彩福皇宴 (安達中心)

營業中

休息中

今日第一次同同事黎食彩福尖沙咀，今日早左黎見佢中午都未算好多人，一行四人唔知食咩好，就直接叫咗個午市套餐一齊食。午市套餐有一啲小食可以揀，我地揀咗食秘汁撈雲耳，雲耳好爽口，加咗啲陳醋一齊撈，酸酸味味幾開胃。海蜇味道清甜，因為撈咗啲汁，所以食落唔會淡茂茂。脆皮素鵝，味道有啲似海鮮腐皮卷，入口香脆不油膩，食咗兩件都覺得唔油。蝦頭油海皇炆鴛鴦米原來都幾多蝦係入面，炒出黎味道似星洲米，不過佢就再香口啲因為加咗好多椒同埋蝦仁。海鮮羹好足料，唔係水狀，食埋呢碗都夠晒飽！

約朋友聚餐，來到尖沙咀彩福皇宴，除了有盛讚的點心外，晚餐超值菜色也不少。2隻龍蝦1斤2加淮山麵底。龍蝦每斤$88，一隻1斤2両，即$99，2隻便是$198，另加淮山麵$30，一大碟龍蝦麵也只是$228加一，超值！龍蝦甜美，淮山麵有驚喜，麵質有彈性，但又軟滑，加上龍蝦鮮味，好好味！招牌鷄煲鮑翅（足六両鮑翅）。雞湯味濃，鮑翅大大件，四個人分，每人也有兩大碗，超值之選。懷舊金獎叉燒。果然是金獎叉燒，肥瘦比適中，整塊叉燒也很嫩口，沒有半點渣滓，好味道！美國桶蠔。把大大隻的桶蠔炸至金黃色，香脆的外皮，內含肥美的美國桶蠔，美味可口！魚香茄子肉鬆煲。家鄉小菜，味道合宜，香氣四溢，引來食指大動，入口熱騰騰，咸香味濃郁，送飯一流。吃過飯後，已感覺滿足。原個椰皇燉燕窩。椰皇有濕潤皮膚的作用，蛋白燉得嫩滑，加上燕窩所含的蛋白質更興人體肌膚相近，滋養肌膚。涷楊支甘露。夏日消暑解渴食品，怎少得楊支甘露。

今日難得返晏，就同屋企人黎咗彩福食lunch, 見佢個午市套餐都幾岩食，就嗌咗一份。真功夫蒸潮州粉果好足料，入面好香，特別花生好脆。脆皮燒腩仔燒腩仔燒得金香，食落口脆卜卜，加埋啖啖腩肉，雖然邪惡但真係抵抗唔到。脆皮素鵝腐皮好鬆脆，包住入面啲素肉，食落口唔會好油膩，老人家都岩食。紅燒海鮮羹呢個好唔錯，個羹好入味，加埋彈牙既蝦，可以食多一碗！蝦頭油海皇炆鴛鴦米一上枱見到咁大碟，炒得幾入味，入面有啲蝦仁同埋叉燒加埋一齊炒都好好味！幾個人黎食個午餐，加埋都係百幾蚊一位食到飽晒～

今日放假去到尖沙咀，突然間心血來潮想飲茶,但係依家想搵間似樣d既酒樓都好難,醒起同事講過近尖東果邊有間彩福皇宴都唔錯,於是就走去試下。去到見到環境都相當之唔錯,乾淨企理,派頭唔錯，擺酒一流。坐底左就叫左個自選三寶,胡椒豬肚湯,砂鍋雞柳炒烏冬及白焯生菜,另外叫左海螺片雞扎,竹笙高湯鮮竹卷同埋薑汁雞包仔。胡椒豬肚湯好重胡椒味,好惹味,豬肚洗得好乾淨。砂鍋雞柳炒烏冬即叫即整,熱辣辣,雞柳同烏冬非常入味。海螺片雞扎,雞夠滑,魚肚夠淰,非常好味。竹笙高湯鮮竹卷足料夠入味。薑汁雞包仔夠哂熱辣辣,軟淰淰。

好朋友要見，專程去尖東接放工，兼屈佢請食飯傾掂數要請食龍蝦，唔想好友大破費，撞正彩福龍蝦節，88蚊一斤，就彩福啦高貴婚宴裝潢~花花舞台背景好靚啊~樓底高，地方闊落，食得舒舒服服~一年一度既彩福龍蝦節，生猛加拿大龍蝦只係$88一斤，可以揀上湯焗或蒜蓉蒸，另加錢可加麵底~生猛加拿大龍蝦 $99呢隻龍蝦1斤2，揀左蒜蓉蒸，呢個size自己獨食一隻剛剛好，啖啖肉，爽口彈牙，鮮味十足！韭黃菜蒲肉松帶子炒蛋 $92蛋炒得好滑，富蛋香，帶子鮮甜嫩滑，份量多，非常下飯！海参花菇扣玉掌 $168比想像中大份，很足料，花菇大隻肉厚，很香，鵝掌入味腍身，骨膠原豐富，個汁好夠味，令底下既菜都好好味~招牌小炒皇 $90小炒皇就是什麼都有d，材料豐富，香口惹味既镬氣小炒，送酒最合適不過~竹燕椰汁糕 $20最後當然要揀款甜品作結，呢度甜品都好出名~今次叫左滋潤養顏竹燕椰汁糕，好香滑

今日去尖沙咀上完堂爸爸咁岩都係附近 於是約埋一齊食晚飯選了這家 — 彩福皇宴 食中菜咁岩今晚依到有擺婚宴店員安排左內房四人枱比我地裝修華麗 走歐式風格隆重有氣派 仿如置身宮廷之中上湯加拿大龍蝦伊面好有份量既一道菜式一睇有一大隻加拿大龍蝦 大約一斤兩兩龍蝦新鮮肉質彈牙而且有分邊 方便食用虎皮椒炒安格斯牛柳粒安格斯牛柳粒牛肉香濃 肉質嫩滑底下舖滿虎皮椒 唔會好辣 炒得十分香 好味道蒜蓉津白一上枱已經聞到陣陣蒜香津白煮得好夠林 有濃濃蒜香 唔錯唔錯同爸爸兩個人咁樣食到飽埋單都只係$400 環境舒適氣氛又好 抵食呀

星期六朝早既固定環節 就梗係同屋企人飲早茶聽講假期尖沙咀既酒樓會比其他住宅區少人 所以我就book 左彩褔尖東好彩有book定位先 我地11:00到 都8，9成滿見彩褔有咁多得獎點心 我地都叫左原隻飽魚燒賣 同港式街頭蝦米豬腸粉原隻鮑魚燒賣真係貨真價實有成隻飽魚食落口飽魚都唔會覺得韌老人家都可以食得腸粉皮薄 唔錯！！！之後仲叫左薑汁雞包仔同露荀鮮蝦腐皮卷鮮蝦腐皮卷本身有啲熱氣 加埋露荀係入面 即刻fresh 左好多👍🏻👍🏻最後埋單二百蚊 已經可以食到好飽😋😋😋

來尖東多次，居然走漏眼這間宮廷式裝修的豪華中菜酒樓！入口登記處已經給人寬敞華麗的感覺，內更有一間影樓式的宮廷大房，非常漂亮，至啱打卡！這有很多得獎點心，價錢一點也不貴呢 , 非常抵食！旋風黃金流沙包 (得獎) $30 ~ 造型趣緻可愛，味道不太甜，最啱節食中的我！原隻鮑魚燒賣皇 $35 ~ 大大隻鮑燒賣上面放上鮑魚仔，份量十足，口感豐富！港式街頭蝦米豬腸粉 $38 ~ 豬腸粉嫩滑晶瑩，有香港特色！彩福蝦餃皇 $30 ~ 至愛點心蝦肉鮮甜爽口，一個人吃掉整籠也覺不夠呢！八味豆腐粒 $43 ~ 味道和口感有些似椒鹽豆腐 , 同樣惹味鬆脆！原個椰皇燉燕窩 $45 ~ 必食！椰肉配燉奶鮮甜柔嫩，再加上珍貴燕窩，令人難以抗拒，每人一個剛剛好！華麗點心新體驗， 非常滿足的一餐！

每次嚟呢間彩福都會比個電梯迎賓位，同倆，張童話椅吸引住停低影幅相。總會幻想婚宴時啲親友會好想喺呢個位留倩影由於龍蝦節尚在進行中所以我哋又嚟到彩福啦，開邊蒜蓉蒸，同上次一樣都係1斤2,但總覺得今次好肉啲，口感依舊彈牙，味道一樣鮮甜另外點咗韮黃肉鬆菜脯帶子炒蛋---單聽個餸名就覺得有啲複雜，而且上枱時感覺個賣相都略為平凡，但食落又意料之外嘅夾，韮黃嘅香口嫩滑嘅蛋夾雜住咸咸甜甜嘅菜脯，鮮嫩帶子，最後又留有肉鬆嘅餘香，真係幾特別。再睇反而家嘅三大優惠，忍唔住手已經揀左倆個分別係脆皮南乳雞同清蒸沙巴龍蠆，南乳雞外皮薄脆無多餘嘅油脂，肉質嫩而帶南乳香嘅肉汁，80分走唔甩。而清蒸龍蠆今次有啲過火，但一樣食淨棚骨。海參花菇扣鵝掌---女仔一定要食啲骨膠原補吓，所以就點左呢個，三樣主要食材都炆得好入味，亦多霖身。最後甜品點嘅係竹燕椰汁糕，甜度剛好為呢餐劃上完美句號

今天在尖沙咀逛街，從朋友口中得知一間不錯的酒樓位於安達中心13 樓。所以不加思索就同朋友上去嘆番一頓豐富的午餐。一到埗，發現酒樓樓底非常高，超大地方，絕對沒有壓迫感，坐得很舒適，還有發覺洒樓某個角落放了幾張梳化，非常寛敞是一個呃 like 地方。酒樓舉行婚禮也是一個相當不錯的地方，長而濶大的位置，可容納圍數也不小。婚禮場地也佈置得很華麗。中間也有一個小舞台。背景伂置了很多花花裝飾。其實除了大堂之外，裏面也有數個VIP 房間可供朋友，公司聚餐。 至於點心方面也有頗多選擇，酒樓也連續5年勇奪香港旅發局美食之最大賞至高榮譽金獎。得獎點心有如下：原隻鮑魚燒賣旋風黃金流沙包真功夫潮州蒸粉菓港式街頭蝦米豬腸粉........ 等等值得一提的是記緊 order 原個椰皇燩燕窩。超棒，絕對不甜，椰香味超濃。

一家四口去慶祝母親節，懶得去想吃什麼小菜，便點了個四人餐，勝在不同種類，可樣樣試。燒味併盤每款都好吃，豉油雞的皮不肥，豉油味香，咸度剛好。鴨胸已切走脂肪部分，肉質軟稔，不用怕肥可以食多幾件。沙巴龍躉仔很大條，是平時去飲宴的size，蒸的時間掌握得不錯，魚全熟，肉質佢然很滑，特別喜歡夠多蔥，配魚一起吃令味道更豐富。餐廳樓底很高，座位又寬鬆，裝修得很豪華，擺酒也不錯，坐得舒服，員工加水的速度夠快，不用提已經做了。

餐廳環境華麗，感覺像是去了高級餐廳，座位寬鬆安靜，不會聽到隔壁在說什麼。黑蒜燉牛肝菌烏雞湯，長這麼大第一次喝黑蒜湯，原來蒜味很香很濃，味道帶甜，初時還會擔心喝完有口氣，原來不會的，而且非常健康，牛肝菌的味道也是很濃，吃起來爽口，建議大家不要放過湯料。金銀蛋浸翡翠的湯是用雞湯，味道清甜，配蛋白和白菜一起吃非常清新，沒有負擔的感覺，白菜很嫰又鮮甜，建議大家吃肉時都點這道菜，可以解解膩。酒樓的叉燒很出色，半肥瘦，雖然是厚切但肉很嫰易咬，保留肉汁，外面有一層甜味，餐廳還會另外提供一碟蜜糖，可以隨自己喜歡加甜，好味。

依家好怕去香港嘅酒樓尤其是大型連鎖嗰啲好多時啲點心都係由大陸整完一車車咁車落嚟喺香港整熱 完全唔好食嘅但今日嚟到彩福令我食到久違優質既點心好耐未食過d咁好食嘅腸粉腸粉正嘅時間啱啱好佢嘅粉皮唔會好淋 仲好實淨 以佢嘅餡料亦都啱啱好 唯一彈嘅係佢嘅份量太少喇 呢度嘅份量應該係得一條腸粉只不過係將佢切開左原隻鮑魚燒賣王 正嘅佢燒賣亦都冇乜肥豬肉 但係鮑魚應該呢就係噱頭嘢嚟嘅 其實可以唔需要嘅而呢個芝心海皇春卷都好好食而且佢份量好多食得多有啲滯食得出佢係新鮮炸嘅因為熱辣辣而且無油益油 抵讚蝦餃我童叟無欺 呢隻蝦餃都有兩大隻蝦而叉燒包呢就冇乜特別 下次都唔使再叫了反而想試吓佢得獎嘅奶皇包呢間彩福真係好唔錯即使佢午市坐滿晒人 服務都非常好而且佢嘅點心呢 即叫即蒸唔會蒸過龍 樣樣野時間都好啱啱好唔會蒸到d點心上面比水蒸汽搞到濕哂 或者太淋 冇錯呀呢啲咁簡單咁Basic嘅嘢而家好多大型既酒樓都做唔到 呢間值得encore

尖沙咀聽完講座一家幾口約埋一齊，又去幫襯安達中心呢間彩福皇宴， 上到去一般唔多人，亦都唔繁忙，服務周到，經理埋呢二話不說整番個冬瓜盅啦。落足料，又靚咁呢個天時都唔錯㗎。斟茶遞水，各樣服待非常好，等齊人起菜啦!叫幾個小菜咁喇金裝潮式鹵水拼盤 鹵水味道都算唔錯，係色水淡咗少少， 整體都合格，豬肚雞腎就非常靚呀!冬瓜盅 真係捉殺了帶子擺在上面有粒粒松子沙律汁蜜桃青瓜蝦球美味沙律汁，非常啱呢個配襯 ，仲有幾粒松子脆脆地，蜜桃甜甜地，青瓜爽爽地，蝦球爽爽哋，夾落口食落就非常滿意。帶子海鮮雜菜煲 帶子一粒粒放在面上，海鮮， 粉絲， 西蘭花菜心白菜 成個喎都係， 清淡可口。九王菜脯肉鬆帶子炒蛋 菜脯細細粒，咬口呀唔攝牙罅 ，炒蛋認識㗎啦，乾濕度啱口感，唔使講咁多，帶子簡直係我哋今餐嘅主菜， 樣樣都有佢份呀!今餐都可以講得啱晒仔女口味餐呀瑤柱脆米蛋白炒飯瑤柱唔使講炒完就乾身， 有口感，脆米炸完唔使講就空空地，蛋白炒完唔濕就淋淋哋，啲飯炒到乾乾地，咬落口就啱曬口感，有瑤柱咁搶口，有蛋白去減一減 味。點會唔好味呀!清蒸沙巴龍躉 班一斤清蒸游水魚，啱啱好，之前食得淡淡地，一條清淡有膠質嘅魚啱啱好呀!甜品原個

放假想飲茶，在尖東見到彩福，難得沒有訂座又有位，隨意一試。樓面寬敞光猛，通風好沒有油煙味。食物素質更有驚喜，比幾年前區區試的有明顯進步。先來道小菜，雜菌新鮮清香不油膩，用黑松露醬炒香增添香氣，翠玉瓜保持爽口，清新開胃。鮮蝦菜苗餃，皮薄餡靚，菜無渣蝦結實。得獎點心之一粉果，同樣皮薄，蔬菜料保持清甜爽脆，又不油膩。鮮竹卷沒有散開，蔬菜饀料清甜。牛蒡金錢肚煙韌，加入三色椒和洋蔥，伴以適量麻辣汁，惹味又不油膩。龍皇野菌腸以春卷脆皮包著龍躉肉和野菌，香脆又惹味。今時今日兩口子二百多元可吃到6款質素不錯的點心小菜，環境舒適，值得推薦。