強記小食

營業中

休息中

經過這間地鐵站旁小巷(後巷?!)的小食店無數次,每次都見到店前站滿吃著小食的客人,但總沒意圖一試;日前意外地看過一個blog形容這裡的燒賣是版主暫時吃過最好吃的燒賣 ; 就是這句說話令我的起心肝去試,無理由美味燒賣就在身旁也不去試的嘛!昨晚終於成為買小吃人群之一;阿姐一手收錢一手將蘸上豉油的燒賣放在碟上,拿著那熱乎乎的燒賣快快閃到一邊好了........燒賣不就是7仔那些普通粉雷雷鯊魚燒賣貨色?? 既不彈牙味道也不算鮮美,肯定不是自家製而且還不夠熱,這不能算好吃吧!不過那帶甜味的豉油卻真的不俗,應是店方自行調教過味道的,甜中帶咸的豉油令本來平平無奇的燒賣又變得可以接受的程度了!!難怪每天仍然其門如市。小巷裡燈光昏黃,自己又拿著大包小包,連電話也懶得拿出來拍攝........

經過葵芳地鐵站時路過見到這間唔起眼的小食店, 見口痕就買了串辣魚蛋食, 一食先覺得辣味唔得(辣感只有得個麻的感覺), 個味唔好味都算, 連 d 魚蛋口感細細粒之於仲唔新鮮添!!!

19/2/2009 (星期四)放工後，一班同事齊齊去食魚旦、燒賣，我見未夠鐘打波，就跟埋一齊去食。這間食店係葵芳地鐵站旁邊，店面很小，但人流很旺，小食的選擇好多，魚旦、燒賣、尤魚、豬大腸乜都有，買完之後，人人都企埋一邊食，好有特色。我都仲未想到買乜嘢食，同事已很快捷及熟練地叫咗一大堆小食，有魚旦、燒賣、尤魚、豬大腸、牛栢葉，大家一齊食。我試了魚旦同燒賣，燒賣好好食，大粒又彈牙，至於魚旦 size 比較細，樣子唔吸引，算 OK 啦，不過d辣汁好辣，對於我唔食辣的人，就太辣啦。

每次經過地鐵站側邊呢間小食店，都會變得好猶豫，腳步會不期然放慢，仲會出現心理鬥爭：究竟好唔好買串牛肉食呢？就食飯喎，都係唔好買嘞；唔係成日經過喎，買啦！因為呢度啲牛肉球真係好正！噚日夜晚收工行過，雖然係去緊食晚飯途中，都係再一次抵受唔住誘惑，喺度先食頭盆： 牛肉球：外型好巨，一串有三粒，入口頗彈，雖然係有溝粉，但係仍然可以咁彈真係奇！咬落去啖啖肉，肉味肉汁都有，仲有少少蔥嘅香味，甜豉油係佢嘅靈魂，一定要點！佢啲甜豉油比較厚身，味道甜得嚟可以加添食物美味，暫時係我食過最好嘅，雖然次次都要食得好小心，但我仍然願意賠上對鞋而食呢個牛肉球！ 生腸：珠玉在前，好在都係同一個豉油加咗分，食落質感爽，味道唔錯！計埋計埋，年中我每次經過呢度，九成都係要停一停！

見到樓下有網友話魚旦最正~魚旦呢~佢就未算最正~反而係燒賣正wo~話說呢間嘢~~~唔覺唔覺~我已經食左5年lu~~~~放工時間~仲多人呀~西裝友也好~ol也好~都一人1,2串~佢的燒賣正在唔會蒸得過籠~夠濕~又唔會硬~豉油甜味適中...已經唔止一次俾d豉油滴中~但依然堅持再食~上星期5食完~~水準依然~最驚喜係....好多地方加價~佢都冇加~~~good呀!!!

食過不少荃灣 葵芳的小食我不得不說這一家的魚蛋是最正今天3點放學才剛剛開門小小的攤檔說真 如果不是有人介紹我也不發現到記得上年每天都到那裡食魚蛋的回憶很懷念說了很久 入正題強記的魚蛋很小粒然而他的辣很正魚蛋不是爽 不是"諗"而是"ee硬硬"一到放工時間很多人會到那裡至於其他小食方面一般吧 但算便宜6蚊一串下星期一考完試 又去搵我的魚蛋