御記御犇麵館 (已結業)

住大圍附近 (顯徑)，但之前都無留意到呢間麵舖，肚餓經過無期望下入去食個麵，但竟然有驚喜，牛丸真係好彈牙，味道都不錯，之後會再幫襯。就算雙併都係四十幾蚊，今時今日喺香港算係好抵 ....

晚上摸不着頭腦食什麼，經過這店名叫御犇麵館，不妨一試！這裏標榜牛丸和牛腩是用料新鮮，便點了一碗牛筋牛腩湯粉($45)和一碗牛丸牛腩湯粉($43)。湯底濃郁，牛腩非常入味，牛丸彈牙牛味十足，牛筋軟滑，粉條薄薄的爽滑非常！服務員很有禮貌，廿四小時營業，日後吃宵夜也是一個好的選擇了！

呢間御犇有兩間在大圍，唔知有無關係，今次去左舊啲呢間，坐低無耐聽到隔離枱係咁催單，但望落又唔算好多人，可能得一個廚做野。到我點時又唔算等好耐我點左個四寶米線，同一般粉面店既四寶有少少唔同，有魚蛋，雲吞，札肉，豬肉丸，總之都係四樣野，味道不過不失，沒有驚也沒有喜下次試下金禧樓下個間先

在沙田大圍經過這間24小時營業的食肆御記御犇麵館，順便吃碗牛筋河粉，門口只見一個大招牌「御犇麵館」，從門外觀看還誤會未正式營業，皆因為店舖內外裝置都比較簡陋，桌和枱擺設都比較擠密，我對「御犇麵館」」的犇很好感興趣，相信麵館都是售賣牛腩為主吧！打開餐牌看看，主打都是牛內臟：筋、腩、肚、肺、腸、膀，可以配飯或麵。我選擇牛筋河粉$35，牛筋夠腍且份量也算頗多了，如果有少許菜就完美了！麵館沒有清水或茶提供，所以吃畢牛筋河粉有點兒口乾，可以加錢揀冷熱飲品。

見有間粉麵舖新開，原本諗住姑且一試的心態，叫左個牛腩麵。$35元，上到檯見賣相唔錯，係啲湯少左啲，食落去牛腩無渣，味道唔錯，有水準有驚喜。值得一讚。員工態度有善。下次會試其他食品。

簡簡單單不一定要用金錢來衡量食物的好味,平民食物中廣東人最愛吃到的牛腩粉舖絕對是我肚餓大腦第一時間想起的美食。。。冇錯又係區區食牛腩粉之時間，今次選址大圍、還記得早在半年前路過《大圍紅綠燈角位的大大間茶記》，一式一樣叫上牛腩魚旦粉、一面食一面搖搖頭之經驗, 告訴我大舖未必一定好。。。今次就走上轉角的一間小型牛腩粉面舖, 鋪位狹窄食客與食客之間排排坐貼身程度、絕對是港式牛腩粉的表表者, 不用多想要上同一式一樣的「牛腩魚旦粉HK$42. 」來者大約有七至八件中或偏细件牛腩部位，「肉質雖瘦但帶有幾分肥膏在伴、咬在口中完全没有黐牙之感，軟稔好吃、至於魚旦亦並不是(排装)即人手逐粒逐粒撕出來的那一款，富彈口好吃~」整體來說以這個價錢絕對食得過，但人多起來就要接收(手爭撞手爭)的擠迫情形。

讚：1. 價錢唔貴2. 上菜快，料足3. 牛腩都算鬆既4. 服務幾好，笑容相當舒服彈：1. 魚蛋好鬆泡泡又得腥味，搞乜？2. 湯底好淡可能無食到牛丸？我見個個都讚牛丸咁，可能果樣先係招牌卦

十點多，好久沒到大圍火車站附近，這裡可說大圍市中心，不少店營業至夜深或通宵。很多人曾問及有何美食介紹，通常也只搖搖頭，較好的已關門，尤其大肆宣傳的，可以不理。今次來到這店，易手還是改名了？店內裝潢一樣。前身食過一次，香港仔魚蛋粉什麼的名字，這個名號有如什麼腸粉一樣，跟連鎖沒有關連的。店門貼上受訪過牛丸似的報導，我本無期望，只是四野無什想食。今晚點的是牛腩撈麵，大路簡單，做得好卻不易。牛腩俾的是拼湊出來的頭尾，炆的火喉夠了，用料是冷藏貨式，斬切手法不好，部分纖維太長又鞋，攝牙罅了。調味也不見出色，香味不足偏寡淡。麵底算爽彈，卻重鹹水味，有點苦澀。蠔油大路桶裝李錦記貨式。送的湯底尚可，豬骨雞架煲，火喉還好。整體而言，一切尚可，價錢來說也沒有被騙吧，只記得，同一菜色價錢，易手前較好。

每次去大圍食飯都會經過呢間餐廳嘅門口見到 佢將東張西望banner介紹佢嘅招牌牛丸， 今次同朋友兩個人終於去左試。入面裝修同普通面鋪冇乜分別，自己揀想食啲乜嘢餸。 我哋最後叫咗一個牛筋丸牛腩河， 川辣雞髀河，生菜走油。個牛筋丸牛腩河既湯底都唔錯，唔會鹹啱啱好。佢仲好好俾左好多蔥我，對於鍾意蔥既我真係加分。啲牛筋丸又真係幾好食，好香牛味而且好好口感！唯一比較可惜係雙拼得兩粒牛丸... 另外牛腩亦都好冧勁有牛味，分量正常，比一般麵舖好食。川辣雞髀河都ok。雞肉好嫩滑，而且份量都唔少。不過友人就一路食一路嗌好辣... 所以唔係咁食得辣嘅朋友，記得問下有冇得少辣。跟餐加15蚊就有一份油菜，正常價錢。叫左份生菜走油... 走左油但係就落左好多蠔油，搞到有啲鹹。總括而言，大力推介佢嘅牛丸！好味！

睇完東張東望，一直都想試下，點知幾日黎過一次，竟然同我講未有貨😒 非常失望，老闆話屠房大清潔，所以都無新鮮牛黎打牛丸。所以今日再黎，一嘗新味道，果然 ... 「彈彈牛丸」沒得彈，超正👏🏻👏🏻 不過係地方比較細，但為左食好西，值！

上次看電視見到介紹這間彈彈牛丸，今日經過見到有個把那訪問相印在大拉架上，一看已超吸引。跟著更在玻璃門上貼滿很多雑誌訪問。入到店內是間窄長站，兩旁放了很多小圓枱，牆壁上貼了食品價錢及麵類組合。 入到先知上水屠房close 冇牛，所以冇得打牛丸。可以加$19 一份魚皮，魚皮份量不多，但就十分新鮮。 而且魚皮夠簿，炸得十分鬆脆。牛筋腩米，湯底色澤及味道也不錯，但牛腩份量真的少得可憐，得兩小條(不能説塊，真的細得緊要）。 連牛筋也少得緊要，不過牛筋腩也燘得夠稔。這個就是其中一條份量。牛什河份量也略少。

一向在御記食開魚蛋麵，忽然個招牌唔同左，原來只係改左名，都係原班人馬主理。見到電視有介紹牛丸，叫左一碗。嘩！真係好爽好彈好有牛味，原來用溫體牛大腿肉每日都在本地屠房直送無入雪櫃，每朝由老闆於麵店內整，唔怪得好似食新鮮牛肉咁！在這個凍肉橫行的香港真係少有。下次可以叫埋黑椒牛丸同牛根丸雙拼試下，因為都係老闆自己整。而且因為無轉師傅，辣椒油繼續勁正! 辣得來有回香，很多渣不會只是油。原來他們用的辣椒成本好重，係用非洲野生辣椒來炒辣椒油。

難得休息，周圍揾下野食。知道大圍有間手打牛丸，就揾路入去試下。叫左碗牛丸河加杯凍奶茶。賣相唔算係特別突出，但一咬落粒牛丸度，真正感受到咩叫彈牙，仲要好有牛肉味。香港應該好難食得到呢種質量的牛丸。後尾聽侍應同啲食客傾計，原來早幾日大台的《東張西望》有訪問過佢地。同埋OpenRice 用錯個名，應該係《潮記潮犇麵館》，同埋啲侍應話只係改名，唔係易手，希望OpenRice 都可以同店舖溝通返，用返正確的資料比大家去揾到呢間咁好美既牛丸。