彩晶軒

營業中

休息中

得閒嘆吓茶，食一盅兩件很寫意。但飲茶最怕遇到衛生差，嘈雜的環境。雖然彩晶軒相對上沒有其他茶樓便宜，但是勝在環境舒適，員工有禮貌，食物也不錯。不過食物質素有時候比較浮動，需要碰碰運氣。魚茸餅裡面有栗米粒，跟魚肉很搭，早茶必點。底下有菜苗鋪墊，令煎好的魚茸餅不會太油。這次去試試新推出的藥膳雞腳，雞腳沒有很腍身。而藥膳味道偏甘，有點像黨蔘混合其他藥材的味道。鹹魚肉片飯很香，薑絲辟走了鹹魚的腥味，而鹹魚偏香而不太鹹，份量剛剛好。肉片肉汁多，配飯不會乾身，也很入味，不錯～這家的馬拉糕的甜味比較特別，有點像黑糖與焦糖之間，散發獨特的香氣。而馬拉糕本身也很鬆軟，不會太膩，值得一試。蘿蔔糕配上甜醬跟辣醬很搭，可以吃到一絲絲的蘿蔔絲。而蘿蔔糕也有臘肉提味，不會很單調。店內不同位置都可以看到電視，位置也很寬敞，不用搭枱，不會尷尬，是不錯的選擇。

彩晶軒係食一間食過好多次嘅酒樓。我咁鍾意試新嘢，點解對佢嘅咁情有獨鍾？就係因為佢嘅餐牌成日都會有變化，久唔久就會有新點心推出。襯住假期我又嚟到去試新品啦。花雕酒香煲仔叉燒包上菜時 ，點心姐姐會喺煲面淋些少花雕酒， 成個煲就會炸炸聲作響。 食落雖然冇花雕酒味，但係叉燒包裏面嘅餡係好味嘅，加上煲底嘅熱力，令到包皮有種似生煎包嘅口感。百吃不厭鹹水角雖然今次唔係好熱 ，依然食到個皮係脆既，餡料調味亦都好食。醒胃山楂腸呢個係我千辛萬苦，排除萬難先俾我點嘅一個點心 。點解？淨係聽個名都知伏啦🤣 但係我呢啲試伏專員，有不到黃河心不成嘅心態，一定要點黎試。點心一上枱，我就疑惑，份量點解會有咁多嘅？!會唔會係冇人點全部畀曬我食🤣。佢係似馬蹄糕嘅質地，外型係芝麻卷嘅形狀。味道方面係正常，有山楂嘅味道，有少少酸酸甜甜。 腸粉上面淋咗山楂碎， 個人都覺得ok唔會難食。不過為左乎合鹹點嘅角色， 佢似乎混合咗少少蔥油黎蒸，帶有蔥油香味，但食得多會反而有少少漏。係咪將佢做翻一個甜品會唔會更好？金粟賽螃蟹搞內有粟米同蛋白， 調味較清淡但一樣好食。彭公豆腐水晶包內有豆腐碎同雞髀菇， 調味唔錯幾好食。班蘭椰汁糕班蘭味同椰

今晚同屋企人食飯，呢間來過好多次，認為水準不補錯，勝在環境不回太吵雜，所以又來呢度用餐。我地是提前book位的，所以來到就可以入座了。沒有想太多，就點了個6人套餐。上菜速度都幾快，，而且每道送都係熱辣辣的，由於太肚餓了，所以都忘記影所有送。每次來都會叫都叫元貝超雜菜，味道剛剛好，不會太鹹，也不會太油。干炒牛河都係家人喜歡食的，所以就另外加的，夠鍋氣。叉燒好食好食，質感軟熟不會韌，偏瘦但不會很柴，反而好味也健康。燒雞個皮夠脆，肉也不會太柴，不錯！

在這裏飲早茶很多次，今天是最差的一次，首先服務最右邊內房的呀姐遲到返工，叫茶15分鐘無人理，其他員工叫我等，個呀姐返來後態度很差，又大聲，又叫我等，很久才有茶到，走時叫人來結算又無人，只好走來櫃枱結算，但服務差的呀姐叫我地坐返低等人來，她的態度奇差，來飲茶比生意做但重要受人氣和睇人面色，我寧願不來，咁差服務態度一定要改善一下，否則趕客走。Poor services! 我願願去一些服務好，高質素的酒樓，費事要睇人面色。

今日放假同屋企人飲茶，因為係星期一，所以唔使點等位，啲嘢食都上得好快。個人最鍾意就係佢嘅蝦餃同燒賣。蝦餃隻隻都好大粒，入邊嘅蝦好大隻又爽口。燒賣都唔係淨係啖啖肉，入邊都有好大隻蝦，一樣係咁爽口彈牙。另外佢嘅鮮蝦腸都好大份，上菜嘅時候已經切好一份份，每一份入邊都有一隻蝦，真係好好味。仲有佢嘅叉燒酥，一碟有四粒。雖然細細粒，但係真係好好食，啲酥皮夠晒鬆軟，入邊嘅叉燒又唔會太鹹。不過佢嘅蘿蔔糕就麻麻哋，唔知係咪我地唔好彩，一啲蘿蔔都食唔到，三件蘿蔔糕都淨係得粉。希望下次多啲人去食可以試到多啲菜式啦。

和兩位舊同學在現崇山商場彩晶軒茶聚，我們都滿意彩晶軒點心有水準，而且價錢適中，今餐多謝永兒師姊請飲茶。花雕酒香煲仔叉燒包甫上枱面，女侍應在煲蓋週邊贊酒，花雕酒香撲鼻，引誘無限食慾，叉燒包雖然細粒咗的，叉燒饀都冇呃秤。用湯碗仔承盛的南瓜粟米肉碎粥，粥底綿且有南瓜甜味，肉碎鮮味令粥不會很寡。有少許牛油味的小倉紅豆煎軟餅，勝有熱騰騰又香口。點心拼盤，我喜歡迷你奶黃包，和咬落實實淨淨的鮮肉燒賣。江南鼎湖上素腸粉，第一次吃到上素腸粉，是腸粉包裹全白菜仔！韓風泡菜煎餃子，好香脆，不錯！

是日約了好幾位舊同事來到黃大仙現崇山好彩集團的彩晶軒吃晚飯。杏汁菜膽燉白肺已不是隨時可在香港的酒樓喝到的，可能是因為實在功夫太多太費時了。奶白色的湯裏浸著爽滑的豬肺，還滲有一股杏仁味，非常吸引！翡翠炒鮮帶子賣相不錯，白白的帶子襯著翠綠的西蘭花，爽甜可口，味道不錯。黑椒牛仔骨滲著惹味的黑椒，牛仔骨亦淋滑，口感不錯。蒜茸粉絲篜蘇格蘭聖子皇非常鮮甜，又爽又滑。黑醋脆豬柳外脆內軟，黑醋味滲透豬柳，頗為醒胃。紫薯菜苗是健康之選。意想不到的是甜甜的紫薯竟能和嫩滑的菜苗混在一起，味道卻是亳不含糊，為食客帶來意想不到的新口味。

下雨天，中午飲茶竟然不用等位，無想過咁好彩！被安排坐在轉角的位置，雖然沒有窗外景色，但較為清靜，座位濶落，不會背貼背，可以舒舒服服、優閒品嚐點心。它的點心紙像考試卷答multiple choice，有趣！落單後，點心很快送來！送來一刻，我們以為送錯，問侍應，它真是叉燒包！蒸了包再煎香，功夫多了，有心思，叉燒饀味道okay，下面還有洋蔥絲墊底！菜苗餃好味，皮薄，餃子包得飽滿，饀料菜苗味道清甜！兩款腸粉都做得好好，腸粉拉得滑，牛肉味香，叉燒加了芫茜，味道提升！最值得一提是甜品，薑汁雙皮奶，小盅上，開蓋時熱熱的，濃濃薑汁味，絕不遜色於甜品專門店！紅豆沙味道中規中矩！肉絲炒麵，這是新派做法，肉絲與麵分開上，麵煎炸得脆脆，同時亦較為油膩，肉絲煮起來欠缺鑊氣！潮州粉果和牛肉球味道一般！鳳爪稍為未夠腍！

同親屋企人飲茶，一定係泥現崇山彩晶軒，有得泊車，又有阿信屋，market place行吓，飲完茶，幾個師奶行呢啲地方，一流點心都係即叫即蒸，上枱熱辣辣，曾經試過喺其他酒樓，點心上枱可以係凍嘅，嚇死人咩最記得就係佢既鵝掌，好入味，應該係我成世女食過最好味嘅鵝掌，每次都係要叫番幾個例牌先至夠皮。炸春卷都好好食，同一般春卷唔同，佢係細細長長嘅，都幾特別。有一次晚市食過佢嘅阿拉斯加長腳蟹， $188一斤，好好食，又食！冬天又係長腳蟹當造嘅季節，再約下屋企人去食先！

系黃大仙食過咁多間茶樓，宜間算係最好食頭三位，點心選擇多，又足料。依度嘅蘿蔔糕係真係有蘿蔔係入邊。有個好抵食既點心拼盤，聽講不定時會轉點心既類型，我上次食有個凍既薑汁糕，好重薑味，仲有叉燒包同唔同既餃。

我們成班太太團，都會約定每逢星期三去到黃大仙彩晶軒酒樓，飲下午茶，由於這裏交通十分方便，好近地鐵站，行十分鐘就到這商場，好容易搵到，不過一到下午茶的時間，就會好多人，所以我們多數約三點鐘，就會好一些，酒樓價錢都算十分經濟實惠所以會吸納到一班附近的街坊，咁當然就要大家排下隊，一陣間 好快就可以享用美味的下午茶啦！優惠點心拼盤樣樣有齊，隨著自己口的味而起筷選擇，不錯。燒味米粉，當然係大家必選的，又平又可以食飽個肚，十分正。仲有好多不同種類又平靚正的點心。

燒腩肉~腩肉肥瘦均勻，一層肉一層脂肪互相配間，一口咬下去，軟棉鬆化、肉滑味香濃。燒腩皮脆脆的，在口內發出卜卜聲響，不覺油腻，真的好好味，這個小食一定要試。蘿蔔絲腸粉~腸粉皮薄又軟透，內夾着一層香脆網狀包裹着蘿蔔絲餡料，蘿蔔絲新鲜甜美。腸粉看似炸兩，但比炸兩更好味，是一道較新穎點心。鹹菜胡椒豬肚湯~用料十足，鹹菜味醎醎酸酸的，胡椒粒味很重，喝下有驅風、散寒、去濕和暖胃感覺。老是覺得這個湯有食療作用！燒鹅檬粉~下午特價品，好抵食，燒鵝份量多，皮脆肉嫰，非常非常美味，喜歡食燒鹅的一定要試！

黃大仙彩晶軒侍應服務一向都十分之差，客人好像不用比錢的，媽媽喜愛我都可以忍，食物係好味道的，但我帶著媽媽等120分鐘實在太長時間，眼見茶樓內有好多空桌的，但侍應沒精打彩的慢慢來，我也可忍耐，可以公司對員工不好，員工無心機工作。最不能接受的，我眼見有人在我們來後的60分鐘來取飛，比左封利是給侍應可分10分鐘有桌，這是什麼道理。不只是一個兩個客，我眼見都3個客！在等位的位址還有好多老人家及小孩子。這樣實在太過分！

一班朋友相約聚舊，很高興咁一齊約到這間酒樓用晚膳，這間餐廳裝飾好華麗，好舒服，桌子安排不太過逼夾，大家來這相聚傾計，真是好過不了。那時，酒樓有個抵食嘅冬瓜盅加片皮鴨套餐， 我好鍾意食片皮鴨呀!這個套餐真是超值呀，加多幾十元，便有多碟生菜包，好好味。士多啤梨骨，好有士多啤梨味，排骨炸得好鬆脆，好又唔肥膩，又唔溜，非常好味。馬拉盞炒時菜，加上乾蒜蓉、爆香的蒜蓉和蝦乾，配搭非常恰當，吃起來好味，也不會太鹹。當晚，大家都是滿意和滿足的，也享受一頓豐富的晚餐。

食物味道不吸引，工作人員服務極差，與他們對話有善，但換來責罵責備，是甚麼服務態度？將食物隨處亂放再給食客，沒有細菌？呵呵！這個地方可一絕不會再來，「貼錢買難受」！