康記菜館 (已結業)

跟朋友一行8人去長洲食海鮮，點左個888 - 包4款海鮮及3款小菜既套餐，當然我地都再另加幾款小菜，以價錢黎睇的確係幾平民化，當然所謂既海鮮餐餐牌都相對地真係好平民化。當中4款我地點左豉椒炒聖子，蒸魚，加錢先夠8人份量既扇貝，椒鹽鮮魷，而3款小菜係沙爹牛肉粉絲煲，蒜蓉炒通菜，西檸雞…, 另加辣汁海螺，豉油王炒麵，粟米魚皮羹，金銀蛋浸唔知咩菜同埋椒鹽炸豆腐。先不談每道菜色都只有微温……, 除了羹，魚，鮮魷及炒麵之外其他餸都不合格甚至可以稱之為"貨不對辦"!! 1.) 聖子只有豉汁味同泥膠既口感…2.) 沙爹牛煲無沙爹味…3.) 個炒通菜又係無味…4.) 海螺肉似死螺肉…5.) 西檸雞……係雞扒黎…都算…但佢浸左起西檸湯入面……其實味道係剛好，唔差，但浸起湯入面冇左炸過既口感6.) 椒鹽炸豆腐就經典喇…迷你豆腐加上極微量椒鹽，誇張d 講…豆腐貌似仲多過椒鹽既粒數…兩種味亦互不相干…簡單d講好似一個冇拍子感既人去唱K, 歌聲同音樂各有各進行一樣……最後我地要試下浸辣椒…沙爹汁等去自誤下…7.) 金銀蛋唔知菜我冇參予…但朋友都係劣評如潮，都不意外…8.) 呢個簡直係成晚既終極大

📍康記菜館📍Hong Kee Restaurant .🇭🇰香港長洲北社海傍道11A地下🇭🇰G/F, 11A Pak She Praya Rd, Cheung Chau, HK人均消費: HKD320.味道: 👅👅👅👅賣相: 👀👀👀價格: 💰💰💰💰環境: 🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.眼見海旁每家都差不多，真心隨便選跟大排擋差不多，主要以套餐為主.⭐️#芝士龍蝦伊麵龍蝦係店員在外面買回來加工的，他說自己的不夠新鮮😂我覺得味道不錯！龍蝦的確好新鮮好甜，芝士汁亦不會太濃味搶風頭我都吃左兩碗伊麵，不錯不錯.Ⓜ️#薑蔥炒蟹 ⚠️為什麼香港的薑蔥炒蟹變成這樣的😂其實國內的薑蔥炒蟹都是這樣沒多少汁，就只有幾條蔥而且感覺會覺得薑蔥跟蟹係兩個世界的人🤣蔥好似好隨便似的😂不過份量真的很少，蟹是挺鮮甜的，味道都不錯，希望可以多點蟹和蔥.Ⓜ️#椒鹽瀨尿蝦 其實長洲的海鮮都不算是特別新鮮瀨尿蝦小小的肉唔太多，無膏但椒鹽味十分入味，舔蝦殻才是最惹味，以價錢來講算是可以啦.⭐️#椒鹽鮮魷 椒鹽鮮魷係我細個最喜歡食😋依個要讚下😍外皮好薄好香口👍🏻條條都金黃色🤩入口又香又好味🤤同似好多大排擋炸

其實去過長洲都知夜晚去大排檔食海鮮係非常常見既，所以點解海傍會有咁多間俾大家去揀🤭🤭每次入去唔特登記錄低我相信大家都未必記得清楚上一次係食邊間，食過咩餸😅 我地一樣，都唔記得食過邊間，所以今次去完記一記低呢間 康記菜館 先😬😬我地叫左個2款海鮮加1款小菜既餐(套餐本身附送一碟炒時菜，本身我地想架個湯飲架，不過個侍應話兩人咁叫會太多，所以好好人咁送左個份量少啲既粟米羹俾我地🤭👍🏻👍🏻)

同朋友去長洲玩咗大半日，決定留低食埋晚飯先返市區，誤打誤撞就嚟到呢一間康記菜館，其實都冇做過research唔知邊間好食，價錢就間間都差唔多，見呢間個阿姐把口又幾得，所以就坐低咗。先嚟個粟米羹，份量都多，每人飲咗一大碗都仲有淨，魚肚配罐頭粟米湯，味道當然好！扇貝就好細隻，而且唔算好新鮮。白灼蝦大小適中，應該都有半斤嘅份量。豉椒炒蟶子嘅汁煮得幾惹味，少少辣，蟶子爽口冇沙。椒鹽鮮魷份量都足夠，應該每枱客都有點呢碟，大人細路都啱食。因為冇蜆，所以叫咗條蒸紅友，肉質一般。小朋友最愛嘅生炒骨，酸味味好開胃。墨魚腐皮卷，就係平時魚蛋類嘅朋友，都ok嘅！最後係清炒生菜，菜夠新鮮，加咗少少蒜蓉，清哂！呢餐風味平民海鮮餐，埋單只需五百幾就有咁多嘢食，都算抵食嘅！

入黎長洲除了要食大大粒魚蛋之外，食海鮮亦係大家首選，近海邊有多間海鮮酒家，而且間間都有平價套餐，要揀一間食都真係有點困難，而今次同友人黎到都係求其試一間，睇下會唔會中伏!今次因為帶埋狗狗，所以就坐酒家外的位置!有多款不同的海鮮套餐，而我們揀選了4款海鮮加油菜的套餐。椒鹽鮮魷，炸野都唔會話太難食，鮮魷唔會太油，椒鹽味道都好夠，魷魚彈牙!白灼海蝦，份量唔係好多，但食得出係新鮮，彈牙有蝦味!豉椒炒蟶子，蟶子整得過火了，好韌，但醬汁係OK的，送飯係唔錯!清蒸海上鮮，魚係豉汁蒸倉魚，魚整得剛剛好夠熟，魚肉鮮甜!炒油菜有多款菜可以揀，而我就揀選了炒白菜仔，夠鑊氣而且味道剛剛好，軟硬度亦適中!我地仲叫左可樂同白飯!這家酒家的海鮮整體還可以的，係份量唔會話好多，但餸菜夠熱!店員們都好熱情，而且仲有機會見到流浪貓貓討吃呢!

落單既時候態度已經好差 唔憂做咁 掉低張紙叫我地自己寫食物味道就可以接服受啦但奉勸大家唔好有期望未去到好差 但一定唔會係好D蟹係死蟹扇貝既粉絲仲係硬既想叫碟炒飯比小朋友同我講食晒都未必到就行左去服務態度完全衰到冇人有個通菜爭左我地成一個半鐘追佢問佢幾時到 疑似老闆娘既女人就大聲夾惡話「不如你地取消啦 依家咁既環境 你一係等一係取消 個菜係套餐包既 你取消都冇得扣錢」最後再等多15分鐘個菜先肯到 未見過有人會咁樣招呼d客連隔黎台岩岩坐低問佢野都係咁既態度叫人自己雙手打開個菜單自己睇唔講真係以為自己幫襯緊米芝連級餐廳老實講 大時大節忙就緊左 但未見過態度衰成咁唔想做就直接休息唔好做啦食物質素已經唔係特別好希望唔好再有人中伏

復活節碰上天后正誕到大澳，落船水涉不通。夜晚6點多就去碼頭的海鮮餐廳，很多都訂滿了，行到康記，見海鮮樣都幾靚，又有位，快點坐下，過多一陣，真係冇哂位，想食海鮮都要快。點了6海鮮2小菜餐，$488, 睇落好抵食，記得到的都好快到，唔記得的，食完催幾次都未到。份量都幾好，味道都幾好，食物幾滿意，三色蛋好大碟，扇貝只有兩隻，唔抵食，魚香茄子熱辣辣，飯都幾大碗，好快食飽飽。最終粟米湯及大蜆沒到，也催了幾次，店員都沒有耐性聽要求，根本是想取消不想阻著枱及搭船，如果正常到齊，相信會是一次愉快經歷，但由於店員都算忙亂，用餐經驗一般，但都算幾抵食。埋單變$368餐+6碗飯+2汽水=$480

家人話入長洲行下，我就霖起食海鮮，上嚟睇過食評就入咗嚟。我地4大2小，叫了3餸套餐，其實眼見間間都有套餐，評語～食物／份量一般，椒鹽瀨尿蝦，椒鹽太少。薑蔥炒蠔， 芡汁好食但蟹肉痴殼。（ 忘記影相）椒鹽鮮魷， 鮮魷爽口但太碎， 粉漿一般。腐乳通菜，一般。兩飯一支汽水，$295埋單係咪食得套餐就....順帶一提，餐枱面有種油淋淋感。

本來一心來長洲遊玩順便吃海鮮，誰知，味道沒我們想像中好。賴尿蝦又細無乜肉，好似死哂咁，一點海鮮香味也沒有，最失望大概是這個了，不知道是否因為不合時令有關，但是下次可以提醒一下呀，我不知道什麼時候吃什麼海鮮...另一道是炸椒鹽魷魚，魷魚很小，沒什麼肉，炸得也很乾，炸粉跟魷魚基本上是一比一的厚。我想這次好吃就是炒通菜了，濃濃的蝦醬，真的怎樣炒，只要配蝦醬，就一定超好吃。總結就是就算兩個人吃了4碟菜也覺得吃得不滿足，因為剛才的海鮮根本不合格吧，小小的海鮮吃什麼呢。

好多年冇去過長洲，難得去一次梗係食埋海鮮先走啦！好多年前嘅記憶一直都係：長洲食海鮮，好貴而且唔抵食。不過都可能因為我以前係學生，afford唔到😂成條街都係海鮮菜館，咁就唯有是但揀一間啦。康記菜館！230蚊，三款海鮮，一碟菜，仲有海景位睇日落😂。今次嗌咗椒鹽鮮魷，豉椒炒蜆，蒜蓉蒸扇貝，仲有炒通菜。最好食一定係豉椒炒蜆，差唔多每一隻都係有肉，重要都幾大隻下。其次就係椒鹽鮮魷，粉唔會厚，味道都幾新鮮，魷魚又唔會好韌。反而扇貝有啲細隻，味道都唔係話特別吸引。不過最重要嘅係，230蚊嚟講，質素同分量都唔錯！cp值好高！下次再嚟食😊

食親海鮮真係好驚俾人昆，因為好多海鮮檔都係呃遊客錢！今次選擇呢一間，真係第一次！膽粗粗入到去我哋刻意唔揀平價套餐，因為之前都舐過野通常都係俾啲唔新鮮又細隻嘅海鮮我哋所以今次我哋就叫佢比餐單我哋自己選擇！我地企係門口個時個待應已經非常之熱情同埋主動遞曬歺牌推介唔同嘅套餐，想拉我哋入去今次叫咗五樣餸第一樣椒鹽鮮尤，第二樣紅燒乳鴿，第三樣是豉椒炒蜆，第四樣是豉椒炒聖子，最後我哋仲叫咗個豆腐海鮮羹。總括然而五樣嘢裏邊最好味嘅係是椒鹽鮮尤，外脆內鮮！非常之推介極之好味配上啤酒簡直一流紅燒乳鴿質素普通，食落就知係微波爐叮翻熱！另外蜆和聖子都沒有特別，份量足夠，聖子非常迷你食唔到鮮甜味由於天氣炎熱嘅關係豆腐海鮮羹裏的豆腐已經變酸於是即刻要侍應更換，佢哋都好有禮貌講晒唔好意思叫我地再揀過！ 下次都會選擇呢一間但可以試吓其他餸菜

琴晚去左呢間餐廳食海鮮，入到去叫左海鮮套餐，包一碟炒肉蟹、炒聖子和一個海鮮豆腐鍋。點知菜一上枱，一試之下發現，味道好一般，味道一般都算，個蟹係兩隻細水蟹，冇乜肉，都唔係肉蟹黎，海鮮豆腐鍋係就係大鍋，但就只係得菜味，入面既海鮮得幾舊魚骨，根本就係一個豆腐雜菜鍋，得炒聖子可以算係叫做正常，成個菜單根本就貨不對版。埋單果陣同老闆反映，老闆就咁找完錢走左，應都唔應我，好不負責任。下次食野，絕對唔好去呢間食！

ㄧ上菜,當堂呆唒。d聖子同殻分離,感覺似他人食剩的聖子跟殻放埋ㄧ碟比你。叫沙拉骨不是比骨,是比沙拉豬扒條。蟹亦細到無肉,得d殻。薑又炒得不均匀,很難吃。十分不滿意。

態度奇差，電話訂位會寫錯日期，將自己訂枱混亂發洩客人身上，下午5點食晚飯，全間舖冇人，聲稱全部枱有人預訂，13人坐10人枱，仲要轉三次枱，最後選擇離開。可能不歡迎自買海鮮。

海鮮都四圍去過食, 但好食既會好貴, 平價既又質數差或份量小... 有日突然想去長洲行下食下海鮮, 就去左依間試!坐係室外對住個海食, 雖然大風但好好feel , 不過人來人往有小小唔習慣!叫左個4款海鮮加精美小菜及炒靚油菜 $308, 另外加左個白飯$10蒜茸蒸扇貝 - 扇貝太細唔太抵食! ( 雖然一分錢一分貨, 不過再食我地會再叫)椒鹽富貴蝦 -  蝦都新鮮, 唔會"梅"或臭, 都有蝦味! 椒鹽鮮魷 - 魷魚爽, 炸粉唔太厚, 唔錯! 豉椒炒聖子 - 聖子新鮮厚肉, 豉汁唔咸, 好食! 西檸雞 - 唔太酸剛剛好, 雞炸得好脆雞肉滑, 正!椒絲腐乳通菜 - 唔太咸, 菜老左小小!$320有六個"食送", 平均$50左右一個仲要係唔差既海鮮, 仲想點先!!!!