彩晶軒

營業中

休息中

今天和家人慶祝婆婆生日,諗住近近地，就去附近酒樓食, 見到有龍蝦$1280, 經埋話有兩斤， 就order， 點知貨不對版， 完全都沒有兩斤， 問經理點解咁細碟，他完全不理睬。 諗住算啦，食啦唔好掃興， 但越食越唔對勁， 完全都唔覺得有脊背， 即係每人都沒有一件龍蝦肉食，只得腳。心裡都好憤怒。（ 龍蝦肉是發霉， 唔新鮮，一啲都唔彈呀） 我們同經理講，他們都知道，只同我們說唔好意思，但係完全都沒有對我們講出任何解釋或賠償。 幾個經理都出現在我面前，但係都冇聲。 連埋加一，一碟龍蝦都過千五，食到一肚氣。另外， 我們order了一碟北京填鴨， 個服務員竟然唔識削片平鴨，每一塊皮都有好大嘅肉，不懂得削皮，他們連一般食皮鴨腳的知識都沒有。 這間酒樓真的十分之差， 請大家不要再幫襯。Post左相上去，每個經理都沒有理會， 服務態度真是好差。

難得放假但唔知點解訓唔得晏，晨早起左身，搵個早茶歎下啦。九製陳皮叉燒酥呢個係必叫既點心，皮薄餡靚， 叉燒酥上面仲有陳皮碎解膩，好味。涼瓜魚蓉餅涼瓜切到細細粒，剛熟咬落爽口，魚餅煎得金黃香脆。煎釀虎皮尖椒又係煎得好好，尖椒同魚肉兩邊都睇落金黃，食落香脆，最怕煎到林灑既尖椒。三姐巧釀潮州粉果個皮又係超薄，睇到一面餡料脹卜卜，好足料。蠔皇香芋鴨腳扎呢個比較遜色，入面塊肉肥肉比較多，自己麻麻地肥肉，鴨腳偏薄身，同埋未夠入味。總括黎講點心都好精緻，可以再黎。

Ahh...dim sum. I love it. And I guess everyone else had the same idea to do this, too, on Chinese New Year. Meeting boyfriend and his mother and sister for dim sum, it seemed all the places around Wong Tai Sin was packed so we grabbed a number and waited.As it was Chinese New Year, they had some Chinese New Year items and increased the prices a bit for the regular items. Menu is mostly in Chinese but they have the basics in English and Chinese. Ordering is in the form of marking off a piece of p

男朋友見媽媽，飲茶當然要搵間就腳又好味架啦！小學同學group 勁推呢間，我就黎睇下係真唔係咁好食點心熱辣辣，係好食既叫咗好多都冇影相話梅蕃茄好特別，佢係用話梅汁浸到個蕃茄入哂味，味道酸酸甜甜，好醒胃叉燒腸好滑，又係推介香菇造型既包，係流心奶黃包，超得意，睇得又好味仲有個蠔仔泡飯，好甜好好味仲有值得一讚既係佢d甜品，唔貴，$10-12蚊炸，細細份，好好可以等人食下推介：不一樣既心太軟咁細份都有流心效果，果然係勁！冇影相下次再黎試其他野

中秋難得齊人同屋企人食飯，今日就去咗黃大仙現崇山商場入邊嘅彩晶軒食飯過團年。可能商場比較偏僻嘅關係，商場入邊嘅人流唔算多，可惜當日茶樓嘅客人都幾爆，幾乎滿座。今日叫咗個中秋節嘅套餐一圍就大約＄3000， 由於我哋人數太多嘅關係所以我哋亦都散嗌左少少餸。當中最滿意嘅係藕斷絲連士多啤梨骨，冇睇啲平平平無奇，但我覺得第一啖放入口嘅時候咬落去脆扑扑既排骨時，充滿着香香嘅麥芽糖味同埋士多啤梨果醬嘅味道， 好快就俾人清晒成碟野！第樣最好食嘅嘢就係炸子雞，唔好以為佢望落去好似乾爭爭咁，其實佢嘅肉仲係好嫩，咬落去舊雞胸嘅時候完全好似食緊雞髀咁。其他餸好似南瓜蝦烏冬同埋燒味拼盤，就有啲過鹹啦，整體嚟講都算好食。大時大節屋企人慶祝如果搵唔到茶樓亦都可以考慮呢間。

今晚本來開開心心接完機，一行六人來到現崇山彩晶軒食晚飯，我們大約6:45到達，當時只有合共3枱客人。到步後坐下，預備叫菜，但白衣服務員不能寫菜，她便叫了一個穿黑衫套裝的女經理來為我們寫菜，她的態度已很不耐煩的說等等啦！我們當然無問題，也明白可能她忙著別的事情，最後過了3分鐘，她終於為我們寫菜。我想點片皮鴨，她的態度很差的說買哂無啦！然後指著隔離枱高聲說：呢隻係最後一隻，我很奇怪的問，我們是第三枱，而且我想叫的是餐牌上的，也不是特價片皮鴨，為甚麼晚飯第三枱便沒有呢？她的態度更差，然後説：無就無架啦！要訂先有，你有無訂吖，無訂就無架啦！語氣和面部表情都差到不得了。我沒有看到餐牌上説明要預定！所以我很奇怪！但之後我見到有其他枱有叫片皮鴨。咁你叫唔叫餸吖，我望著她説：我很有禮貎問有沒有片皮鴨，為什麼您用這樣惡劣態度呢，我只想開開心心食飯。跟著她態度照舊，然後很大聲的叫另一位男經理説： 你同佢哋寫菜啦！跟住走咗去😱😱😤😤，男經理立刻道歉，還說：現在難請人，員工好難教，係咁！你有你投訴，佢有佢態度惡劣，一切照舊，真的未食已經一肚氣! 真的豈有此理，真的很失望，也覺得服務人員態度惡劣如此，真的很悲哀

母親節因為齊人，有大有小，所以一般節日慶祝我們也會選中菜，雖然明知中菜在這些大時大節都會當客人水魚，大部分小菜都暫停供應，迫客人選擇全包宴，但我們通常也在僅有的小菜中挑選，平時爸媽也喜歡來彩晶斬飲茶，所以這次母親節我們也在這裡一家人吃頓晚飯⋯大汗欖角醬燒骨酸酸甜甜很開胃鮮蝦荷葉飯在菜單上是沒有的，我們問侍應有否炒飯麵之類，因為小朋友嚷著要吃炒飯不吃白飯，所以店員幫我們下了這個荷葉飯𧐢皇紅燒北菰豆腐水準平平油鹽水浸大蜆反而有點驚喜，蜆肉很鮮西班牙黑豚肉浸莧菜算是創新的組合香芒貴妃大蝦球味道不錯，蝦肉彈牙，外層炸漿薄薄的，沾滿芒果沙律醬九層㙮三杯雞球煲份量不大，雞肉較小醬汁帶點甜味最近媽媽發現有亂下和收費的問題，近幾次茶巿或晚巿都試過入錯單，送來沒有點的點心，於是媽媽叫侍應收回及銷單，但到結帳時卻沒有註銷，所以提大家記得要Check 單﹗

呢間我經常幫襯，今期出左新野，有冬茹流沙包，像真度高，而且好食，表層係輕微朱古力，佢的陳皮义燒酥都係我必叫。我覺得他們店的點心味道適中！今次仲有咖啡布丁😉我最愛咖啡味，飲完茶食甜品，開心

約左屋企人食飯, 中菜當然係首選, 呢間之前試過都唔錯, 今次再黎!龍蝦係媽媽至愛, 就點了芝士焗龍蝦, 大約三斤重, 上菜時已經聞到好香芝士味, 熱溶左既芝士混埋係龍蝦入面, 充滿住咸香鮮味, 龍蝦肉肉質相當彈牙, 亦都多肉, 底層有伊麵底, 沾滿左芝士汁, 食完都幾飽肚!清蒸大海班, 火喉控制得唔錯, 唔會過老令到D魚肉變嚡, D魚皮有D咬口, 口腔內感受到D膠質, 個人黎講幾LIKE喎, 唯覺D䓤絲可以再多D就仲好啦!上湯浸蕃茄菇菌黃帝菜, 清清地之選, 唔會成日都只係識食炒菜, 一碟入面包括幾種蔬菜, 顏色又紅綠配咁幾吸睛, 黃帝菜用上湯浸都唔錯!香芒黑松露大蝦球, 甜美芒果遇著爽口蝦球, 無需剝殼, 岩晒我, 食到有黑松露味, 兩隻都幾夾!侍應服務反應快, 不時主動幫你換碟, 唔錯!

假期飲茶一定好多人， 今日就試下行去僻少少嘅現崇山，大約1點45分去到， 竟然冇乜人等位， 等咗五分鐘已經有枱， 原來假期都有下午茶 ，落單計， 兩點鐘開始， 三條友嗌咗七個點心， 除咗小籠包皮太厚， 紅油抄手麻麻地， 其他點心都ok， 其實本來心血來潮想食個鳳爪排骨飯，點知原來呢間酒樓冇蒸飯賣嘅， 唯有叫啲飽肚點心， 個叉燒包幾得意喎， 用個迷你砂鍋仔， 上枱既時候會讚啲酒落去先， 個底仲有啲洋蔥墊住， 搞咁多嘢都係小點咋， 整體嚟講ok， 埋單二百一十蚊有找，抵食

已經沒有幫趁黃大仙現崇山商場的彩晶軒酒樓有兩年多，今日與三友相約茶聚，九款點心慢慢嘆，10:00閒聊到1:30，人均消費$56，相比兩年多前人均消費$100，抵食得多，講完價錢講點心，點心從外型精緻份量小巧，漸漸走向大衆路線，現在分享一下點心味道！墨西哥焗餐包，餐包面香甜脆，有叉燒餡，好味道！豆豉排骨菜飯，每人舀起都都有一碗仔飯，不油膩的煲仔飯夠熱不油膩而且味道適中。大大碗的豬肉片、鯪魚滑粥，可自選材料，每款材料$10，我們選擇很軟滑的豬肉片、彈牙鯪魚滑，粥底$8，好綿滑又好味道；大家吃得很滿意。花菇菜肉包，不錯。香煎蓮藕餅，爽口有咀嚼口感，頗佳！鼎湖上素腸粉，太多的椰菜雖然健康，吃到滿口都是菜，吃得很不習慣的腸粉。叉燒腸粉，雖然一般水平但切段上碟方便大家。煲仔生煎包，有煲蓋蓋著上桌，侍應生從煲蓋邊贊酒，熱騰騰又香氣四溢，視覺和嗅覺的享受，由於只有三個包，我沒有品嚐。及弟粥，粥底雖然美味，但我已經很飽，所以沒有品嚐！喜歡這間彩晶軒茶聚另一原因是這裏環境比較靜，但以往消費較高，所以同行朋友不主動提議，我不便提議，現在價錢回到大衆化，又多一個選擇了！

新年前或者新年後都係必到黃大仙嘅時間，前者因為還神，後者係為新一年再求平安，神小妹係咪好神心呢。同系好彩集團嘅酒樓，但係呢一間就比普通嘅好彩海鮮酒家為高級小小。嚟到呢度午餐見到張午餐只有大概有20多款嘅點心可以選擇，感覺上唔算好多，但係每一個點心嘅名都非常之長，又非常華麗。今次就唔講多，揀啲比較特別嘅食物來講。聽聞呢度最出名就係呢一個花雕叉燒包，佢上碟啲嘅時候搵一個細嘅瓦煲裝住，當放上枱之後會有杯花雕酒淋上去。令到個包會有酒香散出嚟。一望到之後，個感覺幾似山煎包，但係個餡就唔係豬肉餡，就變咗叉燒餡。而佢底部仲好有啲洋蔥薦底。所以個包除咗有花雕嘅香味，仲會有洋蔥嘅香味。其實係一個幾特別嘅點心。但係你問我係咪真係非常好食，我又覺得唔係。但係再睇一睇原來佢係小點嘅，咁就真係非常抵食喇，哈哈。另外在介紹呢一個就係銀紙包牛肚，係用一個小小嘅鐵板載住，而銀紙並唔係我哋所諗嘅錢，而係銀色嘅錫紙，呵。需要用鉸剪將錫紙展開，入邊嘅牛肚香氣就陣陣咁樣散發出來，而墊底嘅唔係蘿蔔咁簡單而係柚皮，幾有心思。其他嘅點心，如叉燒酥，豆苗餃甚至燒肉等等，味道就中規中矩啦。今次五個人食咗＄500埋單平均消費就＄100一

同朋友傾開市區邊道食海鮮又正又抵，佢地介紹呢間喺 現崇山 嘅 彩晶軒，地點唔太就腳，但揸車有2個鐘頭free.見到好多枱都食 “阿拉斯加長腳蟹” 好吸引 時令蟹， 我地得2個人，唔知點好唔點好之制，亞侍應姐姐話可以要隻細D嘅咪得呢！  好啦，咪試吓囉... 都有成4斤重。食後感： 啖啖蟹肉 超正 超好味，D羔又多又甘香，加埋一都係$750 超抵食， 環境同服務都唔錯要讚。呢餐淨係點咗隻蟹同2枝啤酒，慢慢嘆呢！

今日放假，所以同女朋友食下Lunch,佢最鍾意飲茶，所以我地就去左黄大仙彩晶軒，佢地D點心幾有水準，咸水角炸得好脆口，裡面D豬肉幾香；芝麻布甸，好有芝麻味，但份量太少，味道就okay啦

爸爸農曆生日, 所以一家人就去酒樓同佢慶生啦！但好好好失望囉.....點左份乳豬全體, 老人家中意體面嘛! 鎳睇就真係好睇啦！但就好難食, 有乜可能會係凍既, 仲要完全唔脆呢？好似擺左好耐咁，真心懷疑係咪擺過夜? 乳豬皮完全係淋既另外蒸魚, 擺明又係過熟啦！d魚肉又係好硬既, 雖然係新鮮, 但蒸過左時候了真心失色反而最後果樣又唔錯喎, 除左賣相特別之外, 個味係咸咸地既, 同埋食得出小鮑魚的鮮甜味, 唔會太硬, 而且每隻食到蠔油味