彤 (已結業)

尖沙咀lunch從來都好多選擇，我同女朋友睇戲前未諗到食咩又唔可以求其食，決定路過有咩環境好既就食咩，行行下見到有間要上電梯既日本野，環境都幾舒適闊落，啱曬情侶食飯，望埋menu lunch有omakase同lunch set, 咁梗係簡lunch set平d, 我叫左個三文魚親子丼定食，女朋友叫左個滑蛋黑豚定食，估唔到百零蚊既set有埋omakase服務，笑左，聽waiter講佢地有埋房可以唱埋k, 不過要多人先bk到，呢個價錢有咁既質素性價比都幾高，下次多人就bk房唱埋k試下

尖沙咀想搵個地方慢活咁食lunch，咁岩接到張傳單介紹lunch set，但openrice 睇到間餐廳本身都淨係做omakase，見價錢唔算太貴，於是去左試吓。叫左個吉列豚肉定食，好似係$128。都係有一般日本定食基本野，茶碗蒸，湯果d。但最想講係個吉列豚肉有驚喜，厚度適中，咬落去有口感夠juicy，外面炸粉唔會話好厚，都做得岩岩好，夠鬆化又唔會膩。如果以呢個價錢，食到咁既質素吉列豚肉，可以話係合情合理，仲可以慢慢食慢慢坐，絕對可以再黎！

尖東收早6pm路過，見到依間有定食set新出，之前見佢d裝修似係貴價Omakase, 不過除阿媽家姐外，仲有定食630pm早段唔算多人，自己又keep fit 唔想食飯，就叫左鰻魚定食~ 經理就窩心提我可以轉做蕎麥麵，咁就ok 啦~menu上見到晚市Set 同Lunch Set 都包左沙律，味噌湯，主食同甜品，我個鰻魚特上就 $168，以本身做開omakase黎緊，價錢ok。反而有另一個發現，可以加配時令既日本生蠔作為蠔怪既我，咁就即時加配多2隻，蠔種係日本人受賞既太良😚 total $68 only taste下，不俗不俗。食物overall唔錯，同埋個環境係中上feel可回頭改善: 見到場側邊有屏風雜物，其實好似有d亂，聽師父講話黎緊5月初會加埋炭火串燒，而家改動中。不過，都希望盡快執好少少，唔好浪貴費左公司既整個mood

好耐無寫食評 今日試左間好高汁午市lunch set 超靚日式裝修 但啲set好抵食！男朋友食鰻魚定食 好驚喜 食過好多間日本餐廳嘅鰻魚都係林啤啤勁多骨 估唔到尖沙咀咁高級場地呢啲質素嘅set 只係$168 我自己食個壽司8件Set $228 估唔到居然有海膽同拖羅！通常呢啲壽司set實會撘一兩件蛋呀腐皮呀八爪魚呀個啲平價壽司 但佢件件都好正 聽師傅介紹全部魚都係新鮮飛機貨 仲介紹我下次再黎食Omakase 話做緊第二位半價優惠 好吸引 問埋知道會收消費券 即刻約埋下星期黎試下

之前響金馬倫道有間Omakase食過覺得幾好食，見佢近排出左第二位半價優惠，拿拿聲親出開尖沙咀拍拖順便再食😋刺身同生蠔好新鮮，生蠔配左啫喱食落好開胃，夏天岩晒🌞燒物係燒拖羅左口魚，入口即溶，成口都充滿魚嘅油脂，女朋友食得好開心，啲女人真係好鍾意食左口魚🤣🤣幾款壽司都好食，有魚類有貝類，食得出唔係雪藏野先，最後有個海膽杯😍非常足料，大大件海膽加好多三文魚子，師傅幾好傾，一路有介紹有講有笑，問夠唔夠食，真心食完真係飽住走🤙🏻

啱啱喺美國新婚返嚟嘅朋友約食Lunch，搵咗間望落比較清靜嘅日式餐廳。估唔到呢間餐廳除咗環境舒適，可以俾我哋好好傾偈聚一聚，佢中午嘅Omakase十分有驚喜。海膽杯，左口魚拖羅呢啲晚餐Omakase常見嘅，呢度午餐都食到，份量仲要同夜晚食一樣大，我同兩個朋友食得超飽又開心呀😌

呢間以前一直只做Omakase，今日去尖沙咀行街收到傳單，原來而家仲做埋午餐set，見價錢合理就同朋友去試一試。其實午餐set有成14-15款選擇，有好多野都想試啊~~最正係可以將飯轉做湯烏冬或者蕎麥麵，仲要唔洗加錢，不過我太肚餓都係照要飯。我叫咗個滑蛋黒豚肉定食 $138，豬扒炸完唔會好乾，滑蛋做得岩岩好唔會過熟，仲有適量汁撈飯，最後我一個人都食晒成碗😋。機而且定食套餐仲有沙律、味噌湯、白飯、茶碗蒸及甜品朋友就叫咗個海鮮丼  $258，有6-7款唔同魚生，全部都好新鮮，呢個價錢好合理👍🏻店員全程都一直幫我地加茶，服務非常好，環境好靜，可以同朋友舒舒服服咁慢慢食。埋單既時候店員同我地講，原來呢個月做緊Omakase第二位半價，而且午市同晚市都有呢個優惠，之後要再約朋友黎食先。

之前食過晚市OMAKASE唔錯，D師傅又好傾，今日Lunch正諗緊食咩野就見到佢出咗Lunch Set，即刻去試試，因為最近食太多壽司，所以試左兩個熟食既定食，一去到果度見到裡面吧枱都坐緊10個8個，有啲食緊OMAKASE，有啲就Lunch Set，個心都定啲，樓面一見到我同朋友即刻埋黎招呼，班師傅都有同我點頭微笑，同埋我最鐘意比較寬敞既環境，可以食得舒服啲，因為好多時候Lunch時間係尖沙咀食飯都好迫好多人，呢度既環境氣氛都好靚好舒服。吉列豚定食同燒鯖魚定食，$128包味噌湯、茶碗蒸仲有甜品，本身以為質素會普普通通，點知竟然有驚喜，吉列豚肉肉汁豐富，燒鯖魚鮮嫩，做開OMAKASE果然唔同啲。

當日叫咗個$780 嘅Omakase lunch set …見隔離枱都係$780 set..頭盤都有生蠔刺身，同鮟康魚肝，都好期待，點知一泥就食茶碗蒸+ 碟生菜沙律，之後就開始刺身，壽司，完全冇咗應該有嘅食物，問師傅點解冇，仲知吾以對，話一陣會有，根本就唔記得咗，D食物次序全部亂晒，師傅由於頭到尾態度差，完全冇視食客，就咁放底件食物，都冇講係咩魚，食咁多次Omakase…呢間真係最差，仲要lunch收呢個價，影衰做Omakase 。Blacklist ed !

尖沙咀呢一間廚師發板係第一次試。入到去見到有一個好靚嘅酒櫃，放滿左日本酒，氣氛幾好。以下有幾道菜想講下嘅。🌟最特別嘅係北海道產鱈魚白子，佢未煮之前好似一個白色腦部咁。熟左之後就充滿鹽燒香。佢係魚既精子，真係第一次試🤣🤣不過佢做得幾香口，所以味道唔怕，仲好creamy。🌟北海道赤貝壽司，爽口彈牙好鮮美；吞拿魚醬油漬壽司，赤身同中拖羅配搭一齊幾吸引。連埋入面紫蘇、蘿蔔、大蔥真係非常豐富。🌟最後想講呢一味外表好似一杯雪糕咁。入面有北海道馬糞海膽、富山灣白蝦、三文魚籽醬油漬。全部都非常新鮮。可以想像將隻蝦點上海膽同三文魚籽，林滑嘅蝦肉上面就會有好新鮮嘅海膽同埋爆漿嘅三文魚籽。🤩

尖沙咀 #彤壽司🍣上次share 咗間 #omakase 好多人都話好正，但又唔想比咁高嘅價錢食，可以考慮吓以下我介紹呢間，絕對係值回票價！餐廳環境很傳統日式木系裝修，座位舒服，提供熱茶、濕紙巾，服務質素好好呀，收碟換碟快手👍🏻刺身有千葉原產平目魚中間係芽蔥配上左辣椒蘿蔔蓉，加埋柚子味酸汁👍🏻正☺️另外有鰤魚刺身配薑蓉，魚味好濃，食落去有兩個層次，真係唔錯🐟活北寄貝，清甜爽口，師傅即時新鮮即做，好鮮味😋 熊海老壽司🍣爽口彈牙，壽司飯再配合埋海老，酸酸甜甜非常開胃！服務質素：8/10環境舒適度：8/10個人口味評分：7/10

平時唔係成日食omakase所以同老公揀左好耐先決定食呢間位於尖沙咀嘅彤！🐟千葉原產平目魚不得不讚呢個平目魚好爽甜，旁邊再加左啲蒽配埋辣椒蘿蔔蓉！簡直係口腔幾分享受！🍣吞拿魚醬油漬壽司師傅用咗中拖羅去製作呢件壽司，油脂分布非常平均！食落去淡淡魚油香，再加上加左啲紫蘇葉蘿蔔同埋大蔥去整，真係幾特別㗎！秋刀魚壽司秋刀魚壽司睇落未食嘅時候以為好乾身，但係食落去都幾juicy ,魚油喺我咀嗰度爆出黎 ，師傅話呢個係比較限定嘅壽司黎，好少機會先會食到㗎！熊海老壽司師傅用左日本蝦去製作呢個海老壽司，非常鮮甜好味！富良野赤肉蜜瓜最後食咗呢個蜜瓜做總結！日本嘅蜜瓜真係令人忙返，好甜！每一啖都好似食緊糖水咁👍🏻👍🏻👍🏻整體來講餐廳都係性價比極高嘅日本餐廳，整體水準之上！

前排咁岩男朋友生日，我就揾左間係尖沙咀嘅餐廳同佢食飯慶祝下，我就揾左間係尖沙咀嘅omakase，依間餐廳都好氣氛同裝修好靚。🥢北海道產鱈魚白子首先來做一個魚既精子，青到好似好恐怖但係睇落同埋識落都非常之好食😋佢係食落去好creamy嘅口感，加上佢會做咗岩鹽嘅鹽燒，就會更加入味。🥢北海道帆立貝配馬糞海膽我哋仲食左個好好食的刺身，係用帆立貝包住海膽，個海膽都好鮮甜，仲好肥美😸🥢吞拿魚醬油漬壽司，秋刀魚壽司，鰆魚佢好多不同嘅壽司都好食和好新鮮，就好似佢個吞拿魚壽司，佢用赤身，中拖羅，紫蘇，蘿蔔，大蔥夾埋一齊，令到個口感非常豐富。至於個鰆魚，佢用稻草煙燻烹調，令到個魚好入味。🥢日本花咲蟹依個花蟹都好惹味，佢仲加左小小土佐啫喱係面頭，令到個味道都好酸酸甜甜。

彤呢間係尖沙咀既日式餐廳主打omakase，裝修完全係日本風，坐係位就可以好清楚咁見到廚師整野食👍🏻我地先食佐笛鯛魚加上北海道帆立貝配馬糞海膽，兩款刺身都好正，笛鯛魚油脂豐富，入口即化，帆立貝好厚好大粒，又鮮甜，同埋海膽一齊食超級鮮味😋壽司方面一定要讚係壽司飯本身已經調佐味，完全唔點豉油都得，鰆魚壽司平時好少食，係用稻草煙燻烹調，半熟既鰆魚仍然鮮味唔腥🐟另外大拖羅壽司又係超級出色，入口即化，拖羅好鮮味好好食🤤另外壽司杯更難忘🍣 由北海道馬糞海膽，富山灣白蝦同埋三文魚籽醬油漬組成，海膽鮮甜肥美，白蝦咸香彈牙，三文魚籽又大粒咸度又適中，超級超級好食，不得之了！🤩整體黎直講真係好正好滿足！

好耐之前喺openrice見到有介紹呢間廚師發辨餐廳，今日就約埋屋企人黎到試吓啦！鰤魚刺身口感非常爽口，魚味好濃郁真係絕對有驚喜🐟魚既油脂分布都好平均😋食完都忍唔住想再encore！子持鮎魚呢個鉆魚原來係呢間餐廳都算幾出色嘅菜式，咬一口啲魚子係口角爆曬出嚟！真係好正北海道赤貝壽司赤貝肉師傅話今朝係日本空運到港，原粒大大隻勁鮮甜！仲識郁超級生猛新鮮呀！吞拿魚醬油漬壽司呢個用左中拖配合埋紫蘇葉製作，我本身個人對紫蘇葉麻麻😌不過食落去真係莫名其妙有驚喜！大蜆麵豉湯最後，我地飲埋呢個湯做總結，大蜆粒粒都好大隻，煮完都冇咩縮水，每一粒都好鮮甜，個湯又唔會太咸☺️推介！其實呢間餐廳都幾值得黎，最緊要係環境好有日本感覺，對完未有得飛既我地，絕對可以過嚟止下癮先☺️#尖沙咀必食#日本料理