彩福皇宴 (已結業)

前一排約家人飲茶，突然靈機一觸，想起呢間酒樓睇結婚擺酒廣告就見得多，飲茶就未試過，於是相約來呢度試下。呢間酒樓其實都幾新派，一層樓較為傳統，另一層樓就較為摩登。呢次飲茶的地點係較為傳統嗰層，坐低之後見d點心都唔算好貴，價錢尚算合理，於是都叫左唔少款式試下。因為係下午茶時間，有d點心仲有特價添。今次叫嘅點心有d都係普通嘢，好似山竹牛肉同腸粉咁，無乜特別，不過呢度有d新派點心就算係幾好，例如個「意式千絲酥」都幾特別同好味。「杏汁雪山包」就只係一般。除左點心之外，今次仲叫左好多酒樓都再見唔到嘅「錦鹵雲吞」，實在好懷念佢嘅酸甜汁呢，今次可以喺呢度試到，都算唔錯。至於個「賽螃蟹炒伊麵」，清清地，d料都幾多，也是值得一叫的菜式呢。

今晚約咗朋友來這兒食飯~聽講呢度有推廣呀~ $28 一隻龍蝦仔, 仲有聖子$2XX 一窩雞湯燉翅~六個人叫咗以下食物~雞湯燉翅 , 好好味, 湯係奶白色, 好香, 隻雞又滑, GOOD AR香檳焗龍蝦仔, 係經過油炸, 肉質幾好, 不會太"鞋", 個汁好濃好好味呀~豉椒炒聖子~ 好爽口,個味剛剛好, 不太油, GOOD海蔘鮑魚仔鴨掌~ 呢個煲好正呀, 鴨掌好多膠質好好味, 海蔘夠淋身, 一咬就食到~ 鮑魚仔大隻之餘仲好好味~唐生菜豉醬煲~ 呢個其實好好味,味道好入味, 但我怕油, 少食為妙~ HEHE椒鹽豆付~ 細細粒容易食呀~壽包半打, 好大隻, 好好味, 但太飽, 我只係同人SHARE 咗少少食咋~椰皇官燕, 好味, 好清, 不太甜, 但唔夠熱囉~ 今餐超滿足同好好味呀~ 正....

第一次來彩福, 見到好多人等以為要等好耐, 點知不用5分鐘有位wor (星期日的下午黎架wor).地方感覺好ok, 不太嘈. 因為係星期六日既lunch time, 所以d大中細點咩都係最貴既時段. 平時及tea time平好多呀.我地點了1.蝦餃 - 好好食, 蝦大隻又爽, 辣油好香又夠辣.2. x燒包 - 好juicy, 好過d點心店既出品wor3. tiny egg tart - 麻麻地, 食了一隻口就...4. 牛肉球-朋友說咸了小小5. 小龍包- 好食都不得了, 肉夠實正, 好多肉汁, 仲要個包又thin又不會破. <-真係好得.6. 擔擔面 - 味是ok不過個面太淋了下次一定會向晚市再來試.

兩個人飲茶剛好叫一個行政套餐做午餐.選了蝦餃王, 山竹牛肉, 香妃雞, xo醬魷魚炒麵, 跟時菜一碟, 是腐乳通菜.蝦餃王甚佳, 蝦很大隻, 有鮮味又爽, 九分.山竹牛肉很爽滑, 稍欠牛肉味, 七分.香妃雞是冰鮮貨, 味道算好, 有`半隻髀, 和少許胸, 七分.xo醬魷魚炒麵, 哂士和半碟足哂士的炒麵一般, 麵爽口, 魷魚味道很好. 八分.腐乳通菜質地和味道都不錯, 沒有太多油, 七分.一掃而空後, 阿姐見我們還意猶未盡, 介紹我們吃鮑汁鳳爪, 於是拍板.是用小盅上的, 有十隻左右, 很腍很入味, 膠質十足, 又有少許煲腍的花生. 八分.最近發現有一位像是經理級的人員在虎視眈眈來回穿梭, 員工不敢怠慢, 笑容滿面, 令服務加分.配上結婚宴會的豪華裝潢, 坐得舒服, 有再來的價值.

我同老公去食佢地既套餐，老公一向食野好挑剔，好少叫餐，覺得野食唔得，但我0個日唔覺得好想叫貴價魚或食貴價海鮮，就說服老公試下個餐。餐名: 老火湯海班自選餐重點係有"老火湯，清蒸海石班，醬燒脆皮雞"，自選了土魷蒸肉餅，金銀蛋上湯豆苗。我們再點了兩隻蒜蓉粉絲蒸鮮元貝。當日老火湯係霸王花豬展湯，好夠火喉好入味，老公話好似好苦，其實呢D我覺得叫做甘喎，霸王花就係冇呢種味先好飲嘛！但怕苦味既或者唔會喜歡飲呢款湯，但個人黎講呢個好下火，好好飲。清蒸海石班，都幾好味啦！但可能都係驚唔熟，蒸得耐，肉比較唔嫰，但當然唔差既，但可能冇蒸咁耐會更好啦。脆皮燒雞好好味喎，真係皮脆肉滑，正。土魷蒸肉餅都幾好味啦，但唔係話好突出既一味餸。金銀蛋上湯豆苗好好味，我覺得唔油好清，真係好少食到咁清新既感覺。至於兩隻蒜蓉蒸元貝，就蒸得太老喇，搞到肉實左D，不過味道調較得好入味，彌補番一點不足啦！個餐係有湯有雞有魚有兩個餸，價錢好似係三百幾蚊架，我覺得好抵食啦！兩個人其實食餐都幾方便丫！而且呢度呢個餐質素高，價錢又合理，真係唔錯。仲有佢地WAITRESS好好架！不停問我地O唔OK，D野好唔好食，講下個湯有乜好處，又好勤力幫

依然係每星期最少去一次飲茶。今次叫左既野食包括有炸兩，咸菜豬肚，錦X雲吞(酸甜味)。炸兩好味道喎，薄薄既腸粉皮，加埋仲脆既油炸鬼，真係講你都唔信喎。咸菜豬肚都係一般貨色啦！至於個雲吞，真係出乎意料之外既好味！超脆雲吞點那些酸甜既汁，仲好足料有魷魚海鮮青椒菠蘿，好好味！一流！一定會再食的！仲有要一提的，是平日假日度度都要搭枱，佢唔駛搭之餘仲好快有位的！一流呀！樓面仲好多人會同你傾計的添！幾好架！唔會驚悶！加茶都好快！得！

係我食珍珠雞以來最差的珍珠雞好珍珠!! 特別細小!!糥米未淋, 重係一粒粒, 好難食!!D餡少又乾, 但外層就油立立批發來貨都咁差!真係食左一啖就頂唔順啦

點心的選擇不多,但大多都是酥炸香味的點心,應該是新式酒樓為了迎合年輕人的經營模式吧!碟子的面積很大,即使只盛載小點心。奉上幾款點心,餐枱已漸見缺乏空位了。蘿蔔千絲酥真是”返傳統”!同普通的做法有非常大的差別。外層的酥皮由一絲一絲變成了卷卷。內餡的蘿蔔絲蓉變成小顆粒,有點兒像咸水角似的小蛋撻幸運地這小蛋撻是曲奇餅底的!一碟有四個,感覺很超值呢!曲奇皮很鬆脆,燉蛋奶味很重, 蛋味卻不多。細小的小蛋撻放在一個個鮮紅耀目的小紙盤上更覺耀目呢!咸水角香口而不油膩,但外皮的咸味略嫌不足,如能改善必定更為美味。叉燒腸粉叉燒蜜味十足,肥度適中;但腸粉略為過厚,而且叉燒的份量可以再多一些。五豆糭沒有內餡,糯米混和五種豆製成,意想不到的美味!而且豆糕也很軟身和粉,口感不明。

由於爸爸是端午節前一天生日，過往五年，大時大節前夕於酒樓食飯，唔係要催餸(就算預訂都要催)，就係啲服務員好似"保持通話"入面個王祖藍咁，"幫緊你,幫緊你，唔好嬲"，但唔知佢幫緊你啲咩，結果次次都食到滿肚氣．今年如往常一樣訂三圍，選擇左交通就腳既太子彩福皇宴，可能係專做宴會既關係，四樓裝修以紅色為主，啱哂做牛一既老人家，三圍酒席加二枱麻雀都非常鬆動，每枱皆面對電視，所以方便哂所有追緊"巾幗梟雄"既太太們．菜式方面：選了經理大力推介既:"皇者龍蝦海鮮全包宴"每席$3,680（免收茶芥／加一服務費，及每席四罐啤酒及八罐汽水）， 由於本人亦是於飲食業工作，所以覺得呢個菜單絶對超值，於其他酒樓，此菜單可叫價六仟．菜式包括：　香檳焗龍蝦（每位半邊）：原菜單為上湯焗龍蝦，但見到門口大大個招牌推介，所以就改香檳焗龍蝦，每位半邊用刀叉品嚐，半邊龍蝦有隻骨碟咁大，熱辣辣上枱，個汁好香及Creamy，由於要求唔分菜，一盤龍蝦上枱好夠氣勢．啲大小朋友就叫到嘩嘩聲!　鴻運乳豬全體：個皮夠脆，唔係太肥！　翡翠帶子蚌仁：整體色水好靚，但就唔係好見蚌仁，好彩啲帶子夠多補番數．　鮮果百花炸蟹拑：個蟹拑夠哂新鮮熱辣，最特

係呢頭要飲茶, 其實唔係咁多選擇．下午茶時段更難．呢間係標榜宴會廳，梗係裝修得好靚．果然，樓底很高，仲好有官庭feel添，有大大盞水晶燈．檯與檯之間都幾闊落，其實去飲茶，食品質數同坐得舒吳舒適都好重要的．我地點了沙薑雞腳，雞絲雜菌腸粉，潮州粉果，干蒸牛肉，叉燒包同燒賣．茶方面就點了香片．好多時ｄ茶樓ｄ茶就好普通，唔會似紫玉蘭那些香到令人一再回味的．　沙薑雞腳，雞腳比較大隻，一碟有成差不多十脊，都幾大份量．都整得幾入味，配合了沙薑醬汁就更香更好味．雞絲雜菌腸粉，腸粉是飲茶必點的食品，呢度的都幾吳錯，熱辣辣都幾新鮮．潮州粉果，好喜歡那些葛粒，爽爽的，加上花生，更加有口感．葛呢樣蔬菜，好少會係屋企食到．干蒸牛肉，現時已不多酒樓有干蒸牛肉了，竟然呢度有，咁梗係要試下啦．我個人都幾喜歡，尤其那外皮，整體來說都吳錯，稍嫌大粒了點，細小小更好味．叉燒包同燒賣都吳錯，燒賣不會落太多肥肉，幾好幾好．

呢間酒樓其中一層的佈置較中式紅噹噹, 另一層的佈置較西式, 我揀左西式一層飲茶。嘩! 環境一流, 樓底夠高, 仲有幾盞好大既西式水晶燈(少少紫色點敍), 全場白色同薰衣草顏色佈置, 真係好靚, 唔怪得咁多人黎呢度擺酒, 原來成日係報紙幫人登結婚相, 就係呢間酒樓。講番點心評語, 當日order生煎包, 帶子腸粉, 炆鴨腳, 麻蓉煎堆, 小籠包, 义燒瀨粉。生煎包 : 有肉汁, 唔太油帶子腸粉 : 帶子幾大粒, 新鮮唔'un', 腸粉幾滑炆鴨腳 : 好入味, 夠淋, 仲奉送2隻細鴨掌麻蓉煎堆 : 黎到無即刻食, 所以凍左, 幾油, 幾'劑', no good (之後返屋企用焗爐番熱, 出左成碟油)小籠包 : 一籠4隻, 幾有肉汁, 肉唔'鞋', 皮唔太厚, 好味义燒瀨粉 : 义燒唔掂, 好'鞋'

一伙兒去參加囍宴, 約7時15分到達彌敦道太子,彩福皇宴,婚宴場地闊大,所以佈置也可做到富麗堂煌的熱鬧場面來配合了眾人愉快的心境。林子善功德無量擔任戥穿石兼司儀搞氣氛﹑搞活動去run 整個婚宴,過程還是挺好玩的。小肥 -徐智勇也是戥穿石之一。進場節目完畢,頭盤鴻運乳豬全體出場了 !造型懷舊搞笑的閃燈乳豬眼睛於漆黑中發揮作用,小乳豬皮脆嫩不肥。囍宴必定有的魚翅吃起來一疏疏; 吃到甜品百年好合紅豆沙已捧腹了!散席還一伙兒拍些合照留下一點回憶。*原隻南非鮑魚扣鵝掌~鮑魚整隻上,爽口彈牙; 鵝掌雖然滯膩，但有很多小唐菜清一清口。*西蘭花油泡大蝦球~新鮮大蝦脆度十足,西蘭花則油了點。*清蒸大海青斑~火候掌握剛好,吃到鮮香嫩滑的真的好運*當紅一品燒雞~外皮香脆,有雞味,水準之作。*金瑤海皇炒飯~一粒一粒飯,炒得很乾爽,用料多;飽著肚也給我們吃得精光見底,值得一讚!*百年好合紅豆沙~甜味剛好又起沙，是個可收貨的甜品, 配合撻狀精緻的美點同吃,就此一 嘴塞甜了!不錯。

如果去太子一帶飲茶,通常我都會揀彩福~因為我覺得呢間用料新鮮同份量足!但原來見到其他食評先知有咁多不愉快既事發生~幸好,我咁多次都無問題(只是飲荼,無試過食午飯及晚飯)!今日都仲係新年~我和男友飲下午茶,2:30p.m.就去到,不用等位,但同平時有小小唔同,點心紙係用新年版,有好多點心都無左,有d失望~最後都點左5樣食物~蒜香雞絲春卷:平時食得多普通既春卷,唔鍾意出面用肥豬肉包,呢個用雞絲,口感好好,不過無咩蒜香味~豉味蒸鳳爪:無咩特別,鳳爪很多肉...鮮蝦腐皮卷:幾多蝦係入面,腐皮亦夠脆~山竹牛肉球:最新鮮係呢個~熱騰騰的上台,肉球彈牙!生滾牛肉粥:粥有好多薑絲,本人不太鍾意食~唔鍾意食,記得要叫就薑絲~環境好靚,因為佢地用黎擺酒~所以佈置都係西式化!食物幾大份~但比起同區幾間就較貴~但我覺得一分錢一分貨啦~

其實之前已經試過一次, 因為食物裡面有'毛', 所以心想唔會有下次~但同事生日, 大家都想試下其他酒樓, 所以先再比多次機會~其實同事已經預先訂位, 但去到佢哋比咗將唔夠坐0既枱我哋, 心想「我哋一早訂咗位, 而家先知有幾多個咩, 係咪做嘢架?」~好在佢哋有另一將大啲0既枱比我哋, 唔洗再等!上度6樓坐低後, 當然開始點嘢食啦~到上點心時, 我哋見到好似太多嘢食, 想查清楚有無double落單, 點知個位部長好不滿,話係跟住我哋張點心紙落單, 一定唔會有錯 我哋只係想睇清楚啫, 又無話一定係佢錯 (其實有幾樣點心都無幫我哋落單啦, 我哋都無出聲啦 )以後我哋食剩咗啲嘢, 想打包攞走, 點知佢哋話因為環保, 所以每個盒要收$2不過膠袋就唔洗錢任攞 Oh no, 攞盒叫唔環保, 攞膠袋就環保??? 咁做乜政府要定"無膠袋日"呀?????????? 我哋食剩打包就係唔想'晒'啫! 我哋唔環保咩??? 佢哋真係想環保??? 定想慳錢呀??? 還是想'略'水呀??? 我哋本想找經理問清楚及反應下, 點知又係之前果位部長, 態度比之前更差,非常囂張咁講「係公司規矩, 係咁架啦!」 嘩! 火都嚟

來到彩福皇宴參加結婚宴會, 環境一流, 地方闊大, 20席仍有好多活動空間, 玩玩GAMES, 影相, 正.食物方面: 菜單大體, 其中, 每人原隻鮑魚上, 好豪, 煮得好"林", 入味, 推介服務: 細心, 可能要每一席都要填回問卷, waitress 特別好