彩福皇宴 (京瑞廣場1期)

營業中

休息中

朋友最近搬咗入石門度住，今日難得抽時間去探下佢，順便喺石門度食飯原來石門都幾多餐廳可以揀，不過因為想坐得舒服，可以一路食一路傾下偈，所以就揀咗嚟呢度食晚飯呢度環境比想像中大同舒服，枱同枱之間唔會坐到好逼，傾計都唔怕畀隔離枱聽到小菜嘅選擇都幾多仲有好多優惠推廣，就咁睇都覺得幾抵食我哋揀咗片皮鴨，見到職員職場拎隻鴨出嚟切畀我哋食鴨皮香脆，啲肉都夠juicy唔太乾身片皮鴨一定要包埋蔥同青瓜先好食呢度嘅皮係薄薄地一小塊，唔同出面大大塊嘅食法三蔥黑蒜牛柳粒呢個牛柳粒炒得一啲都唔韌，加埋有京蔥嘅香味 非常好食美國桶蠔有薑蔥同酥炸可以揀，朋友揀咗酥炸蠔外皮炸得香脆，但係入面仲食到蠔嘅鮮味櫻花蝦xo醬花生苗蘆筍炒蝦鬆一個餸可以有咁多菜喺入面，已經係抵食最特別係呢個花生苗，我其實都係睇電視先知有呢種菜，難得呢度有得試佢個樣好似芽菜，但係就再粗身啲，小小爽脆幾特別福建炒飯朋友話呢個餸係同一般茶餐廳唔同雖然我唔太識分，但係齋睇都覺得個飯好足料乾身嘅炒飯底再加上芡汁去食，又係另一種口味值得一讚係啲侍應嘅服務非常周到，間唔中會嚟睇下我哋有冇其他需要

約了人在沙田石門交收網上二手貨品，順道約了朋友齊齊食晚飯。今次去咗彩福皇宴食晚飯小菜，酒樓地方好大，個大廳完全冇柱位，可擺三四十圍囍酒。加上裝修勁靚，應該專做婚宴酒席。除咗一般優惠套餐，仲有好多三寶孖寶套餐，我地見幾抵都叫了個三寶套餐，包括有一條班、一份炸生蠔及半隻吊燒雞。呢間食物質素相當唔錯，蒸魚的火喉剛剛好，又滑又嫩！吊燒雞皮脆，肉不會太咸！生蠔炸得鬆脆，食落冇渣！另外再叫了其他小菜都好ok!下次可再來Encore!

20/3/2019 @石門 彩福皇宴婚宴專門店今晚同媽媽兩個打算晚飯後到城門河散散步，於是我們選了到石門吃個晚飯。跟我媽吃飯多數都是選中餐，就這樣隨機走進了彩福。想不到平日夜晚也坐無虛席，我們剛好是最後一張枱，環境開揚光猛，唔會坐得迫，有兩個大電視可以睇愛回家🤣 待應見有客人都會熱情招呼，好好禮貌餐牌選擇好多，海鮮類…小菜類，點心都有。最後我們點了三個小菜，一份生煎包……燒汁松子繡球珍菌炒花姿柳 $88賣相很美，顏色很多， 食得出是剛剛炒起， 個人第一次食繡球菌，有點像雪耳，但比雪耳硬身和爽口，幾好食！ 花姿片十分爽口，還有蜜糖豆和松子一起吃有不同的口感。 雖然看上去好像碟頭不大，但食落其實十分大碟。說到份量大,不得不提這個雜菜煲，帶子海鮮雜菜煲 $102, 這個煲大得驚人，就像平時吃的煲兩倍。有菜芯，西蘭花，白菜，小棠菜， 海鮮有帶子，蝦仁和珊瑚蚌，還有一些雜菌和粉絲！……真的真的大得嚇了一跳！湯汁清甜而不會太濃強推的是這個水蜜桃咕嚕雞蝦球$98, 個人覺得超好食！咕嚕肉，咕嚕雞球就食得多，個人第一次食咕嚕蝦球，蝦非常新鮮，十分爽口彈牙！而且大大隻，碟頭很大！咕嚕雞切成雞片才炸，方便

石門站附近有三間都幾大嘅茶樓，家人健議比較好嘅就係去彩福食。所以今日星期日一行12人到彩福飲茶，叫咗唔同嘅點心，最鍾意嘅係以下呢幾樣：有鮑魚仔在上邊嘅燒賣係賣點之一，燒賣內有魚滑，蝦，豬肉等等，每一個部份都好味，肥瘦適中最細心嘅地方係上面加咗甜醬、麻將和辣醬，蔥花都好新鮮咁灑在腸粉嘅上邊，絕對加分。此做法金錢肚凍食好好味，麻辣入晒餸菜味芝麻卷好香濃，上邊有點綴金箔加分。依度嘅點心非常ok,下次再試下菜單上嘅特別點心先。

今晚入沙田石門快遞公司寄件比加拿大好友，順便約埋沙田友一起食埋晚餐。石門呢個地方，平時真係好少入嚟！今次揀咗彩福皇宴，貝佢裝修佈置都好優雅，地方好闊落，可以靜靜地傾吓計。一來便叫了啤酒，呢到有我地鍾意的黑啤。叫咗個優惠三寶，有一條老虎斑、一份酥炸生蠔及半隻脆皮燒雞。好鬼抵食！再叫咗一個帶子海鮮雜菜煲，份量好大，成煲好多粉絲及什菜，都算好多海鮮料，啲湯汁都好鮮味！仲有叫咗椒鹽鮮魷、黑蒜牛柳粒第一次食黑蒜，味道幾特別，重口味得來好濕潤，朋友話好健康，所以大家爭住食，其實配年牛柳係好夾味！四個人，每人二百幾，都算合理。

馬鐵石門站C出口，就見到京瑞廣場，上到三樓，望到大大個門牌寫住彩福皇宴就到食野前順便問下個部長有咩推介。佢拎左張「食家首選」出黎，話今日嘅新鮮餸都係晒度。叫左兩隻「蒜蓉粉絲蒸大元貝」，一窩「皇阿馬鮑魚滑雞煲」。再叫個「原個椰皇燉燕窩」，就係今晚嘅餐單。轉眼間兩隻「蒜蓉粉絲蒸大元貝」已經送到枱面。望落都唔錯，元貝真係幾大隻。唔太咸，有咬口。唔只滿足到我部相機，亦滿足到一啖咬落去果種滿足感，正！「皇阿馬鮑魚滑雞煲」隨即就送到。入面有六隻鮑魚仔，配上香濃嘅啫啫雞，原來食落都幾夾。唔錯！啲雞好滑，味道十足！叫碗白飯係正確嘅選擇！最後，就係「原個椰皇燉燕窩」。好耐無食過性價比咁高嘅甜品。45蚊，食到色、香、 味俱全嘅燉燕窩，真係好抵！每一啖都係滑過豆腐花嘅燉燕窩，成為整個晚餐嘅點綴，劃上完美句號！後記：有個姐姐一直企係附近幫我收野、加水，服務態度一流

同事約大前日(18-2-2019 Mon)同另一條team同事食慰勞飯,一行13人,book定呢喥,我哋叫咗免茶芥午市自選超值套餐(A)$580.00嘅八位餐同:1.套餐中嘅家鄉鹹水角顏色炸得靚,外脆,不過餡唔算好惹味.味道: 3分2. 麻香牛蒡金錢絲我試少少,原來係冷盤,唔算好辣,不過都係唔啱我.味道: 3分3. 石窩XO醬煎腸粉呢個幾辣,食一舊唔食.味道: 3分4,5. 套餐中嘅手拍青瓜海蜇+招牌蜜汁叉燒手拍青瓜海蜇,兩樣嘢都爽,算幾辣但幸好有甜味.招牌蜜汁叉燒,全瘦叉燒,但口感鬆軟,蜜汁味道又夠,就算冇燶邊都好好食.味道: 5分6. 套餐中嘅香煎花姿餅OK正常冇問題.味道: 3分7. 套餐中嘅糖醋懷舊咕嚕肉外脆,酸甜味啱啱好,好食.味道: 5分8. 酥炸白飯魚雖然冇椒鹽味,但幾好食,炸粉唔厚.味道: 4分9. 套餐中嘅鮮蝦炸春卷顏色同樣炸得好靚,脆口,內裡蝦仁爽口.味道: 3.5分10. wasabi貓耳朵貓耳朵爽口,wasabi同豉油調到啱啱好,有wasabi味但唔辣,超好食.味道: 5分11. 蝦餃皇大大粒,正常冇問題.味道: 3分12. 原個椰皇燉燕窩8個女同事MW一坐低就

在石門聚多酒樓之中，論食物，點心款式，價錢，環境和舒適度，瑞京一期的彩福皇宴比附近酒樓絕對有許多優勝之處，約親友飲開年茶的不二之選！而且樓面職員人手充足，做事上心，快手，最好是會主動跟單，加茶水，上醬料等。樓底高令到空間感大，不嘈吵亦不失熱鬧星期日8點半就到達，不用等位，茶客亦不算多。新年為特式點心改個有意頭的名字，有心思，有創意，我鐘意！用茶包沖出來陳皮普洱茶，很甘香！精緻點心：XO醬素翅鳳眼餃大大舊叉燒，醬汁滿滿的叉燒包秘制醬皇紅油抄手北菇棉花雞 豆鼓鳳爪排骨蒸飯

馬鐵石門站隔鄰的京瑞廣場食市林立，今天選了一期3樓的彩福皇宴晚飯。一行出𨋢口，一邊的盡頭見到養著海鮮的大水缸（看見這麼多的魚、蝦、蟹、鮮鮑等，相信這裡的生意也不錯呢！）。另一邊盡頭傳來婚宴的喜興聲浪（推估今天必是好日子呢！）。因時間尚早，食客不多，幸運地，我們被帶到一房間內，避開了嘈吵聲，可以享受一頓晚飯。*脆皮旺金南乳雞 (半隻）$68名乎其實，這燒雞的皮非常薄而脆，一咬下去都聽到清楚玲瓏的脆脆聲音。雞皮與肉之間的肥油已消失了，所以吃下一點也不油膩。而最難得的是皮雖然已炸到極脆，雞肉仍然嫩滑，而且還滲著淡淡的南乳味。喜歡的話，更可沾上小碟上的南乳汁，頓時味道便變得濃郁。平日不吃雞皮的我，竟然不經不覺地吃下了。我們二人邊吃邊讚，很快便吃掉半隻雞了！*黑松露秋葵帶子炒滑蛋 $89上枱時的賣相與餐牌上的樣子顯然不同，是用巨型蛋包的形式上碟，但破開蛋皮吃下第一啖便喜歡上呢！蛋果然炒得滑溜的，不用咀嚼已吞下肚了。蛋包著的帶子有鮮味而健康的秋葵又爽又滿佈汁液。這蛋的黑松露味較淡，但整體來說，材料配搭新穎，味道討人，令我一試難忘！*柚子爽蕎頭京燒豚肉粒 $89這菜的配搭不常見，炸過的䐁肉粒由味道清

相約好朋友在石門彩福皇宴飲茶, 近日都比較喜歡光顧這間連鎖酒樓, 今年的開年飯都是在尖沙咀彩福， 發覺他們的水準吾錯，住沙田的朋友選擇在石門這間彩福，其實都好方便石門站一出在京瑞廣場一期三樓。可能因為農曆新年假期平日都較為多人等候，我們等了大約半個鐘左右才安排到位。 我喜歡這裏的點心種類選擇多，這個得獎推介點心港式街頭蝦米腸粉， 腸粉滑配上面的三色醬，甜醬麻醬辣醬配搭份量剛剛好。素鵝拼燒腩，素鵝外皮鬆脆、燒腩仔好脆皮，肥瘦適中這個生滾枸杞菜鯪魚球粥超掂，熱辣辣枸杞菜香滑鯪魚肉新鮮， 水準好過出面專賣的粥舖。蟲草花素粉果，皮簿內餡好足料潮州鹹菜胡椒豬肚， 熱辣辣夠惹味配搭埋白飯，非常豐富。

彩福之前淨係有晏晝飲茶，估唔到夜晚小菜好有驚喜，價錢實惠又夠鑊氣，尤其係石門呢一間分店，唔似傳統酒樓咁逼夾，樓底夠高空間感十足。落單嘅同事極力推薦我哋揀孖寶優惠$238，以而家香港嘅物價出去食茶餐廳一個餐都要七，八十蚊，真心超值👍🏻＂脆皮燒腩仔＂皮夠香脆，腩位肥瘦適中唔會太多肥肉，咬落去仲有油香！＂炆斑頭腩＂呢個係必食推介！用超有鑊氣嘅煲仔上枱！斑頭腩炆得夠入味，而且份量十足！入邊嘅酸菜攞嚟送飯仲係一流👅＂南瓜蒸斑球＂南瓜炆得好林夠曬甜，雖然佢話有少少辣不過我覺得可以再辣d！斑球好嫩滑，蒸完一啲都唔腥仲好鮮甜🙂又唔熱氣長輩勁鍾意😍蒸元貝雖然唔算好大隻，不過夠晒新鮮肉質夠爽甜！食完d主菜緊係食埋個椰皇燉燕窩先滿足曬😍溫馨提示大家記住一開始order左先原來好快會賣晒😝

大年初四的團拜，主人家為了遷就要返工的沙田友，選擇了石門的彩福，1行11大2小，點了一圍$3480的全心包宴，除10道菜還包12罐汽水，加一及茶位。最初擔心人多了不夠食，還打算多加一碟菜，但上到龍蝦伊麵後，發覺這裡的餸菜，每碟份量都很足，即使如好市大利，金蠔只有12隻，墊底的生菜也很多。雖然這晚也有基本滿坐，但上菜也快，一碟接一碟，而且每碟也是熱辣辣的。當中的好市大利，用上大隻金蠔 ; 蓮藕蜜豆炒花枝珊瑚蚌內的花枝肉和蚌肉也大大件 ; 餸菜份量很足，大家還打包了半碟糯米飯呢！

今日與同事到沙田石門開工，這個小社區十分熱鬧，有兩個大廣場，酒樓食店林立，找吃的容易和多選擇。 相約了同事收工後一起到經濟抵食的彩福晚飯輕鬆一下 這間與其他分店的菜單一樣，多款小菜和不同組合的套餐選擇，今晚我們沒點孖寶而轉一下口味點了一個四人套餐 $560 四餸一湯個湯好鮮甜，真係足料，好多豬肉，鷄腳，同葯材每人有两碗多。 碧綠炒凰蚌成個菜都好清爽！西芹炒龍躉龍躉肉好爽好肥美！脆皮燒鷄，到彩福都一定會點，皮脆肉嫩很有水準！ 生財金錢扣肉掌都炆得夠火候，好滑！ 紅棗糕好香夠清潤，是個不錯的甜品！食完埋單每人才不過170元十分經濟抵食！環境又好，真係飲茶，晚飯好選擇！

酒樓雖然位於新界區但非常近沙田石門馬鐵站， 交通好方便。接近農曆新年， 到酒樓食晚飯比較難搵位， 預訂枱較安全，侍應安排房給我們， 非常寬敞舒適。三人聚餐，每人點一個菜配白飯，再加甜品， 每道菜都份量十足，非常滿足！黑松露秋葵帶子葵炒滑蛋， 帶子大大隻，炒蛋夠滑， 秋葵松露令味道更加豐富。 蒜蓉豆苗，炒得好香蒜蓉味，不停。 脆皮南乳雞半隻，賣相已相富吸引，外皮香脆，雞肉依然保持嫩滑， 薑茶湯丸，有四粒黑芝麻餡湯丸， 糖水薑味非常勁， 夠辣，食完成身暖晒！ 養顏紅棗糕六件，紅棗味濃， 煙煙靭靭 ，最佳甜品！

入沙田石門探望舅父兼請佢食晚飯，佢樓下嘅京瑞廣場一，二期有酒樓餐廳好多選擇，原來每朝舅父都愛喺彩福皇宴飲茶嘅！啱喇！我又咁喜歡。 臨近年尾多公司包埸搞團年酒蓆活動，一枱難求，幸好佢地醒目一早訂定枱！第一次來石門依間彩福，感覺一樣裝修清雅，又夠 闊落好坐。 同其他分店一樣好多套餐選擇……我地揀左個四人套餈 四餸一湯一甜品 $ 560另加個 ; 脆皮椒鹽豆付拼吊片 $ 90先來個鷄骨草燉鷄湯依個天氣最啱清下肝火，味道甘甘，鲜甜足料！脆皮燒鷄 (半只 ) 配南乳醬汁皮脆肉嫩！點埋醬汁好味到不得了！！依個係彩福集團中我最愛點的其中一道菜！做得好出色！碧綠炒鳳凰蚌珊瑚蚌好爽脆，西蘭花翠绿爽口！西芹炒龍躉球啲龍躉肉大大件，爽口鲜甜！炒得夠曬鑊氣！生菜扣鹅掌煲鵝掌好夠淋同滑入呋，冬姑夠厚滑口，味道調校得好好！生菜吸收左醬汁精華爽甜！椒塩吊片豆腐两樣都香口同舅父飲番杯天南地北暢談一番！好開心！红棗糕甜度剛剛好，軟糯適中！完美！同舅父都覺得今晚抵食又開心！