彩鳳酒家

營業中

休息中

同學仔由遠方回港探親，相約飯局敘舊於流浮山食海鮮，兩人食海鮮真係唔知叫乜嘢好，唯有要例牌魚、蝦、蟹基本主角。到達流浮山後去秋記海鮮檔點咗海鮮，跟着過對面彩鳳酒家開餐，石斑要清蒸、蝦就豉油王煮、蟹用羗葱炒，加多一碟蒜蓉炒芥蘭同海鮮湯，但係嚟到彩鳳一定要碟炒飯，呢嗰係個人意願。次次到彩鳳食海鮮，佢都能夠有高水準出品，今次都唔例外，魚蒸得啱啱好，蝦爆得香脆，蟹炒得夠好味。同學仔都讚不絕口，佢食到條蒸魚只得中間條骨，認真犀利，唔知佢住嘅遠方係唔係無新鮮魚食呢？最後雖然食飽海鮮，但當炒飯放上枱後，兩人都已被佢嘅色相同內餡深深吸引咗，飽死都要啃番幾碗，因為彩鳳嘅炒飯真係好正，餡料夠多同炒得夠香。同學仔食咗呢餐，相信佢留下咗比較深刻印象，下次返港一定會再到流浮山食海鮮啦！

中午去左半島飲茶，返屋企HEA下之後，冇幾耐又一行3大1小搭的士到流浮山食海鮮，去到5:00幾，天氣唔好，落雨粉，行下2邊的海味店，再行到盡頭睇下風景，折返彩鳳對面海鮮檔買海鮮。買左:$220/斤，西澳龍--1斤10兩-- 上湯煮，不過不失，龍蝦肉質算彈牙，蝦身算厚肉。$12/兩，大連鮑魚-- 8大隻，問題不大，火喉剛好，但唔記得左講果皮蒸，做左薑蔥$72/斤，聖子--足秤，豉汁煮得相當不錯，很嫩口，味道辣辣地，夠香。$9/兩，石頭魚--1斤10兩 -- 碎蒸，有冬菇，肉質彈牙。另加砵酒生蠔1斤/$48，甜甜地，個人都是喜歡薑蔥做法多一點點。奉送海鮮魚湯，添飲左2次。買海鮮$880，叫左3碗白飯，埋單$1200。唔清楚煮工點計，但唔離譜就冇所謂了。不過，老人家話地下好滑，去洗手間要認真小心小心。

今午一家十大一小提早端午做節,參考食評幫襯,向店員表示要抵食及合時海鮮,最後跟店員到魚缸揀了5樣海鮮報價$1200,再點了炒飯,清炒菜芯,腐乳通菜,椒鹽豆腐,白飯4碗,汽水兩枝附送海鮮湯及甜橙一碟連homemade酸菜,花生,即時沖泡菊花茶,炒飯較差兩碟時菜不多油,OK鹽水斑馬瀨尿蝦不受家人歡迎,佢地都係鐘意碟椒鹽瀨尿蝦多D,但我就OK,海鮮湯料-花蜆爽滑,正!整體味道大致OK,埋單報價$1910,店員實收$1900,單據無詳細列明各項收費-似食套餐,可能令人覺得收費兒嬉,但我覺得尚算合理飯後路經大空地旁行人路邊,見到阿婆擺賣自家種植糯米粟,買了$20共六條,回家煮熟吃,比食超甜粟好味,大家不防一試

2月14日情人節，沒有細心籌備的燭光晩餐，只有即興的龍蝦海鮮餐，也很不錯呢。天水圍站，搭接駁巴士，好好彩，去到有車，唔駛15分鐘左右到達流浮山總站。一早選定到彩鳳酒家，就在斜對面買海鮮。買左4隻聖子皇，南澳龍蝦約2斤。行2步就係彩鳳，樓下冇位，上樓上。可能情人節關係，都有D爆場。坐低講左海鮮點整，開左茶，冇幾耐送來免費湯，是芥菜豆腐魚湯，幾鮮甜，2個人分左好多碗飲，見個湯有菜，慳返唔叫菜。冇幾耐，上菜:上湯龍蝦煮工不錯，南澳龍蝦冇甩拖，彈牙，略嫌刀工懶散，龍蝦斬得相當大舊，可能知我們只有２人吧，還有稍微乾身，如果多少少汁會更好。蒜茸粉絲蒸聖子王聖子蒸的時間剛剛好，鮮甜細嫩，粉絲索了聖子王汁＋蒜茸，味道相當不錯。薑蔥生蠔細細隻，蠔味幾重，份量也頗多。是在這酒家加點的菜式。食海鮮中段時間，有個著住水鞋的男人走出黎，經過我們坐的枱，見我們將窩湯飲得八八九九，問我們要不要添多一點湯，因為很飽，我們也回絶了。他就說，２個人食海鮮，款式就吃得不多，還問我們龍蝦煮得好食嗎？我心想，可能他是廚師，剛才煮完Ｄ食物，邊枱是邊枱，佢都幾上心。但這一問，令我對這間海鮮酒家的服務加了點好感。總括而言，海鮮煮工不

朋友生日, 一行十幾個朋友黎興祝!! (其實我主要想食海鮮, 佢生日係次要)食物由伙記發板, 我地事先要求大既每人二百幾.佢寫左菜單, 我望下之後問下其他人要無特別要求覺得乜都有, 我就叫佢可以上結果有足足十二道菜. 乜海鮮都有.. 1.黃金蝦.2.姜蔥炒蟹, 3.豉召聖子, 4. 炒蜆, 5.蒸鮑魚, 6. 粉絲蒸帶子7.上湯龍蝦伊面, 8- 10一魚三味, 炒球, 炸骨, 魚湯11,12 最後仲有海鮮炒飯..同油菜我地一路食一路驚. 因為份量都幾大, 我地又多女仔..最後都食唔哂..仲有生果送論價錢真係抵, 而且食物水準OK~我覺得可以俾個好評! 其實黎流浮山由伙記話事可能俾自己叫好. 好似我地自己少食. 無畏搏, 不過最好講明自己預算

阿媽話幾十年無來過想去回憶下,甘就同佢去,我都無去過3點幾去到,行一個鐘咩都行哂..又未夠鐘食飯,勁無聊,阿媽話去"雲浮仙館",睇地圖都勁遠..果然行左30mins都未到..放棄..坐小巴回頭..又再行多陣,揀下邊間抵食,本身打算去路口出名個間,一問勁貴,即走..因為得2個人食唔到咩,只係叫左2隻瀨尿虾 (筷子甘長,勁多膏),斤3兩, $9/兩- 勁抵!!!,之前問另一間無膏都$11, 路口出名個間$18 (包煮工) 2隻聖子$7/兩, 都有3/4筷子甘長, 1 隻紅蟹 $8/兩..斤幾...個人計得勁快...3樣$369...跟住問煮工幾錢,40+左右..阿媽即刻話另外個阿姐話30幾(揀野個時問)...話$100煮 3樣,事頭婆諗左陣都ok..可能平日同埋我地早..5.30左右叫多個菜心 $40..豉椒炒聖子黎先,少少沙同老,但個汁ok, 椒塩瀨尿虾.(唔係太椒塩)..正呀,勁好膏趣卜卜但唔油,事頭婆比左碟"o急汁+蒜頭+油"比我地點黎食..唔錯,好似無甘熱氣, 如果無左油更好清蒸花蟹,隻蟹都幾好膏菜心都好嫩,阿媽都食到, 事頭婆話要20/斤胆固醇勁超標&勁飽既一餐,但覺得好食又

本想同一眾良朋去流浮山睇日落兼食海鮮, 點知落雨個天灰濛濛, 睇唔到日落美景就去食好野啦! 上網搵料發現呢間彩鳳價錢都合理(有d食店食到埋單要$600/位,o係呢個海嘯o既低迷環境真係受唔起, 虛不受補o個隻) 就揀呢間try try我地1行5人叫左: 炒大蝦伊麵底; 薑蔥炒蠔; 班片炒芥蘭, 薑蔥炒蟹; 炒豆苗; 蜜糖雞翼同楊洲炒飯 --- 好似咩都係炒...炒大蝦伊麵底 - 蝦新鮮麵爽滑, 朋友認為呢個係最好食薑蔥炒蠔 - 蠔大隻無腥味, 夠鍋氣而炒得唔韌, 我覺得呢個係最好味班片炒芥蘭 - 魚肉厚, 爽甜, 應該都係d貴魚, 唔錯薑蔥炒蟹 - 超多膏! 喜出望外! 炒豆苗 - 豆苗都算嫩口, 無渣, 滿意蜜糖雞翼 - 呢個比較失望, 因為太甜, 一致認為係甜品! 都係食番海鮮穩陣!揚州炒飯 - 好傳統茶餐廳風味, 都夠乾身, 一個朋友話好正; 但我同另一個朋友都認為應該落多d油黎炒會好食d... 我倆係只顧好食而唔理健康o既死士埋單計數每位$200有找, 滿意吧!

濕地公園一日遊,順道到流浮山晚膳.自製了五道菜:生炒龍躉球 - 魚肉鮮甜味美,最正的一道菜! 買海鮮時,檔主極力想我們多買龍躉肉,$150/斤,因女仕多,我們力主只要一斤便可, 原來一斤炒出來的份量,已是滿滿一隻大碟.所以,選擇的時候不要眼闊肚窄.以免浪費!蒜茸粉絲蒸元貝 - 元貝新鮮,蒸出來的味道當然正!豉油王中蝦 - 砧板幾好心機,將蝦開邊去腸,味道O.K.,薑蔥炒蟹 - 兩隻肉蟹,味道可以,但無特別.豉椒炒蟶子 - 蟶子近十吋長,蒸驚它"un",所以用這個方法,可惜炒得過了火,不夠爽.埋單$1280,除去海鮮價$930,即是其餘值$350,其餘值有啤酒兩枝$50,白飯兩碗,楊州炒飯一碟,即是每道菜的人工大約值$50,說平不平,說貴不貴,送豆腐海鮮湯 - 魚骨稍煎再加芥菜豆腐滾湯,幾鮮,幾好味道;再送飯後生果(橙),及蠔油一枝,高高興興的一日,偶然豪一下,無問題啦!

feb 22, 08, 3人來dinner,跟食家tkd_beaver叫咗 : 1) 蒸象拔蚌-叫咗3隻-好多粉絲(有d咬口,但腍)同蒜蓉舖面蒸-個象拔蚌新鮮因個質感有彈性,但講到鮮味就只屬正常2) 椒鹽瀨尿蝦-檔主建議食肉蝦,因比有膏嗰d滑,揀咗2隻。每隻開3段-size唔算好大隻嗰種(上次在銅鑼灣橋底xx真喺大好多),但d肉都滑,結實,鮮味ok-不俗3) 薑蔥炒蟹-個味道炒得幾惹味-隻蟹唔算特別肥美,膏唔多,但d肉都叫結實4) 西芹炒斑球-d魚肉都彈牙,不錯-個西芹亦都清甜5) 蒜蓉炒豆苗-唔算油-個菜都甜,軟身6) 豆腐海鮮湯(送)-千追萬喚始出來-味道ok,有淡淡嘅鮮味,唔似有味精7) 大啤x 1枝8) 甜品(送)-個橙都幾甜- 先鳴謝2位友人請我食呢餐,又比我話事(放棄佢哋去開嗰間) - so far唔覺得呢間特別好食因個鮮度唔impressive嗰隻。再問吓友人同佢哋食開嗰間比,佢哋話其實差唔多...........只喺d菜唔洗等咁耐。我都覺得如果每道菜都要隔成15-20分鐘先有得食,都幾無癮吓...........令整體個意興都拖低晒- 嚟呢度食海鮮,店員會建議你去佢對面

流浮山海鮮真係好新鮮,所以我去完又去.最唔好係交通同收得好早.我地order咗:1,豉汁抄聖子(每隻有10吋),2,貴妃蚌,3,芝士焗龍蝦,4,超大瀨尿蝦,每隻有12吋長.真係啖啖肉.啲膏多到你唔信.5,象拔蚌,6,辣洒東風螺(正斗),7,薑葱豪,好大隻,流浮山最出名.8,庵仔蟹,啲膏多到嚇死你,9,醬爆魚件,10,清抄豆苗11,豉油菜心,12,海鮮湯其實都幾貴,但去得流浮山食就都知佢一定斬你,好彩識人,唔係可能仲金!

9/2/2008 大年初三下午本身去天水圍同阿e拜年~e長請我地去呢道食海鮮叫左9個~1) 椒鹽瀨尿蝦- 肉質鮮甜，瀨尿蝦夠大隻~好惹味2) 薑蔥炒蟹- 肉蟹蓋有勁多膏，蟹伕夠實~不過隻蟹洗得唔係好乾淨3) 蒸象物蛑- 蒜頭碎份量得岩岩好, 象物蛑好鮮甜~粉絲吸曬d精華~一齊放落口食一流4) 豉油炒蝦碌~好大碟~不過D蝦唔係好大隻~炒得太乾身~食多兩舊就唔係好想食~太熱氣啦~5) 西芹炒脆鱞~脆鱞SONG口彈牙6) 炸脆骨魚~唔識形容~好脆，好有口感7) 西生菜~油左D8) 炒飯~炒得夠乾身~料都幾多9) 豆腐海鮮湯~鮮甜好味~唔飲湯GA我都飲左兩碗坐就麻麻地啦~不過真係幾好食~服務就一般啦~我問我阿E咁多間點解會食呢間~佢話呢間老實D~試過去第二間食比人斫到一頸血呀唔比又唔係~嘈又唔係~同埋呢間夠鑊氣呢間有熱菊普同茶任飲多謝阿E

尋日見成份工,請老公去流浮山食海鮮~~~老公之前去過彩鳳食過,都ok好味....上埋open rice睇埋d食評,雖然唔多.....不過我地都決定去幫襯多次!本身想食芝士焗龍虾,不過0個度d亞姐話:得2個人,成$350一隻,唔抵食呀,不如要d大蝦黎整啦,6隻都係$10x渣....好啦好,見佢\咁語重心長.簡左兩隻蟹,薑蔥炒蟹.....勁有獲氣...不過多d汁就好喇蒜蓉粉絲蒸元貝,蒸得好美味....不過d蒜蓉食到勁飽....同埋之後勁大口氣氛!!哈哈哈幾個鐘都未散!重頭戲椒鹽賴尿蝦......勁勁勁勁好味;比夠4個勁如上面咁講:肉質超鮮甜,煮得好惹味!

食海鮮除左布袋澳之外，流浮山真係另一好選擇，其實我覺得只要海鮮新鮮，通常都唔會煮得太差。所以對食店反而冇乜要求，只要取價合理便可。黎彩鳳係因為bf之前黎過都係食呢間，咁之後我地每次黎都係去呢度。好有family既感覺，伯伯永遠坐陣。不過環境就"懷舊"d! 不過都乾淨企理架!去對面揀好海鮮就過對面坐，一陣就有得食! 今次有5個人可以叫多d野食啦~1) 椒鹽瀨尿蝦- 肉質超鮮甜!煮得好惹味!2) 薑蔥炒蟹- 膏蟹勁多膏，好食到不得了!3) 蒸元貝- 蒜得岩岩好, 一d都唔老4) 辣酒煮花螺- 我試左一粒但好辣食唔到, d fd個個話好味，d汁點菜心一流!5) 炒花甲- 好大粒肉鮮甜!6) 金蠔- 反而呢個冇乜特別, 我覺得靚蠔鼓好食d!下次都係食返炸蠔/薑蔥蠔!送埋豆腐海鮮湯，好濃超正!計埋白飯汽水都係一人$250, 抵!!!!!! 唔知幾時又可以去呢...