彩福皇宴 (安達中心)

營業中

休息中

第一次黎呢間尖東分店食晚市 黎既時間係星期四晚8點 臨近過冬前夕。我地泊車係安達中心 但事後埋單既時候問店員佢地先同我地講竟然無泊車優惠 明明間餐廳就喺停車場樓上 間餐廳都係安達中心 但就連泊車優惠都唔做 非常失望。我哋叫嘅係套餐 15人食 有男女老幼 但食物非常一般 蒸魚不太新鮮 炸子雞肉也不滑 空氣很焗 老人家缺氧得臉紅耳赤 通風很差 地方也非常迫店員服務態度很差 老屈我地訂左燒鴨但明明無訂 不會再幫襯 也不推薦給身邊的任何人 差評！

丫妹終於考完試, 今晚終於可以一家人輕鬆食個Dinner, 丫媽提議下就去咗尖東「彩福皇宴」食晚飯。酒樓空間感大, 檯與檯之間夠哂寬敞, 就算人流多都唔會太過嘈吵, 適合一家人聚會。晚市有兩款「龍鳳雙輝」非常抵食! 價錢仲抵過屋企自己煮!【玫瑰頭抽豉油雞(半隻)】特價HK$38 (原價加一: +$13)份量好足, 頭抽豉油調味令雞皮色澤均勻有油光, 肉質嫩滑多汁, 玫瑰頭抽豉油令鮮雞味提升。【七味椒鹽九肚魚】HK$168九肚魚炸得金黃鬆化, 有如平時食開椒鹽鮮魷嘅炸皮, 內裡魚質濕滑, 入口即溶。外脆內軟, 再配合表面少少椒鹽, 鹹鹹地, 送啤酒一流!酒樓精選咗幾款秋冬推介菜色:我地揀咗【蒜蓉炒豆苗】HK$108豆苗炒得清脆嫩綠、有水份, 清甜冇渣, 有淡淡蒜香。

呢間酒樓既點心一向都好有心思，而且味道都不俗，好適合一家大細來聯繫感情。♨️原隻鮑魚燒賣呢款燒賣係呢間酒樓既特色點心之一，佢粒鮑魚細細粒咁係啲燒賣上面，份外吸睛。啲燒賣粒粒都好足料，又新鮮，高貴得來又帶點平凡。♨️布拉滑腸粉個賣相就普通，食落是充滿米香的。🥣生菜魚片粥粥底很綿，味道不過不失。♨️生煎包包都很鬆軟，煎得很好，肉配合包既味道，真的不錯。♨️旋風流沙包呢個包都係呢間酒樓特色點心之一，佢外表係一個旋風咁既樣，入面係爆漿流沙包，包體很鬆軟。♨️馬拉糕鬆軟得來帶有黑糖的味道，真的不錯。♨️紅棗糕堅韌的，香香的紅棗味。🧁綠茶芝士蛋糕呢個蛋糕只有淡淡既芝士味，綠茶味近乎沒有，消化餅不夠實淨。

今日去食晚餐全包宴，本身我哋order話想要半席，waiter粒聲唔出攞住張單同餐牌走咗，餸菜黎到先發覺唔對路，問咗好幾個waiter都唔理我哋，自行走開左，冇一個人解答到我哋嘅問題。臨尾經理過嚟先話呢度冇半席。後尾算數，七個人食全席…得兩、三個人識得做嘢，其他人咩都唔知咁，執走番啲食完嘅碟都唔識做。舉手叫人過嚟舉左好耐先有人應，已經講得好清楚我哋想要幾個盒裝走啲餸，之後第二個人行過嚟問我哋係咪想嗌其他餸。埋單嗰陣啲人問我哋張單喺邊，問題個waiter攞走咗之後根本就冇俾返我哋，埋單成二千幾，食到個人勁燥。咁大間集團咁嘅服務質素，然後絕對唔會再黎🙂

中午再陪外國老闆去食飯, 今次揀左附近既另一間酒樓係安達中心, 要搭lift上到13樓, 如果本身唔識路可能都要搵下呢到係用電話掃QR code落單, 之後機器人送餐, 黎到先再有人放上台感覺幾先進今次人少D, 叫左幾碟點心, 點心唔錯之後叫左個XO醬腸粉, 比較咸, 麻麻地最後叫左個福建炒飯, 正正常常, 無咩特別最想講既係呢到既服務第一就係我地有時想叫待應過黎問野, 但招手招左成5分鐘都未有人理你, 個D待應好似特登唔望過黎咁, 之後我忍唔住大聲叫佢過黎, 佢先黑曬面咁行過黎第二就係我地想叫可樂 (因為外國人想飲), 我都知未必好常見, 咁手機點餐冇都正常, 叫個待應埋黎叫, 佢咩都冇應就走左去, 之後見到佢去問人, 問完又走左去, 行開左幾分鐘先拎罐可樂返黎, 你去拎冇問題, 但起碼話我知你去問下or去拎呀最後就係我地問佢有冇紙巾, 佢直情打開雙手好悔氣咁話冇呀! 真係聽到火滾!!

今日訂左房食晚餐，第一碟紅燒魚露寶貝乳鴿，超好味不過冇影相，椒鹽鮑魚胡麻沙律菜，做得唔錯，沙律海鮮卷，個人不太喜歡，牛肝菌螺頭竹絲雞燉湯，好好飲，X0醬西蘭花螺片蝦球，都可以，清蒸生猛黃皮老虎斑，夠大條夠滑，蒜子上湯浸豆苗，可以，脆皮旺金燒雞，雞幾滑，臘味糯米飯，做得幾好，銀芽乾炒淮山麵，好好味，幾特別，甜品系發財紅棗糕同流心奶皇流沙包，甜品都唔錯

去到呢一間酒樓食嘢原來都有驚喜㗎❤️❤️以為間間酒樓都係差唔多啦。但係佢嘅甜品係好出色㗎🤗👍🏻桂花紅豆糕仲要係心型㗎，食落去有淡淡桂花味，中間嘅紅豆蓉軟硬度適中，甜度合適。真係令我擦身咗酒樓既甜品。

2023年2月1日，大概下午2點，同事聚餐，食糯米雞，入面竟然有舊石頭，un親牙整親牙肉，我舉手反映，經過四個侍應見我指住個碟都扮睇唔到晤過黎，直到我拎張點心紙先有人過黎，見我收番起張點心紙指住個碟想講野之際又想走！我唯有叫住個侍應！個個侍應淨係話佢都見到石頭，講聲唔好意思就想走，跟住遲疑一陣就話waive糯米雞收費及比甜品補償，最後比左3個牛乳奶凍及芝麻膏。點知個牛乳奶凍我食到係酸嘅，其餘3位同事食到係苦嘅，我地同經理反映，經理話「應該唔係酸」，於是佢收走左1個奶凍話比廚師食，幾分鐘出番黎話廚師食左冇嘢，就吾認數！ 草草叫我地埋單就算！連句唔好意思都冇！實在太過分！服務素質同食物質素都好差！😡😡

移民多年的親戚趁疫情緩和一點後一家回來探親。其中一日，就約晒所有親朋戚友來尖東的《彩福皇宴》一次過見晒所有親人。我們亦藉此機會，出席去見一見因疫情而好耐都冇見面的表親啦。那天的中午，不是大排延席，而是大家分三圍，吃點心，飲茶同聊天，是輕鬆、開心、寫意的一次家庭聚會啊。順便報導一下，《彩福皇宴》的點心好唔好食。我們早到，但親戚們更早到，未正式坐低已經有好幾樣點心在餐檯上。其中一個看起來幾特別的，是雪山叉燒包。看起來，似足菠蘿包，吃起來，就是叉燒餡的菠蘿包，只是白色的菠蘿皮帶著不一樣的甜味而已。上湯鮮竹卷，的確是一份以美味上湯浸住的佳品。鮮竹卷足料而且香口，浸住鮮竹卷的湯味道清甜。把三件鮮竹卷食晒之後，再下一城，就是要把這一個上湯飲埋佢。美味的東西不可以浪費啊。一大班人去飲茶，腸粉似乎是必點之物。而牛肉腸就是其中一個老少咸宜的美點。腸粉皮雖不薄，但入口卻是有米香而且很滑的。牛肉夠多，豉油夠甜。只是平日我們食腸粉，是有三條的。現在這樣切好平放，數出來，應該只是兩條。腐皮卷，是不折不扣的鮮蝦腐皮卷。首先，是炸得好香脆；二，是內心的蝦肉非常之鮮美。點一點喼汁，我可以說，更是香口惹味。炸魷魚鬚，是

奶黃包，滿滿的內餡兒，都不用說是吃，而是喝，一嘴香濃，有奶黃和咸蛋黃的味道，太喜歡了！我喝了兩個，皮給小🐤胃了。.千絲蝦🦐卷，感覺是媽媽會喜歡的一個，外皮超級酥脆，裡面有整個的蝦仁，好吃好吃，我又是一口氣吃了三個。.炸蝦🍤多士，底下的面炸的🍞酥酥脆脆，上面有蝦仁，沾著醬料一口滿足！.混醬腸仔，🏆無數，味道不錯、很抵飽，醬汁夠多，不過不如前面三個！.紫薯千層糕🍠，我以為是蒸點，結果是涼的，我一般，小🐤胃喜歡，真是一人一胃。.桃膠甜品，小🐤胃選的，他說好吃，我覺得不夠甜！

愛中餐 圍爐 大推薦四碗白飯西蘭花🥦小青菜元貝入口即化虎蝦仁惹味螺肉粉絲煲細細蔥葉腰果蝦仁乾蝦小炒燒雞件紅棗花椒糖蓮子無花果桂圓雪耳糖水碗三色椒菠蘿切香炸咕咾肉小鑊燒帶皮龍鯉魚醬料茶 鐵觀音 茉莉香茶首先茉莉一點也不會苦澀 反而很絲滑 沒有顆粒感鐵觀音茶沒有試 但朋友也稱讚有香味因為同桌吃飯的人都不愛牛肉豬肉比較愛海鮮所以點左好多魚蝦不同的蝦種類 不同燒法 都有很多細節口感上的不同咕咾肉中的菠蘿and 三色椒都有酸酸甜甜的味道海鮮粉絲煲中 海螺肉惹味 蝦很新鮮 元貝就更軟 入口即化 西蘭花都處理得好好座位花椰菜控 覺得西蘭花的處理係可以見到廚師的功力甜品很滋潤 入秋佳品

今日叫左兩隻龍蝦 1斤2（蒜茸開邊蒸），超級好味，另外叫左一碟三魅黑蒜炒牛柳粒，味道可以但偏油，再叫左酒香咸檸麵筋蒸鮮龍躉斑頭腩，勁好味，再叫左個姬松茸雞腳燉靚湯，好好味

上網見到好似好犀利咁獲獎點心一於試下咩料🤭芝心海皇千絲酥卷👍👍👍呢個真好食! 夠香脆！有芝士同啲海鮮係入面 龍皇野菌腸👍👍腸粉包住野野菌春卷 春卷雖然比腸粉包住 但口感仲脆！ 其實有啲似出面嘅春風得意腸 不過佢呢個餡係什菌都幾好食！😋原隻鮑魚燒賣皇 👍好味 燒賣似有用蝦滑 鮑魚仔夠睇頭😆旋風黃金流沙包呢個最期待 亦係最失望😿😿😿因為三隻完全無流心😶 太失望 甜品黑芝麻卷好味！ 好濃黑芝麻味，而且好滑滑到好似腸粉咁👍總括而言 食物質素的確唔錯 一分錢一分貨比其他酒樓價錢係貴少少 但係環境夠寬敞又舒服👍

首次到這家酒家晚飯，評論是不會想再次光顧。首先，餐具清潔程度已令人沒有一個好評分。發現碗中有已乾的食物，換了兩次都同一狀況。另外，就是食物質素。食物的味道，每人的要求不同，所以我的評論不在味道的層面。我點了半隻燒鵝，想評論的是，我們發現這碟燒鵝應該不是沿用同一隻鵝。有一小部分的鵝肉不論肉的顏色，皮的顏色，甚至是肉的口感都非常明顯跟碟上大部分鵝肉不同。這幾塊另類的鵝肉的質感是如肉乾，似放入微波爐過度加熱的肉。大家都明白這個時刻營運飲食業是困難的，但是樓面的清潔程度，再加上不誠實的行為真係令人卻步。

望景食生日飯唱中式生日歌食埋壽包興祝聽埋好笑笑話開心歡笑人生😄.⋯⋯⋯⋯⋯⋯.6點來到，窗邊位的座枱滿曬只有門口位的3張枱行到去中間枱發現，個景都好靚啊😍.興祝生日的飯局點了一個招牌雞煲鮑翅😋睇見都吸引啊！侍應裝起的賣相很不錯，滿分啦！加埋紅醋食，一流😄😄😄.服務：可惜是入座後侍應俾少了一張餐牌令我們選擇少了，最後才發現這是失色位.其他食客：坐窗邊位的一對夫婦背著窗坐，不明所以原來他們留位給他們的朋友祝福他們今年有『景』老一輩真識講嘢啊.後記：放寬晚市堂食後，無諗過這裡都訂滿位幸好最後都有個靚位舒服坐下食餐早晚飯😉.坐中間枱，個景都好靚啊😍.招牌雞煲鮑翅睇見都吸引啊！.侍應裝起給我們。賣相滿分啦！.加埋紅醋食，一流😄😄😄.櫻花蝦炒飯，但味道很淡，似瑤柱蛋白炒飯🤣.侍應拆散了雞肉給我們食