復興粥麵專家

營業中

休息中

復興已經開左係度好多年，住係荔景邨既居民無人不識，食飯時間經常爆滿，也難怪，因為味道真的不錯，粥粉麵都有得食。平時食開既都係牛腩系列或者雲吞肉丸咁，今次試下都係大熱既粥、腸粉等。- 皮蛋豬紅粥粥底好綿，皮蛋都應該有半隻，同埋不少豬紅。坊間有不少粥鋪都會因為怕粥唔夠味而加少許味精或將配料較得濃味；而呢度絕對唔係，唔會死咸而無左白米香味。- 咸肉粽呢個粽就一般啦，食左好耐先見到有少少肉；不過綠豆同糯米嘅比例唔錯，幾平均。- 豉油皇炒麵炒麵乾身唔油，條條分明，份量十足。

今日喺荔景附近做野，lunch去左荔景屋邨入面既粉麵檔食我order左一碗魚旦粉～魚旦都幾彈牙，$28/碗，在屋邨入面偏貴，而細樽汽水就賣$5/支。粉麵質素算ok,但是服務就麻麻

好耐冇食過鮮蝦雲吞喇！今晚細妹放工，特登去咗呢間店買咗一碗俾我，話係好嘢咁話！打開蓋，好靚！撈起一粒，脹卜卜，圓碌碌！咬落去，嘩！全部都係蝦，一啲肥豬肉都冇！爽口彈牙，新鮮味美，令我即時回想起細個時，肥媽帶我去荃灣一間叫「津味雲吞麵」嘅店食嘅脹卜卜鮮蝦雲吞！雖然呢間店嘅雲吞冇以前津味食到嘅咁巨型，但同樣算大粒，實在令我忍唔住一啖接一啖，一粒接一粒，好快全碗KO哂！唯一有少少地方值得改善嘅係啲湯比較油，拌碗生菜比較少，如果改善埋呢兩樣，呢碗雲吞，值4.5/5分！宜家就4.3/5分！衷心多謝細妹，成日請好嘢我食，令身心俱疲嘅我，肥膏越嚟越多！阿門～

荔景邨雖然食店唔多，但當中有一款隱世美食「炸魚皮」，我每次到復興亦是必點的食物，有時甚至要 order 兩碟炸魚皮 $11，新鮮自家製，很脆有各式各樣的潮州粉麵、生滾粥......

因小弟今天身體不太舒服，午飯時間就此借一碗白粥清清腸胃。個人感覺: 白粥稍稀，但煲至米粒成花(爆開)，尚算合格。 唯一是口感不夠軟綿，有改進地方。 至於腸粉，因為要求走油，唔滑都冇所謂啦。

是日去探朋友順手買左附近的粉麵上去一同開餐依間野客似雲來 座無虛席 所以就選它吧點了一個墨丸牛什米墨丸牛什米味道:雖然店開在舊區 店面也沒有華麗的裝修 但都十分多人就知佢絕對唔差!!!!墨丸不是那些平價 口感奇差的墨丸!! 而是有小粒墨魚 口感彈牙的墨丸牛什夠香夠淋!!! 連牛肚也不會有咬香口膠般 一定是煲了很久才拿出來賣的!!! 

每次返黎荔景探啊婆，都一定食佢樓下間粉麵店！真係食過數一數二性價比值高的小店雖然每年都有價格調整，質素並沒有下降。十次有八次都係食牛腩米。除非果排病左想食清淡點會叫粥。其實粥都不錯 夠綿密，足料。牛腩米 半肥瘦 走蔥 。牛腩數量無10舊都有8舊。長年累月既腩汁已經非常入味濃厚。半肥瘦既牛腩口感最好 一肥一瘦夠匹配又鬆軟。

去完一個18日的紐西蘭之旅，返到香港最想吃的就是一種能充分代表香港的食物，也是我的 comfort food - 牛腩雲吞麵。店舖不大，但人流不絕。雙拼牛腩雲吞麵，表面以蔥花唐芹作點綴。牛腩肉與肉之間有一塊筋膜，咬一口，肉質軟綿，筋膜膠質爽滑，帶有少許油香。充滿牛肉味但不羶。好吃!雲吞用料充足豬肉蝦仁做主料，蝦味濃郁。因為餡料加入了炒過的蝦子，還有一種香濃的材料，應該是炸過的大地魚乾粒，味道非常調和。雲吞皮夠滑，加上彈牙的蝦仁，還有充滿蝦子及大地魚香氣的豬肉。絕不是街邊普通的雲吞可比美。麵質彈牙，吃起來帶有輕微的鹼水味，但不太明顯，本人喜歡加點辣椒油佐食。麵不會有蛋香，或有什麼味道。牛腩每塊都是肉與肉中間有塊筋膜，加少少的油脂。口感豐富，非常好吃。五星級的牛腩麵，整體味道有四星，另外一星是因為吃到了香港的味道，當你離開一個你熟悉的地方久了，就會有種思念。吃到了這麵，我就知道我真的回到了這個我熟悉的地方-香港。

今天是期五是我的小齋日，每逢這天都不能吃熱血動物的肉，而魚類則是可以的。難得一天沒有約，打算晚上去跑步，一放工就到我家樓下的粥店吃個輕盈的晚餐。老實說，在荔景住了二十幾年，可說是由細食到大，荔景村就只有這一間粥品舖，可說沒競爭對手可言。星期五的晚上比平日晚上人流較少，或者是Happy Friday大家都寧願外出食餐好的吧。七點半進入這店，店內就只有兩枱客人。我選擇了對著門口的圓枱坐下，應該是因為心理上要與坐在角落的兩枱食客保持距離以維持自己的Comfort Zone心態吧，嘻嘻~~~ 每一枱少不了的一大堆的調咪品，有辣椒油、辦椒醬、鹽、醋、芝麻。一於傳統的粥品店，除了枱上的小餐牌外，一個大餐牌在牆上詳列所有食品。清蒸蘿蔔糕是我最愛，這星期已經是第二次到粥店吃蒸蘿蔔糕。當然，我不是第一次光顧這店的蘿蔔糕，心底裡早已知道這裡的蘿蔔糕算是做得不錯。這次讓我有點驚喜的是少了的豉油，我是個不愛豉油的人，少一點豉油更能讓食客吃出食物本身應有的鮮味。出街吃蘿蔔糕，早就預算了是粉多蘿蔔少的了，幸好這兒的蘿蔔糕還能吃出有點蘿蔔絲，而且亦保留著白蘿蔔本身的清甜味道。大確四年前我第一次吃爽滑魚皮，這道菜不是

今次第4次黎喇, 係因為有一次去大嶼山拜佛, 坐地鐵中途好肚餓, 於是o係荔景出閘, 咁就發現左呢間粥麵店!!!!!!!!!!!!雖然只係普通一間老店, 但食物既味道卻一點都唔簡單!!!!每次黎都必食既豬手河, 豬手炆得好入味, 皮夠淋, 但裡面既筋彈牙有趙口, 就連普通既豬手都能帶俾你兩種層次....湯底好清甜, 唔係只靠腩汁才有味道, 河粉又夠滑, 最瘋癲既事一碗只係$22, 我地另外仲叫左碟大既炸魚皮, 魚皮唔厚, 炸粉好薄, 所以炸得好脆口, 大size都只收$10....仲有油菜竟然只係$7, 點可能仲有咁平靚正既粥麵店架??!!因為每次黎都唔駛我俾錢, 所以一直都唔知價錢, 今次對我黎講真係一個大發現呀!!!如果我係街坊, 相信我一星期會黎食3-4次走唔甩

每年加４次價，貼新價錢每個牌都不同的，所以每次都計多了錢，ＯＫ！食物縮小，都ＯＫ！最主要的兩個老坑的服務態度令孤星不再幫襯呢間名大於實的粥麵專家！                       　孤星在荔景村已住了三十多年，ＳＯ是中坑，但就不及復興粥麵專家上、下午老坑經理的態度嘴臉及食物水準不斷下降了！早上的老坑經理把聲如太監般的尖叫－－一個艇仔！小紅，走！魚蛋麵。。。講馬經就至激添，一副公高蓋主的嘴臉，把聲仲吵耳（嘈）過座上的食客！難怪見有食客臨走時交叉＠＃＄％︿＆呢個經理哩！　 　           就如今日７／９／１３（六）孤星中午２時在外拍攝餐牌的復興粥麵專家吧，先講價錢在９月中又加了＄１元哩。 　        １３年２月中的圖片（一） 碎牛粥～＄１４元，現是＄１５元 白粥～＄５元，現是＄６元 腸粉～＄７。５元，現是＄７元，但都是非常把鬼又涼的腸粉（無花生醬），同荃灣的德發（龍）粥品腸粉＄６元就差很多了，獨市呀！ 　　                 以往好吃的粥麵： 讚！及第粥（有豬腰，後來無了）、魚蛋粉（彈牙），白粥（太多果皮，後來沒有了），米粉、麵及粗麵也是一般。 　 

在這條看似荒蕪的屋邨, 竟然給我找到一間開業超過三十年的潮州粉麵店, 據聞這店一向有班街坊、學生老顧客支持, 開店時間由早上六時至凌晨一時半, 實行早餐至宵夜都可以暖住你個胃。門口是淥麵廚房, 內裏掛著多抽牛內臟, 並且有一盤翻騰著的滷水汁, 不論牛腩還是牛雜都是要經過滷水的洗禮, 滷水料多達十多款: 包括草果、桂皮、八角、沙茶等等, 味道濃香得來也不會鹹到死翹翹內部亦有一個廚房, 是製造粥、腸粉、炒麵等食品的基地。來碗牛雜河... 牛雜會食到有香料的味道, 留在口腔內縈迴不散；味道不會過鹹至少牛的臊味也可吃得出來；要說肉質這方面, 不要期望是腍到磨兩磨就散開, 總要帶幾分嚼勁, 要越嚼越出味才能嚐出那股功夫來。即拉豬潤腸粉 ... 據聞米漿是用石磨磨出來, 難怪腸粉米味重, 粉皮薄, 入口滑嘟嘟；豬潤是切到薄薄的一片片, 清洗乾淨亦無內臟的臭腥味。 炒麵就只得少許配菜拌食, 油份頗高, 而麵條質地也較黏牙據聞此店的殺手鐧就是選用新鮮牛內臟, 兼且不怕水費貴咁用心地清洗內臟, 內臟清潔就可以無止境地吸收滷水精華。

呢間開左好多年既粉麵檔係我讀緊中學時成日去食lunch（大約十年前），當時成日都要等位，人多到要排出鋪外。事隔十幾年估唔到lunch time都仍然爆到顛，不過又真係值得等既，佢𥚃面啲牛腩牛什仍然好好食，好香，又唔太淋又唔太硬，燜得啱啱好。唔知點解佢嗰種香味喺第二度食唔到既。另外，佢既雲吞亦係一絕，啲蝦好爽，肥瘦肉好平均，正！簡得一提，個老闆堅好人，到而家仲成日送魚皮俾啲熟客食，值得加分

今日放工夜到爆*- 又未食飯.. 唯有同家姐去附近餐廳食野 *- 復興開左好耐下.*- d野食幾好味..又平.*- 夜晚唔想太飽 叫左碗 豬腰粥食*- 同蝦腸豬腰粥 : 白粥靚.. 唔會好結'.. 有d蔥同薑絲.. 配得唔錯. 豬腰唔會有腥味. 又爽口'' 大大碗. 18蚊*- 抵食 每次黎親都會叫腸粉食*- 因為師傅係即叫即拉 '.. 特別係即拎出黎*- 熱熱地咁食.. 好正''' 蝦腸 : 一條腸粉都有4粒蝦 '' 一碟3條'' 都係10蚊*- 抵死 '' good'' 早上開到夜晚2點*- 如果有踩開夜單車既人*- 唔怕遠 都可以踩上黎荔景試下依間野架.*- 唔錯*- 好好味.. 老闆人又好.*- 好nice..

去左荔景返工﹐就發現了呢間位於屋村地區的小店﹐都係黎食餐晏仔啫﹐無咩要求啦﹐但食物水準竟然出乎我意料之外啊!!老闆超好人﹐每次見到我地就會免費送我地一碟魚皮﹐仲話唔夠食問我再攞啦﹐係呢啲小店除左食物之外﹐仲覺得多了一份人情味﹐感覺好好~牛腩撈麵‥好大碟﹐唔止一個麵餅﹐我總不能一個人完成﹐蠔油鮮味﹐但食到尾段就會太濃味﹐鹹左少少!牛腩沒有特別要求﹐隨便拿來的都係肥瘦適中﹐好腍好滑﹐以這樣的價錢﹐真係好抵食~雲吞炸醬撈麵‥炸醬份量依然多﹐甜中帶少少辣﹐雲吞都不錯﹐夠爽口又夠味道~老闆特別推介這裡的煎蘿蔔糕﹐見到隔離枱的﹐白矇矇好似無咩料﹐但賣$6就有兩大件﹐放上甜醬﹐第一啖放進口中﹐已經知道真係好野喎﹐雖然無料﹐但就充滿蘿蔔香﹐見到一絲絲蘿蔔﹐果然不錯的推介啊要去呢度記得係荔景A2出口﹐上樓梯﹐由美心快餐向前直行﹐去到賢麗苑就見到了!有雜誌推介這裡﹐推介白灼墨魚鬚﹑豬膶粥等