廢茶 (葵涌廣場) (已結業)

呢間人氣茶飲店出色嘅地方 除咗係因為佢嘅飲品之外 我想推介嘅係佢嘅台式小食😮 廢事諗奶茶淨係個名已經好吸引我🙈 因爲我有選擇困難症 通常要諗好耐先做到決定 一於試下呢杯😉 入面有店員推介嘅兩種配料 今日係仙草同珍珠 都幾啱我口味 奶茶係紅茶底 所以味道都幾出 唔會太甜 我就鍾意仙草多啲喇🧋大甲芋頭鮮奶呢杯嘅甜度冰度係固定咗嘅 有一大pat芋泥喺底 我就撈勻咗先飲 覺得整體味道會平衡啲🥰 味道唔會太甜 呢間嘅芋泥都係好推介台式韮菜盒子呢款係新推出既小食 完全冇諗過會咁大件 外面嘅皮係好酥脆嘅😙 味道就好重黑椒味同埋韭菜味 餡料方面除咗有肉碎韭菜仲有粉絲添 真係食完都會飽㗎☺️芋泥肉鬆手抓餅呢款都係新推出嘅小食 對於呢個小食 我覺得好有驚喜🥳好有台灣風味 面頭嘅肉鬆同埋下面夾心甜甜地嘅芋泥好夾 不過如果手抓餅切開晒會更加好 方便喺街食用吖嘛😝店舖位置仲有不同嘅樹懶精品可以購買 又真係幾善用每寸空間喎🥳 我就比較鍾意佢嘅台式小食多啲啦 如果嚟掃街不妨考慮吓呢個選擇😋