彩福皇宴 (京瑞廣場1期)

營業中

休息中

今日放假，特登同爸媽去飲茶，見石門呢間酒樓都開左一段時間都未去過，今日就黎呢度會一會佢。去到酒樓原來呢間酒樓都唔算細，個大堂都幾大，又冇柱位，裝修都幾光猛時尚，座位夠濶落，唔會俾人覺得枱連枱既擠逼感。如果擺酒呢度都幾適合。因為我預先book了枱，所以唔使等位就可以直接入去，侍應安排了我們入房坐和預先問定我們要什麼茶，所以一坐低就好快有茶送上。房入面得幾張枱，環境清靜，同朋友黎飲茶傾偈就啱晒！我們坐下後第一時間就睇下有咩好野食，原來呢度有幾款點心係得過獎，咁當然唔好執輸叫幾款黎試下佢啦，額外再叫了其他點心和一碟炒野。三個人食應該夠吧！叉燒腸上枱，他們用一隻長碟來盛載，叉燒餡算幾多，腸粉都幾滑，唔錯！第一款得獎點心上枱，呢碟叫做芝心海皇千絲春卷，淨係睇個樣都已經殺晒！啲米粉絲炸得好鬆脆，包裏入面的芝士餡幾濃，入面仲有冬菇，加埋一些蝦粒，外脆內軟，非常香口鮮味，食完一粒都忍唔住要再食多一粒！我最喜愛的咸水角新鮮炸起，面頭好脆，入面熱騰騰，餡料十足，正！銀芽肉絲雙面黃，一上枱感覺好大碟，未食都覺得抵食！麵炸得好脆，加上肉絲同芽菜，令成碟麵都香氣撲鼻，我都不禁食左三碗！嘻嘻！！第二個得獎點心係旋

今日番學校搞少少野，完左之後就同朋友黎左呢間平時番學會食lunch既酒家食野晚飯，本來都怕貴點知原來佢地個龍蝦做緊優惠，仲要只係88蚊折。一坐低二話不說就叫左斤龍蝦，極力推薦要加佢個伊麵底，因為佢個芝士汁真係好好好好食，十個讚！有得揀我仲想問佢可唔可以加兩份！龍蝦都非常大舊，完全冇hea你！除左佢個龍蝦之外，我地仲叫左佢個原隻片皮鴨，值得一提既係佢係新鮮整出黎之後係我地面前切，夠晒誠意！唔洗多講，睇個樣咁吸引都知有幾好食！皮脆肉多汁最後埋單只係一人二百幾蚊，抵到爛，下次再番黎呢邊一定會再食！

一直以為呢一種老牌酒樓裝修會好老土，點知入到去，嘩！好靚喎，紫色銀色做主題，喺呢度擺婚禮都非常之好，夠哂堂皇冠冕。以為裝修到咁靚價錢一定會加返唔少啦，打開餐牌，又唔係喎，都係一般街坊酒樓價錢，四人餐都係 五百幾，仲有好多款特價食品，我哋就叫咗唔使$200嘅波士頓龍蝦兩隻再加伊面底。 另外再加南非鮑魚兩隻，一行四大兩細食到捧住個肚走，又蒸海魚、又雞、又抄雙蚌、燉湯，仲要打包走，都係$1000買單，真係好抵食。

海皇醬花生苗玉瓜炒牛柳絲$92牛柳份量好充足，食得出牛肉係新鮮嘅，而且有鑊氣，係一款好好嘅添飯餸。醬爆花姿珊瑚蚌$102珊瑚蚌同花姿都好爽口，新鮮，醬料夠惹味。海皇櫻花蝦炒飯$113炒飯鑊氣好足，亦都炒得夠乾身，粒粒分明。櫻花蝦好香口，如果份量可以再加多d就更好。原個椰皇燉燕窩$45呢個甜品係成個晚餐之中我覺得最鍾意嘅，一來佢價錢好合理，足料又好味，而且又唔會過甜，好啱我胃口。整體嚟講呢餐我覺得價錢合理，食物無論喺味道，份量方面都好滿意。

母親節就來，想同屋企人去附近酒樓食餐好嘅～所以就來福彩食晚飯，平日晚飯有好多特價野食，所以叫得太多食唔哂🤣龍躉兩味龍躉球炒西蘭花啲魚塊炒得岩岩好，肉質仲係滑溜有鮮味，而蒸龍躉頭腩亦都唔會太熟，加埋好好味嘅豉油，送飯都冇得輸～南乳燒雞南乳燒雞本身都好夠味，如果鐘意再重啲南乳味佢都有額外俾醬。啲雞皮脆肉嫩，雞唔算大隻，好快都清哂。芝士焗波士頓龍蝦龍蝦做特價好抵食，基本上台台都食，而且仲好新鮮，加上伊麵底，一滴芝士汁都唔會晒。海皇炒飯最後一定要來個充滿鑊氣嘅炒飯啦，食到好滿足的一餐👅👅👅

女同事ES,男同事FCP, RL約埋今日 (22-5-2019 Wed) 食晏,但FCP臨時有事食唔到,就得我哋3個食,我哋叫咗:1. 蝦腸(特點)一碟6件,每年都有一隻大蝦仁,蝦仁爽口,腸粉食到米香味. 味道: 5分2. 唔記得咩上素卷原來係炸,薄腐皮係炸嘅,外脆內軟,味道清淡.味道: 3分3.  潮州粉粿呢個一般冇驚喜.味道: 2.8分4. 唔記得咩脆米炒飯都幾大碟,食到有蝦醬味,都唔錯.味道: 4分5. 流沙奶黃包流沙真係好流又熱,味道唔太甜.味道: 4分6. XO醬石鍋煎腸粉熱騰騰,唔太辣,不過腸粉似乎腍咗啲.味道: 3分抵食係2.5分上次食評: https://www.openrice.com/zh/hongkong/review/%E5%8A%A0%E5%92%97%E5%83%B9-e3363076

假日去了沙田踩單車，其實數數手指，大大話話超過10年無去踩單車，途經石門區，覺得它的變化很大。以前是工廠區和未開發區，現在已興建了很多屋苑、商廈、商場、學校。既然來到，大家便在這裡吃個晏，順便休息一下。這間彩福酒家真的很大 (極可能是因為它座落於這個新開發地方，新的是地方)，裝修很裝潢華麗。我們點了些點心和一個套餐。套餐$168，有菜、有燒腩仔和班腩炒河，這個套餐算抵食。其他點心是水餃、鯪魚球、牛肚、黑糖馬拉糕、上湯鮮竹卷，還有一個較得色的沙薑炒淮山。說老實，食品質素只是一般般，但是，環境算不錯。

係石門火車站附近有好多野食，我跟家人就再選擇了彩福皇宴，7點左右都不算太多人先來了燒雞，比起之前食的，肉質更嫩更滑！而且味道剛剛好，不會太咸再來就是蒸魚，個人不是太喜歡魚類，小試了一口，比起街外吃到的都更滑嫩，十分推薦然後是芝士龍蝦伊麵，龍蝦的份量非常多！芝士十分香濃，一個必點的菜式！廚王炒飯，就像小炒王似的炒飯，有十分多材料，而且非常有鑊氣，比起瑤柱蛋白炒飯更好食！最後是西蘭花班球，鑊氣都非常足夠，魚的肉質都很鮮總括來說，彩福是一個食中式晚餐的好地方！

去探望朋友剛出世嘅BB去到石門， 1家5口最好都係食中餐啦。朋友介紹去屋企附近嘅彩福佢話好好食，所以就去咗了。嘩！一入到去見到富麗堂皇，直頭成個婚宴場合咁樣。周圍都bling bling 好靚呀！ 我哋一行五人有大有細叫咗個晚市四人餐，跟住見到波士頓龍蝦做特價所以又帶咗兩隻。 先講個波士頓龍蝦，兩隻波士頓龍蝦加伊面底只係二百幾蚊，真係超抵食自己去街市買來煮都未必得。而且肉厚爽嫩，好新鮮好好食。四人餐都唔使$600 ，超級抵食，每一碟都大大碟，食到我哋飽到上心口。 真心推介燒雞同埋炒雙蚌，燒雞皮脆肉嫩，炒相蚌，非常爽脆。

中午突然起了興致，4個人去嘆中午茶哈，見石門有彩福，試過紅磡那間幾次都很滿意，便提議到這間試試看。中午時間都幾乎爆滿，幸好預約了台子。這間點心種類多，而且不少都頗具特色，也有大眾熱門愛吃的，算是照顧了不同類型的客人。下邊這個脆絲炸春卷就外邊炸得蘿蔔絲很香脆，裡頭海鮮餡料又熱又軟，有口感有層次很不錯。旋風流心包，裡頭的奶黃真的是流心，熱騰騰上籠一定要趁早吃，外邊包皮軟彈，裡頭流心香濃，很好味。香脆豆腐粒自然是外脆內軟，皮不厚火喉控制得不錯。豆味都濃郁，很香口。另外點了蕃茄蠔仔粥，一般來說，浸什麼蠔仔粥會加蕃茄，加了後又酸又甜挺開胃，比想像中清新好吃。因時間關係打包燕窩燉蛋白，蛋白燉得很香滑又香濃的椰奶蛋白味，上邊有燕窩增加口感，很不錯的一餐茶哈。

話說老豆生日 佢就係石門放工既所以我同媽咪一早book左呢間彩福皇延黎食唔洗老豆走咁遠一入到去見到環境都唔錯 樓底好高 坐得都幾舒服野食方面我地就交比老豆發板啦\佢就叫左個做緊promotion既芝士龍蝦e面同埋片皮鴨個芝士龍蝦e面食落好重芝士味 龍蝦都好足料 芝士濃度岩岩好而片皮鴨係個師傅即場片出黎比我地食 所以好夠熱同埋口感都好好總括黎講, 呢間酒樓食物算係幾高質下 又坐得舒服 有樽會都會下次再戰

返工等食lunch，無可否認係好多打工仔現實嘅寫照，當然係包括我自己！今日好辛苦捱完個上晝，決定同同事仔一齊去飲個茶食個包！今次就揀咗石門附近嘅彩福皇宴！好好彩😝去到都唔駛等好耐就有位！彩福皇宴面積都幾大，容納到好多張枱，裝修設計都比一般酒樓高貴，環境唔錯，坐得幾舒服！一坐低就急不及待嗌嘢食。等左一陣，嘢食就陸續送到！先係石碢珍菌百福豆腐！石鍋一上枱熱辣辣，豆腐同菇菌都非常惹味，估唔到呢間酒樓嘢食都幾打咭able!之後就係佢哋嘅得獎點心：原隻鮑魚燒賣皇！大大粒燒賣除咗有鮮蝦外，仲有一整隻鮑魚，即刻將成籠點心upgrade，鮮味逼人！喺酒樓食點心嗌一碟菜係我嘅習慣，清清地，幾好！唐山菜都幾新鮮，配住薑絲一齊食，一絕！之後就係海皇太子餃。呢款餃食落外皮有黏黏煙韌感覺，唔會太重口味。外形趣緻，cute!最後就係佢哋嘅金獎叉燒！叉燒係半肥瘦，外皮微燶香脆，肉質淋軟，令人食完一舊又想再食一舊！正呀！叫咗咁多嘢食，最後兩個人埋單除翻開都係百幾蚊，CP值都算係咁上下！絕對有encore嘅機會呀！

去完外地一個月，返嚟即刻好想飲茶食點心，所以星期日下午約屋企人第一次嚟到呢度飲茶，1.3左右嚟到都好多人等位，不過發現好多人拎咗飛走。所以我哋最後等20分鐘左右就有枱。酒樓環境好舒服，因為樓底夠高而且裝修新，坐得舒服。食物方面，一般點心酒樓強調係即叫即做，應該係喺酒樓當場整嘅點心，唔係工廠點心。的確佢嘅點心係真係好食好多。今次食物中嘅精點係肉絲炒麵以及佢推介嘅流沙奶皇包，肉絲炒麵好趣好好味，而且個汁嘅濃度做得剛好，不會好黏口，讚

自從石門越來越多人住後，店舖頭越開越多，食肆 林立！我也多了到這邊食飯因為很久沒有到酒樓吃飯，今天放工後心血來潮，就去了彩福皇宴這家酒樓！它位於京瑞廣場1期3樓，地理位置方便，乘搭電梯上二層便到達到達後第一感覺這家酒樓很美，樓底很高，看見兩旁也有不同的婚宴背景 ，左邊是城堡，右邊是雙色布的背景，兩邊各有特色很美麗！前台服務員也很禮貌地帶位， 當時時間尚早所以仲可以自行選擇坐在哪裡，之後不夠十多分鐘便滿座了，晚市很受歡迎一見到餐單好多選擇好豐富眼花繚亂最後選擇了精選小菜中的荷塘蔥菜南瓜蒸斑球斑球很大很多肉，細心的去骨底配南瓜擺盤很不錯，魚肉新鮮新鮮，配上清淡的汁，味道很配合脆皮旺金南乳雞半隻， 是我最喜歡吃的脆皮雞皮脆肉嫩一點也不肥膩，特別是可以配上南乳汁兩種口味，甜甜的很配合而福建炒飯分別有雞肉、菜、冬菇、瑤柱絲，超豐富到蓋住所有飯很大碟，而炒飯配上配料汁的濕度剛剛好龍鳳金粟米泡時蔬，沒想過還有龍躉，菜煮的軟硬度剛剛好，很爽脆最後吃了這個甜品原個椰皇燉燕窩簡直不得了😋椰皇味很香，又有燕窩食很滿足今天晚餐大概吃了兩個小時，坐得很舒服，枱與枱之間距離足夠，環境又不會太嘈吵，方便聊聊天，舒舒

今晚同家人去石門領取智身份證,於是就去左商場呢間彩福食晚飯, 當晚龍蝦88蚊斤, 我地3個人叫左個龍蝦及加$30配准山麵、水密桃咕嚕蝦雞球和椒鹽豆腐拼吊片。龍蝦配准山麵 -果然好味, 佢唔會好似伊麵咁落好多茨汁, 唔會有好油既感覺, 龍蝦亦都好大隻,而且幫你開邊, 絕對唔痴肉, 用刀叉一拮一撕,成舊肉出哂黎,食落非常方便, 龍蝦味濃郁,爽口彈牙,呢碟龍蝦准山麵都係130蚊, 絕對抵食及誠意推薦。水蜜桃咕嚕雞蝦球 - 食落開胃,大大碟,炸漿份量適中,肉質嫰滑,外層炸至金黃香脆,配酸甜醬汁,醬汁又唔會太杰身, 口感一流。椒鹽豆腐拼吊片- 份量就細左少少，不過椒鹽豆腐内脆外軟熱辣辣, 吊片炸得好香脆又唔会太乾, 配上椒鹽很夠味, 又唔太鹹。另外酒樓環境寛敞, 擺婚宴喜慶活動都唔錯, 台上又有兩部超級大電視, 就算坐後d都睇到,確實 一流~~