強記小食

營業中

休息中

香港人出哂名努力返工 放工緊係要好好獎勵下自己啦🤪 一到放工時間 呢間「老字號」到排哂長龍 佢嘅「咖喱魚蛋」最出名 咖喱由多款香料製成 味道香濃 陳皮魚蛋彈牙 加埋辣汁食 非常過癮！另外「魚肉燒賣」配埋甜豉油食 都好正🐰小編食完能量返哂黎啊！🔥-It is widely acknowledged that Hongkongers are hardworking. So, it is better to treat ourselves with some delicious street food after work!🤪 During midnight, people line up in the alley to buy the street food. The curry fishball of this shop is famous. It is stewed with the rich curry which is made of numerous flavourings. The fishballs are very bouncy. The fish meat shaomai

講起至愛嘅咖喱魚蛋，就一定係葵芳出閘狗衝果間強記，呢間強記已經有一定嘅歷史，據說話已經開左好多年，之前食過魷魚、燒賣、牛肉球都好正，今次黎試下同樣出名嘅魚蛋先！😛😛 窮豬本身喜愛陳皮魚蛋多過白魚蛋，基於覺得個皮有味有好食啲，煮得耐又冇發漲變淋，所以陳皮魚蛋就一定加分先，另一重點呢到嘅咖喱辣汁個味真係冇得哂，入哂味勁濃，呢隻侵左千年嘅 #咖喱魚蛋 $7 滲入哂千年咖喱汁，啲味真係入哂骨入哂味，冇得輸 🤤❤️-強記小食葵芳港鐵葵芳站 D 出口

強記 可能係食過最好食既牛肉球🤤🤤 係葵芳蒲開既朋友一定識呢間係地鐵站附近後巷呢間毫不起眼既小食店🤤 呢到既牛肉球真係我食過最出色既牛肉球 宜家要賣$12一串了 不過有3大粒😋 佢地既牛肉球好食過酒樓個d好多 咬落有肉味 又食到馬蹄粒 好爽口😍 再點埋甜豉油 真係好perfect 🤤💯

有人講過「無未來既人先會一直懷緬過去」。每次同女朋友分手，我都會自己返去以前拍拖去開既地方行下，今次都唔例外，我一個人去左葵廣，兜左幾個圈之後發覺葵廣跟本無變過，變既只係我同你。我抹乾眼淚離開葵廣，正諗住搭巴士返屋企個陣，見到隔離巷仔企滿左人排隊買野食，睇真D係排緊個間你每次都厭太多人唔肯食既強記，見今次自己一個人，我決定排隊試下。雖然條隊好長，但條隊都去得好快，唔洗兩分鐘已經到我，我叫左牛肉球同魚蛋，可能因為失戀，我好順口咁叫左加辣，拎到野食之後，我同其他人一樣去左對面牆企黎食，我望一望兜野，決定食左牛肉球先，一啖，兩啖，三啖，拎起魚蛋，一啖，兩啖，三啖，呢一刻，我終於明白點解強記會咁多人排隊。最後，Chole，多謝你，唔係同你分手我都唔會有機會食到強記。

天氣涼涼地，放工經過強記就好自然咁去排隊買嘢食醫肚！強記係葵芳出名嘅長龍店之一。就算大熱天時都人龍不減，真係好強！記得初次幫襯買牛肉球時，佢只賣$6/串而家已經要$12/串喇！有時我會買5-6串牛肉球返屋企加餸。佢嘅牛肉球比坊間好食，關鍵在於佢嘅豉油…… 豉油味道偏甜，用電飯煲仔保温，而每串牛肉球都會浸一浸啲豉油，久而久之豉油就充滿牛肉味，就變成無敵嘅牛肉味豉油喇！用呢啲豉油點燒賣，燒賣都特別香甜唔怪之得佢哋拮牛肉球燒賣拮到變無影手啦！強記有另一秘製醬汁 - 超辣咖哩汁。佢哋咖哩汁味道獨特，甜、辣、鹹、香，超有層次，而且辣味持久力強，不嗜辣者勿近！唔食辣嘅朋友可以揀沙嗲汁，味道香甜都好香架！除咗牛肉球外，另一美食推介就係魚蛋，魚蛋口感結實有陳皮香，同一般嘅麵粉魚蛋無得比，係兒時嘅味道！人流多手腳快，貨如輪轉，就自然新鮮啦！掃街搵食都要有質素嘅！

強記小食已經開左好多年，想推介呢間好耐！食左好多年！！我真係好喜歡呢間既墨魚丸！每逢放工放學時間，呢度必定人頭湧湧，大家經過都忍唔住食一串先番屋企！呢間野除左墨魚丸，魷魚之外，仲有好多都係好好味既選擇，例如魚蛋，生腸⋯⋯各有喜好！有辣有唔辣，辣汁好出色好惹味！記住唔好着白色衫！啲汁可能會彈左落件白色衫度整污糟架！另外買兩串就可以比隻碟你裝住食，由於強記係要企係街邊食，所以結伴同行，一個人拎住飲品，一個人食。咁樣輪流食，就唔會手忙腳亂啦，因為真係幾辣嫁！

如果唔係係度搭車或成日出沒係呢區既人未必會識呢間強記小食因為佢係係條巷仔裡面, 一D都唔起眼, 同埋佢係不定時休息有時想食既時候都會撞正佢冇開同媽咪準備搭車出去食飯, 佢話想食返串魚旦先我以為佢講緊葵涌廣場裡面啦, 點知原來佢講緊強記原來我媽媽都幾識食喎去到大概6點左右, 已經排緊隊, 應該係因為收工時間啦呢度賣既小食唔算太多款式, 價錢都合理係我未影相之前媽咪已經偷食左一粒啦強記用既係陳皮魚旦, 唔知點解好少小食店會用呢隻魚旦食落去真係有陳皮味架, 魚肉味都好香但佢係辣汁都煮得好好味, 帶少少甜, 微辣, 但辣味係食完之後仲會停留一陣魚旦全部都煮到好入味, 唔算彈牙, 但都唔會係腍, 個人就覺得岩岩好去開葵芳既朋友不坊試下!!

去親葵芳，大家第一時間就會諗起葵芳廣場嘅小食😏 但係喺地鐵站向巴士站方向出口，就有一間隱藏係巷仔嘅小食店🤭 不過佢係晏晝三點打後先開舖，之前我經過嘅時間又唔啱，不過今日終於可以一嘗佢嘅港式小食🤨佢售賣嘅小食都好大路：除咗基本嘅燒賣同魚蛋外，有牛肉、魷魚、八爪魚、牛柏葉、等嘅小食😊 鋪頭細細，但係我企喺度食嘅期間，啲客仔真係滔滔不絕😼👍🏽✅辣魚蛋：陳皮魚蛋！辣汁食完之後仲停留係個口腔入邊，辣到阿媽都唔認得😛✅魷魚：爽口，咬落去唔韌，亦都唔會太林🤓加上佢賣嘅價錢都好公道，下次經過葵芳可以去試下😆 ——————————食物質素：7/10 環境衛生：5/10 舒適度：N/A服務：8/10 性價比：8.5/10 總評分：7.1/10 —————————— #foodblogger #foodlover #foodie #hkfoodie #相機食先 #葵芳

一年前，黎食葵廣覓食既時候，發現了強記食辣魚蛋！一年後，又要黎食返串～強記個位置都幾隱閉，係葵芳A出口右邊既巷仔到。有唔少人會企係到食～【陳皮魚蛋＋燒賣】各一串 共$14用「買少見少」去形容陳皮魚蛋就最好不過。而佢呢到既魚蛋係得一個款，係辣既！記得第一次黎食既時候，辣到失去自我！好彩經過一年既特訓，我已經唔怕了！佢隻辣汁好香，見到佢係用好多香料去煮個辣汁～好正啊！可能因為加咗少少甜鼓油，辣得黎帶少少甜，唔係死牛一面頸既辣，好惹味！不過個燒賣麻麻地哈哈哈。唔夠熱又粉。總結，黎葵芳一定要去強記食返串！

#咖哩魚蛋 $7#生腸 $12依到真係由細食到大🤣每次經過都排曬長龍 就知有幾正啦超鐘意佢嘅魚蛋 佢係陳皮魚蛋嚟😍好香 勁正🤙🏻而生腸都好爽口 再配上佢嘅辣汁真係一流！評分:8/10

今日星期六，去葵芳行下，行開就走去睇下強記有無開，結果今次碰上了，因為摸過幾次門釘，所以係抱住碰碰運氣的心態～可能這樣介紹此食店，大家未必知係乜，它就是去葵芳，向A出口行，望入冷行，就會見到一羣人企在一邊吃東西的那家小店，很多美食節目及達人都有介紹的那一家小食店。價錢由＄4~＄12，有多種小食選擇，當中魚旦丶魷魚鬚丶牛柏葉同牛肉都值得推介，魚旦是陳皮魚旦，柏葉和魷魚鬚也是剛剛好，夠爽脆，牛肉大大粒，加埋個辣汁，係掃街之最，有小時候在街邊食車仔檔的風味，如果唔中意食辣，可以叫小辣或唔辣都好味。溫馨提示下：星期日同紅日唔開，開到晚上十點～

啱啱去買燒賣 ，果阿姐買就插左落桶豉油度，佢啲豉油係咁滴，我咪攞個發泡膠盤盛住囉。本身想叫佢走豉油........ 點知一拎比兩個男人喝住話一串唔使拎，兩串先可以拎。跟住我見隔離鋪 (百佳對面) 一串都可以自己拎，仲要好惡咁喝住，我先頭仲諗住幫襯下小店...... 想講既係，使唔使拎係我主觀感受，點解要你幫我決定？再講啲豉油已經滴左落去，你就咁比下一個客又冇問題？燒賣亦唔平 ($7/5粒), 仲要唔熱🤢🤢🤢🤢🤢🤢下次一定唔會再去。

好久以前在討論區爬貼文，看到「強記小食」被不少網民稱讚為葵芳區最美味的魚蛋。想不到筆者今天下班後，終於有機會來見識一番。正值下班時間，大家不知是慕名而來還是收工醫肚，反正就是店門口排了一條長人龍。小食店出售的食物大都是港人喜愛的。店門放著一大煲魚蛋、一大煲燒賣。2位姐姐做到無停手：一邊問食客要吃什麼，一邊收銀。（此時點餐和付款速度必需要快！）筆者分別點了一串咖哩魚蛋和一串魚蓉燒賣，各7元，價錢尚算合理。魚蛋質感非常韌，亦不怎吃到魚香味。但咖哩汁的確很香，入口後有陣陣咖哩辣味，色香味都做得很好。咖哩汁的出色成功補救到魚蛋的質素。魚蓉燒賣和甜豉油是絕配。味道當然就是一般小食店都吃到的那股味，平平無奇，沒有驚喜。（但也慶幸沒有中伏。）總體而言，魚蛋的咖哩汁的確不錯。但筆者就不敢武斷它是否葵芳區最好食的魚蛋了。

收工之後返到葵芳 唔想食咁HEAVY之後就去左強記買魚蛋食每次食 我都話好辣好野味老公唔信今次終於有機會帶距去試下睇下距有咩反應我話好辣 距唔信仲要加辣 食到距 即刻要係7仔買支可樂即刻飲笑死我不過老公話越辣越想想食而且魚蛋裡面有少少陳皮另外叫多個腎第一次試都幾入味最緊要係食左咁多年呢間魚蛋最好味都係距不得了其實介紹過好多同事朋友仔黎食有D一試難忘 食完之後個個都番轉頭間鋪細細間 係KF MTR隔離條細巷行過去 好多人排隊買 果間就係喇

想推介呢間好耐！食左好多年！！我真係好喜歡呢間既墨魚丸！！！♥每逢放工放學時間，呢度必定人頭湧湧，大家經過都忍唔住食一串先番屋企！呢間野除左墨魚丸，魷魚之外，仲有好多都係好好味既選擇，例如魚蛋，生腸……各有喜好！有辣有唔辣，辣汁好出色好惹味！😋😋😋食強記祕訣1=唔好着白色衫！o係你忘我地食好野既時候，啲汁可能會彈左落件白色衫度整污糟架！(其實其他色衫都會彈到污糟囉==)食強記祕訣2=買兩串就可以比隻碟你裝住食食強記祕訣3= 由於強記係要企係街邊食，所以結伴同行，一個人拎住飲品，一個人食。咁樣輪流食，就唔會手忙腳亂啦，因為真係幾辣架~~~