彩晶軒 (已結業)

是日爸媽來跟我飲茶, 揀的是這裡. 工作天的時間, 人山人海, 相當熱鬧. 想起這座大廈的競爭不少, 要保持一定人流量也不容易. 三個人, 不能試太多, 但又有不少點心想試, 最後揀了以下食物.風乾火腿柚子盞: 8分, 相當特別的配搭, 風乾火腿有鹹香, 柚子中和了那份味道, 再加上沙律醬, 是幾開胃的, 當作前菜吃也幾好.避風塘海皇炸粉果: 8分, 炸得不油, 皮夠香脆, 入面料足, 叫得避風塘, 當然帶點辣椒, 不過不會太辣, 還是合適我的程度.荔芋黑椒鴨掌煲: 8分, 用煲仔上, 熱辣辣, 芋頭幾粉, 點上黑椒汁, 香口, 鴨掌也一樣惹味.桂花糖蔗汁馬蹄腸: 7分, 另一個特別的菜色, 不過效果一般, 還是喜歡正常版的腸粉, 現在變成馬蹄腸, 感覺幾奇怪, 也偏甜.回味蜜餞即燒叉燒包: 8分, 即燒, 相當之熱, 夠香口, 叉燒肉質也不俗, 是不少人也有叫的一味點心.小甜甜香滑奶皇包: 7分, 不知道跟小甜甜有甚麼關係, 包軟淑, 但嫌奶皇未夠香, 淡了點.六必居滷醬油黃金豆腐: 8分, 豆腐好滑, 滷醬油相當入味, 簡單但有水準.新鮮出爐雞尾包: 7分, 還以為是甚麼特別的雞尾

觀塘這間彩晶軒，飲茶加晚飯，我來過至少十次以上，有很多不同的原因... 但最主要的，還是覺得這裡的食物水準有保證，來過這麼多次，沒有那次是覺得難吃的。這次寫點心，下次有機會寫寫晚飯吧。鱷魚恤中心整幢也是酒樓食肆，但這裡永遠也有人龍的，尤其是午市時間! 環境裝修不會太差，因為始終是主做婚宴的，而這裡的食物名稱永遠也是很特別，明明簡單一碟蘿蔔糕，也要加五至八個字在前面的，哈哈。是日兩個人吃了不少點心，首先是馬騮搣柚子沙律炸雲吞，well... 其實我發覺與馬騮搣是沒什麼關係的，不過這個炸雲吞做得幾好食。表面有些柚子沙律，微酸的吃下去感覺清新不會膩，炸雲吞咬下去一點也不油又夠香脆，內裡的蝦肉幾爽口，味道不錯。另外叫了迷迭香芝士蝦春卷，這個也好吃，覺得這裡的炸物做得幾出色，咬下去又是香脆不油膩，迷迭香味道突出，但又不會覺得很不配合。再吃下去芝士與蝦肉混在一起，味道香濃，是我很喜歡的點心! (我隔了一星期再去又點了這個!)再下去就是蘿蔔糕，這個是我幾乎每次來都會叫的，因為又是很好吃啦 (我覺得)! 主要是在於外面吃蘿蔔糕通常是吃到粉居多，但這裡是真的吃到真材實料很多蘿蔔的! 咬下去蘿蔔爽口鮮甜，

上星期約左美國返來嘅 Uncle, auntie 同屋企人去呢度食晚飯, 一行8個人, 叫左10幾個餸, 樣樣都好好味, 其中有幾樣係特別好食嘅, 尤其係:清蒸石班, 蒸得好滑, 一d都唔鞋鹵水豆腐, 又係好滑, 囝囝至愛香芒黃金大蝦球, 蝦球表面有一層咸蛋黃,好香好食生炒排骨, 正呀! 唔剩係炸粉, 係啖啖肉架炸子雞, 個皮好脆, 又夠雞味呢一餐食得好開心, 樣樣都好好味!

今次寫一篇新鮮熱辣的飲茶記，目標是觀塘彩晶軒。鱷魚恤中心新開了數間酒樓，裝潢華麗，食物質素如何?現在一齊直擊。由於酒樓眾多，人流分散，星期日的早上找位子也不太難，但也有勞媽媽找位子。這裡坐的寬敞，裝潢靚，環境舒適，慢慢坐也沒人趕 ，可以和家人聊天或看雜誌，有點懶洋洋的感覺。馬拉糕來這裡，是因為有馬拉糕供應，但馬拉糕做的太鬆散，我和家人分開馬拉糕來吃，吃了好像沒吃，味道還好但我比不合格!香煎蘿蔔糕蘿蔔糕煎的濃了點，有一些黑色的，味道和賣相最多比合格。香煎涼瓜魚茸薄罉以扇子形的碟盛上，感覺精緻。薄罉太油膩，看到碟上的油使人有點吃驚，魚茸其實是魚肉。這菜是偏咸的，只嫌過於油膩。蟲草花雞鮮竹巻鮮竹巻一口一個，好'的式'，有一些藥材味，吃不到什麼花雞?禪院菜曲上素飽好美的名字，其實只是素菜飽，上的時候已經不熱了，所以只給合格。馬蹄桂花糕馬蹄桂花糕味道偏淡，但有頗大粒的馬蹄，是各道點心中最大碟的了，共六件。椰皇白汁海皇焗飯份量極少，一個小椰皇盛著白汁焗飯，味道一般。看到別人要了吉列脆蝦一口漢堡仔，賣相精緻。藍山咖啡布甸很少很少的一杯，一人吃也嫌少，咖啡布甸做的不錯夠滑，份量太少了，兩口也吃完。服務

3點幾都好多人排隊，真係咁抵食？張點心紙好似考試選擇題，只可以橫畫，唔可以交叉剔同直畫，方便電腦輸入呱 好重匆味嘅蝦腸，5粒 好似茶杯咁細嘅鴛鴦番薯糖水，同埋番薯係爽嘅，唔係諗嘅 似生煎包嘅特色叉燒包3個 鮮炸鹹水角4粒 遲來 的又軟又滑嘅牛肉3粒，超好味已食晒了，哈哈

成班親戚去飲茶,食左好多野呀,今次食左好多甜品,因為見到喱到既甜品款式都幾多,賣相又幾靚,味叫來試呀~!馬拉糕:熱騰騰既馬拉糕,食落好鬆軟,幾好味~!芒果奶凍:係細細個既,個賣相都幾靚,同幾香芒果味唔錯呀~!法式燉蛋:又係細細個,個蛋好滑呀,加上個人好鍾意食之下好好味呀~!桂花糕:都幾足料呀,加上多杞子,唔錯呀~!紅豆糕:個感覺好似紅豆冰呀,食落都幾似,唔錯呀~!

今日做冬黎食飯,都知勁多人架喇,但冇影響到佢地上菜速度,好快,夠熱,好味!平時公司都好鍾意黎飲茶,今次我地一行15人,叫左個餐,2880全包,再加左好多點心~ 勁full呀!!點心呢,就唔講太多喇,樣樣野都唔會失望啦,不過要提個炸雲吞好食,特別係入面d沙津醬...仲有生煎叉燒包又係必食~~個餐呢,大約講有咩野食啦....有燒味拚盤,d叉燒好正呀,海折好食, 西蘭花雞片同蛘,勁大碟呀...色香味俱全瑤柱扒小唐菜, 冬菇扒豆苗...又係好大碟,食左少少...因為掛住食其他野炸加拿大生蠔,真係超大隻...隻碟又型喎..仲要呢...佢大隻得黎唔係好多粉漿,食左半隻ja,好漏呀,好味呀唔知咩野翅,我就食唔食翅都冇所謂,唔食就環保嘛...但都整得ok喎...炸子雞,又係大隻,但個皮唔夠脆呀...但都有雞味,又唔係太咸,好正呀蒸xx斑,又係好大條...不過今次蒸得老左少少啦~~伊麵同糯米飯, 我已經食唔落,但個樣都ok..已經要食到打包個餐仲有壽包同生果,汽水,我地雖然好飽,仲要叫甜品...因為一向都好欣賞佢d甜品,乜都叫d啦,有燉奶呀,楊枝金露呀,蕃薯糖水,木瓜雪耳,今次特別讚係舍士多啤梨慕思,勁

101127 星期六 | 大概平時日彩晶軒開11點，只在星期六、日才開8點，所以大家想吃這裡特色的點心，都選在週末來這裡飲早茶，今早9點來到，已有不少茶客要攞籌等位喇，等了15分鐘終於入座了，隨便點了4款。松花皮蛋瘦肉粥 (中點，$11)，好大碗又多材料，粥底都幾夠綿，唔錯。老爺子古法馬拉糕 (小點，$6.8)，好鬆軟，甜味適中，也是唔錯的點心。紫金名醬豉蒜蒸鳳爪 (中點，$11)，名字雖有點長和古怪，但其實也不過是一般的豉汁鳳爪吧，不過不失喇。瀛珍珠北菇燒賣皇 (特點，$19)，平時吃的燒賣皇，面頭大都時粒粒蟹籽，但這個燒賣皇卻用了較大粒的魚籽，有點煙煙韌韌，口感幾得意。

又是觀塘彩晶軒,不過這次是來吃晚飯。因為家人很喜歡吃海鮮,這兒又多又新鮮,故選擇來這裡吃晚飯。這兒的海鮮絕不欺場,份量亦很足,但小菜就貫徹與早點一樣,份量比起一般酒樓還要小,但又不至於迷你版。如果想吃海鮮,不妨可以來這裡。 這次晚飯點了以下菜式~~例湯 x 2 每份136元,因為八個人吃,怕不夠,因此點了2份,味道一般~~大富貴蝦,,以每兩計,當晚時價每兩30元,超大只,好多肉,就這樣撕開蝦壳就可以吃,味不像平時吃的只有壳沒有肉,道超甜美,絕不差過西貢海鮮。~~大海花竹蝦,茄汁上,時價每兩20元,蝦很大隻,可以用刀义來吃,味道雖然唔錯,可惜師傅沒有挑起蝦腸,以致入口像吃到沙石一樣,蝦腸混和蝦肉一起吃,味精絕不好吃,到吃第二只時我再用义挑起那蝦腸,味精當堂不一樣,啖啖蝦肉很鮮甜。~~清蒸東星斑一條638元,肉質鮮嫩滑,不過起到魚骨時看見小小紅色,不知是否蒸不熟,但已吃了大半,故沒有去追究。~~薑汁芥蘭, 不太硬,味道還可以。~~ 脆皮燒雞,皮脆肉嫩,好吃除了海鮮,這裡還有其他特式小菜,之前曾經來吃過,包括~~ 西關大少粆米粉、山渣咕嚕肉、紫芯番薯浸豆苗、古井明爐燒鵝、山東手抓

觀塘鱷魚恤中心有很多酒樓,而彩晶軒亦都是我常到酒樓之一,這裡的點心價錢雖然有點貴,但因為實在好吃,所以才會一去再去 不過來彩晶軒飲荼一定要有心理準備,因為它有些點心是非常迷你,即是很細件,第一次來吃時看見這些細細件的點心,心中還在暗罵着被騙了。無奈家人喜歡吃,才會來再來這兒。迷你點心差不多可以一口就吃掉一件,如是大胃王,真的要想清楚喔!!幸好,這兒還有其他比較正常供應。當天點了迷你點心計有~~吉列脆蝦一口漢堡仔,很細件,一口已可吞掉一個漢堡包,不過真的很好吃。 ~~回味蜜餞即製义燒包,用小砂鍋盛載,傳菜阿姐會在砂鍋蓋淋上不知什麼的汁,跟着會聽到小小沙沙聲,包雖然小但呅入口都有很多义燒在內,熱辣辣很好吃。 ~~瑪嘉列葡式蛋撻仔,迷你到不得了,一客有4件,又是一啖就可放入口中,亦都很好吃。除了迷你點心,當天還點了其他點心及小食, 計有清湯牛筋腩、日式天婦羅合盛、白灼北京菜芯、卜卜脆鬆化蘿蔔腸、即叫即製南翔小籠包,很多汁、香噴噴黃金流沙包、潮州蒸粉果、椒鹽脆皮九肚魚,鵝脾瀨粉一碗共10多碟,整體好吃程度蜀中上,

2010.10.23 Saturday!跟爸媽家人去飲早茶，雖然他們平日都有飲早茶的習慣，但就未來過這間彩晶軒，星期六、日開8點,8點幾來到不用等位，真開心!大點$15, 中點$12, 小點$8 叫了十多樣點心-叉燒包,有驚喜-十三摺蝦餃, 蝦蛟皮薄用料新鮮-蘿蔔絲腸粉, 腸粉皮薄, 幾好食-松花皮蛋瘦肉粥, 粥底都幾綿, 材料十足-糯米卷, 燒賣,煎釀三寶,奶黃飽,馬拉糕,鮮竹卷, 賣相好靚, 但味道一般整體而言第一次來彩晶軒飲茶，印象不錯，但點心全部好細件!

101016 星期六 | 跟爸媽去掃墓，飲個早茶先，上次來彩晶軒飲茶，印象不錯，特別是那個叉燒包，好想吃多次，所以今次再來，8點幾來到不用等位，隨即點了心頭愛的叉燒包，之外再點了4樣未試過的點心，結果...有驚喜也有驚駭。先來個松花皮蛋瘦肉粥(中點$12)，大大碗，材料十足，，足三人分享，粥底都幾綿，清一清腸胃很不錯呢。跟著來的薑葱牛肉鮮竹卷($10)，有點驚喜，初時以為是一般的鮮竹卷那樣蒸煮的，原來是炸得脆脆的，牛肉味濃，外脆內腍，口感很不錯。再來個馬騮搣金柚炸雲吞(大點$15)，賣相很討好，每件雲吞各自有個小碟子盛著，方便拿近嘴邊吃而不會弄到滿枱面都是碎碎了， 甜甜酸酸的味道，比一般的錦鹵雲吞好味得多，多了份柚子的清新味，是一個有創意的傑作，一個驚喜的發現。正心感滿意的時候，我的心頭愛來了，回味蜜餞即製叉燒包(小點$8)，可是非常驚駭，搞甚麼弄得這麼黑呀，其中的一個包的皮，有部分很明顯被弄濕透，好難食，好...好失望，剛才的喜悅完全被打低了，回味蜜餞即製叉燒包再不回味了。最後來的千絲萬縷荔芋鴨腳包(中點$12)，亦教人失望，所謂千絲萬縷原來是粉絲，雖有創意，但賣相不美，而分量亦難以

又係lunch時間黎飲茶...今次就叫餐食,平時飲茶,d同事都食得好happy,好鍾意d點心,粉呀,同甜品,今次就食下餐...我地10個人,但叫左個1680 o既餐,for 10-12人食喎..佢地話照食...個餐都好多野食架...有6款點心,好味好味...特別係蝦餃,流沙奶王包燒味大拼盤,好味...樣樣野都ok,唔會因為lunch hour同餐o既關係馬虎...炒海鮮粒,仲有d腰果係度呀,幾好鵝肝醬腐拼士多啤梨骨,lei個呢...個"豆腐"就麻麻,個粉漿好厚,但個士多啤梨骨就好好味,好士多啤梨,d肉又唔會林parpar,好味...唔係因為已經飽,會再食多d....清蒸海石斑....嘩...好大條呀,lunch ja...肉就鞋少少,但真係好大條...上湯肉崧浸翠苗,lei個都好味,有d菜食下好...又唔會過咸...楊洲炒飯,我好飽喇..食左兩啖,見都好足料...好味呀!仲有叫左紅豆沙食,真係好沙...好正...佢地勁讚...大家對今日個餐都好滿意...成日都讚好味...

同朋友來食晚飯聚舊, 貪呢度裝修夠grand同乾淨. 我地4個女仔叫左3樣餸, 唔駛食, 傾計都傾飽, haha~~三鮮鍋巴: 酸酸甜甜既汁裡面有菇, 蝦, 帶子等配料. 無論係用脆既鍋巴”點”d汁來食, 同就咁食d配料, 都咁開胃.千島香芒貴妃蝦球: 千島醬很惹味, 蝦球很厚肉彈牙. 加上果仁碎同蟹子, 口感豐富.日本櫻花蝦蒸勝瓜: 用時令既櫻花蝦配勝瓜, 配搭特別. 櫻花蝦食落好香口, 勝瓜煮得”林”, 好好味.

八月八日（星期日），天氣不錯，難得跟爸、媽飲早茶，雖然他們平日都有飲早茶的習慣，但就未來過這間彩晶軒，事關這家食肆平日無早市，星期六、日就開8點。三人行，大概9點來到，不用等便即刻有位，真開心，或許星期天大多數人都喜歡懶床吧。第一次來這裡飲茶，新奇有趣的事就開始發生啦，首先打開點心紙，哈，點心名全都是又長又趣，很有心思呢。最後點了5個點心： 綠茶紅豆茸煎堆仔，外脆內軟，甜味適中，不錯的選擇。 安格斯牛肉腸，長長的碟盛載六件牛肉腸，賣相有別於平時食的牛肉腸，而牛肉又真的與眾不同，我就覺得不錯，但老人家就覺得有點韌。 西湖鮮蝦賽螃蟹，餡料有蝦和蛋白，感覺很新鮮和健康，皮薄餡多，感到很滿足。 百吃不厭家鄉咸水角，這個就跟在其他茶樓食過的差不多，沒有太大驚喜，可以一提的是上枱時熱辣辣、脆口又不太油。 回味蜜餞即製叉燒包 ，是用小瓦煲盛著，連蓋一起上枱，點心阿姐端上來時，心想弄錯了吧，為甚麼來個煲仔飯呢，正想問個究境，說時遲、那時快，點心阿姐把一些醬汁倒在蓋面，隨即拿走煲蓋，嘩，熱騰騰的叉燒包就出現眼前，好像變戲法那樣，很開心呀，更開心的是叉燒包新鮮熱辣，好好味，還有包包下面的洋葱，蘸滿了醬汁，