張公館

營業中

休息中

同媽媽食晚飯通常都揀番中菜先岩佢胃口，今晚揀左呢間望到海景嘅餐廳，呢到環境坐得好舒服，店員服務態度非常好。香炸蝦棗大大粒，炸到外皮香脆，一咬落去爽口彈牙，好足料，啖啖都係蝦肉。豬油渣大地魚粒炒菜心苗菜心苗口感爽脆，鮮嫩多汁，豬油渣炸到香脆可口，加埋大地魚粒味道香濃惹味。新加坡胡椒蟹爪粉絲煲蟹肉好鮮甜，肉質嫩滑，胡椒味超級香濃，帶有少少辣，粉絲吸收哂醬汁味道，非常惹味。香煎黃金糕黃金糕口感煙韌可口。

同長輩食飯選址都唔可以太求其~日子就我, 地點同食咩菜就要就返佢所以揀咗呢度同佢飲餐茶見個面之前試過同集團的張公子, 不過位於九龍, 所以今次試埋近老人家的張公館而且望過係有靚景, 預早訂咗位, 仲有是日天氣非常好坐低後侍應已經問我地想飲咩茶和放低洗碗筷嘅容器, 同埋餐前小食, 都唔係普通野, 係脆魚仔花生和蕎頭然後我地叫咗香片, 都夠香濃2個人點咗4樣點心:四川蝦餅 (前): 好似煎包咁, 面頭好多芝麻, 香煎過後咬落去脆脆地, 不過入面都有D辣, 同埋個底油咗少少, 但味道係OK的脆脆笑哈哈(中): 呢個大人細路都一定鐘意食的, 每件腸粉都大大件, 包住D脆炸過類似米粉的脆脆, 再包住彈牙嘅大粒蝦仁, 就算放得耐都無稔到香煎黃金榚 (後): 長輩鐘意食, 所以特別點呢個比佢, 佢話新年後都無再食過, 同埋唔多地方有, 一絲絲滿滿椰香味嘅黃金榚煙煙韌韌, 做餐後甜品一流仲有鮑汁雞扎, 脤卜卜皮薄餡多, 有2大件嫩雞肉, 厚切火腿, 索哂汁嘅魚肚同埋健康嘅准山, 食完一件飽咗第一次嚟嘅體驗唔錯, 可能加埋天氣好, 坐得又舒服, 侍應嘅服務都係點到即止, 唔會比你感覺趕住叫你還檯

張公館座落銅鑼灣Vpoint，食緊飯嘅時候同時可以睇吓夜景。近日餐館推出一系列「潮菜」，亦有新加坡蟹煲食！杏汁豬肺湯豬肺湯功夫不少，助補肺弱，止咳平喘，可以潤喉。香炸蝦棗蝦棗係潮州人過節必食嘅經典菜，象徵團團圓圓。蝦棗丸子鮮甜，有蝦味。外皮酥香配合馬蹄及芹菜粒，口感豐富。豬油渣大地魚粒炒菜蕊苗用豬油渣同大地魚炒菜，令青菜更加鮮甜、爽口。新加坡胡椒蟹爪粉絲煲秋風起正好食蟹。少少辣嘅蟹煲愈食愈滋味，粉絲吸收汁料，香濃美味。香煎黃金糕南洋特色糕點，傳統製法，表皮脆香金黃。🛎️必試指數：9/10🔆

一直以來都好鍾意飲茶，因為可以食到好多唔同品種嘅點心。週末嘅第一餐我哋決定去飲茶。無敵海景加精緻靚點心，今日心情好好，愉快嘅週末從飲茶開始😋羊肚菌素餃首先要講下呢個羊肚菌素餃，外皮薄透，咬落去滑滑地，內裡包住嘅素餡新鮮又香味十足。羊肚菌嘅香氣令整個餃子更加出色，好有層次感！脆脆笑哈哈呢個點心就好特別，佢裡面包住蝦肉，外面仲有一塊油炸鬼，搭配腸粉，食落去脆口又有嚼勁，忍唔住多食幾件！酥皮菠蘿叉燒包酥皮菠蘿叉燒包，酥皮外表金黃酥脆，入面包住香濃嘅叉燒餡，甜中帶鹹，口感一流。每咬一口都感受到叉燒嘅香氣。荷香鮑魚瑤柱珍珠雞呢個珍珠雞真係冇得輸，鮑魚同瑤柱嘅搭配令整個飯香氣四溢，荷葉包住嘅飯粒亦保持咗濕潤，食落去咸香可口。養顏紅棗糕作為甜品，養顏紅棗糕清新又唔會太膩，紅棗嘅甜味適中，口感滑溜。生磨蛋白杏仁茶最後係生磨蛋白杏仁茶，呢碗杏仁茶滑溜，味道濃郁，飲落去好舒服，特別適合喺飲茶完結後嚟一杯，既養身又滿足。

位於銅鑼灣V point既張公館，餐廳裝修雅致，有多面落地玻璃，飽覽維港景色，可以邊嘆點心邊嘆海景😎🍴鮑汁雞扎（$58）雞扎入面包住鮮淮山、雞肉、火腿、魚肚。雞肉嫩滑👄魚肚吸收咗其他食材嘅精華，幾入味～🍴四川蝦餅（$68）芝麻餡餅包住爽口既蝦仁🦐蝦仁用微辣嘅醬汁調味，充滿四川風味，鹹香惹味👅🍴脆脆笑哈哈（$68）腸粉皮柔軟薄滑，包住爽口嘅蝦肉同香脆嘅米網，口感豐富😆🍴香煎黃金糕（$48）黃金糕煎到表面微微焦香，甜度適中，煙韌有咬口👍🏻

張公館餐廳位於廣島銅鑼灣登龍街18號V Point 29樓,餐廳裝修簡約,玻璃幕牆設計環境光猛,對住個維多利亞海港飲茶心曠神怡,餐廳主打廣東菜,餐廳有山珍海味和季節性大閘蟹供應,服務員招呼熱誠有禮。鮑汁雞扎雞扎餡内有火腿,雞肉,魚肚,鮮淮山,腐皮,雞肉和魚肚吸收咗火腿的鹹香味,食落嫩滑多汁。四川蝦餅四川蝦餅有4件,醬汁微辛,蝦夠大隻食落爽口彈牙,餅身鋪滿芝麻,炸到金黃色,外皮香脆餅身軟綿。脆脆笑哈哈廚師製作脆脆笑哈哈餡內有芫茜,鮮蝦,脆米紙,食落層次感分明,餡內脆米紙脆卜卜,外面腸粉軟熟,鮮蝦爽口彈牙。張公館鮮帶子粿鮮帶子粿下面有蝦餃,鮮帶子喺蝦餃上面,帶子上面有橙紅色蟹子,份外搶眼,鮮蝦爽彈,鮮帶子腍滑,蟹子有口感。香煎煮黃金糕甜品香煎黃金糕,煎到表面微微焦脆,內裏軟糯,特別的香味四處散出,微甜,咬落煙煙靭靭有口感。

同個舊朋友聚餐，想搵間靚小小嘅景同埋中餐，因為佢喺外國返嚟好少食中餐，所以就搵咗張公館。因為佢嗰度嘅景望到海。新加坡胡椒蟹爪粉絲煲既風味好獨特，配上香辣爽口嘅胡椒醬汁同埋彈牙爽滑嘅粉絲，帶出一種好鬼濃嘅海鮮風味。香炸蝦棗係張公館嘅招牌之一，佢外脆加內嫩，蝦棗鮮甜又多汁，沾上dd酸甜嘅蘇梅醬，帶出蝦棗嘅鮮美風味。豬油渣大地魚粒炒菜蕊苗帶有濃厚嘅家鄉味道，大地魚粒好鬼鮮嫩，配搭豬油渣炒出黎嘅香味，令菜蕊苗更加鮮甜同爽口。沙薑豬手質地鬆軟又多汁，沙薑醬汁好鬼香辣開胃，豬手又煮到恰到好處，入口滑嫩。最後嘅香煎黃金糕好金黃又酥脆，佢內餡香甜軟綿。

今晚係中菜廳食到一味炒得絕好既菜芯苗，冇錯，係蔬菜。定價黎講，真係比較貴既一碟菜，不過當你食一啖就會讚嘆廚師既手功同埋配料既用心精緻度。菜芯苗嫩綠，配上極之酥化豬油渣同炸脆大地魚粒，伴以適量蒜蓉，好好食，絕對值得呢個價錢。新菜單仲有香炸蝦棗，圓碌碌，彈牙厚肉，新鮮大粒，配酸甜冰梅醬好夾，一定要試下。新加坡胡椒蟹爪粉絲煲，個汁無敵，好惹味唔太辣，精華係粉絲煲，每條粉絲都吸滿汁，深啡色夾雜紅椒絲，太美味，蟹爪份量多，每隻都舔到乾乾淨淨只剩殼。甜品：橙絲清心丸綠豆爽，清心丸特別煙韌，糖水清清地好滋潤。香煎黃金糕，軟糯有椰香，金黃色應下節慶。壺茶有燭台熱住，西湖龍井，慢慢飲。

今日約咗個好耐冇見嘅朋友嚟銅鑼灣V Point高層嘅餐廳, 望住維港海景共進中式晚餐😍😍🔸香炸蝦棗香炸蝦棗外脆內嫩，蝦肉鮮甜。香脆嘅外皮點上酸醋汁真係好開胃😚🔸豬油渣大地魚粒炒菜蕊苗呢道菜用咗豬油渣，增添咗豐富嘅香氣，搭配大地魚粒同菜蕊苗，口感極佳。魚粒鹹味好夠，菜蕊苗保持咗爽脆，整體味道非常均衡😋🔸上湯牛油大蝦球煎脆米粉底脆米粉底非常大塊😂 而且煎得超脆超香口‼️大蝦球成半隻手板咁大隻🫨 煮得剛好，肉質彈牙👍 上湯牛油羹淋上香脆嘅煎米粉底 真係食得好過癮🔸香煎黃金糕香煎黃金糕表面金黃香脆，內裡軟滑，甜而不膩，同埋充滿椰香，完美作為餐後中式甜品😆

位於銅鑼灣V Point 26/F的張公館，飽覽維多利亞港景觀，客人可以一面看着海景，一面舒舒服服地嘆着各種點心，絕對是雙重享受😎！鮑汁雞扎：雞肉鮮嫩多汁，再配上鹹香適中火腿及吸收了所有精華的魚肚及淮山，味道很不錯✨四川蝦餅：金黃脆口的芝麻餡餅包滿了蝦仁；餅🥙內濕潤鬆軟，而脆滑蝦仁配搭秘制醬汁，微微辣，惹味又開胃！荷香鮑魚瑤柱珍珠雞：熱辣辣的珍珠雞材料好豐富，好驚喜餡料有原隻鮑魚，再配絲絲的瑤柱、蝦米、肉粒及煙韌的糯米，好食😋鵝肝鮮蝦春卷：春卷炸到好酥脆，一咬就碎；同時，鵝肝的油脂入口即化，配搭鮮味十足、爽脆彈牙的蝦肉，口感更上一層樓🥰桂花五色糕：五色糕包括桂花、蜜瓜、西瓜、芒果、椰汁味；好驚喜5種味道出奇地夾，口感香滑彈牙，味道不太甜又清新!店內服務很不錯，店員時不時會換碟及加水，讚👍🏻

朋友生日，因銅鑼灣就腳，就打算請佢過來食晚飯，叫咗4餸和甜品，煎銀鱈魚和秋葵不過不失，重災區係黑胡椒蟹和蝦醬排骨，黑胡椒蟹好鹹，我們要了碗開水來洗蟹，墊底的粉絲好乾又好硬，好似未煮開，蝦醬排骨炸到好乾，老實講，仲差過出面啲兩餸飯師傅，真不敢相信這家是張公館的出品，失望至極！不會有下次！太差了

《張公館》銅鑼灣特色中菜館🥢🥢🥢🥢🥢。香炸蝦棗 ($108) - 新推出的“潮菜”之一，蝦棗大大粒，入面除了蝦肉，仲有爽口馬蹄，整體彈牙juicy。。沙薑豬手 ($108) - 沙薑豬手份量好多，好中意佢切到細細粒仲起了大部分骨，食落超方便。另外，喱度嘅調味有別其他地方，不會是死鹹的沙薑，沙薑的調味適中，香而不膩，清爽又開胃。。新加坡胡椒蟹爪粉絲煲 ($268) - 喱個係餐廳的signature料理，蟹爪走油過後非常香脆惹味，有些蟹殼什至脆到可以食用，胡椒醬汁濃郁又滋味，送酒一流。。豬油渣大地魚粒炒菜芯苗 ($188) - 新推出的“潮菜”之一，依加真係較少食到豬油渣，原來加埋菜一齊炒真係更香口，另外大地魚亦有提鮮作用。。桂花五色糕 ($58) - 有五層不同顏色的五色糕，頂層是桂花味，其餘有芒果、火龍果、哈蜜瓜和椰汁的口感，顏色鮮豔。

想食好少少既中餐，就同老公試下呢間張公館，環境真係好好，好大個玻璃，有無敵海景，對住維港夜景，一流呢排做緊潮菜，真係幾有特色沙薑豬手($108)呢個係我呢晚最愛，豬手有咬口又夠林，好多骨膠原，最開心係唔使自己吐骨，沙薑惹味，食得好過癮香炸蝦棗($108)有啲似炸蟹鉗，好大舊蝦肉，炸得好脆，最特別係個汁，係話梅汁，好清爽開胃豬油渣大地魚粒炒菜蕊苗($188)呢個看似普通，但食落又好好味，豬油渣帶岀左菜既甜味，大地魚粒脆卜卜，夾埋個菜幾香口新加坡胡椒蟹八粉絲煲($268)呢個蟹真係好有黑椒味，每隻蟹腳都係黑椒汁包住，汁係炒干身，帶少少甜味，好特別，粉絲索晒啲汁，所以好好味，而粉絲係一條條，無散晒桂花五色糕($58)清爽作結既好選擇

食得多唔同國家嘅菜式，有時都想食吓中菜。呢間粵菜館，出名菜式精緻，服務周到，加埋由29樓望出去嘅海景，真係多重享受。 潮式凍馬友魚飯經典潮州菜式，馬友要好新鮮先可以有咁實淨嘅口感。魚本身冇太多嘅調味，普寧豆醬嘅鹹香就好帶出到魚嘅鮮味。 香炸蝦棗大大粒好似大棗形狀嘅丸子，外皮金黃香脆，蝦肉飽滿彈牙。點甜酸醬都幾醒胃。 上湯牛油大蝦球煎脆米粉底米粉底真係勁脆，又夠香口，咬落去咔吱咔吱，就算浸落上湯入面都仲係好脆。爽口彈牙嘅牛油大蝦放入上湯，成個湯變得濃稠鮮味。 豬油渣大地魚粒炒菜心苗菜心苗炒得翠綠，而豬油渣同大地魚粒係重中之重！因為已經逼晒啲油出嚟，所以一啲都唔油膩。勁好食！ 桂花五色糕五層嘅桂花糕，簡直係心機菜。有桂花、芒果、椰汁等，一件桂花糕食到五種味道同口感，感覺豐富。

昨日帶媽咪到張公館食飯，餐廳裝修雅致，有幾間貴賓房，私隱度幾高，大大個玻璃窗台，可一邊用餐一邊欣賞維港景色。✨潮式凍馬友魚飯$96，魚肉肉質緊緻，油份甘香，魚肉上面放了些黃豆醬，微鹹特出魚的鮮味。✨香炸蝦棗$108，炸至黃金色的蝦棗，咬落好彈牙，蝦味亦鮮甜，蘸一些桔油食會更顯風味。✨新加坡胡椒蟹爪粉絲煲$268，大肉蟹新鮮肉質結實，粉絲炒得夠乾身，吸收了黑椒醬汁，十分惹味😋 ✨豬油渣大地魚粒炒菜心苗$188，豬油渣酥脆，大地魚香口，與菜心同炒，非常腍甜好味👍✨桂花五色糕$58一上枱已經好吸睛，五色用上桂花、蜜瓜、士多啤梨、芒果、椰汁等五種味道造成，一件糕點食到五種味道，正👍總結每個菜品都有水準好食，下星期約埋老竇再過嚟飲早茶☺️