彩

營業中

休息中

元朗一直都有間好出名既拉麵 - 彩AYA但食佢都唔係咁簡單啊 (位置太偏僻 開住GOOGLE MAP都係咁兜路🥺/湯底👇🏻欣賞佢地隻隻湯都好出色 入味/蝦蝦蝦湯🍤🍤好香好香既蝦味 唔係我誇張😂飲一啖好似feel到好多隻蝦係我口度咁 蝦蝦真係好想問下老闆擺左幾多隻蝦落去煲黑蒜油湯同樣出色 好香好香黑蒜油味而且枱頭有炸蒜可以比我瘋狂地落🤩隻溏心蛋一咬就爆蛋漿🤤驚喜 好味👍🏻👍🏻麵底👇🏻小麥麵 其實就係普通既拉麵我就唔太食出有小麥味既 係未我問題呢🥶胡椒麵本想有FF過有啖啖胡椒味辣辣地咁樣既😂但食落其實食唔出同小麥麵有咩分別⋯‼️佢地每日都會有TODAY'S SPECIAL既麵‼️我地去果日就有辣椒麵🌶有興趣搞搞新意思既不妨留意下👀/同場加映綠茶可樂💚但係飲落呢就無綠茶味既...但為左個樽 都可以一試🤣🤣

元朗美食滿天下一直知道部分店舖都係充滿人流今日決定左去彩食拉面以前想食既時候經過都會見到排緊長龍由於天氣熱既關係就打消左排隊既念頭經過app 檢查知道舖頭開11:30今日朝早11:30 就到入席時候只係有兩位客人坐左大約5 分鐘已經爆滿可想而知平時係幾咁多人黎到拉面舖有沾面我多數都係食沾面而今次我選擇左櫻花蝦沾面因為想試下其他口味同埋對於蝦湯情有獨鍾面底係熱既面既質地選左小麥面湯底唔澀但有掛湯效果湯底味道唔會咸但亦未到好濃食到蝦湯既香味叉燒夠軟熟唔鞋亦唔乾溏心蛋同平時食開差唔多整體黎講唔錯

隱世元朗沾麵小店💛每天不同款式味道的麵條====================呢間沾麵bookmark咗好耐，加上每次入元朗國經過都好多人排隊，所以一路無試。難得的日籍老闆撐香港年輕人，咁啱friend子又早收工，終於可以早啲去會一會佢🤣！《黑蒜油湯配菠菜麵 $83》近賞佢枱頭有炸蒜可以俾個客狂落唔嬲😹而且兩塊叉燒都好好味，唔係淨係得肥肉，溏心蛋一咬就爆蛋漿非常可以喔！無估到個麵底原來係大到咁😳190g大食既我表示食唔哂，剩咗差唔多一半，啱哂比我更大食既大食漬食，男仔食就應該啱啱好啦👍🏻.其實當日想食蝦湯底，可惜一早就已經賣哂😭咁唯有轉戰黑蒜油啦！個人認為黑蒜油湯底味道有啲淡（又或者係我重口味、食開濃味野），整體不過不失未至於一試難忘。如果俾我揀，我會揀尖沙咀元祖，不過經開元朗都可以一戰支持下架！.店舖座位較少同少逼，Open kitchen望到靚仔師傅整麵☺️建議早啲去，當日我同friend子6pm去到唔使排隊，直接入得✌🏻

呢間餐廳提供嘅沾麵,係我喺香港食過最好味嘅沾麵。佢由日本師傅主理,湯底濃味麵身彈牙,價錢合理。高度推介畀所有鍾意食沾麵嘅朋友。佢所提供嘅選擇唔多,只有五種湯底,但係每一個都做到好專,同好好味。亦都有三種麵底畀我哋揀。佢每一碗麵都有豚肉,紫菜同蛋,按需要可以加配料。今次我食咗黑蒜湯底,佢個黑蒜味唔係其他餐廳可以比較,濃味得黎又唔會遮咗沾麵本身嘅味道。我個朋友點咗蝦湯底,蝦味真係好用,好適合鍾意食蝦味沾麵嘅朋友。佢好味得黎,仲要好平,每一碗麵大約80蚊左右,所以成日都有人排隊。

最近經濟圈盛行 大眾當然會支持但長久落去實在無法盲撐 經過多人推薦 入元朗試試呢間日本沾麵地方都幾偏僻 未到晚餐人潮已經有人龍係門外 門外等候大約十五分鐘 門外好多昆蟲 夏天嚟既食客最好著返條長褲 而且有陣不明既氣味 等侯期間會有店員為你先落order食開沾麵既一定好驚喜 因為麵既分量好大，似二人份量 即刻試下今日special 係波菜麵食落叉燒夠軟熟 好香 一般沾麵既湯都好夠熱 但呢度既湯熱度不夠 變相即使麵既分量好大 食到尾段因湯涼左而難以令客人繼續品嚐沾麵。而湯既濃度亦都唔夠 總括都係數合格

好耐以前，喺元朗食過由日本師傅主理嘅彩沾麵，因為太好食了！一直對佢哋念念不忘！後來，佢哋因租約問題，一度停業，所以佢哋再開返，我就一直想去幫襯，回味返當時嘅味道～ ​前幾日，終於食到啦！ 因為店子只有約10個位置，基本上次次嚟都要排半個鐘或以上！🤢如果肚餓唔等得嘅朋友就要留意下啦～🤢 師傅好快手，一下就切好一卷叉燒！ 彩嘅餐牌好簡單，湯底及麵底都係三揀一，湯底有原味、黑蒜油及蝦味，麵底則有小麥麵、黑胡椒麵同今日Special（幫襯當日係柚子麵），天口㷫，所以今次就揀咗相對較清新嘅蝦味噌湯及柚子麵底～🍜 從師傅手中接過沾麵，沾麵湯夠熱，散發濃濃蝦味，感覺唔錯！不過，感覺個沾汁比之前食稀好多，坦白講有少少失望。上網睇返，師傅嘅講法係為配合香港人口味，喺春夏時會製作較輕盈嘅湯底……嗯，我都係覺得沾麵如果唔夠濃，好似無咗靈魂咁，食唔慣😭。至於麵底，個味好香柚子味及麥味，雖然掛湯力一般，亦唔算爽口，但個人就好鍾意呢種質感。🤤 叉燒唔算濃味，不過勝在肉質好嫩滑！ 配料方面，叉燒無調味，有少少淡，不過肉質嫩滑，水準ok。糖心蛋好入味，勁流心，超正！另外，佢哋係沾汁上放咗白蔥同柚子絲，提升咗沾

讀大學既時候聽過朋友介紹過依間日本拉麵一直都好想試下但因為每日麵條係新鮮製造既關係每日都係限量供應所以黎左幾次都食唔到今次終於比我試到今次試左佢地個豬骨湯沾麵湯底好香濃而且鹹度適中有時沾麵湯底會過鹹但依到唔會叉燒同蛋都唔錯至於麵有得揀每日特別款式今日係黑椒味可以見到麵條入面有一粒粒既黑椒粒食落帶微微既黑椒辣味同豬骨湯底都幾夾不過間鋪有個唔好就係廁所係正鋪入面可能因為抽氣差成間鋪都有d尿臭味下次去要坐近門口

蝦味噌湯x伯爵茶拉麵湯底好鮮甜，以沾麵黎講唔算好咸亦唔肥膩，成件事好balance 。拉麵麵質唔算掛湯，但好有口感，專登唔撈湯食一條麵，伯爵茶淡淡的但非常特別。但加埋落湯就唔多食到了～最鐘意食到一半就加佢D同炸蒜，多左一份清新既感覺，而且炸蒜又香又脆，好正！總括係好好食，值得一去再去！

受疫情影響下冇咁多人排隊就去試下，排隊時前面有位C Hing已提醒我哋將會有個黑面神出嚟落單。黑面神果真出現，當我哋講低咗食乜後，黑面神繼續同後面排隊的人落柯打，我哋尼個時候先見到個牌有另一款麵底，當佢行返轉頭時我哋話要改麵底，黑面神即刻擺出一副極度厭煩的態度，而且眼神極都搵唔度不友善！我哋已覺得佢非常冇禮貌，因為單都未入，洗唔洗咁呀！但因為朋友力推，加上佢門口貼咗幾張貼紙，姑且俾機會間舖。入到舖，嗰浸坑溝屎水味仲濃郁過出面排隊條後巷！但既然都入到嚟好好丑丑食埋碗麵先啦。就喺尼個時候，黑面神飛咗兩個膠杯俾我哋，恕我見識少，從未在任何食店受過如此對待！麵到了，可惜很失望，胡椒麵冇胡椒味，黑芝麻麵零黑芝麻味，义燒薄不在話下而且冇尼味道！就當我勉強進食之時，黑面神踢咗我張凳一下，起初我都以為佢唔小心（留意返，佢係一句對唔住都冇架），之後佢見我唔郁就半帶命令式話「可唔可以坐返入D」，啊！即係點！？即係佢覺得個客阻住佢，佢就扮唔小心踢到你，然後等你覺得阻住佢然後自己坐返入D，係咪咁呀！所以踢到客人一句對唔住都冇！家下你覺得個客阻住你，你唔識開聲叫個客坐入D嘅，係要用隻腳踢張凳先嘅，咁你阿媽生你俾

朋友帶路，話黃店得黎又好食就去試下 😁去到兩三群人排隊唔算多但間鋪好細加上抗疫要隔開一個位坐所以都等左一陣 接受到 😁排緊隊嘅時候個店員比餐牌我地睇(其實佢係唔出聲就咁塞比我地加上問佢野佢答 講野冇尾音入去坐嘅時候就咁拉開一張凳又唔講野我同朋友其實都唔知要坐邊覺得佢都幾冇禮貌)anyway 講返食是日精選拉麵係柚子麵朋友叫左蝦湯柚子麵我第一次食就食返傳統野豬骨湯小麥麵碗麵由日本廚師嘅唔咸唔淡廣東話送上都幾可愛我個豬骨湯偏咸但佢加左柚子係入面好驚喜冇咁肥膩一條條柚子仲好fresh 反而朋友嘅柚子面冇乜柚子味配我個湯就食唔出係柚子 (可能太咸)配蝦湯就幾正個感覺冇咁漏

今日既掃黃行動，專程入元朗去一間由日本人開而又幾出名嘅沾麵店 其實呢間舖之前都食過，覺得味道真係幾唔錯，變咗回頭客 閒日大約兩點到達，條隊已經有五個人 排咗大約半個鐘入得，條隊亦多咗五個人排隊 順帶一提，由於疫情嘅關係，呢間鋪都開始有外賣嘅服務 今日嘅special係紅辣椒麵，但部長都係點返黑胡椒麵配蝦味噌湯 蝦味噌湯+黑胡椒麵 $88 一碗麵會有一隻溏心蛋、兩塊叉燒、幾條荀同一塊紫菜蝦味噌湯相當鮮甜， 雖然味道係偏鹹咗啲 但其實沾面既湯底不嬲都係比較濃味，會比較油膩同鹹對比其他沾麵唔算真係好鹹，湯底味道濃度係適中，係好食的麵方面，黑胡椒味真係幾香黑胡椒同蝦味噌嘅配合啱啱好 唔會出現其中一個味蓋過另一個味 一路食都可以食到蝦味噌嘅鮮味，又食到黑胡椒嘅香味 部長都幾推薦呢個組合

呢間沾麵店我都留意左好耐，一直都想去，但好似長期大熱要排隊所以都未試到。終於今次食到，不過可能因為疫情同限聚令關係唔洗點排。點左個期間限定既櫻花麵同蝦沾麵汁！好簡單講，所有野都岩岩好，沾麵湯唔會太濃易口渴，而且麵條非常掛汁，真係好好食！ 重點: 好食之餘，係黃！

香港有好多食到沾麵的店，我唔係食過好多間，但暫時食過最好嘅係周月同今日介紹嘅彩元朗嘅彩我都食過好幾次，仲記得第一次去係個舊同事帶我去，夜晚去，等左好耐之後自己都去過好幾次，多數都開門嗰陣去，貪佢少啲人。今日兩點去到，等左30分鐘先入得好大原因係因為依家要隔住坐，有啲位唔坐得元朗彩位於條巷度，幾隔涉架湯底有豚骨、黑蒜、同蝦湯我通常都叫豚骨，因為我嫌蝦湯太濃，而黑蒜就會搶左豚骨湯本身個原味麵就分小麥原味、黑胡椒、是日Special，今日特別麵係薄荷，我未試過，所以叫左我記憶佢地嘅特別麵有伯爵茶、紅椒、芝麻等等，食到咩呢就睇大家嗰日嘅口福喇等左半粒鐘終於坐低飲啖水先今日見到日本老闆喺度坐陣之前黎親都見唔到佢碗麵到喇，師傅會親自俾你，碗湯熱辣辣，攞嗰陣小心啲薄荷麵，其實我唔係好食到薄荷味但個麵照舊有水準，每條麵都有彈性，小麥味好出佢地個叉燒好滑好正、淡豚骨湯唔鹹、就咁飲都得，出面有啲沾麵湯會太鹹溏心蛋就例架啦我10分鐘食完，因為停唔到口，有啲人唔夠食嘅話可以加多半份麵，湯可以叫佢幫你再加咁樣先$78，比起出面其實算平，最緊要好食，呢點最重要

位於元朗，隱世大師沾面，聽聞是日本人開，坐位不太多，大約等了35分鐘左右，我們二人叫了「特濃豬骨濃湯$78，堅好濃郁豬骨味😍」+ 網紅「黑胡椒面」另一碗；網紅「必點推介；特濃蝦湯$88+小麥面」+追加精選「紫菜麥面」面真好大碟，見議二人食唔好追加，實在太多，每碗面都有「原隻溫泉蛋+2片豚肉👍」另外還有黑蒜湯，也是網紅爆，如去開元朗的朋友，可以試試

彩係佢開冇耐我朋友帶我黎食過，果陣我未食過好味嘅沾麵，簡直覺得驚為天人，個濃蝦湯汁係橙紅色㗎！又濃又香，好杰，我平時好怕食拉麵舊叉燒，但佢整得又淋又好味，糖心蛋就好多都整得好食，但佢就可以個蛋黃全糖心，配一個黑椒麵，黑椒係研碎一粒粒咁佈滿麵條，總之係一試難忘！食多一兩次後，無啦啦就話執咗，好似有嘀人事糾紛...當時覺得相當可惜，你知啦！無得食就零捨掛住，又唔知有冇更加美化到碗麵，當我知道佢開返，又入開元朗緊係會一會佢啦！諗都冇諗就叫返濃蝦湯沾麵，不過麵底佢有個是日限定柚子喎！咁就轉黎試下啦！噫？！今次唔多對路喎，個湯底水咁多嘅，而且蝦味都冇咁濃，沾麵嘅湯應該比較杰身先掛到落嘀麵，但佢依家只係咸同普通湯咁，其實我係失望㗎，重叫咗幾個朋友陪我食，我重諗緊係咪我記錯呢？點知我朋友率先發聲，話個湯底水咗咁多，咁證明佢變咗！佢變咗啦！之後侍應哥哥過嚟問我地覺得好唔好食，我地都照直講，佢話師傅會因應天氣，好似依家比較熱同濕，做一嘀口感比較清爽嘅湯底，輕盈一嘀！師傅有性格，我呢嘀食慣重口味，一時三刻改唔到，下次都係凍嘀先再黎食啦！