御苑皇宴 (已結業)

很少寫飲茶的食評, 因為吃的一大堆, 而且很多時候都是吃些差不多的東西, 試乎也沒甚麼好介紹的。但今次在尖沙咀吃的御苑皇宴實在是又便宜又好吃, 環境也一流, 所以就破例寫一寫吧!帝國中心的御苑皇宴點心精細，地點非常便利, 而且還有落地大玻璃, 可以看著美麗的維港景色嘆茶, 人流不多, 桌子和桌子之間的空間很大, 很舒適!! 感覺這樣高級, 價錢竟然是意外的便宜啊。四個人叫了七個點心, 一個小菜, 一碟粉麵, 飽得幾乎動不了! 埋單才HK$314 (人均HK$78.5)。食乎食物質素和用餐環境簡直是超值啊!不得不先介紹蝦餃霸。本來我們劃了一籠普通蝦餃，但在店員熱情介紹下轉點了一人一隻蝦餃霸。為甚麼不呢? 特價HK$6一隻，有乒乓球大小! 不只size大，味道也非常好。蝦餃皮薄而爽口，餡兒滿滿漲漲的都是新鮮清甜的蝦，極真材實料! 賣HK$6真的會虧死他們啊。不過趁特價去多吃幾次好了 (=^^=)杏仁愛好者本揀了杏汁餐包，但忽然又看到這個名為｢不能即吃｣的杏汁煎堆仔，馬上就見風駛舵了! 一口咬開會有杏汁流出，熱辣辣香噴噴的，喜歡杏仁味的必試! 只是煎堆皮若果可以再薄點會更好。叉燒包的餡爆多，

見廣告做鮑魚節盛宴(特色小菜)，和太太兩人去試試，平日無人辦婚宴，都幾冷清吓，招呼十分好，要讚。裝修好新淨，很好。蜜餞磯燒鮮鮑魚幾好味，鮑魚個子略細，似油泡，唔似磯燒。要了一份澳洲六頭鮑魚扣鵝掌，鮑魚和鵝掌都略細，味道可以啦。鮑魚與蕃薯粒的炒飯，石窩上。飯乾身了小許，至飯粒被石窩烘得變硬，但又成不了飯焦，可惜可惜。湯略鹹，海皇有蝦，青口，帶子各四，足料。

嘻嘻, 第一次寫食評添...今日同一大班同事去飲茶...基本上唔係太好意思勁影相 所以無咩相可以upload 上黎...由於同事們廣泛流傳住一定要試呢度既水中花... ($22蚊一碗)所以就試下啦... 水中花有兩個味 (桂花 / 薑汁)薑汁味永遠係同豆腐花最夾既...桂花味就有d 檸檬皮, 所以個味道太濃, 反而無晒d 豆腐花味...由於要整成花形, 都幾考師傅刀工, 所以難怪豆腐花身比較硬同粗身....無左應有既軟滑感...anyway 可以一試, 不過唔好期望係山水豆腐花果一種感覺!!總括來講, 飲茶既點心都唔錯...蝦餃, 炸金磚, 燒腩仔 ---> 好好味燒賣 ----> 一般炒蘿蔔糕 ----> 太粉, 無咩蘿白絲

整體來說，份量充足，賣相不俗，食物質素也頗好當紅金豬全體 - 附送海蜇富貴蚌片明蝦球 - 附有蜜糖豆碧綠珊瑚玉環甫 - 釀脆肉瓜，伴以溫室豆苗百花炸釀蟹拑紅燒竹笙雞絲翅鮑片花菇翠蔬 - 鮑片略小，津白應切幼些清蒸大石斑 - 份量超大御品燒雞皇錦繡炒飯幸福伊麵百年好合 - 紅豆沙，沒有下粉，值得一讚美點雙輝 - 棄用傳統中式糕點，兩款西式迷你mousse蛋糕(咖啡味)合時鮮果盤 - 切片西瓜、蜜瓜、哈蜜瓜環境 - 裝潢很好，唯樓底嫌低了少許。地毯是厚厚的，表演台也較高。另美中不足的是檯與檯之間空間很有限音響設備 - 有多部電視，能清楚觀看台上宴席開始之前各檯上放有高腳西式膠花裝飾，宴席開始之際侍者把裝飾移致窗台各檯上也有糖果及花生招待賓客。雖然已有分菜服務，各人仍有兩對筷子服務 - 不錯

多在假期同屋企人飲茶 其實尼間地點唔太就腳 還是貪尼道少人(唔洗等位) 同埋點心係有水準點滿一檯點心 值得推介~叉燒飽 好香口既蜜汁叉燒粒 飽皮鬆軟蜂巢芋角 鬆化惹味西米焗布丁 香滑又不太甜豉油皇炒麵 麵炒得入味兼爽口(大碟頭)瑤柱蛋白炒飯 其貌不揚 飯卻炒得粒粒分明 味道恰好其他點心我比70分以上 若然水準依舊好 我仍會持續幫趁 he he!!

阿姨從墨爾本回港探親要找一間不失禮,味道好,服務好,清靜的酒家不易,因以前曾在此吃晚飯,,雖然地點不太就腳,但食物味道有驚喜,又有海景,於是決定在此幫她洗塵.因有11人所以選了吃全包宴(包茶芥,加一服務費,汽水及驚藍冰啤酒12罐)但不包酸菜$44-龍蝦燕窩鮑魚餐$2,688(星期一至星期五$2,388),埋單2,732.錦繡燒味大拼盤 - 普普通通上湯焗波士頓龍蝦伊麵底 - 超好味,龍蝦很大隻,有三至四斤,味道鮮甜,伊麵略軟身醬爆碧綠花姿蚌 - ok格蘭焗釀響螺 - 好吃,很香口,不油膩,洋蔥份量適中鳳汁海皇燴燕窩 - 好味,吃到有很多燕窩,比一般酒樓的雞絲翅好吃清蒸游水大海斑 - 好吃,酒樓蒸功一流,魚蒸鬼剛剛離骨,很滑果皮蒸大連鮮鮑魚 - 普通御皇脆皮燒雞 - 超好食,皮簿Juicy,雖然已經很飽都掃光三文魚蟹籽蛋白炒飯 - 好味,不油很香,因有蟹籽, 菜粒,所以很有口感,又是雖然很飽又食哂椰汁紫米露 - 普通杞子桂花糕 - 好吃,不太甜生果盤 - 一般總括來說各樣食物都好吃,價錢合理,會再幫襯,店方送$270現金券,要一個月內用,可在其他分店飲茶或晚飯使用

同事介紹話好正好好食, 因為龍蝦同片皮鴨做緊優惠, 龍蝦1隻$88, 片皮鴨一隻$68, 加$20 可以二食, 但優惠只係去到4月30日, 所以就約埋屋人, 一行7人一齊0黎呢度吃晚餐. 預先book 枱 同留定龍蝦同片皮鴨就穩陣啦~~呢度裝潢都幾靚, 好明顯係用0黎俾擺結婚酒宴多, 所以裝飾得好浪漫咁, 坐得都好舒服. 先有前菜, 蘿蔔同花生. 蘿蔔夠酸好味. 至於花生, 以為只係一般的鹽焗花生, 原來佢有醬汁0係底, 0的汁好似點片皮鴨0的甜醬咁, 但又酸酸咁, 幾好味. 所以清晒!先吃片皮鴨 - - - 真係冇欺場, $68隻鴨, 算係好大隻. 片皮哥哥仔好明顯唔係專業片鴨手, 好多肉都俾佢片落0黎, 不過都OK, 因為成家人都係食肉獸! ^^ 跟埋兩籠皮, 超多呀!!! 以為吃唔晒啦, 但都清晒, 因為隻鴨好正, 好番, 但唔肥唔油! 0的皮仲係脆口!! 真係超值!! 仲有二食, 我地要涼瓜炒. 本來以為骨多過肉啦, 0的肉都俾人片晒出0黎, 點知0黎到, 勁大碟!!! 仲要係舊舊肉!!! 痴線!! 細佬都話冇諗過呢個餸係有肉吃!!! 太正, 唔記得0左影... 跟住龍蝦 -

親戚結婚, 成家人去左呢家酒樓飲! 擺了差不多20圍是晚有3到4家在此酒樓辦婚宴環境方面個人認為早午去飲茶食點心會不錯, 因有海景可看(限部份位)但就是次婚宴而言, 沒有什麼值得/特色的, 晚上'黑媽媽', 海景也看不到而聖誕的燈飾還未安裝完畢, 沒什麼可看因有幾家人都擺婚宴, 而酒樓的隔音設施不太好, 同一種音樂聽了數次而且我都聽到了對面是姓什麼了酒樓有部份餐具十分殘舊, 尤其是鐵匙羹, 建議該酒樓要定期換一下餐具, 不要什麼都慳服務方面侍應態度很好,該酒樓會先將餸菜分為一份份給各人, 但上菜速度十分差, 時快時慢, (最後用了差不多2.5小時才完成'食'的部份) MY GOD!而且分食物的侍應好似是經驗不足, 第1碟好多..到最後的好少 過了幾道菜後.....叫侍應不要分了, 全檯人都贊成有朋友在此酒樓旁的香格里拉做, 同一日都有婚宴, 還是擺了60圍的但是朋友在11點就過來了酒樓一同把酒談歡 (可以想像到上菜的速度)食物方面食物質素只屬一般大路水準再加上環境, 服務等等的因素再加以比較, 可判定為差P.S. 是晚差點趕不到西鐵尾班車, 還要全程企 因完成宴席都差不多12點了

星期日（孖寶）- 比錢都唔會再食（相中有食物名）雪花卷 - 應該放左好多日,又酸又唔好味豬仔腳 - 臭架羅,,,,,,,,,,,,蝦"交" - 痴牙,d蝦又唔新鮮,,,,牛肉球 - "Choi"多個肉,又細,又唔夠味腐皮卷 - OMG,,,,,,,,燶架羅,,,,,,,,,總括,唔好味,服務唔好

呢間酒樓, 我平均一個月去2次, 點解? 因為呢到真係一個食中餐酒樓而有星級酒店餐廳氣紛及服務0既地方!講返食物當晚朋友生日, 7個壯男片皮鴨(2食,蔥爆)- 片皮手勢一般,因為不只皮...連鴨肉都有好多比佢片咗出來藍梅骨 - 上次食過一次之後個個都要再食...排骨用高溫油炸...肉汁完全保留係入面...加上藍梅汁非常醒胃...必食之選!燒雞 - 呢到招牌菜...唔係好有雞味...不過食到真正的皮脆肉滑 $110半隻...物有所值!金磚脆豆腐 - 呢個菜我係到食過之後再去MAGE BOX同一集團食過...都係呢到個師傅手勢好好多...外脆內軟...一淡咬落去個皮"SHORT"一聲...豆腐超滑...夾上來都要小心整爤!其他餸菜都幾好......仲有CREDIT CARD 有9折優惠 + 全單滿$100送$10現金卷...即$200送$20....可用來飲茶用...超抵!

早茶及午市點心多樣化,半年至今味道及款式都有進步,價錢方面合理!燒味尤其出色;金牌燒鷂必試.晚飯方面水平穩!菜式都幾多花款.平均每人消費$180-250..早午茶市平均2人大約$100-160,侍應服務主動好客;大集團酒樓訓練水準算得上非常好.絰過半年食物及服務水平都有進步,值80分以上!!

前兩日去飲老友個餐, 之前仲諗住正月會無乜人結婚, 點知去到有三家人擺婚宴! 門口無signage無招呼, 於是自己頭昂昂(仲要抱住個女)四圍搵, 正當我搵到既時候先至有位帶位小姐好"熱心"咁話俾我地知"xx聯婚"o係埋邊! 入到婚宴場地, 迫到爆, 檯與檯之間係無空位既, 而每張檯既chairs亦都係貼實哂. 不過老實講, 地方迫或者招呼唔好都唔緊要, 最衰係食物質素差: 乳豬好肥膩仲要唔知點解要擺啲海蜤碎係中間; 花枝片蝦球炒蜜豆又係成塘油係底; 翠玉瓜環甫有少少臭味; 炸蟹鉗無蟹味只係粉漿; 雞絲翅好似一碗漿糊水咁, 無雞絲更加無翅, 只有一pat pat疑似糕狀既物體; 生菜鮑片薄得透光; 炸子雞啲肉係"梅"既; 蒸魚大縮水, 我地估只係一斤多少少. 唉~ 最弊係紅豆沙同美點雙輝都係凍既!!! 如果唔係老友結婚, 我一定會叫對新人回水 (講笑jei!)!!! 我諗呢度唯一賣點係有海景囉... 但夜晚黑麻麻根本乜都睇唔到, 要有海景做乜?!

兩大兩小睇完open rice 食評去飲茶, 食評話有靚景, 又唔駛排隊先去, 點知當日11時, 電話去訂1時正枱時海景位已滿. 唯有無景枱啦.去到原來好多人, (但唔訂枱都會有無景位嘅)最基本的要了蝦餃, 燒賣, 义燒包, 春捲, 花膠雞粥, 忘了一兩樣, kitty 紫米糕 (因為無白兔仔) 和 雜菌炒(炆)伊麵(?)點心雖有少少進步空間, 但同價錢掛鉤就要讚好味, 尤其雞粥, 用靚雞肉,香米用心煲, 我自己花盡心機, 用晒靚料都煲唔到! (super 好味, 老公激讚.)而不合格的有 : kitty 紫米糕, 因兩個小朋友都話唔好味, 剩晒!另外, 可惜的是特價的雜菌炒伊麵 ($48) 衰在 1)太大碟 2) 唔靚仔 3) 好少菌 4) 伊麵又淋又多油, 結果是非常難食! 剩晒.$48仲想點? 係嘞, $48唔駛大碟啦, 我叫嗰時想像是細細碟份量少嘅,而 講明雜菌但幾乎看不見菇或菌的話是不是過份 ?? 起碼比人見到有三款菌啦! 成餐飯就係比個炒伊麵破壞晒, 會再去但 伊麵bye bye.*****重要事項*******如遇到星期五,六 有人包場擺酒, 去晚飯就一定無海景,

以前試過Mega Box果間御苑皇宴，環境同食物都唔錯，今次朋友聚會，選了尖沙咀新開果間，裝修好靚，比Mega Box果間仲多左個無敵海景。食物方面，真係好好味！有幾味特別值得推介︰土匪羊扒 – 見個名幾攪鬼，加上本身好羊，所以一試。個樣有D似黑椒雞扒，食落好香，好特別，仲好有羊味，羊癡必食！上枱無幾耐，已經被橫掃，差D連相都影唔到！不過，唔記得問下點解叫「土匪羊扒」…有朋友建議食咖哩牛腩。咖哩牛腩周街都有，雖然我好咖哩，但無物期望。點知出乎意料，好濃既咖哩，勁香！跟窩巴食，非常一流！聽酒樓D人講，平日佢地中午有做埋免加一碟頭飯生意，呢味咖哩牛腩好受歡迎架！食得多肉，黎個菜。酒樓推介下，點左豆苤，即係豆苗最嫩果部分，真係刁鑽。結果真係無介紹錯！比一般豆苗更好味！甜品方面，我地點左土豆西米焗布甸，貪佢夠特別。平日多數係蓮蓉或芋蓉，估唔到土豆都得，而且仲正，又唔會太甜！正！好滿足！正如之前Ms Chung食評講，人、境、食都好好既一餐！一定會再去！

今次係第二次來，契媽生日，昨日1030去到霸位，但一望個場無客既，仲以為未開門，我地坐了望海景位，但天公公不斷地哭泣，看不清海景，我坐了半小時先有第二個客入來。這裡的點心細細件，用料靚，我點了流沙包…有三件，咬落去，d沙爆哂落我口，正。叉燒腸粉…雖然細細條但叉燒勁多，有口感。素粉果…皮薄，內裡的料切得好細粒，漲滿哂，好味。臘腸卷…靚腸，仲好大條，抵吃，吃完都飽了一半。鳳爪…都有六隻，味道好。侍應有禮，坐得舒服，埋單98元，值得再去。