強記小食

營業中

休息中

去外婆家的時候總會經過葵芳地鐵站外的小吃店，一間位於開揚位置比較大的，另一間較少的叫 “強記”。我從來沒有去過大的那間，因為小的那間魚彈和牛肉球也煮得非常出色，加上我不常到葵芳，因此每次特別珍惜吃小食的機會，到強記吃我喜愛的魚彈和牛肉球。這間店歷史由久，我從小時候已經開始光顧，那魚彈是實實的那種很有咬口加上辣汁，售價為6 元一串。現在好多店也採用很大顆的那種魚彈，有時候還會發到很漲。這店難得採用我喜歡的魚彈，我每次必會光顧。 它的牛肉球10 元有3 個，比酒樓的還要好吃得多，加上自家制的豉油，小食來說算是上盛。由於魚彈及牛肉球造得非常出色，顯得燒賣有點普通，但質素還是不錯。

某日，與朋友在葵芳行完街後打算回家時，發現呢間舖頭有條長人龍排住隊等買野食. 好奇下, 又好想試下, 所以我地都唔執輸去買黎食! 唔試由自可, 一試真係會愛上. 依家每逢經過, 都會心思思去買野食!今日同表姐行完街後, 就去左買兩串野食.好味牛肉好鐘意食呢個豉油汁, 甜甜地, 汁滲晒牛肉入面,牛肉又蒸得剛剛好, 唔會一咬就好淋, 好實整.下次一定要加埋辣汁先得.辣魚蛋辣汁同樣夠味! 用上細粒魚蛋, 夠晒索味! 魚蛋勁彈牙!

係葵芳返工嘅朋友，很多都應該食過「強記小食」！包括我自己！哈！這間舖已很耐了，位置係地鐵站~A出口旁邊嘅巷仔，經常見到好多人企係度食嘢！包括有些OL！ 首選「辣魚蛋」$6！有6粒！ 阿姐係用飯煲煮住的辣魚蛋！質地係實實地既魚蛋！口感彈牙！少少辣辣地！！有時會食到紅辣椒碎就真係幾辣！再嗏上少少甜醬！好味！＜＜＜＜＜＜＜＜＜＜＜＜＜＞＞＞＞＞＞＞＞「燒賣」$6 ！有5粒！係魚肉燒賣！本身已都幾好味！質地少淋，不會太硬！最鐘意佢嘅豉油！調較得好好、甜甜地又不會太咸！（我多數叫多D豉油，嗦多D汁好味D！）加埋辣椒油！正！ ＜＜＜＜＜＜＜＜＜＜＜＜＜＞＞＞＞＞＞＞＞「牛肉球」$10 ！有3嚿。我自己少食！見到size都幾大個下！我有個女friend 好誇張，多數佢來葵芳找我食飯，每次我未到，佢都一定去＂篤＂一串牛肉食住先（佢話好食），又食到飽飽咁！點食飯呢？哈！俾佢激死！另公司靚仔同事都成日食E間嘅「牛肉球」，咁多人捧場，應該不錯掛！（ 牛肉球我未正式食過，所以不予置評）＜＜＜＜＜＜＜＜＜＜＜＜＜＞＞＞＞＞＞＞＞總括而言：辣魚蛋、燒賣不錯！有時放工肚餓，未返到屋企食飯前，確係一間不錯的小食店。（

由細食到大細細個係葵芳住的時候已經對呢間燒賣和牛肉球十分關注到左宜家因為幫人補習關係再重返葵芳 基本上次次都要食個兩串先肯走先講個豉油汁唔知係太好味定我太鍾意豉油上有甜味的每次食都有 可能落左d糖掛總之甜豉油真係好正燒賣都係普通彈口幾好重點係牛肉球 $9有3粒牛肉球牛肉球次次都熱辣辣粒粒都好有咬口唔會太鬆太Lum..味道岩岩好其實呢間野每次都有好多人排隊當然仲有好多其他小食啦繼續支持

Came to this area of Hong Kong after work to meet boyfriend. He showed me this hole in the wall street food stand that sold things like curry fish balls. There were other similar stalls in that area but this one had a long line. However, they did sell something I hadn't seen before..but that's just me as I rarely, ok never, order from these places as it's always in Chinese and whenever I stand there wondering how to order, they usually yell at me and I get a bit freaked out.Boyfriend ordered a s

本小姐畢業後的第一份工作就是於葵興上班，以前收工後，一星期緊有一兩次到葵芳行街，食小吃。就算現在轉了新工作，久不久都會回來回味一番！其中一樣必吃的就是強記！跟傳統小食檔的作風一樣，排隊時好諗定想食的東東！排到你講完要咩，店員會用九秒九的速度遞上～可堂食 (所謂堂食即是在店外立食)，可外賣 (外賣時會好似圖片中，店員很細心地幫忙抽起竹櫼，放在一旁易些拮）。老實說，價格是貴是平就見仁見智，而款式大至上都是本土港式小食應有的！強記出色在是自家製的秘製汁，真的無得頂！可揀辣及不辣，各有各好！辣的都幾辣，而且有少少麻辣的感覺，食完個嘴唇會發熱還會漸漸紅！不辣的都很惹味，上次不知道是否太耐無食辣，麻得要即灌水，所以今次都是揀不辣的！”唔該～墨丸，牛柏葉，燒賣，腸仔！唔辣，拎走”，”唔辣”要大聲少少，因為之前有經驗，周邊的巴士行過太嘈會聽不到個”唔”字就會變了＞辣！（當然嘗辣者沒有這問題吧）食物方面，墨丸是必食的！一串三粒大大粒，先撇除秘製咖哩汁，墨魚丸本身已很有墨魚味，不多粉，還有少少碎粒幾有咬口，加上秘製咖哩汁簡直相得益彰！次其推介就是牛柏葉，一串四舊，當然本身牛柏菜味道較淡，食的是那質感，強記

路過總會忍不住一串燒賣一串魚旦再加辣汁魚旦雖然細粒，但有咬口，因為細粒所以一次可放兩粒入口，哈哈，失禮晒！燒賣未如理想，和我從前食的味道差了一點但總是抗拒不了一直未敢試魷魚，生腸之類，但很多人食，下次定要試試先

強記在葵芳港鐵已多年了。每逢放工必定人頭湧湧，也難怪呢。因為強記的燒賣並非一般街邊的貨色。今天出動前來了一串牛肉球，牛肉球的size依然巨型，如吃下三粒也頗飽肚。不知何時已加到$9一串了，真是百物騰貴。牛肉球的質感好緊密，肉質不似一般的一咬便散開，咬下去很有韌度，感覺有點像手打的。機攪的肉會被機器攪得太爛，不能保留肉汁肉味，人手剁可以保留本身肉的質感和肉汁，經過人手去打後，可以令肉丸彈牙，手工的東西多數都是質素較好。放工行過，吃一串再回家，實在滿足口感。總括而言，雖然加價了，其門如市，還是有因由。

葵芳地鐵看似小食檔林立, 選擇甚多。有時放工時間路過, 也會停下來, 吃兩串小食才走。從地鐵站出外, 向巴士站方向有兩家小食檔, 它們一大一小, 一個在正街, 一個在後巷。味道水準上, 卻又正正存在參差的水平。雖說小食不會有多好食, 但是在正街的那家, 真的連魚旦也不會好吃的。可是那家店卻勝在選擇多, 地點人流旺。個人認為, 後巷強記水準較好。咖哩汁做得有誠意, 香濃惹味而不膩, 不過檔口只獨孤一味的咖哩小食, 還有些許清蒸的燒賣與牛肉球。而以之前食過的味道來說, 個人最喜歡牛栢葉。然而今次到來, 要了一串魚旦, 一串腸仔, 一串燒賣, 當然少不了最喜愛的栢葉。香腸有點淋, 但不會如有些雞肉腸般太鹹。燒賣蒸得稍淋, 口感有點漿, 配豉油辣油一般, 但如配上他們的咖哩汁, 因為較淋, 所以味道更好。魚旦用料好, 是來貨較貴的蠔油魚旦。入口彈性好許多, 口感有韌度, 做咖哩魚旦最好是這一款。牛栢葉就有點失望, 可能水煮時間不夠, 栢葉有點硬和韌, 而且亦不入味, 失望之極。不過最失望還是整個靈魂 - 咖哩汁。咖哩汁味道比之前淡了許多, 但是質感卻比之前的稠, 入口時要不咖哩汁一舊舊, 要不

在下在葵芳工作已經有一段頗長時間，並經常穿過地鐵站行去巴士站，也必定看到「強記小食」，無奈這麼多年卻沒有試過這裡的街頭小食，放工後後又急急腳乘車回家。早前在下便立定決心找一日去試這間的街頭小食。雖然強記在後巷，但是仍然這麼多的人在這裡一串一串的吃。在強記小食，有大大粒的牛丸，燒賣以至魷魚魚蛋，都一應俱全，店舖細細卻有齊香港地小食。今日放工，一於專程地走過來，吃它一串半串。心想原本要牛肉串的，但是眼見牛肉大大粒，而且每串都有三粒，如果要吃兩樣的話，在下想要延遲晚飯時間。到最後還是點了魚蛋和紅腸。當在下付款後再拿起小食，細看下咖哩汁已經鋪滿了紅腸和魚蛋，連手執牙簽尾也沾滿了咖啡汁。當在下第一串吃的是紅腸，因為紅腸也沾了很多咖哩汁，因此在下感到咖啡是很強勁的辣，連在下也嘖嘖稱奇有這麼的勁辣。強記的紅腸也切得很厚，因此口感非常，而且紅腸也較其他的為大。至於魚蛋，同樣地沾了不少咖哩汁，也要小心翼翼地吃。六粒魚蛋全部都是硬硬地的，不過魚蛋沒粉，是一般掃街的魚蛋，而且魚蛋是細粒的。雖然魚蛋硬硬地，但仍然有口感，也有魚味。由於在下是下班去吃的，因此在店外要排隊購買，而且去到店外門口，已經有很多人在站著

到葵芳買菲林,經過強記又來買點吃的,記得早前在友人FB見過說這裡的好好吃吃了一串腸仔和一串八爪魚沙嗲汁嗎?吃不到沙嗲汁應有的香味,只是一個"獻"汁吧不過八爪魚有鮮味,這個的確是不錯的,價位不貴也是事實!

魚旦夠UN....係以前細個...街邊小反推車仔O個D ....已經好少店用呢隻魚旦了....味道同埋用O既料100% 一模一樣...只係多左個發泡膠兜...D 汁唔再滴在地上...好似去返以前小朋友O係街邊食魚旦咁樣!!!------------------------------好想讚下呢間野....真係好乾淨....(不過唔環保)...D 人食完都好自律....大家都唔會亂掉竹簽...同埋D 汁真係無滴在地上.....雖然在後巷...不過都令人食得好放心!!! ^^

電視未介紹之前都已經知道有間小食店, 因為香味十分濃烈在地鐵站內必定聞到. 今日有幸一試~ 真是為強記而切一樣, 只有他一個舖位, 地鐵站外的巷仔沒有其他像強記一樣的店舖.牛筋丸 - $8有三大粒, 牛筋丸不是太爽口但又未會太粉, 雖然得三粒但非常大粒. 牛味很重整晚都在我口內揮之不去.牛柏葉 - $8雖然有點貴, 但非常非常好吃, 辣汁浸入深深處, 不過要吃得辣的朋友才覺得好吃. 像我不太吃辣的都很愛, 但吃後一定要飲水解辣. 辣汁不會怕周圍滴, 因會有一個發泡膠給你盛著, 不環保就一定了. 但以食家角度是十分細心的, 因不怕太少汁, 因汁的供應非常之足夠. 務求令到你每一次放入口內的食物都足滿著美味的辣汁~~這間小食店真是很強, 強在那裏呢強在辣汁很香, 香到地鐵站內也感覺得到. 強在辣得驚人, 但一定要試不要令自己後悔.強在無時無限都是這麼多人.

臨回家前, 丈夫想食街頭小食, 我就帶領他去葵芳名店---强記小食(搬咗嚟兩年都無幫襯過)我只係知道隻沙嗲汁係好出名, 所以聽到其他人叫乜就跟住叫, 呢盒嘢每款乘2都成$7X講真食物質數只能說比外間好些新鮮些, 魚蛋細細粒硬硬地, 魚味少也食到有粉的存在； 螺肉大大粒, 「嗱」就一定有不過唔算太重的化學味；八爪魚都有些鮮味； 生腸唔爽脆, 太細條了；墨魚丸都食到有幾粒墨魚肉, 不過丸內依然是粉過多。至於出名的沙嗲汁, sorry~ 香味無, 只得少少甜味及死辣, 恕我唔識欣賞

蒲開呢頭無理由唔識呢間野....可以旺過正門既小食店全因一個"汁"....辣而唔乾口既沙爹汁...食完會有小小頭"慶"感覺同個汁最夾既小食....我一定會揀牛肉球...其他地方就加喼汁辣油呢到沙爹汁出奇同牛肉球十分夾....肉質都ok...需然都係急凍野但唔會好實好粉咁囉....講起又想食添仲有呢到魚旦我都欣賞....唔係用粉發到大大粒軟身個啲囉(個啲好難食)正宗魚旦就係要細細粒炸過個隻....食起上黎先有魚味同彈牙感覺...呢到合格!!個汁咁正...當然試下用黎配其他食物...試過配生腸同牛栢葉唔係話唔好味...不過呢兩款野要落水烚....起水先再加汁所以會溝淡左個汁本身個辣味...無牛肉球咁完美可以就咁加返甜醬介辣食...因為都大大舊....唔會切到烚完縮到細細舊咁樣你都見到串野咭到落竹籤尾...就黎無位渣手就知有幾足料唔好睇地方好似好污jo....一個放工時間...一個跑馬日...再黎寒風吹住冬天呢三個時份你就會見到有人龍排住隊買黎食...個個籤不離手你一串我一串....20蚊就可以又飽又暖....真係辣得有道理