彩福欣宴 (已結業)

朋友報料酒樓]最近做緊龍蝦節，好抵食！今晚就約埋個老友去！去到果然見到全城食龍蝦，我地两人叫左三隻，每隻重約斤二両，每斤88元，真係認真振撼價！除咗龍蝦抵食，仲有其他優惠小菜。超大碟嘅上湯焗加拿大龍蝦加伊麵底297元+(伊麵)30元質素一啲都唔差！蝦肉爽脆！鮮甜！蝦頭多糕真係好滋味！見隔離枱嘅蟶子皇好正，忍唔住都叫咗幾隻蒜茸粉絲蒸/168元爽嫩清甜！惹味！今晚真係；大飽口福！！平靚正！海鮮好味！啤酒夠凍！環境舒適！值得回味！

今晚想正正經經地吃個中菜，所以我們就來到彩福！ 剛好彩福有龍蝦🦞節，龍蝦都係$88/斤，很抵食👍🏻👍🏻我們點了龍蝦🦞伊麵，龍蝦一隻約1斤2，我們配了上湯伊麵，龍蝦幾新鮮、彈牙👍🏻👍🏻👍🏻伊麵都不錯，吸收曬d湯汁，很入味清蒸沙巴龍躉，龍躉都是幾1斤重，這個重量最合我口味，因魚肉會嫰滑、甜相對來說燒汁杏菇燜豆卜豆腐煲就失色了，燒汁唔夠突出，而且豆腐好像有點怪味，所以我們都沒吃太多！ 但總體也算不錯，酒樓的光線很充足，裝潢都很新淨，侍應也常常幫我們加水、收拾東西

大哥生日我同二哥，細佬請佢到"彩福''食晚飯慶祝！ 來到佐敦道"彩福"好熱鬧，一邊廂有婚宴，另一邊廂 幾乎滿座，幸好我早早訂左枱。 坐低發現一大奇景~枱枱食客都津津有味咁狂食龍蝦！原來酒樓近期做緊 ''彩福龍蝦節" 加拿大游水龍蝦大特價每斤$ 88！真係好震撼呀！ 我地都唔執輸叫番幾隻，飲番杯！彩福龍蝦節~多種食法……清蒸，芝士，上湯，蒜茸焗也可加伊麵或粉絲底……等o食法多多，好精彩！場面熱烈！哥哥既開心又興奮！有龍蝦食！先來個燒腩仔 佐酒先！皮脆肉嫩味道好！竹笙羅漢齋上素好清爽！我鐘意！脆皮椒鹽豆腐拼吊片豆腐外脆內滑，吊片甘香爽口，餸啤酒一絶！主角一出場我地齋齊拍手叫好！！加左伊麵底嘅龍蝦一大碟，好有氣 氣勢 ！各人見到都即時食指大動！上湯焗加拿大龍蝦真好味！啖啖肉，好多汁，肉質軟嫩，鮮甜！醬汁惹味！非常新鮮！！聖子皇~蒜茸粉蒸，好爽！好滋味！今晚哥哥好開心！各人都食得好痛快！所以晚飯我地喜歡 幫襯"彩福集團酒樓" 啲小菜抵食又好味，真係冇得輸！食埋個鬆軟蓮蓉大壽包~完美又滿足！

最近工作壓力有點大，一時興起，和同事決定午飯時段也要去飲啖茶、食個包，以慰藉辛勞的自己。佐敦區附近的酒樓為數不少，選了這家比較少吃的彩福皇宴。早一天打去，午市卻早已滿座，要walk in。也不知是好是壞，沒有訂座的我們，結果加班到接近中午兩時。帶著疲累和飢餓的身軀，決心一試這家好像很受收歡迎的酒樓。整個大廳樓底很高，是一般辦婚宴的格局，感覺寬敞。被安排到一旁的位置，桌子也是很大很舒服。食物選擇很多，點心、小菜、飯麵類應有盡有。午市有套餐提供，更有不少數款得獎點心。奈何眼闊肚窄的兩個人，只能選幾款最想吃的，其他留待下回再戰。午市茶芥每位$13元，另有加一服務費。點心價格相宜，難怪滿滿都是人。貴為得獎點心之一，原隻鮑魚燒賣皇($35)顯得份量十足，非常足料、划算。海皇太子餃($28)，更堪稱是世界粵廚皇大廚得獎點心。外皮滑溜煙韌，饀料新鮮。旋風黃金流沙包($30)，黑白旋風的造型，非常吸晴。用上竹炭粉製作的麵團，令外型更特別。流沙餡正好，香甜味美。石鍋XO醬煎腸粉($45)。XO醬煎腸粉本身經已香口惹味，用石鍋奉上，更能保存溫度。熱騰騰的腸粉，三兩下就被清空。安蝦鹹水角(小點/$17)，鹹

集團品牌的酒樓，是本人的最愛，地點要夠放便，質數要有保證的.食店離mtr 3min , 十分方便易找，也是婚燕舉行的熱門地方，因此布置十分舒適.大家冇睇錯88 元有一斤龍蝦，係88元連工包料，連街市也買不到的價錢.這是99 元的份量，龍蝦肉夠爽口新鮮.另一味道的龍蝦，88 元一定要添食，時光流逝價來.燒雞夠香脆，好味道.滷水拼盤夠水準.大斑是深海的魚，魚皮夠爽口.豬頸肉夠爽囗，加上清新的蔬菜.最後還買了糭在家品嚐.

今日在佐敦附近做嘢，之後有啲肚餓，記得彩福周不時有小菜優惠，剛好又再附近，就咁簡簡單單食一餐，上到嚟扺不住龍蝦的誘惑，一斤二兩一隻，$88斤，即是$100唔使一隻龍蝦，加$30追烏冬，單身飯局已經很豐富。彩福酒家向來是親民的選擇，長期有精選小菜優惠，以及時令晚飯菜式精選，價錢都是幾十知百幾，相當實惠，每次來我都會點叉燒，今晚雙拼，招牌叉燒拼燒肉加$20，只是$148，分量充足。今晚叉燒比較瘦，有焦香，燒肉半肥瘦，皮酥脆，味道好。清蒸沙巴龍躉班，雖然是養班，肉質都唔錯，蒸魚豉油調得好，魚汁好餸飯。素菜方面選擇了燒汁杏菇燜豆卜豆腐煲，清得來比較青菜味道好，反正多吃豆腐有益。

母親節晚飯選擇左黎呢間彩福。因為 最近呢度做緊龍蝦節，假日$108。而且仲有 基本矜貴特價小菜。招牌雞煲鮑翅$338足六兩鮑翅，供4至6位用。五人食共分到八碗左右。好足料抵食，每碗都分到大量翅，雞肉好嫩滑，沾豉油好好味。龍蝦可以選上湯，芝士或者蒜蓉開邊蒸， 當晚叫咗兩隻上湯焗， 加咗30蚊伊麵底。一隻龍蝦重一斤二，兩隻加曬共$198！調味夠濃，超抵食。以呢種龍蝦嚟講都算係幾厚肉，加埋伊麵吸曬龍蝦上湯精華。兩百蚊唔洗食到龍蝦邊到揾。

多得姐夫又出差，今晚跟住姐姐又有好嘢食，唔係一定要食貴野嘅，今晚去彩福有龍蝦大餐食，原來年年佢都會做優惠，$88斤龍蝦，我仲以為聽錯係$88両，最後一隻龍蝦只售$99，一般都是斤二兩重。上湯或蒜蓉兩種做法，姐姐話以蒜蓉清蒸，必須新鮮貨，所以聰明就揀呢個，配粉絲比麵更好，因為更吸汁，識飲識食的嘅姐姐，永遠是對的。精選小菜有九款，豬、牛、鵝、蝦、豆腐及菜各有一兩款，選擇全面，價錢方面都是兩位數字居多，聰明消費者的選擇，我哋自然在當中揀。挑了兩款惹味的，巧手煎焗新會豚肉粒、燒汁杏菇燜豆卜豆腐煲。豚肉細細粒，酥脆中有特別的陳皮及果皮香，減低肉的飽肚感。燒汁杏菇燜豆卜豆腐煲有鑊氣又夠熱，軟棉棉豆腐藏著燒汁，口感很好。平靚正的一餐去邊度搵，見到有得獎點心好吸引，遲啲再嚟試吓。

彩福欣宴餐廳格局裝修得別樹一格，又很新穎，令人感覺有一種很華麗的氣氛。在這裏擺設婚宴或壽宴確很適合。令人能享受一個舒服的晚餐。我和朋友選擇了餐廳最有名氣的加拿大大龍蝦，龍蝦食法可以自選的，我們選擇芝士焗龍蝦，加配伊麵作底。餐廳會先把龍蝦煮熟再切開兩邊，方便客人進食。食過後，個人感覺龍蝦肉質鮮甜，並沒有煮得很煙韌，龍蝦汁鎖住在肉質內，令人感覺很鮮味。加上分量足夠的伊麵，令人更開胃飽足。另外，我們還想要半隻燒雞，雞肉肉質爽口彈牙，可知火候控制得剛剛好。還有芽菜牛肉炒西芹。材料很新鮮，份量也足夠。

母親節當晚媽媽身體不適，我們只好延遲慶祝，亦好，出外食飯價錢省一截，我們選擇到彩福，因為集團每年夏日有龍蝦大優惠，$88一斤平絕香港，其他精選小菜、三大優惠多籮籮。我們一點都不執輸，每樣優惠都挑選。上湯龍蝦加伊麵底龍蝦富然一定要點，最開心龍蝦是新鮮的，上海精華在伊麵，黃金組合絕不能少。沙巴龍躉班彩福三大優惠之一，$148斤二魚，扺食，蒸得唔老，味道唔錯。優惠小菜選擇了四款：懷舊金獎叉燒拼燒肉近排屋企冇得食豬肉，今晚可以補償，惹味燒味冇需擔心會有冰鮮味，自己做唔到這個水準，只能外吃。巧手煎焗新會豚肉粒再來豬肉，香口炸物，新會做法，多了果皮的香。燒汁杏菇燜豆卜豆腐煲以作均衡飲食的配搭，味道幾清，啱媽咪口味。話減肥唔食甜品，點知屋企人鍾意，只好奉陪到底。楊枝甘露、鮮果慕絲、原個椰皇燉燕窩、懷舊芝麻卷各一分享，鍾意佢樣樣都並不太甜，份量剛好適合一個人。很滿足的一夜。

前一排同幾個朋友，去咗佐敦嘅一間酒家食晚飯，發現有驚喜，就係酒家嘅環境佈置十分浪漫，地方寬躺，舒適企理，再配上柔和嘅燈光，整個環境都好舒適！而且仲好有擺婚宴嘅氣氛裝修主要以白色，紫色為主。食物方面，我哋試左幾款唔同嘅小菜，價錢相當合宜，味道非常新鮮，份量亦好充足！呢點係甘筍炒牛柳絲！即叫即煮，夠鑊氣，配料豐富，味道美味！用嚟送飯最好不過！芙蓉炒蛋，蛋質非常嫩滑，係健康嘅小菜！價錢亦唔貴！份量都足夠三至四人享用！最後，仲有必食嘅龍蝦，可以配搭伊麵！

今日同陪媽咪去咗佐敦睇醫生，睇完就喺附近搵間茶樓食嘢，俾我喺對面見到有間彩福就上去試試，之前都食過佢幾間分店都唔差！今次佐敦呢間入到去照舊一樣豪華，成個婚禮大堂咁樣，坐低之後開始叫嘢食，當然繼續叫咗佢哋嘅得獎點心先啦，平時食開果d都食到悶悶地！海皇太子蒸餃，用咗兩粒青豆做眼仔，外型10分精緻，食落去其實好似蝦餃咁，不過比較爽口!原隻鮑魚燒賣王，鮑魚軟熟入味，加埋大大粒燒賣，正！👍🏻👍🏻港式街頭蝦米豬腸粉，外型10分吸引，腸粉10分嫩滑，最好係佢已經幫你分配晒好啲醬汁，一夾上嚟就食得，懶人必點！XO醬海皇翠瓜餃，將兩種唔同嘅肉加埋一齊，再加埋XO醬 10分鮮甜！黑松露帶子小籠包，皮薄餡靚，肉汁鮮甜，食到舔舔脷！😋😋最後甜品！😃😃

今日公司經理請食飯，我哋一行四人就選擇咗去位於公司附近佐敦彩福酒樓飲下茶食個包。喜歡這裏環境寛堂坐得舒服😌見到點心紙有好幾款係得獎點心，當然要試吓😋原隻鮑魚燒賣皇-鮑魚大大粒，蝦肉爽口鮮甜👍港式街頭蝦米豬腸粉-腸粉博得來晶凝通透，好軟熟，腸粉上面有花生醬，辣椒醬，甜醬加埋一齊食，味道不錯👍 黑松露帶子小籠包-一咬落去皮薄多汁，加入黑松露鹹鹹地幾好食👍海皇太子餃-外皮薄到可以見到入面餡料，村料非常新鮮。所有點心即叫即做，材料新鮮味道一流，樣樣都好鍾意食。楊枝甘露-芒果鮮甜，水果新鮮👍👍👍樣樣點心都想食，四個人食咗好多碟，最後捧住個肚走😋😋😋😋

來到的時候很多人 我們馬上取號等了大約二十分鐘終於有位了😂·竹燕椰汁糕 HKD$26上一次在另一家分店食過很好味所以今次要點多次這個🤭🤭·紅豆桂花糕 HKD$18心形的糕點很吸睛耶 而且味道也不差一次過食到兩種味道感覺比千層糕好·龍皇野菌腸 HKD$32這個是''得獎點心''所以點來試試脆卜卜的口感配上野菌沒有油膩感很快就被我們就食光整碟·豉汁蒸鳳爪 HKD$31大大隻的鳳爪味道不辣 挻惹味這個是我去酒樓必點的食物之一🤭·潮州咸菜胡椒豬肚 HKD$45家人與我也喜歡 所以點來一起食胡椒湯味道不會太濃剛剛好豬肚不會煮到太腍 挻煙韌的口感·准香椒鹽白飯魚 HKD$45這個配啤酒一的 下次要點多份拿回家不過這個要快快食才行·鮮竹牛肉球 HKD$26口感不會太粉 配上喼汁增加鮮味你們會加喼汁增加牛肉球味道嗎?

同屋企人係佐敦睇完戲，就去了附近既彩福食晚飯，大約7點左右，酒樓內都已經有很多人，但服務還是不錯的，等了5分鐘就可以入座先來了瑤柱蛋白炒飯，飯粒粒分明，而且非常香口，有鑊氣，絕對推薦👍🏻👍🏻接著是海鮮雜菜煲，相中可見，海鮮的數量非常多，而且味道鮮甜，是另一道必叫菜式！然後是龍蝦伊麵，龍蝦都非常鮮甜，麵底的湯汁味道亦非常好然後是涼瓜炆頭腩，涼瓜非常甘甜，不會苦，而且份量亦很多！總括來說，如果要食中式晚飯，彩福絕對性價比超高！