得意之處係每枱都會有一個漏斗，個漏斗漏完5分鐘後，啲雞就啱啱好食得啦🤤 哩度既雞唔算肥嗰種，脂肪比例少，緣於因為啲雞食椰子大㗎，所以係會較為健康👍👍·我地仲叫左響玲同蔬菜籃過下邊爐癮🤗 哩度既響玲比起出面大舊好多，仲炸得好香脆，掛湯發力仲好高，完全吸收哂啲椰子水既精華😋😋·點解我地叫咁小火鍋料？咪就係因為要留肚食哩度好出名既臘味煲仔飯😍🤩 煲仔飯夠哂大煲，入面既臘腸臘肉潤腸勁香，最欣賞既係飯裡面有粒粒芋頭粒😻 令到個飯食落更加有口感！仲有重點一定要食既飯焦，超級香脆燶燶地好惹味👍👍

旺角 椰子雞椰子雞鍋在內地早已聞名，開到到處都係，終於係香港都可以食到，唔洗北上又可以食。環境寛敞，座位坐得舒服前菜青瓜同雲耳，好開胃先。兩樣都好爽好入味，有點微酸微麻辣馬蹄椰子雞鍋員工介紹招牌既海南文昌雞來，無咁肥同油。個湯一開始入口比較清，唔同平日可以飲左個湯底再食雞，愈滾愈出味，雞肉唔錯，十分有口感排骨煲仔飯因為想試埋煲仔飯，真係用砂窩送上！份量其實夠3人甚至4人量食，排骨超多店員落埋豉油芫茜蔥焗下佢，好香。如果鍾意食飯焦，就可以焗耐啲！超推介杞子元肉雪梨水一杯熱一杯凍！清都幾滋潤環境真係幾好，食完鍋都唔會有一陣味。健康既打邊爐仲可以有店員高質既服務

我第一次食椰子雞在大陸，覺得個湯底好甜好好食，無意中在OpenRice 見到旺角有間椰子雞，當然想試下，又見在OpenRice訂位有5折（原來是火鍋配料5折），就打算帶啊媽同啊姨去試。我地叫左一個全隻竹笙椰子雞 HKD288，加左個小的臘味煲仔飯，同火鍋配料。首先員工會介紹一下點煮，先將椰子水煮滾，先放雞，再煮多5分鐘就食得，飲完食完椰子雞，可以再加湯去煮火鍋配料（但之後加的湯是普通上湯）。個椰子湯好好飲，但我覺得之前在大陸食的馬蹄椰子雞湯更甜，今日在香港都好飲，但無咁甜。臘味飯都好香，小份都可以有4小碗份量。總括員工服務好好，價錢合理，是煲仔飯貴左小小

自從上次在深圳吃過椰子鷄煲後念念不忘、知道旺角新開了四季椰子雞便馬上訂位跟家人一試！ 餐廳裝潢有小清新感覺、坐在窗邊感覺好舒服～雲耳青瓜雙拼 $68 酸酸辣辣好醒胃點了原味椰子雞鍋 半隻$168、份量也不少啊！ 店員把雞件全放進鍋裡、可以用桌面的小漏斗計時。湯底好清、原來是百份百椰青水、沒有加任何添加劑、先呷一口湯好清甜夠天然！雞件都好嫩滑、有淡淡椰子味😇😇可以將青檸、辣椒、椰青碎加入特製醬汁、更突顯鮮味。吃罷雞煲已經半飽、只簡單點了娃娃菜 和響鈴。 店員會替你加進雞湯或者清水作火鍋用、如果想火鍋再清甜一些、可以另加椰青水作湯底。幸福排骨煲仔飯 $98 熱辣辣送上、飯底有煲仔飯獨有香氣、排骨肉質爽滑、加入大量青蔥淋上豉酒好香、吃了暖笠笠😌自家製的杞子圓肉雪梨茶清潤甘甜。這裡環境舒適、食物也高質素、下次可以帶同事朋友來～

越來越多人都開始注重健康飲食，而身形漸漸走樣既我都開始注重埋😂上網見到呢間主打健康火鍋既椰子雞煲就緊係要試下啦！🥰呢度既湯底係原隻海南椰子水，煲落超級清甜！加上雞肉煲出少少雞味後，真係忍唔住飲左四五碗😳 呢度既雞肉好重雞味🐔，而且肉質結實，好似平時返大陸食既雞！問左店員，原來呢度既雞都係海南走地雞，仲要係食椰子🥥大既，唔怪得肉質咁高質啦🤤由於係走地雞，所以皮下脂肪都好薄，雞皮食落又脆身，好正😋😋飲完湯，食完雞，就可以加雞湯去打邊爐了。我地叫左娃娃菜同響鈴，娃娃菜比平時的火鍋店大份好多，而且又新鮮，抵👍🏻另外仲叫左個臘味煲仔飯🍚一開煲蓋就聞到陣陣臘味獨有既油香味🤤食落都好驚喜！飯粒粒油潤，感覺有糯米咁煙韌，而且仲有香脆既飯焦最後飲埋杯自家製雪梨茶，真係有幸福既感覺❤️

成日打邊爐都會厭，友人表示想打得清淡啲。上網search到見到呢間新開，見個個食評叫得一樣，以為打手🤓點知，超級清甜好味，店員態度勁好！大推❤️😍-餐牌：醬料（$30）-每位-🤓必須付錢🤑，店員會幫你倒鼓油上碟仔，另外有一碟（二人只有一碟）有3款包括（薑蓉、蔥粒、柑桔），可以加落鼓油度，算算鹹鹹非常惹味。-竹笙椰子雞煲（半隻雞）$188🐥-友人非常喜愛竹笙，有竹笙都只係比多$20，竹笙數量都多，喜愛人士極度推薦。椰子湯底清甜，非常有禮既店員會幫你倒入隻半隻雞，倒入後用小沙漏等待5分鐘即可食用。雞件都滑身，但半隻份量就比較少。娃娃菜（$38）、冬瓜件（$38）🥬-份量非常多同新鮮。幸福臘味煲仔飯-小（$98）🐷-超級幫得手的店員會幫你加入蔥粒同芫荽，再加入醬油，再會幫你筆飯，仲會問你要唔要飯焦，幫你刮飯焦。😭咁好店員邊度揾！非常大份！配料豐富：非常足料既臘腸、潤腸、臘肉！海底椰椰子沙冰（$28）🥥-好好飲呀！超級重椰汁味，面頭仲有幾舊海底椰肉。美中不足係飲飲下會太冰等到融左先有得飲，不過都大杯又正。😚杞子元肉雪梨茶- 凍（$28）🍐-好有媽咪煲雪梨茶既感覺，但就無杞子同元肉。非常解膩，夠哂

講真成日打邊爐又辣又咸，有時都幾唔健康。今次食呢個鍋絕對唔怕唔健康😂。個湯底係用椰青水整，入面有竹笙，椰子片，同埋佢有得揀半隻雞或者全隻雞 可以睇住人數黎定份量。 個食法係首先將啲雞件倒落去滾，等佢五分鐘，就可以開蓋飲個湯，個湯飲落去非常清甜 ，飲完湯之後再食啱啱滾起嘅雞。火鍋配料我哋嗌咗一碟牛小排，炸響鈴同蔬菜拼盤。 最特別係佢加水佢係加椰青水，睇住佢成個椰青倒落去，睇落都健康呀！雖然食落好似好少咁樣，不過其實都好多，因為又飲湯又食雞又食牛，再加上我哋之後試埋佢個煲仔飯。臘味煲仔飯入面有臘肉臘腸潤腸，再加埋啲豉油再焗一焗佢， 簡直係冬天嘅補品呀，食完個身暖粒粒再加埋啲飯焦簡直係幸福滿瀉。最後，飲埋杯雪梨水，真係潤到冇得再潤啦！

冬天就每日都想打😛😛😛食椰子雞終於吾洗返大陸食啦宜家香港終於都開左啦！！想打邊爐又清淡少少，所以我地選左椰子雞！讚呀避開了高峰晚市時段，18:00入座，店員安排卡位坐得舒服d😘四季椰子雞$168半隻，2人食就剛剛好！雞肉白白嫩嫩，脂肪比例平均，吾似我地平時食既黃油雞咁肥，雞肉經椰子水煮過之後，面層油份亦都唔多🐥肉質爽彈不肥，而且完全沒有雪藏味因用上新鮮的椰青水🥥所以感覺很新鮮很清甜吃到底，湯底比起最初更鮮甜娃娃菜更吸收了椰青湯的精華，食落更鮮甜。響鈴即叫即炸，一客有3件大大件，而且食落勁脆口，食到停吾到口tim ah 最後我同朋友都忍不住都飲曬個椰青湯底。排骨煲仔飯細既煲仔飯已經足夠2-3人吃🥰我地重飽到食吾曬，排骨勁滑，肥瘦適中，讚呀。重食到好多飯焦啦，火喉真係剛剛好🔥我食食下加埋椰青湯底落去食，好像食茶漬飯咁，更有一番滋味