強記小食

營業中

休息中

今次黎到葵芳揾食，唔係入葵廣。而係去呢檔係地鐵站旁，區內無人唔識既小食。以前成日會流連葵芳葵涌廣場睇衫食野，但可惜小舖仔既流失率高，舖租又加到飛起，而家已經面目全非。 不過慶幸港鐵站的強記小食還在，這裡的魚蛋牛肉球應該係好多葵青區人的集體回憶。 魚蛋$7/ 6粒未食過強記唔好同人講你黎過葵芳。無誇張，我覺得魚蛋真係好好食，魚蛋細細粒，彈牙有陳皮香。佢地既辣汁亦好惹味，唔係死辣，食完個後勁不得了! 山竹牛肉 $10/3粒另外佢既食牛肉球，亦都係必食之選。彈牙有口感，而且又有牛肉香，唔會似外面既加咁多粉。

平時去完葵芳補習，總見到地鐵站附近車水馬龍，一大班人排隊等買野食。好奇一睇，原來係一間叫強記嘅小食。佢有好多款一串串嘅野食，例如牛肉球，八爪魚，墨魚之類......我知道老爸鍾意食牛肉，所以尼日就買左一大盒牛肉球返去。加埋強記特別烹調嘅辣汁，啲牛肉真係好味到叫出黎。下次去葵芳要再戈買一大盒返屋企

強記惹火咖喱辣汁牛肉球，喺葵芳基本上無人不識，鎮店之寶當然係咖喱辣汁，小食種類包括：牛肉球$10元～牛栢葉$10元～生腸$10～雞腎$10元～水魷魚$10元～豬皮$10元～墨魚丸$10元～牛筋丸$10元～紅腸$10元～八爪魚$10～魚肉燒賣$7元～陳皮魚蛋$7元～廚師腸仔$4元

在葵芳這裡, 強記小食幾乎無人不識經常出現排隊購買的人, 相信食客都是衝著那秘製咖哩汁而來在強記小食, 重點絕對是汁醬, 小食種類有很多, 例如魚蛋, 牛肉球, 燒賣, 生腸, 水魷等等陳皮魚蛋是本人每次都點的鐵膽, 每次必定兩串起跳(因為一串定不夠喉)；有時直接魚蛋打孖上, 有時則會加水魷, 生腸等, 比較餓的話就會加上牛肉球看似平平無奇的小食, 加上他們它的惹味辣汁, 即刻「OK哂」

葵芳在放工時間，後巷出現人潮。原來是名物強記小食。排隊前面有十多人，不過好快就輪到我。二話不說，點了一串魚蛋和豬皮。魚蛋七蚊，豬皮十蚊，有點小貴，但聖是要潮的，just shut up and take my money 未食過強記唔好同人講你黎過葵芳。無誇張喎下，我覺得魚蛋是全香港最好食的，歡迎挑機😏魚蛋細細粒，彈牙有陳皮香，好實淨！而豬皮又爽又吸汁，🌶辣汁好惹味，聽講牛肉球都好正，下次經過一定會試下！！

相信一講起強記，喺葵芳基本上係冇人不識，人氣爆燈！強記出哂名就係鎮店之寶(咖喱辣汁)，食落真係幾辣，我自問本身都係食辣之人，但一樣辣到出汗💦，但係就越辣越想食，牛肉球非常大粒$10元一串真係好抵！除咗🐮肉球被外，仲🈶其他小食～包括：豬皮～牛丸～辣汁魚蛋～燒賣～爽脆雞腎～廚師腸仔～墨魚丸～水魷魚～八爪魚～生腸～牛栢葉等，所有食品當配上呢個自家秘製咖喱辣汁嘅話，就即刻成為人間美食，強記逢星期日休息

之前每次黎到葵芳一定黎幫襯一串，近排少黎左，今日終於忍吾住探我的魚蛋。黎到大約7點鐘都有幾個人企左係度食緊，今次叫左一串魚旦和牛柏葉。食落去魚旦依然保持到有口感十分彈牙，但有淡淡陳皮味，也是我最愛的味道，但醬汁好淡，牛柏葉好大件食比較困難，而且食落冇味有失望（可能煮牛柏葉的湯係冇辣冇味吧）。之後可能因為叫小辣吧，所以專登再叫多串辣魚蛋，但個辣度都係吾辣但好過咖喱魚蛋。所以只可以講佢魚蛋口感和質素都保持到，但醬汁已經不再令我掛念了。

行開葵芳都會去強記小食食佢啲小食。次次都好多人企系道食。系後巷呢個位置地點相前出面巴士站個2間人流較少，但大多數人都會選擇去呢道買野食，全因水準一直keep 住。買左一串燒賣一串生腸一串牛柏葉一串雞腎。黎呢度最主要食佢嗰汁，最中意食辣味，辣得過癮。牛柏葉雖然有啲韌，但可以接受。燒賣沒咩特別，下次應該唔會再食。最好食都系生腸，爽脆口感，配埋個汁真系不得了。個醬汁係非常出色，本身想買多串牛肉球，但為左留肚食晚餐 最後都沒叫到

呢間好多人排隊買，原因係咩？我都羊群效應，買返串。買咗一串魚蛋，一串燒賣魚蛋既色同平時食既魚蛋有唔同，平時既咖喱魚蛋係黃色，呢度既魚蛋係啡色。魚蛋都係選用細粒嘅魚蛋。食落口感彈牙，有魚肉味。嗯，我唸咁多人排隊，應該係俾個醬汁吸引住。魚蛋咬落係有八角，陳皮等既味道，而咖喱既味道好淡，同平時既魚蛋醬汁完全唔同。但魚蛋比較細小。燒賣就大粒好多，咬落啖啖肉，軟身，天氣凍就好啱食。燒賣味道唔錯但係唔特別，醬汁以豉油為主。

相信經常身處葵芳地帶的人，都一定知道這間強記的存在。每每放工時候，總會出現長長人龍在排隊買小吃。當中不論年齡有老有嫰，亦不乏OL一族也買來吃。平日放工餓著肚子，就會不其然走到這間排隊。燒賣魚蛋一定買來吃，獨特的燒賣豉油，豉油甜甜的更加開胃。魚蛋結結實實，細細粒彈牙易入口，這款魚蛋已經比較少見了，相比出面大大粒魚蛋，還是最愛這種。

葵芬廣場多好野食就係人都知但其實係葵芳地鐵站與巴士站既巷仔亦有一間美味小店放工既時間更加大排長龍小妹每次去葵芳更加會食番串辣魚蛋強記小食用既魚蛋係細細粒，較實，煙韌而有咬口辣魚蛋食落香辣而且帶帶淡淡既陳皮味十分惹味經過既朋友一定要試下

每次經過葵芳，都係見到強記大排長籠，永遠都有條隊係到。今日趕時間返屋企，所以買返屋企食。叫左兩串魚蛋，因為一串一定唔夠，係舊式個隻細魚蛋，有魚味之餘仲有少少陳皮味，好正。另外牛肉球都係超好食，唔同酒樓食個一隻，強記比較實，魚蛋牛肉球加埋辣汁，無得彈，不過唔食得辣唔好加辣，因為真係幾辣架

路經葵芳必到之處~強記小食，門口永遠排著一條條剛下班的葵芳的居民，大家都會一下巴士地鐵就到強記小食篤一串魚蛋。個個都一串兩串，不分你我，站在小巷中開餐，很有風味。其實這裏有售的是7，80年代食到細細粒彈牙，煙韌，有咬口的魚蛋，仲有腸仔，紅腸，生腸，燒賣，牛肉，牛柏葉，雞腎等式街頭小食。這年代香港人追求效率，速度，凡事越大越好， 驚死執輸，有大食大，四大天王的電影街頭霸王的魚蛋夠大未?以前魚蛋，細細粒，好好味，但現在大多數小店餐廳都轉用大魚蛋，細魚蛋快被我們淘汰，大家好好珍惜尚有的舊有文化的味道 。

看不起雲吞麵的人，魚蛋在他眼中就可能連塵也不如。諸君莫悲忿，道不同不相為謀，這亂世裡，敬也多餘了，祇是為他可憐，一把年紀，有頭有面，不懂吃不懂生活，莫說藝術莫說香港。回說強記，真如我們大部份香港人，在夾縫中求活，擠在葵芳地鐵旁一條長長的陋巷，老闆店員擠在小店賣牛肉球燒賣牛柏葉滷水生腸雞腎， 不錯，強記賣的食物多是行貨，但他別有心思，點的醬油都是自家製，有獨家甜香味，令你吃不停，又不會口渴，我最愛是他的辣魚蛋，魚蛋是最普通的細細粒炸魚蛋，用電飯煲不停在極辣帶甜的湯中滾呀滾，你買時店員便以摩打手吉吉吉，7元一串，香濃辛辣，然後甜味又中和了味蕾，這魚蛋最令人朝思夢想是那口感，因為煲久了，入口煙煙靭靭、熱燙燙，索滿湯汁，天下極品。放工時份，強記總有長長人龍，辛苦一天的都繼續為吃耐心排隊等吃，吃的賣的都勤勤懇懇，此情此景不就是香港精神？拜託不要再播那陳腔老調的獅子山下。

是日跟媽媽到葵芳行街街,當然要拜一拜會''強記小食''啦~~~想光顧''強記小食''的話, 就只有星期六的時間,青蛙曾多次忘記''強記小食''星期日休息而摸門釘 >.<說回其名物辣魚蛋吧!! 青蛙每次必吃兩串辣魚蛋才會收口的 ^^肉質偏腍﹑外層皺皺的魚蛋十分吸味,每粒魚蛋上都黏上了紅辣椒!!每吃一口都令味蕾有先甜後辣的享受,即使吃完整串魚蛋, 辣味仍在口腔徘徊, 長久而不散。同場媽媽吃了一串燒賣,青蛙吃了一粒則不推介各食客,皆因燒賣肉質太太太太腍......而且內裡帶點粉, 不好吃~