彩福皇宴 (已結業)

媽媽今早再提想去飲茶。我當然第一個舉腳"反對",但結果反對不成,被春卷和义燒飯收買了。而且還不用等位啦~爸媽點了好多點心:流沙飽、义燒飽(這兩個是媽媽每次飲茶必選的!!)、煎腸粉、小籠飽、义燒飯、春卷、燒賣和我最喜愛的咸薄"餐"。他們二口同聲說流沙飽十分好味,熱辣辣的。媽媽一連吃了兩個义燒飽,說味道不太濃,剛剛好。而見那燒賣也有一整隻蝦在裡面呢!那义燒飯更加不得了,义燒十分新鮮,更是半肥瘦!雖然我是肥仔一名,但我很怕吃肥膏,所以我只挑了瘦的那上义燒送飯。看見爸爸媽媽吃得十分開心,我也樂透了~

昨天同屋企人嚟呢度飲茶,等位也不是很久,我們七個人叫了:一個餐包括:一碟干燒伊麵-唔知點解係粗麵唔係伊麵,但都好味,好多配料一碟通菜-ok一碟海折頭-一般另叫了以下點心:雞飽仔-沒有食唔知蛋tart-好味,細細個一個可以放入口上湯鮮竹卷-都好味,但個湯太咸雞粥-一般味道叉燒腸-ok奶黃飽-唔知冇食咸水角-好味,好鬆化價錢都不是太貴,這裏是出名擺酒的,所以環境都很好的.

星期日一家四口去飲茶點零鐘去攞位 都係等左3個字度就有位食左11個點心上湯鮮竹卷絕對係誠意之作 上湯好鮮味 有d"九"黃o係度 好香"九"黃味通常酒樓d鮮竹卷都有炸過先但佢呢度無 d鮮竹好滑好滑 另外入面d餡唔算好多肉 有好多蘿蔔木耳等連一向怕鮮竹卷成舊肉而唔食ge媽媽都對佢讚不絕口 另外黃金流沙包真係好流同好沙食到d"沙" 係咸蛋黃口感一流不過都係少食為佳XD蛋tart仔熱辣辣 蛋好滑唯獨是個皮唔夠鬆如果唔係一定仲好味d其他點心都幾好雖然呢度唔係好大但係個環境好好用黎擺酒都得ar XD

8/7(二) 7:30pm不速親戚由加國回流,教人心緒不寧!奉旨出席的洗塵飯局,地點為太子的彩福皇宴;乃因兄長那張鮑魚卷.訂了七點半,不速親戚來遲半句鐘,攪得躁底親屬即時開火!哈!一行11人坐了入內的圓桌,酒家樓底稍矯,增添侷促感;幸其格局尚算金碧輝煌.除敬送南非鮑外,另點了$2450全包宴:燒味拼盤,碧綠花姿蚌片,彩碟燒汁大元貝,海鮮卷,燴生翅,瑤柱扒雙蔬,清蒸大石斑,一品燒雞,錦繡炒飯,干燒伊麵,紅豆沙.整體水準僅屬凡庸,沒啥漣漪.南非鮑的的骰骰,扣得頗軟腍味鮮的!惟有彩碟燒汁大元貝及干燒伊麵看高一線.元貝炸過後,置於炸米粉及脆生菜上,水準不俗,創意可嘉!至於其餘的菜式只可視作果腹之物;燒雞瘦骨嶙峋,石斑火候掌控還待改進,海鮮卷又來千篇一律的罐頭什果!花姿蚌片的珊瑚蚌宛如跟鹽醃過夜!話說回頭,大叔的服務乃功德無量,竭誠度屬坊間罕見!動輒二千多元的席宴,吃不得!

尋晚同屋企人去飲表哥餐滿月酒所以就泥左呢間酒樓。一入到去第一個感覺係:哇!呢度好靚呀!周圍o既裝修真係好靘好特別好有心思。入到去親戚之間互相問候一番之後就上菜由於我影低左個菜所以記底哂有咩送食金豬大紅袍碧綠花姿蝦球帶子鮮果海鮮卷玉環瑤柱脯紅燒竹笙海皇翅金錢鮮鮑片清蒸大海石班脆皮一品燒雞幸福伊麵福建炒飯紫霞珍珠露合時果盤上乳豬時係由個女侍應分菜,分菜速度好慢,分得泥d野食都凍哂,又逼人要分哂佢,因為"趕住上下一道送"。但係食完個乳豬下一道送遲遲都未上到。佢地仲要係每一道送之間同客人換餐碟,雖然係話乾淨d但係客人眼前走來走去好煩,分菜同不停換碟只令人覺得佢係扮高級。講返乳豬先,個皮係幾脆,不覺凍哂,好多油。到個碧綠花姿蝦球上左,蝦球幾大粒爽口,花姿片同西蘭花都唔錯。不過到個帶子鮮果海鮮卷就好唔得。炸到金黃o既海鮮卷入面包著d鮮果沙律,完全食唔到有帶子,要講海鮮o既話,只食到開邊仲要4分1隻細蝦,名不副實!下一個玉環瑤柱脯味道幾好,不過舊節瓜就真係好幼,粒瑤柱都冇咩味,好似俾人出乾哂水咁。等左成晚o既紅燒竹笙海皇翅終於到啦!呢樣係成晚最好食o既一道菜。好足料,有一排排o既幼翅又有一條條粗過米

上一個食評,還在大讚這食店的服務已經有改善,原來只是曇花一現,今次再來己面目全非.侍應們都軟手軟脚,視而不見,骨碟裝滿骨頭,也不替客人換,最後拿去了郤去如黃鶴,點心的質素也差了,鮮度和味道欠佳,上點心的阿姐一言不發,黑口黑面,茶葉的份量亦減少變淡,埋單時阿姐別轉面,給了貼士也不說多謝.這店除了座位比較舒適和擺得比較鬆動之外.再無優點.沒有再回頭的理由.

先前的食評認為服務很差而轉移陣地,今次又要回頭看看有沒有改善.結果是明顯的好了,一出電梯門已經有知客招呼,只見佈置如婚禮大堂一般,坐位又有椅套,擺位鬆動,頗為舒適,因前身是戲院，樓底甚高，週邊掛滿帳幔，吸音效果很好，人多也不嘈雜，待應阿姐頗為勤快和有禮,週到.頻頻換碟，沖水，絶無叫極也不應的情況，但人手郤不見太多．食物方面並不太出色,普通而已,叫了鮑汁鳯爪,燒賣,山竹牛肉,豬脚薑，春卷，肉絲炒麵等．埋單也很快，給貼士也很高興的說多謝．對食物不太挑剔的話，是值得幫襯的．

由於家姐之前食晚飯滿$300送左張乳豬劵，所以我地昨晚一家人去左太子始創中心的彩福皇宴食晚飯！首先來的係免費的乳豬，2-6位送半隻，7位以上送一隻！熱辣辣，脆卜卜，好正，不過明顯沒有肉味，一食就知道係"雪藏豬"，扣左一d分！一斤海蝦：$70,有水準，隻隻都好大隻，而且隻隻都好爽口！不過有一隻蝦頭有綠色的，奇怪~紅燒北菇豆腐煲：我沒有吃到，不過其他人食過都幾好！翡翠炒吊片：幾好呀，清清地！生財豉油雞：$78勁大隻，好多酒樓半隻都食唔到啦！佢就大大隻，而且好滑又夠味！清蒸海清斑1斤：$68,超滑，1 斤岩岩好，2斤原本仲抵，不過waiter話來貨貴左，已經唔做$128的promote(但張poster仲大大張post左出來)蝦乾瑤柱魚腐浸娃娃菜：家常小菜，清清地！金瑤海皇粒炒飯：炒得好乾身，用料十足，抵讚！預祝我同哥哥7月27日及7月26日生日，所以叫了壽包：$68半打，超大個！又係一個手掌甘大！隻隻都有個大大的咸蛋黃，而且係流哂油！蓮溶唔太甜，岩我！環境好讚，冇柱位，擺酒一流！紀念品：乳豬頭可以用來餵狗！今次又食滿300蚊，所以又送番一張乳豬劵，都係1個月內有效，星期一至五可用，要預先2

最初的時候,飲茶是頗佳的(見先前的食評),近來郤越來越差.地方和擺設都不是原因;是員工的服務質素和食物.可能是轉了師傅吧.味道不及以前.材料的鮮度也差了.員工常常轉換.十下十下,叫她取辣椒油,每次都唯唯諾諾,郤叫了三次也沒有拿來,若無其事一樣.拿了茶壺沖水,便去如黃鶴．埋單時給五巴仙貼士也冇一聲多謝．決定不再接受這樣的服務，轉移陣地去也．

之前已經來過飲茶，覺得都唔錯。裝修比其他酒樓靚，點心都OK。但晚市就唔多掂，一坐低就見到張臺布好烏joe。近距離一望，唔系醬油跡，好似系押平0左既酥皮碎，即時扣點印象分。小菜分量唔多，向好果邊念，分量少少可以食多幾味菜。昨晚我0地一行六個人食飯，叫左香橙肉排，漁鄉茄子煲，清炒西洋菜，鮑魚菇芥菜膽，冬瓜盅，清蒸石班，片皮鴨，同七彩炒鴨絲。個片皮鴨好唔掂。居然系用西式pancake皮去包住來食。可能系因為0的肉要來做七彩炒鴨絲，所以只鴨唔多熟，完全可以見到鮮紅色既肉。最後我地叫0左甜品，豆腐花賣灑，落單時阿姐無講，到服務員送其他甜品來時，拒地亦無提過豆腐花賣灑。到我地追單時，阿姐至話無灑。最後我要左個綠豆沙。質素同圖片果個差好遠。圖片上既系海帶綠豆沙啊，好食好多既呢！服務真系有待改善，我地想叫汽水，舉手後明明有服務員向我點頭示意見到，當拒行過來時，有台客叫住果位服務員，之後服務員就忘記左我地既要求了。

上星期黎左呢度食晚飯, 一行七人, 由於有某位親戚話呢度d野好味, 所以就訂左位! 準時去到, 搭左電梯上到去, 但竟然門口企左成分幾鐘都冇人帶位, d伙計好似當我地透明咁, 一刻真係有衝動想走!坐低左人齊就叫, 我地叫左個雞煲翅, 白灼海蝦, 貴妃雞, 莧菜, 賽磅蟹, 西蘭花炒帶子,叉燒拼燒肉拼燒鵝, 仲有d都唔記我左喇!雞煲翅個湯ok但係d翅就唔得啦, 唔淋不特止仲幾硬下, 可能係特價關係啦, 我覺得好差下囉, 有咩理由雞煲翅最差係d翅, 離譜d囉; 白灼海蝦又係一個失敗之作, 呢樣其實冇咩好彈, 一句講晒, d蝦好唔新鮮, d肉又梅又爛, 蝦頭又甩, 差到爆呀; 貴妃雞肉質鬆滑, 唔算好肥, 都幾好味, 我成晚食最多就係呢味; 莧菜一般冇咩特別; 賽磅蟹本來都可以, 但唔知佢地係咪想話比人知佢地賽磅蟹係真係有蟹肉, 所以就放少少蟹殼入面呢, 我就係比呢d蟹殼整親d牙, 咁唔得囉; 西蘭花炒帶子d西蘭花可以, 但帶子就冇食到, 我諗ok啦; 叉燒拼燒肉拼燒鵝全部都係一般, 可以食咁囉! 我淨係知晚我食唔飽囉, 好想搵宵夜食囉, 服務態度唔好, 食物唔得, 好差好差, 你話離

昨晚和家人到彩福皇宴吃晚飯d 送菜都唔錯唔咸唔油但我七點半已冇四人餐吃完想點甜品冇晒剩下紅綠豆沙埋單又話冇錢找............

10月4日中秋節做節,一家人去咗呢間彩福皇宴食晚飯. 原來呢度係前戲院改裝,所以樓底好高,而且佢分咗兩層一中一西嘅婚宴佈置,都唔錯喎,而且大堂冇柱位,一眼望哂,搞婚宴,function最好不過.講番啲食物先啦,佢地晚飯有好多特價. 我地叫咗佢其中幾味特價菜都唔錯.雞包翅好足料,五人每人都分到一碗多啲,重有好多翅. 賽旁蟹用急凍蟹肉,都重有甜甜嘅蟹肉味,而且唔算太油,都幾好. 澳洲龍蝦,都係一般貨色,依然懷念係波士頓食清蒸龍蝦,一人手揸一隻最好味!! 貴妃雞係新鮮雞,好有雞味. 星班有斤半,都幾大條,$98條抵食. 芥蘭薑汁味夠,不過唔夠酒味,哈哈! 自備新加坡嚟嘅榴槤月餅,其實內裡全部榴槤肉,好味呀!!!整體質數再加埋價錢真係好抵食,環境唔錯,檯與檯之間分得幾開,唔會太嘈,一大班人聚會幾適合.

話說我哋叫咗碟煎腸粉，記住係"煎"...碟腸粉上台已經好似石頭咁硬，個面硬到咬唔到，好明顯就係煎得過火！叫個部長過黎，同佢話碟腸粉太硬，佢竟然話：「咁我幫你再煎煎佢啦！」真係火都黎，你有無聽清楚呀？我話硬到食唔到，你仲再煎！之後我就好炆咁話：「唔係呀？再煎？再煎唔洗食gor lor wor! 」俾我咁樣炮轟完，佢先好唔情願換過一碟俾我囉！真係好唔掂囉！明明係你錯，你仲咁唔情願？今時今日ge 服務態度！！！以後都唔會去飲茶！真係成肚氣！

這間酒樓分做兩層，四樓和六樓，新開了數月，以前是帝豪酒樓夜總會，最初茶巿只開六樓，全部禁煙，是我們不吸煙人仕的天堂．初時人客比較少，枱也比較稀疏，坐得甚為舒服，食品新鮮，味道和哂士都甚佳，但種類郤不多，服務也很好．價錢嘛，不算便宜，兩個人午餐吃幾碟點心，一碟粉麵，埋單大概百三四元左右．最適合慢慢歎．這裡沒有甚麼特別拿手的出品，但質素和價錢郤平均，埋單不會令你大吃一驚．