彩福皇宴 (安達中心)

營業中

休息中

近日碰巧都外出到這中餐廳晚飯都不約而同選了這裡。這裡應該多作飲宴場地，所以一進去裝修都很高雅，環境很整潔。這裡的菜式份量很大，不但一定夠食，而且值回票價。我們點了陳皮蒸鮑魚，使用了南非鮑魚，味道鮮甜，陳皮的豉油汁不會蓋過鮑魚的味道，而且新鮮爽口，十分好吃。另外，我們點了燒雞和龍躉頭腩煲。燒雞皮脆，而且較滑，味道適宜，相信是婚宴場地的拿手菜式。龍躉頭腩煲份量很多，這個就較為濃味，但冬天吃下還是感到溫暖。最後連兩份甜品，芝麻卷芝麻味濃郁，桂花糕清甜，都是水準之上。兩個人吃了三個人的份量，都是400元，值得推薦。另一次來吃的東西差不多，但就試了推薦餐牌上的菜式，吃了黑松露秋葵帶子炒蛋，帶子毫不吝惜，而且炒強香濃幼滑，令人回味，其他菜式就差不多，就不多介紹。總括來說，份量充足，搭配淡淡松露香，味道可口，又比酒樓舒服乾淨，是中餐一個好選擇。

又約埋两個老友出來啤一啤 傾下偈，就大家地點喺尖東嘅彩福皇宴，出名經濟抵食！ 集團酒樓以 辦婚為主嘅，估唔到晚飯小菜都做得好唔錯！內部環境清雅，好坐又唔嘈，啲食客都好 斯文 ，最啱係邊食邊 傾計！ 好多優惠套餐同經濟小菜，我地揀左個孖寶同一條魚148元 [ 一斤二両〕…… 清蒸沙巴龍躉班上枱好好睇！蒸得好靚！魚身好滑，真唔錯！ 跟住上枱嘅孖寶之一 大紅乳豬拼盆乳豬皮鬆脆，叉燒軟熟唔會死實實，海哲夠爽脆！餸酒一流！我地叫左两枝啤酒，因為揸車唔可以多飲，〈有兩小時免費泊車〉。孖寶之二；上湯焗加拿大龍蝦配伊麵成個麵好清爽，麵好入味，龍蝦肉爽口彈牙，冇得彈！大家都好享受！孖寶餐係368元埋單酒水加埋一每人25O元都唔使，坐成晚，唔止抵食，重要係好味！

今日弟弟生日找個環境舒服，兼抵食的酒樓慶祝一番！當然首選平日愛去的了！ 位於尖沙咀麽地道65號安達中心十三樓的彩福裝修很高貴優雅，這晚因為有婚宴酒席，晚飯客人都安排到房間内，每個房間约3~4張枱，所以很舒服请静。最爱這裡的抵食套餐！在多款孖寶優惠套餐中選了乳豬拼盆+龍蝦伊依麵 $ 368皮脆肉嫩，叉燒蜜味又鬆化！龍蝦伊麵份量也足夠，伊麵爽滑，龍蝦鲜甜，肉爽彈牙！這個孖寳非常抵食！臘味炒芥蘭细佬最爱的！臘肉甘香肥美，炒蘭炒得翠綠爽脆！另一個抵食的;清蒸沙巴龍躉班 ( 一斤二 )很有瞄頭！蒸得火候剛剛好，鱼肉细緻爽滑鲜甜！脆皮南乳燒鷄( 半隻 )皮脆肉嫩甘香！佐啤酒超滋味！北菇红燒豆腐滑滑豆腐很清淡！今晚的菜式味味都很出色！近年都愛到彩福集團飲茶食飯，因為實在好食，抵食！整晚的暢食大家都亨受！最後自携生日蛋糕也不收切餅費！完美！

星期日瞓醒起身，出尖沙咀諗住買嘢，行過安達中心，見到樓下有個彩福招牌，仲有個廣告牌寫住有得獎點心，賣相幾得意，搭Lift上13樓試吓先得獎點心好多款都想試，但今日得兩個人，試住三款先啦。原隻鮑魚燒賣王（$37）每粒燒賣都有一隻原隻鮑魚，鮑魚本身好入味，燒賣裏邊嘅蝦肉好爽口彈牙。蝦，豬肉，冬菇嘅比例啱啱好海皇太子餃（$30）海皇太子餃中有大蝦同石斑肉做餡料，第一次食石斑做嘅點心，蒸石斑肉同蝦肉一齊蒸，滲出了啖啖嘅鮮味旋風黃金流沙包（$32）外貌有趣，小朋友見到一定愛不釋手，咬開之後嘅奶黃，非常流心，奶同蛋黃味香濃鮮蝦腐皮卷（$31）腐皮卷煎得好香脆，內裏嘅蝦肉好彈牙同好爽口，配上酸尾尾嘅喼汁，非常滋味叉燒腸粉（$31）腸粉晶瑩通透，叉燒餡料夠飽滿原個椰皇燉燕窩燕窩份量絕對唔少，$45呢個價錢，連街邊嘅糖水舖都買唔到，蛋白唔太甜，燉得好滑，椰味香氣四溢，連椰子肉食埋係最佳嘅食法彩福嘅服務真係好好，又打電話嚟訂位，到攞位，落單，上點心，到埋單，服務都好細心周到。例如部長哥哥會幫我地留起個椰皇，等食晒點心嘅時候先至上，咁就唔怕凍哂啦兩個人食咗二百幾蚊，食得多西餐，飲下茶別有一番風味最後一個正嘅

今日做嘢有少少遲，同啲同事約好咗喺呢間酒樓度食嘢，真係要搵左一陣先搵到呢個地方，到達後發現大家到齊啦，我最遲，不過都有個好處，就係唔使我諗食乜嘢，大家已經落左單，而且嚟到就有得食港式街頭蝦米豬腸粉（隻）係豬腸粉個名以為係普通野，但係原來可以用醬汁將佢點綴得咁美輪美奐，而且唔係得個靚字，呢啲醬汁嘅份量，同豬腸粉嘅比例我覺得剛剛好，豬腸粉都幾滑，不錯！蝦蝦霸霸 一隻$8 好大隻，好飽滿原隻鮑魚燒賣皇咁矜貴嘅燒賣真係第一次食，竟然燒賣之上係原隻鮑魚！金奬旋風流沙包芝心呢個旋風真係睇多兩眼我都眼花，一於一口咬下去啦！裏邊係熱熱的奶黃令人十分之滿足海皇千絲春卷 呢個真係超級正，外皮勁酥脆脆皮燒腩仔燒腩仔嘅魅力真係沒法擋！皮脆，肥瘦分布都幾平均！陳皮聖女茄好開胃金粟紅米肉碎炒飯又健康又好味嘅炒飯！

之前在紅磡吃了彩福皇宴，價錢對相便宜，份量大而小菜出色過人，這次在尖沙咀看到分店，二話不說直接在那解決晚飯。菜單每間分店會有些許分別，不過一定有魚蝦蟹，豬雞牛等選擇，兩人行最後我們揀了一款孖寶套餐及兩清淡小菜。食家孖寶A餐燒味雙拼師傅會按照當日食材安排兩款燒味，今日幸運地安排到我最想試的店舖主打叉燒及鼓油雞。叉燒油光潤澤，入口肥瘦相間，咬下香口富肉汁。油雞雞肉香出位，雞皮彈牙而沒什麼肥膏。鼓油皇煎海蝦海蝦每隻大大隻擺滿整碟，蝦殻香脆能整隻脫頭吃掉，肉質爽口彈牙，蝦肉帶鼓油咸香，味道鮮香味俱全。金湯淮山茄粒泡時蔬店家以蕃茄熬製上湯再泡白菜仔，味道帶蕃茄香甜富蛋黃咸鮮，喝下鮮甜濃郁。白菜仔泡至軟腍，咬下吸附湯底，味道極佳。酒香腰蝦蒸蛋上桌帶有粉嫩粉嫩感，蝦左晶瑩剔透配上豔麗櫻花蝦，蒸蛋滑溜水潤，配上新鮮鮮蝦，蒸蛋再配上各式配料，增加豐富口感。

今日同身邊人屋企人去食飯，係尖沙咀想搵一間靚靚地既中菜餐廳，我第一時間就諗起彩福皇宴，皆因之前朋友係度搞婚禮，覺得呢度好grand,。風味臘味炒芥蘭係未來外母指定要食既，臘味炒得香口，加埋芥蘭清清地，好岩食得健康既老人家，味道又唔會太寡。麻香牛蒡金錢絲，見呢個前菜都係40幾蚊，咪嗌黎食下，點知佢又撈得幾入味，好有四川麻香味，辣又唔係話好辣，老人家都食到。燒味拼盤係油雞拼燒腩仔，雞好嫩！叫多份叉燒試下，又幾好味喎，原來得過獎架！鼓油皇蝦，都幾多隻，大大隻每人可以食到2-3隻！最後叫埋甜品，老人家喜歡金箔芝麻卷，話佢好香口芝麻味夠呢！呢餐最緊要老人家食到滿意，我就開心了！

尋日同個同事收工已經八點，喺尖東附近唔知食乜嘢，喺樓下見到呢間茶樓就醒起好耐冇試過喺茶樓食小菜晚飯，於是就上去上到去原來甘啱有人搞緊婚宴，但係佢哋都揀左幾間房俾我哋依啲街客入去，反而私隱度仲高環境更舒適佢哋菜式選擇其實不比大排檔少，佢今晚做緊椒鹽九肚魚小菜優惠，價錢唔貴分量合理，而且食落非常熱同脆口，真係同大排檔冇分別本身同朋友諗住兩個人share個乾燒伊面，想到枱先知原來個分量足夠四個人食，結果要打包返屋企味道非常一流，酒樓水準確係唔錯我夠膽講呢個腐乳唐生菜比起大排檔嘅更有鑊氣，同埋佢嘅份量都唔少，都只係$68呢個京蔥牛仔骨同樣份量都非常多，起碼有十份牛仔骨以上，而且都係非常新鮮熱辣辣結果我同朋友叫咗碗白飯送，一流！結果兩個大男人食到飽晒仲有嘢拎走都只係四百幾蚊，睇嚟下次朋友聚會都唔一定要去大排檔，反而黎呢一類型酒樓感覺仲舒適傾計仲舒服

上星期尖沙咀放工，約埋屋企人一齊食飯。同老人家食飯離不開中菜，老媽子話朋友同佢講尖沙咀彩福晚市好抵食，就聽佢話去食啦！入到去見到好光鮮，平時係婚宴場所既彩福裝飾都靚過一般酒家。孖寶A餐有燒味拼盤加鼓油皇炒蝦都係$188，真心抵喎！燒味好香，燒腩仔勁脆，正啊！鼓油皇炒蝦好入味，蝦殻都可以一齊食！$148有條清蒸沙巴龍躉班，足1斤2；自己出去買都幾十蚊啦，呢度有人蒸埋擺靚靚，真係唔叫過意唔去自己！懷舊金獎叉燒好惹味，半肥瘦勁香口！仲叫咗幾樣野食，埋單唔洗$800，好開心

今日和友人來尖沙咀, 順便飲茶。友人建議到彩福皇宴。見到Menu,有多款點心獲點心大奬,覺得好吸引。於是我們叫了兩款得奬點心。得奬點心:原隻鮑魚燒賣皇通常出面吃的都是蟹籽燒賣, 好少見有鮑魚燒賣。這裡的鮑魚燒皇有特色和有創意。燒賣的蝦肉彈牙, 原隻鮑魚更是爽口。另一款得奬點心海皇太子餃海皇太子餃亦美味, 得奬點心真是名不虛傳。叫了幾款點奬點心以外的點心, 亦絶不遜色。彩福蝦餃皇彩福蝦餃皇有四隻,每隻都好飽滿。滿滿的蝦肉, 好正~香茜牛肉腸粉牛肉腸粉又香又滑, 好食, 只是略嫌牛肉不夠多。原個椰皇燉燕窩這個一定要叫! 好好吃。燕窩在椰皇面,都不少。蛋白十分香滑,甜度適中。

放工後同D同事去咗尖沙咀行街同式晚飯，行完街就經過尖東見到有間彩福皇宴就上去試試，好耐未去過酒樓了。我地點咗幾樣推介餸菜。杞子濃湯花膠泡勝瓜，清清的很好味又養顔。彩椒菠蘿咕嚕肉，咕嚕肉肉質外脆肉軟多汁，汁醬酸甜醒胃，其選用豬肉中最鬆化的位置脢頭肉入饌，甜酸汁的味道加入山楂提味，可大大增加味覺享受。黑松露秋葵帶子炒蛋，黑松露秋葵帶子炒蛋，炒滑蛋好吃，加了黑松露醬的就更加美味，偶爾豪一豪。帶子配秋葵食落韌度，但味道一樣鮮甜，帶子厚肉爽口。海皇櫻花蝦炒飯，炒飯好夠乾身，大大粒既櫻花蝦並非急涷，超級新鮮爽甜，讚！原個椰皇燉燕窩好食到我想叫多一個外賣返屋企再食，可惜我太飽喇，下次一定要再嚟！！

今日和媽咪去尖沙咀逛街, Lunch就和媽咪去彩福皇宴先嘆個靚茶食點心。睇menu, 得知彩福皇宴連續5年榮獲點心大奬。未食已對這裡的點心有信心。要了得奬點心的原隻鮑魚燒賣和海皇太子餃原隻鮑魚燒賣$35鮑魚燒賣賣相靚,蝦肉彈牙鮮嫩,燒賣面頭是一隻原隻鮑魚仔,未食已經覺得矜貴, 食落爽口,正~海皇太子餃$30海皇太子餃皮薄餡靚, 美味!彩福蝦餃皇$35蝦餃大粒, 皮薄通透,裡面是满满的蝦肉,真材實料~香茜牛肉腸粉$30牛肉腸粉又香又爽滑。香芋西米焗布甸$16布甸細細碗,食落似奶黃,都幾香滑,中間有香芋,唔錯。埋單$266，每人承惠$133。

同家人食飯最開心就係食中菜，一人點一兩碟自己中意食既餸，圍埋一齊邊食邊傾計，嘻嘻哈哈又一晚，重點係可以慢慢坐，又舒服，熱熱鬧鬧咁~黑松露秋葵帶子炒滑蛋 $88黑松露帶子炒蛋比較常見，加埋秋葵落去還是第一次見，估唔到都幾夾，炒蛋非常滑，帶子鮮甜，黑松露夠香~客家風味炆豬肉 $118用上肥瘦相間既腩肉去炆，腍身入味，配上咸香惹味既汁醬，成碗白飯輕易就可以扒完~然後叫左份好抵食既三寶，$368有三樣野~叉燒拼海折呢度既叉燒係得獎叉燒，亦係招牌菜之一，每食都一樣咁好食，唔會令人失望，肉質夠腍，燒得香而不燶，每件都掛住甜甜既蜜汁醬油，好味~條魚size適中，4人食有叫埋其他野食都好夠分，勝在夠鮮嫩，唔會蒸過火~仲有個啫啫惹味蝦乾芥蘭煲爽脆既芥蘭拌以蝦乾，辣椒，無肉無海鮮，菜就係主角，看似簡單，但味道惹味得很~仲有好多甜品選擇~叉燒同燜豬肉都係必食~紫醉金迷 $20最後食埋甜品就大滿足~紫薯味香濃，唔太甜~

難得兩位大學同學都身為人母 一個帶住大女兒 一個迎接即將出生的兒子大家當然要快點聚一聚 又大又細咁 最好當然是飲茶一開google map 是但走入最近的彩福皇宴門口好靚 睇黎好多人會擺酒席樓底又夠高 當日都好似有公司午餐聚會 睇睇下 見到佢有張得獎點心套餐啵 4人餐都係298🤭咁抵既 大肚婆要食酸酸地 俾個陳皮開胃菜佢又真係好開胃🤤食燒腩仔真係要去酒樓 外脆內軟見到佢肥瘦分明已經好想食哂佢其餘各樣點心一人一隻 簡簡單單 鮑魚燒賣係真心成隻鮑魚架🤭🤭🤭下面仲有大大隻蝦 好抵食😆去酒樓好怕食呢d炸野 好似炸左好耐咁 但叫餐 即叫即做 黎到仲熱既 想食清淡點 選擇左個紅米粟米炒飯 大人細路都岩食 炒好乾身 大大碟 好滿足😀去酒樓真係好想食蝦餃 佢近排做緊特價8蚊一粒 一人一粒😀😀尖沙咀飲茶都只是140一個人 仲有個小朋友抵到呢 仲要台同台之間唔會好迫傾偈都係一流😃😃😃

今天同家人去飲茶，這裡嘅午市套餐都幾抵食，喜歡嘆一盅兩件嘅朋友或一家人想搵個地方飲茶都係一個唔錯嘅選擇，位置都方便，又唔難搵，而且這裡地方夠大，全層都係酒樓，有廳房，茶介費用一樣，傾談食飯完全沒有問題，今次就點了個午市套餐$298，因為家人都係好喜歡吃點心，而個餐亦包了這裡獲獎點心的其中四款外，還有啱吃嘅小碟，濃湯浸菜，粉麵飯嘅選擇，當然計落去就係抵吃啦！這裡亦可以利用手機落單點菜，亦可以用傳統嘅點心紙，照顧不同人事需要！原隻鮑魚味賣，大大粒嘅燒買上面有煙韌彈牙嘅原隻鮑魚，不單賣相已經贏了，燒買入口嘅感覺一樣ok，肉質爽彈，還有鮮蝦！芝心海皇千絲春卷，手工心機一望就知，外面卷了香脆嘅脆絲包住溶溶地嘅芝心同啲海鮮一齊入口，外脆內軟嘅感覺超正！真功夫蒸潮州粉果，呢個味道就好似以前食到嘅味道一樣，足料之餘，配埋個辣椒油入口就更加完美，金獎旋風流沙包，一分開個包就感覺到個包外面軟熟，見到裡面就係溶化嘅蛋黃流心，入口甘香滑溜，喜歡吃流沙包就一定要試了！而個餐嘅小碟有喜愛嘅脆皮燒腩仔，皮脆肉香，中間夾埋啲脂肪一齊入口，正！而份沙薑大雞腳，除了大份外，雞腳還十分入味，加埋個沙薑汁入口就更加配合！濃湯