建榮特色桑拿菜火鍋店

營業中

休息中

以排新年好多朋友要見，我地以D 男人最鐘意就係去大排檔同朋友吹下水，飲啤酒，食下飯。今日黎到屯門工業區入面既熟食市場同朋友食飯，我地相識左十幾年，每次聚會都會黎以到食，今日我地去建榮大排檔食。椒鹽鮮魷-好大碟，炸至金黃色，酥脆香口，亦加了勁多炸蒜，如果加多小小椒鹽會更加惹味流沙黃金生蝦-蝦已炸過，加入流沙鹹蛋黃炒勻，每一啖都都流沙鹹蛋黃，好香好好味海皇炒公仔麵-好有穫氣，公仔麵炒得乾身，入面有蟹柳、魷魚、蝦，好大碟！

我由細到大都好終於食大排檔，因為大排檔炒小菜真係好有穫氣，好香。之前一直都會去沙田食，因為沙田大家唔太就腳，所以我地今次去屯門工業區大排檔食。渣車都好方便，附近有一個咪錶場，流動率非常高，因為好多人食完飯就會走，所以係好快有位大排檔除左有小菜，火鍋，仲有金牌火鍋粥底，以家都小見。但我地都係鍾情食小菜，所以3個女人叫了3碟小菜。沙嗲金菇肥牛煲（$98）我至愛既沙嗲金菇肥牛煲，好大煲好多肥牛同粉絲，個沙嗲汁好正，肥牛一D都唔韌。流沙黃金生蝦（$98）蝦撈埋流沙鹹蛋，好正，但比較濕，乾身一D比較好，但都好正好好味，食落每一啖都係鹹蛋黃椒鹽鮮魷（$108）魷魚香脆可口，餐廳放了超多炸蒜，勁惹味，送酒真係一流

平日姨姨請我吃飯多，今晚到我請她和媽媽吃飯，為了方便姨姨，所以去了她公司附近大排檔吃晚飯。我們挺喜歡在大排檔吃飯，份量足料之餘又多選擇，就連即燒乳豬都有供應，難怪這麼多人光顧。一整隻乳豬我們三個人一定吃不了，小小的紅燒乳鴿王份量則剛好。乳鴿皮看起來乾脆不油，別看它這樣迷你，其實皮下蠻多肉的。當一口咬下乳鴿王，外皮酥脆，鴿肉鮮嫩多汁，讓人吮指回味。招牌小炒皇鑊氣十足，蝦乾，銀魚，蝦仁，魷魚，菜脯和腰果給得大方，海味鮮鹹香脆，菜脯爽甜，蝦肉嫩彈，與韭菜一同熱炒，味道一絕，非常下飯，我們一口接一口吃過不停。來到大排檔，怎會不吃啫啫滑雞煲? 啫啫滑雞煲在熱鍋以蒜頭，蔥頭，豬潤快速收汁爆炒滑雞，瞬間香氣撲鼻，大家都被其香味吸引過來，雞肉保持細滑的口感，吸飽醬汁精華，太棒了。晚飯有雞有魚才完滿，我們點了最愛的豉汁蒸白鱔例牌，這絕不能小覷，蒸白鱔的火喉挺重要。豉汁充分滲透肥嫩的白鱔中，入味極了，鱔肉爽彈大塊少骨刺，這道豉汁蒸白鱔大放異彩，收服我們的脾胃。

之前都食過呢間位於屯門嘅大排檔，覺得係值得翻兜嘅。雖然今次整體係冇上次咁有驚喜🙈.冰淋醬烤骨上次都有叫，今次再食覺得好似味道唔同咗🤔但都係甜甜哋，就咁食或送飯食都得。但今次啲排骨肥咗好多，多咗好多肥膏，所以冇咗好似上次咁啖啖肉嘅感覺😫有啲肥膏實在太大舊，所以咬走啲肥膏先繼續食😅.另一樣encore今次又有再叫嘅係和牛丸豆腐湯！呢樣就同上次嘅一樣咁有水準啦！😆和牛丸依然牛味重，食落有口感，好食！湯都好飲。仍然覺得呢個和牛丸豆腐湯係必叫👍🏻.另外叫咗兩款之前未食過嘅新嘢。百花蜜牛柳粒原來即係蜜糖薯仔牛柳糖💁🏻‍♀️調味剛剛好，甜甜咸咸令人忍唔住一舊接一舊咁食😂牛柳肉質鬆軟唔嚡，唔錯。難免拎嚟同深水埗萬x嘅薯仔牛柳糖比較🙈呢到嘅薯仔冇炸過，所以外層係完全唔脆，咁呢方面真係萬x完勝🙈因為萬x嘅薯仔係外脆內軟😛同行朋友第一次食呢個菜式，佢就都食到lamlam脷嘅😝.籠仔海蝦炒飯原來份量都幾多，我諗係四至五人份量。炒飯望落唔油，炒得幾乾身。不過食到底見到籠底嘅荷葉上面有唔少油😅🧐蝦開哂邊食落幾方便，蒜蓉份量足🙆🏻‍♀️.PS openrice話係屯門站exit C2行三分鐘係唔啱㗎🤦🏻‍♀️其實係要ex

我地一家人都是這間食店捧場客，剛巧家中長輩生日，老闆特別設計了一圍生日壽宴，果然別出心裁，一流招呼，食得精彩、食得滋味老人家🧓見到別緻的擺設，非常高興😊首先要讃既系這個窩心的蹄筋煲，入口有豐富的層次感，有胡椒、羗、芫茜、香蔥，令整煲湯底香氣撲鼻，豬肺和蹄筋有嚼勁，食得滋昧這碟醬烤骨可以話我地既至愛，入口有酸甜味道，而且肉質juicy ,怎會忘懷yummy海鮮非常新鮮，蝦肉彈牙、肉蟹肥美，而且用了鷄油羗蓉蒸，增添了肉蟹的鮮甜味道，聖子米粉盒卻令人👀前一亮，感覺到創意無限，😆我地食到不停口，後來先知原來老闆親自去三聖村發記海鮮挑選我地前日預訂的🦐、蟹等，真體貼最後還有壽包和長壽面食，人人都飽腹而回，實在太正了

唔係屯門友介紹都唔知呢道有個大排檔，原來就係屯門西鐵站出口維他奶廠後面大約10分鐘路程，夜晚過後呢頭都幾冷清，但入到嚟就熱鬧多啦，坐底無耐已經滿坐，都係啲熟客幫襯或者係呢頭返工嘅人餐牌嘅菜式係一般大排擋有嘅小炒，煲仔等等，而且仲有老火靚湯不過要預早一日預訂，另外又有火鍋，配料都唔少喎，但今日天氣唔係太冷而且得兩個人所以决定食小菜第一次嚟唔知咩好食，見人點我又跟住點🤣聽到隔離格講小炒皇好食，但我覺得飲酒送酒比較合適，所以最後點咗呢幾樣！豉汁蒸白鱔白鱔好嫩滑豉味香濃又唔會好咸紅燒乳鴿雖然唔係BB鴿，但肉質都好嫩，唔會炸到好乾好嚡冰鎮鵝掌亦味道超正，佢唔似一般食到好硬或好咸，味道剛剛好又容易咬開蒜蓉豆苗豆苗好新鮮，好夠鑊氣以大排擋來比較呢度都算乾淨企理，而且以膠布做間格，唔怕凍親，夏天又有多部冷氣射住，一定唔會食到身水身汗，每個菜式都大大碟，以呢個價錢相當抵食，極力推薦嚟試下，聽說午市都好抵食，$3X多就食到一餐，如果係星期五至日想嚟食晚飯強烈建議要訂位先啦~

我有位屯門好友約我到佢新屋參觀，去參觀前好友帶我先食一餐屯門地道出名好食的冬菇亭，餐廳名為「建榮特色桑拿菜火鍋店」，嚟到梗係要食番個鑊仔鍋啦～而且天氣咁凍食番個鍋取下暖。好友因為喜歡食魚，所以介紹我食鑊仔皖魚鍋，好大隻皖魚尾，size有成個鑊仔咁長，魚尾先煎香再放入湯上，再配上海蝦及蜆肉，好鮮甜，仲有配菜有芹菜、白蘿蔔同番茄，單睇已經很豐富。之後再加上火鍋配料有鮮蝦雲吞、潮州手打雜魚丸及唐生菜，鮮蝦雲吞都夠大粒，潮州手打雜魚丸好正宗潮州風味夠魚味而不腥，唐生菜爽脆夠綠，食材都很新鮮，很不錯。最後加個建榮炒飯，材料有干瑤柱、鹹蛋黃、鮮蝦肉及XO醬，飯炒得好乾身，不油膩，每粒飯都粒粒分明夠鑊。好友跟我說每逢跑馬日，餐廳會座無虛席搵一個位都難，因為附近有間投注站，很多屯門街坊都會在跑馬日幫襯，所以平日嚟食比較容易搵位，如果跑馬日就要及早訂位囉～

秋風起,自己會諗下同家人食一些有鑊氣嘅晚餐。鄰近屯門地鐵站,走過嚟大概20分鐘。最令我同屋企人懷念嘅係, 豉汁蒸大鱔。首先他們選用的非常新鮮, 配上豉汁, 豆豉, 蒸嘅時間及火候啱啱好。主要係肉鮮嫩無比, 好難起外邊食得到。誒咁凍用嚟撈飯最好。😊其次係佢哋嘅,炒豆苗炒得好好食。鮮嫩唔再講,配上蒜蓉一齊, 竟然可以做到色香味俱全。除咗位置地段非常好之外,侍應生的服務態度一流。令客人覺得有賓至如歸嘅感覺。當日同家人食得好開心。誠意推薦。😘😘😊

平時放工經過都見唔少人，今日放工嶄就去試下。不少人食蒸氣火鍋不過我哋就揀食小菜。椒鹽九肚魚好大碟，兩個人食就太多，最岩不班人分。魚炸得非常香口但又好水潤。因為炸嘢始終有少少熱氣，所以叫咗王老吉和可樂。蒜蓉豆豉蒸白鱔非常惹味。西蘭花蝦球，蝦球非常大粒而且爽口。雖然價錢和一般餐廳相若，但份量足，下次可以再黎食晚。

同Hubby家人打算食冬至飯，本身佢地家人住屯門，對食又有要求，所以上網睇左一輪，眼見這間大排檔食評比其他屯門區餐廳更好，所以博一博，睇下係咪真係咁好食？桑拿菜，其實近年有聽過未試過，就提前搵一晚打去訂位。（注意：營業時間係晚上6點後，不要太早打去）當晚book左1830，但因為一些問題，差不多7點才到，（中間打過去改時間）幸好，仍然有枱一去到，嘩，以平日7點來講，人都算唔少，我地選擇左坐出面，因為天氣涼涼地，坐戶外很有風味同hubby家人食飯，當然唔可以唔做功課，所以已綜合網上食評，家人嘅食物喜好，分別叫左籠仔蒸蝦炒飯、椒鹽食魷、咕嚕肉、梅菜蒸菜心同埋我自己由細到大的情意結涼拌海哲點菜後，食物很快很快便到，先來一碟涼拌海哲，夠凍，非常大碟，爽，味道唔錯，有少少青瓜拌埋，賣飛佛接著到的是椒鹽鮮魷，份量可以話比平時出面大排擋的份量大，最重要係佢夠熱，夠脆，外層唔似出面咁，好似幫舊鮮魷著左件褸咁，厚厚嘅面粉皮，加上適中嘅椒鹽味，食到尾，鮮魷依然好好食，無淋到再來籠仔蝦炒飯，一開蒸籠蓋，嘩剩係賣相都吸引嘅，不過本身晚餐盡量唔食太多澱粉，無食到飯，只係食左蝦，蝦🦐唔錯，但無想像中咁惹味，家人都

大排檔有種風味係不能取替今日食到一間好夠鑊氣既大排擋酥炸生蠔炸野最緊要襯熱食一上碟見隻隻金黄色非常吸引放入口心急得滯差少少辣親🙈佢既炸粉整得幾松脆食落冇食口油而蠔仔又脹卜卜配上喼汁冇得頂👍🏻👍🏻Wasibi牛柳粒第一次俾煮既wasibi原來煮後既wasibi會冇哂啲功鼻初放入口冇乜wasibi味嗒真啲淡淡既wasibi香慢慢出牛柳粒大大粒，炒得岩岩好，夠淋配埋三色椒青瓜炒色香味俱全感覺又冇咁heavy😂蒜蓉豆苗呢個唔洗太花巧都已經炒得好好食炒出黎唔係好水個隻用呢菜就咁撈飯已經夠我食半碗飯🙈🙈冬天加食炒野真係不能唔加飯送所以最後結果飽到反艇😂😂總括一句，火喉夠就點都好食兩個人食哂三碟大大碟既餸加飯就知道有返咁上下👍🏻👍🏻

今日同朋友講開話屯門有間小菜都幾出名㗎喎一於去試下啦嘩去到見到人山人海呢度除咗小菜出名原來都仲有好多人喺度打邊爐㗎冬天依家天寒地凍呢度有個羊腩煲非常出名呀不過我唔食羊，所以就食小菜啦第一個菜上啦甜酸咕嚕肉好趣啊即叫即整而且加上酸酸甜甜嘅菠蘿超開胃，即刻想叫多幾碗白飯梅菜蒸菜心非常特別啊！估唔到呢個菜式咁整又幾夾喎佢用一個蒸籠蒸嘅，非常健康喎而且在喺梅菜上面加少許薑絲冰淋醬烤骨味道都幾特別用咗秘製嘅醬汁去整呢個醬烤骨啲肉食落都好嫩滑瑤柱金菇湯好足料喎而且勁大鍋真係夠幾個人食，今餐食到飽一飽

屯門大排檔選擇雖然唔算好多，但係以前都有幾間不斷成日食嘅，以前成日會去新墟個邊搵大排檔食，但好似變左，搞到我又要去搵下有咩新既大排檔餐廳食。上下OpenRice 搵下有咩大牌檔啦，發現原來屯門站近建安個邊都有一間大牌檔，仲要幾多人有食過，咁一定要去食下啦。屯門站行過去都係7/8分鐘左右，唔算好遠，喺馬會隔離，星期二去唔算太多人但都接近full house。值得一讚嘅係，呢間大排檔啲員工唔係好似我哋typical大排檔咁樣，態度好好之餘仲有介紹左呢間出名好食既招牌菜。兩個人但係叫咗三個餸，好似變左食肉獸咁。首先一個冰淋醬烤骨，店員好貼心咁問需唔需要碎上唔使食得咁辛苦，細細舊都好方便送飯，甜甜地既烤骨唔會整到好乾柴，有啲仲有嫩骨好正。自己不嬲都又係要叫個煲先滿足，我朋友就揀左黑椒無骨豬手煲。個煲夠濃味，豬手唔會太多肥肉，豬手份量十足，爽爽地唔會只係油。今餐嘅重點係黃金蝦，係每一間大牌檔都會叫黎食，今次呢個好有驚喜，好多鹹蛋黃碎包住個蝦，起哂沙。鹹蛋黃夠香，隻隻都係夠新鮮，完全冇一隻係霉，我同朋友兩個人清哂一大碟都可以繼續食。

這是一個陷阱。見d comment & 食物相片唔錯，就黎試下。坐低落完order 之後，隔離枱果2 個阿叔就開始食煙喇。叫阿姐黎想換枱，點知佢話"已經落左order la wo, 頭先又唔早d 講, 冷氣房又俾人卜爆左。"心諗, 鬼知d 人食煙, 洗唔洗一早同你講埋我怕火燭燒死添。坐坐下越來越多人食煙，去到後來食左大半時，全場90% 枱有人食煙，連身後個大姐都噴d 煙過黎。更甚既係，d 阿姐招呼其他人入冷氣房，而佢地係冇卜房，因為有客唔想入房要坐出面; 又有一大班客本身係出面坐低左，見有好多人食煙而走入冷氣房。成餐飯係倒落肚咁，心入面只係諗住快d 食完快d 走。貼錢買難受。

平日去順豐經常經過呢間大排檔，趁今日星期五就和同事一齊過嚟食返餐好嘅。見好多都係一家大細或者係一班朋友一齊黎，好熱鬧同埋好有地方特色。呢間餐廳比我想像中乾淨，碗碟一d都唔油膩。見到唔少人食蒸氣火鍋不過我哋就揀食小菜。椒鹽九肚魚炸得非常脆口，而且入口即化，軟綿綿好水潤，加埋炸得好香口既蒜頭粒，簡直係絕配。今日特登叫咗一個蒜蓉豆豉蒸白鱔。鱔肉加埋蒜蓉豆豉汁和蔥，非常惹味，配白飯就最夾。西蘭花炒蝦球超級大碟。蝦球非常大粒同埋彈牙，唔係一般雪藏貨。西蘭花同埋青紅黃椒都好爽甜，炒好之後都仍然非常翠綠可口。整體來講CP值超高，下次放工之後都可以再食。