幸福麵館

營業中

休息中

幸福麵館位於荃灣享成街10號香城大廈地下麵底可以選擇軟d ，正常同硬d非常體貼湯底係煲左8小時既豬骨湯無味精車仔麵，招牌小食煎釀三寶，鹽酥雞更係受歡迎$42 自選3送$52 自選4送$62 自選5送秘製蘿蔔，柱候牛腩，瑞士雞翼，墨魚丸，牛筋丸更係人氣推薦河粉豬手 炆到好入味蘿蔔 又淋又甜牛根 炆到好淋魚蛋 咖哩味夠香夠辣辣菜甫辣味夠 夠爽口韮菜水餃餡料多蔬菜多下午茶$32蚊起豆漿夠豆味，微甜車仔麵係香港特色過開荃灣既朋友可以一食

人唔算多，四餸麵$52起，份量都好唔錯，牛腩菜芯苗好味，湯底用豬骨湯八個鐘，可以有唔同嘅汁加配。服務幾好，希望keep到咁樣，而唔係新開張先咁樣啦，會再返轉頭。👍🏾👍🏾

上次同事打算介紹我去荃灣廣場附近新開的車仔麵lunch，不幸遇上停電⚡️擇日再戰終於食倒喇，又真係幾好食喎！而且餸的款色頗多(還在不定期加新)，份量也不欺場，食完已經諗緊下次又試啲咩( ⩌⩊⩌)✧🍜幸福自選4餸車仔麵 $58標榜無味精豬骨湯底，個人選了秘製魷魚汁(辣)、牛腩汁、小辣，湯底香甜又惹味，讓人忍不住喝了很多口🫣同事話就算清湯走汁都好清甜架.ᐟ.ᐟ/配料如下：🌟金錢肚牛肚充滿滷水香，腍滑又入味，大大舊唔痴牙又吸湯，牛魔王必吃🤎/🌟豬紅豬紅的份量同樣也很多，滑溜不腥🫶🏻/🌟長洲大魚蛋兩大粒大大魚蛋爽口彈牙、有魚味，唔洗入長洲都食倒喇👏🏻👏🏻/⭐️墨魚頭雖然唔夠鮮甜，不過都彈牙既，低脂蛋白質首選✌︎·͜·/🌟鹵水雞翼尖不定時免費贈送的兩隻雞翼尖，同樣炆煮入咪、充滿甜甜的鹵水香，質感腍滑ჱ̒⸝⸝•̀֊•́⸝⸝)只是我怕吃雞皮和雌激素，所以通常都不會主動叫上雞翼尖😛/🌟新竹米粉半透的新竹米粉份外吸湯，又滑又不失彈性；配辣菜莆更添惹味🌶️新鮮的芫荽又香又爽脆、多蔥丫唔該~/試過後發現又真係幾好味，份量又多，吃完飽到不用吃下午茶(✌︎˙˘˙✌︎)不過同事聲稱新開張的時候，餸的份量給得更豪氣，尤其八寶麵多到滿瀉

環境唔錯，檯夠大👍🏻食得辣既可以叫墨魚辣汁，幾惹味，其實唔算辣，沙嗲汁真唔夠味，牛腩牛肚好味，魚蛋係鵝蛋形，幾特別，炸魷魚鬚不錯，新鮮炸起，整體好可以！唯獨上麵速度有點慢，老公食曬一碗麵，仲有一碗麵未到！另外要讚，我地有小朋友，每個小朋友會比包奶比佢，同埋最後會有碟生菜送比我地小朋友食，好窩心！新舖開左無幾耐，食物質素固然重要，人情味都好重要，呢度既樓面態度好，又識送‘小禮物’ ， 呢樣野都會加分，下次都會記得再黎！

呢間車仔麵真係唔係多得朋友介紹都唔知道，今日閒日嚟試嘅時候都已經好多人，令我非常期待呢度嘅車仔麵價錢唔算貴，食後覺得好出色值得推介我份人成日都心大心細，呢個八寶心滿意足就啱曬我。配料唔需要揀，只要揀返面底同湯底就okay。朋友就揀咗個自選四送車仔麵朋友揀咗蘿蔔，牛腩，咖哩魷魚同鹵水豬大腸米線，每樣配料嘅份量都多，大腸同牛腩炆得夠淋夠入味，咖哩魷魚食落夠爽口又香辣，秘製蘿蔔冇根冇渣又夠甜，好味道，$60呢個價錢真係超值！至於我個八寶心滿意足（$58），有牛筋丸，柱侯牛腩，鹵水豬皮同豬紅，咖哩魷魚，長洲大魚蛋同秘製蘿蔔及時菜。雖然每樣配料嘅份量可能唔夠四餸咁多但係反而有多配料更加啱我鍾意咩都試下嘅性格，豬皮同豬紅煙韌爽口qq，牛筋丸好香又有彈牙，其他同朋友四餸一樣嘅配料我都有同樣嘅諗法真係實在太出色，好好食！

🔸 三餸車仔麵    $42三餸揀咗蘿蔔、柱侯牛腩同埋鹵水豬大腸。 湯底揀咗牛腩汁，可以拣其他湯底：鹵水汁、沙嗲汁、瑞士汁、咖哩汁、秘製魷魚汁，亦可以叫餐廳畀多啲汁。蘿蔔有三大嚿，食落好鮮甜又夠腍；柱侯牛腩都好正😚肉質已經炆得鬆化，咸甜適中唔會死咸；厘家車仔麵嘅鹵味特別鹵得入味，除豬大腸外可以揀其他鹵水：鹵水雞腳、鹵水腩肉、鹵水豬手、鹵水雞翼尖，下次再嚟要食嗰五餸要曬所有鹵水至得。味道：8/10性價比：7/10🔸 八寶麵    $58八寶係牛筋丸、柱侯牛腩、鹵水豬皮、豬紅、咖哩魷魚（辣嘅）、魚蛋、蘿蔔 同埋生菜，八味噤多，一定食到你心滿意足。 其中比較重味嘅係牛丸同豬皮，其他都較淡口，雖然係腩汁湯底，但一啲都唔咸，清清哋比較健康。麵條好爽口（可以落單時註明要求），碗麵相當大碗，抵食夾大件。以前國內朋友嚟香港玩會介紹佢哋去深水埗嗰間車仔麵，當時都幾抵食，尤其適合愛嘗豬屎味嘅朋友仔，但依家深水埗嗰間已經紅咗，價錢比起荃灣這家【幸福麵館】貴得多了，以後想起食車仔麵，應該改為嚟這家了。味道：7/10性價比：7/10

荃灣品嚐幸福味道👅——幸福麵館，再次光顧主打高檔車仔麵🍜既麵店，環境簡約舒適，同平時舊式既車仔麵檔完全唔同，岩曬荃灣街坊做飯堂。呢度既麵食真係又好食又抵食，最緊要係普通一個車仔麵，都可以做到用8個鐘頭熬製🐷豬骨湯底，都咪話唔落足新機啊🫶🏻今次食返個八寶心滿意足餐，已經自動安排曬配菜，我就揀左菠菜蝦子麵底，面質適中，湯底豬骨湯就一定架啦，仲可以加埋牛腩汁、再要求多芫茜🌿，咁就沒得頂👍🏻八寶心滿意足餐就真係大大碗，好多配菜：魷魚，豬皮，牛腩，魚蛋，牛丸，豬紅，蘿蔔等等，真係豐富極了。最後食完麵，歎番杯港式奶菜就夠曬地道正抖😋

好耐冇遇過這樣的好服務，店員(或者是老闆)服務好有禮貌，有招呼有熱誠，不是黑囗黑面冇反應那種。車仔面也好食，份量足，車仔麵湯底和餸也好入味，希望小店能keep住這個水準，下次會再去支持這樣的小店。

今日食呢間位於荃灣既車仔麵食左個三餸車仔麵揀左係牛腩汁湯底牛腩,豬手,韭菜餃米粉本身已經送多個菜 所以揀餸其實可以唔洗揀菜都得!!韭菜超好味, 口感豐富又夠味, 豬手勁林!!! 鐘意食既話一定要點鐘意食辣既仲可以叫店員比辣醬佢有幾款唔同既醬可以揀有馬來蝦米辣椒醬同冠益華記辣椒醬當然就係叫哂2種黎試下佢!!煎釀三寶店員高度推介的, 即點即炸, 口感一流點2個辣椒都夾味既友人點既係咖哩辣湯底牛根雞翼魚腐個人覺得個咖哩辣幾特別, 可以一試!!魚腐同樣都出色

有一日行過見到有間新既車仔麵，第2晚就黎試試一入到黎就用QR Code落單，落完單開始等～首先，等麵既期間眼見職員安排位置都幾亂下，2個人入坐就安排坐雙人位，1人入坐就安佢坐張4人枱，之後多2個單人入黎，佢叫其中1個單人坐去人地一家三口張枱，但又唔同人地講家人講聲，好無禮貌囉之後等咗20分鐘，先走過黎同我講魚蛋無哂，問我轉咩餸，但佢好多餸例如豬大腸、牛腩都無哂（當時係夜晚7:45分），如果你話我夜晚9:00黎無哂餸都好明白，問完我之後，再陸續同其他枱講咩餸又無哂，要其他人轉，最好笑問我隔離男人轉咩餸，佢話要白魚蛋，最終又比咗長洲魚蛋人地當日我地實測過，每枱都等30分鐘以上先有野食，但一上枱仲要比錯餸我好唔容易等到碗麵黎，一望個賣相已經覺得失望，碗麵好淡呀，我係加咗腩汁，都咁淡，自問食野要求唔高，但呢碗麵好差，等咁耐仲要難食，想喊

位於荃灣廣場附近既享成街最近新開咗間車仔麵小店🍜💕 環境舒適，裝修新淨企理，店員服務貼心。呢度可選擇既車仔麵配料多達30幾款🤩湯底方面，賣點係每日用新鮮豬骨湯底以8個鐘熬製而成，堅持唔落味精，唔洗擔心食完會好口渴。😋👍🏻 另外除咗湯底，有6款醬汁可供選擇，其中包括<牛腩汁/滷水汁/沙嗲汁/瑞士汁/咖哩汁(辣)/秘制魷魚汁(辣)>。幸福自選三餸車仔麵🍜💕每次食車仔麵都會揀油麵，麵質適中且掛湯👍🏻 份量多到食唔哂，下次都係叫少麵🤣 配料今次揀咗魚肉春卷，柱侯牛腩，城寨墨魚咀丸。牛腩軟腍，都幾入味。魚肉春卷口感結實彈牙。墨魚咀丸真材實料，冇粉感，幾好食😍 所謂車仔麵既精髓就係個湯底啦🤭 牛腩加沙嗲汁湯底，濃香得黎而不油膩😗 鍾意食蔥、芫荽既朋友仔可以揀多蔥多芫荽喔❣️幸福自選三餸車仔麵🍜💕 (凍飲跟餐加$6)另一碗車仔麵都係揀咗油麵做麵底。配料方面，揀咗豬紅，秘製蘿蔔同埋滷水豬手。豬手滷得幾入味且軟腍😍蘿蔔大大夠，好清甜👍🏻 至於豬紅就軟滑得黎冇腥味😗醬汁方面，揀咗秘製魷魚汁同埋牛腩汁。辣度揀咗(微辣)🌶️。 湯底濃郁惹味😜 順帶一提，食到辣既朋友仔可以問店員攞辣菜脯同埋噴火

咁岩有假期就去接先生◞♡食個Lunch啦唔想四圍滕 就近見到間新開既幸福麵館叫左個應該係招牌既【八寶心滿意足】 HKD 58তততততততততততততততত超足料超豐富有🐮極上牛筋丸柱侯牛腩🐷滷水豬皮🐽滷水豬紅🦑咖喱魷魚（辣）🐟長洲大魚蛋🥕秘製蘿蔔🥬精選時菜🥚是日精選（新加坡小白魚蛋）【甜蜜煎釀三寶】 HKD 26তততততততততততততততত一起熱辣辣即食超好味😋尤其是茄子

生活中香找到幸福，就來荃灣的幸福麵館吃碗幸福的車仔麵吧😋🥰🍜今晚行經荃灣，見到間好吸引的麵館，望落去似係新開的車仔麵館，就入去試試🥰呢度的裝潢好舒服感覺乾淨舒適，而且服務也十分好，好親切令入來食麵既人都有幸福的感覺🥰車仔麵有好多款式選擇，三四五餸都可以揀，我就食個四餸：四餸車仔麵自選面底米線🍜正常份量，麵質適中配菜就揀左：秘制蘿蔔，滷水雞腎，城寨墨魚嘴丸，極上牛筋丸+$4 湯底選擇：一定係豬骨湯，話說用新鮮豬骨熬製8小時，另外再加牛腩汁特別香的湯底，仲可以加多芫荽，成晚車仔麵超級豐富啊跟餐熱檸茶就加$3成碗幸福車仔麵盛惠$59 哈哈，好抵食

只想見你一面，再一齊食碗麵。荃灣車仔麵，一點都不「嗱喳」，仲非常乾淨企理添🤭🤭🍆🌶️🌭煎釀三寶紅腸、茄子、青尖椒三兄弟，抺上鯪魚肉，再淋上醬油膏，車仔麵檔必食。🐃🍝牛腩蘿蔔菜肉餃米線貓太太自選牛腩汁湯底。牛腩熬煮得軟淋，五香味濃又好多舊。菜肉水餃非常大隻，裡面是滿滿的菜肉餡。蘿蔔煮得很透軟。墨魚條則是一般市面水準。米線是彈牙爽滑的，加$15便可加底。🐷🍡🍜腩肉生根大魚蛋油麵豬先生自選沙嗲湯底，大推夠惹味。來自長洲的大魚蛋，肥瘦層次分明的五花腩，特色油香生根。

今次我哋嚟到荃灣試一間好受歡迎嘅車仔麵舖頭💥！下午茶時間嚟到，仍然都有幾多客，喺午飯時間更加係受歡迎到要排隊添👯‍♂️。呢度裝修新淨，而且店員好Nice🥰！.🍜幸福自選4餸車仔麵($52+2)我哋揀咗河粉，份量超級多🤩，成碗仲大過塊面！而且女仔嚟到真係唔會食得晒一碗，啱晒返工lunch好肚餓嘅時候食💕。秘製蘿蔔味道清甜，配埋甜香滷水味好好食👅，仲唔會有草味。滷水雞腎份量超級多，而且全部厚切，食落爽口😋！日本紫菜🍙擺得好可愛，好似拉麵嘅擺法，浸埋甜香嘅牛腩汁湯底，好好味。雲吞(+$2)皮滑，好夾湯底，食落有肉香味😆。.🍜幸福自選4餸車仔麵($52+2)呢碗都同樣揀咗份量超級多嘅河粉，而且無論係乜嘢配料嘅份量都超級澎湃😝！豬紅真心推介✌🏻，吸收咗滷水汁嘅甜香味，而且完全冇血腥嘅感覺，高質🤤！滷水雞腎爽脆又份量夠多，好滿足😎。台灣芝心丸煮得啱啱好，裏面流心，好夾車仔麵嘅感覺♨️。滷水豬大腸(+$2)有油脂香味，入口軟嫩，夾埋滷水汁嘅味道好正🐷。呢款我哋就揀咗沙嗲汁湯底，成碗食落都有花生香味🥘。