彩福皇宴 (京瑞廣場1期)

營業中

休息中

係石門京瑞廣場嘅彩福皇宴空間極闊落，仲有好多間適合家庭聚會嘅小房間，可以俾到一家人小小嘅私人空間，無論慶生定節日慶祝都好適合。食物方面，酒樓亦毫不吝嗇，每一味餸菜都放滿食物，定要客人滿肚而歸。芝士焗波士頓龍蝦（淮山麵底）熱辣辣新鮮上碟，芝士分量十足，加上大大隻龍蝦仲有蝦鋏，食得落口嘅肉好多。淮山麵撈埋濃濃嘅芝士汁，好容易就會撈汁食哂。蒜蓉粉絲蒸扇貝大大隻扇貝配合粉絲同蒜蓉，加上調配過嘅豉油味道滿分。扇貝不會太熟，肉質岩岩好唔會太實太鞋。沙巴龍躉兩味我自己比較鐘意西蘭花炒魚塊，西蘭花分量好多，叫呢個可以唔洗叫菜。魚塊煎香外表金黃，入口魚味香味俱全，好好味道～蒜頭木耳蒸頭腩魚肉蒸得剛剛好，唔會過熟，魚肉滑溜，但記住要趁熱食～椰皇燕窩燉奶本身椰皇燉奶都已經好吸引，加上養顏嘅燕窩，就更加想試～以呢一樣充滿椰香嘅甜品作結，十分滿足～

身為一個沙田友，知道石門開了很多新餐廳，當然要快來視察環境😎和媽媽來到她說想飲茶，就揀了這間彩福皇宴，還是有名的酒樓有保障👍🏻一進來，發現環境超大喔！還有是超新，環境幾靚，看來是可以擺婚宴的這個淺綠色和白色配合的拉布背景十分清雅，簡單得來配合天花的大型水晶燈，很高雅另一端是有一個大型城堡，城堡背後有深藍色的燈，幾浪漫🌹看到有些點心是得獎的，馬上想試試點了這個鮑魚燒賣皇，很富貴，哈哈，真是原隻鮑魚，口質爽，鮑魚上有鮑汁，很juicy又點了這個龍皇野菌腸，原來裏面是炸春捲！料是魚肉和野菌，外面再包一層腸粉外皮，十分特別，外軟內脆。海皇太子蛟，賣相很可愛，蝦肉得爽口彈牙😋整體是好味的樓樓，這樣的質素，價錢不算貴😋勝價比ok

慶祝母親節在此吃兩圍，上菜飛快，催住人食。食完之後，由於本人粗心大意，遺漏咗一包片粟粉係酒樓，十分鐘返回去詢問，就被告知無人見到包粟粉，其實都唔係咩貴嘢，唔通報警咩。算喇，都唔想再去。

今日放工後，黎到石門彩福食晚飯。。。今日好好彩，無人擺婚宴，所以安排到位😂😂D枱擺得都唔算迫，人流俾之前係尖沙咀食既人多。。。可能附近算係住宅區，所以人多少少。 今次叫左叉燒，肥瘦適中，仲暖暖地，唔錯。。。另外叫左香菇伊面，份量幾多，食起來唔會覺得太油膩。。。。之後加左個菜脯帶子炒蛋，開頭叫時，仲擔心唔好食，因為配擔怪怪的。。。。但食起黎，無俾菜脯搶味，口感多d 層次，幾特別。最後見無嘜菜食咁，就加左個通菜炒牛肉，份量幾多，牛多菜少。。。。😂😂其實係抵食既，不過想食菜既，建議叫剩菜😂整體黎講，菜式選擇多及價錢味道合理。

有朋自遠方來，緊係搵間香港特色風味既餐廳俾佢地體驗一下香港文化，今次就試下石門呢間酒樓！成個場地都好體面，仲要冇柱位，擺酒就真係岩哂裝潢都唔錯食物方面，燒腩仔個皮好脆，啲肉唔會好肥，岩哂怕肥又為食嘅我口味！呢度有好多獲得至高榮譽金獎既點心，我就隨便揀左兩款，港式街頭蝦米豬腸粉氣勢磅礴，將甜醬、花生醬吱係腸粉上賣相唔錯，而醬汁既份量非常平均，腸粉仲好滑同煎得好香口旋風黃金流沙包果然有料到，咬開之後奶黃一湧而至，奶黃蛋黃味香濃，包係熱辣辣架呢個伊麵真係冇得輸，湯底有鮮甜既海鮮味，仲要加埋帶子蟹肉，係我食過最好食既湯伊麵

本身諗住今日去踩單車，踩完之後就去BBQ，點知睇落天色唔多對路，於是乎就決定去飲個茶先，睇定D 再睇下點。可能好多人都怕母親節當日先飲茶會好多人，所以提早左今個星期，我地上到黎都等左成30分鐘先有得坐不過好在呢度有免費WIFI ，可以邊睇劇邊等，冇咁悶呢度嘅無柱式設計幾岩擺婚宴仲有唔同嘅BACKDROP TIM出面仲有靚靚穴空中花園可以證婚港式街頭蝦米豬腸粉幾滑旋風黃金流沙包入面真好流架濃湯鮮蝦水餃皇粒粒水餃都有大大隻鮮蝦喺入面燒腩仔拼素鵝素鵝意外地勁好食

朋友話今日要放半天假去飲個茶， 順便去做埋智能身份證， 所以他約我們到沙田石門彩福皇宴飲茶， 因為彩福樓下就有智能身份證換領處， 可以慢慢嘆個靚茶先。飲茶食點心我都好喜歡彩福皇宴，鍾意它選擇多又能保持水準， 價錢合理性價比高。這個得獎點心龍皇脆皮腸，做得真係唔錯，內脆外皮腸粉皮滑。枸杞菜鯪魚球粥，每次我都會叫這個生滾粥，枸杞菜滑配埋鯪魚球正。健康紅米瑤柱炒飯， 炒得很乾身粟米粒同翠玉瓜粒爽脆清甜，夠新鮮 又健康， 68蚊大大碟好抵食。燒肉拼素鵝，燒肉肥瘦適中外皮鬆脆。黑松露帶子鳳眼餃， 內餡新鮮又足料。這個家鄉甜餅卷可以再多一些花生碎就更加好味。

朋友放飯時間有成幾個鐘，唸住去飲茶，慢慢傾計。這酒樓裝修幾華麗，而且空間好大，坐得好舒服。也正正因為空間大，唔會覺得特別嘈，傾計完全無問題。這裡點心款式很多。我每次飲茶必點的有蒸排骨、燒賣，和蝦餃。蒸排骨的份量很足，排骨每件也很多肉，肉亦好滑而且入味，好食！燒賣同蝦餃同樣很足料，而且熱辣辣。時菜鯪魚球和棉花雞都唔錯。棉花雞的棉花是吸盡雞汁的魚肚，雖然很滋味，但吃下去也有點油膩。鮮蝦菜苗餃裏面有大大隻蝦，這個有驚喜！最後這個真味椒鹽龍鬚炸得很香口，令人食不停口。總括來說是令人滿意的一餐，也可以完全沒有壓力地坐下慢慢吃。

今晚同家人一行五人黎呢度食晚飯,黎到就發現龍蝦優惠再度歸來!其實之前都黎過呢度食晚飯,覺得餸菜味道很不錯, 而且價錢唔貴, 算幾抵食. 之後想再黎食晚飯, 但都撲個空,不是滿座, 就是擺酒席, 所以想來的話, 最好預先打電話來訂座.非常抵食!我叫左2隻. 龍蝦肉爽味鮮, 大家都食得好滋味. 伊麵我叫左2份, 太多了, 是6人以上才能夠吃得完的份量.再叫一個套餐, 其中包括呢碟蒸魚, 好大條, 味道及口感尚可.叉燒出乎意料之外好吃, 肥瘦相間, 係梅頭中較爽的部位黎.菜就簡簡單單, 今晚大魚大肉, 要吃幾條菜平衡一下.好多小菜都想食.

今午一家人開開心心去飲茶，卻換來一肚氣。自知係酒樓食點心一般是等等等才有得食，今次等最後一碟~豉汁排骨，等了很久，追了一次都未來，便叫侍應姐姐取消及埋單，只是一件普通不过的事結果換來一肚氣，佢竟說边有咁快，入單至今只係半个鐘，要蒸熟先得嫁，態度超串，而經理則爱理不理，擾攘左一陣，一見到有人由廚房取了點心來即撇，由始至终說一句話。果然，經理擺的是高高在上的姿態，難怪侍應講野也串硬你。我地但求互相尊重及基本礼貌，卻换來一肚氣，氣得令自己也失儀，太不值得，決定以後也不会去這酒樓。

好耐冇去嘆過一盅兩件，一於約朋友去石門嗰度飲吓茶傾吓計。我地决定去彩福皇宴飲茶，事關我先前去過食晚飯，覺得此店又寬敞又舒適，ㄧ邊飲茶ㄧ邊詳談真係唔錯!👍等我睇下D㸃心紙先……種類好多喎! 另外原來佢地有好幾款得獎點心，看來好吸引，等我叫幾款試下先。海皇太子餃點心師傅用巧手，將飽滿的魚蓉帶子蓉餡料，包製成可愛金魚形狀， 魚眼還用青豆來做，又好睇又鮮味。旋風流沙奶皇包流沙奶皇包ㄧ直是我最愛。 搣開有旋風紋理的包皮，見到洶湧而出嘅香甜奶皇和咸香蛋黃餡流曬出嚟，真係好療癒。味道甜甜咸咸，真係好食到有暈嘅感覺😁原隻鮑魚燒買鮮蝦豬肉燒賣上放有細細粒的原隻鮑魚, 鮑魚鮮味，有咬口，好味!!龍皇野菌腸用軟軟的腸粉皮包住脆脆的春卷，餡料以雜菌和魚肉配搭而成， 食落有濃濃的野菌香，配合鮮魚柳在內，原來都好夾。瑤柱灌湯餃灌湯餃內有豬肉、帶子、魚翅，皮薄餡靚，浸在蟲草花冬菇瑤柱湯內，吸收曬上湯的鮮甜，真係好食到要俾個贊佢。脆素鵝併燒腩仔素鵝外皮沾滿一層薄薄脆漿，炸得好鬆脆。 燒腩仔肥瘦適中，外皮燒得脆卜卜。原個椰皇燉燕窩打開椰皇蓋，見到厚厚的燕窩舖在燉奶上，好落本。 味道方面，注入椰皇水燉的鮮奶，香甜嫩滑，不

之前約咗喺石門嘅影樓幫個女影學生相，今日星期六，影相之前就睇吓石門附近有冇茶飲囉！原來影樓果座大廈入邊有間好靚嘅彩福酒樓，近近地不如試吓彩福啦，橫掂都好耐冇去！我哋坐低左，點左大概10碟點心，咁當然要點別例牌點心，鳳爪，燒賣呀，豆沙包等等！彩福嘅流沙包真係一流，流沙又多又夠熱，女女即刻食咗個！然後，想介紹下個香煎白飯魚，阿女當薯條咁一條一條食，又香又有益！其實其他點心都好新鮮同用料十足！最後，阿女要求要加一個甜品，我哋叫左個芒果慕絲，食完又話要食！一次過梗係唔可以食咁多啦，想食唯有下次再嚟過囉！

前日(9-4-2019 Tue)同vendor一行11人嚟食晏,我哋叫咗個$58.00嘅八位免茶芥午市套餐A,同其他嘢:1. 套餐中嘅招牌蜜汁叉燒+手拍青瓜海蜇蜜汁叉燒顏色靚,肥瘦均勻,鬆軟甜度又啱啱好,好味.手拍青瓜海蜇,我只食海蜇,冇驚喜;同事話手拍青瓜有腥味.2. 套餐中嘅脆皮燒腩仔+秘汁爽杯耳脆皮燒腩仔,口感正常冇問題.秘汁爽杯耳,其實都係wasabi加豉油,杯耳爽口.3. 套餐中嘅銀芽肉絲炒麵味道較淡,感覺健康.4. 套餐中嘅瑤柱野菌浸菜苗係白菜,味道同樣清淡.5. 糖醋懷舊咕噜肉調味依然唔錯,脆口,好味.6. 套餐中嘅家鄉鹹水角一碟四個,正常冇問題.7. 套餐中嘅香煎蘿蔔糕一碟四件,似乎冇乜點煎,味道淡.8. $24.00嘅北菇棉花雞魚肚口感啱啱好,唔會太鹹,雞肉又嫩滑.9. 彩褔蝦餃皇兩籠(特點)大大隻,蝦仁又爽口.10. 竹笙高湯鮮竹卷(大點)呢個味道都淡,唔覺有竹笙.11. $45.00嘅淮香椒鹽白飯魚脆漿薄,唔算好鯹.12. $45.00嘅麻香牛蒡金錢絲可能我夾面嗰啲,掂唔到汁,所以唔辣.我冇食到嘅:13.-23.套餐中嘅香煎花姿餅,醬皇金錢肚,鮮蝦炸春卷同蟹籽燒賣

石門成為咗沙田嘅新聚腳點，有很多食肆林立，今日就來到位於石門站旁邊的京瑞廣場廣場食中菜🥢一出升降機就見到華麗既大堂，之後知客就帶咗我哋入座。估唔到平日既夜晚都咁旺場，個場有部分位置間了房。現場樓底夠高，有好多好靚既吊燈，仲要無乜柱位，真係夠晒氣派。個舞台backdrop都幾靚，兩旁仲有個LED大電視，真係同市區既彩福如出一轍。睇吓餐牌有咩食先《懷舊金獎叉燒》$118呢個叉燒真係無得輸，果然係彩福嘅經典名菜。望落個叉燒色澤均勻，食落蜜汁好香，外脆內嫩，义燒做得好食都好考工夫👍🏻肥瘦適中，送飯一流《雲耳勝瓜炒牛肉》$78清清哋食返個蔬菜，夠晒健康！《三蔥黑蒜牛柳粒》$98牛柳粒份量好多，又夠稔，用京蔥/洋蔥/大蔥炒好惹味，仲有黃椒，紅椒同黑蒜。雖然已經好飽，但甜品係第二個胃嘛，叫一個《原個椰皇燉燕窩$45》都唔係好過分者😋

今日去舅父嘅新屋，所以嚟到石門， 大約七點左右， 我哋去附近睇下有咩食， 見到京瑞廣場有一間彩福， 因上次喺其他彩福食個片皮鴨， 覺得幾正， 今次同舅父試下。酒樓裝修得幾豪華， 好適合婚宴和宴會， 見到出面仲有個平台， 平台既佈置適合舉行婚禮。基本推介嘅小菜都係以一啲健康食物為主，例如秋葵，黑蒜等。櫻花蝦xo醬花生苗露筍炒蝦鬆早一兩個星期前睇電視介紹花生苗， 見到呢度有得食， 所以叫嚟試下， 因為xo醬嘅關係 ，呢個菜有少少辣， 但只係微辣， 花生苗食落鮮甜爽口， 幾特別， 蝦鬆幾彈牙， 有用少少麻油調味， 味道唔錯。酥炸桶蠔桶蠔本身都幾肥， 個炸漿炸得好香脆， 食落去啖啖肉， 又唔會炸到蠔身過熟， 保存到蠔嘅鮮味。福建炒飯飯底炒得有鑊氣， 蝦肉係用大蝦切粒嚟炒， 幾彈牙， 其他材料有雞肉 ，冬菇 ，瑤柱絲， 菜粒， 紅蘿蔔等， 個芡汁唔會太傑或者太水， 食完個飯唔會水汪汪。片皮鴨一食同上次食果間分店既質素差不多，隻鴨都差唔多大隻，店員都在餐抬旁切片，大約有二十多片鴨肉，鴨皮燒得幾香，和甜醬，青瓜，香葱，麵皮夾住一起食，好滿足。