德如茶餐廳

營業中

休息中

雖然旺場，菜即叫即炒也比鬼佬快餐有效率，才不過三個動作，廚師已將排骨走油，連同波椒埋個濃芡，就這樣淋在炸米粉上，是港式小廚的效率特色。米粉一炸，油膩也是當然的，不過頗香口，芡汁也比不少茶餐廳夠味，如果你是吃得慣芡那類人，值得叫來試試，不然肉質天然的排骨醃得也夠味，用來伴白飯吃亦不錯。

第一試呢間，原來幾好味，天氣唔太熱可多d去。環境: 可坐室內及室外，秋涼時份坐室外較free。食物: (1) 干炒牛河 ($34) - 夠鑊氣﹑牛肉鬆化夠味(疏打粉的好事)﹑河粉油油地但尚可接受。(2) 蒜香骨飯 ($30) - 賣相得但肉質稍"林"; 甜豉油加上酸白蘿蔔及青瓜就ichiban。飲品: 檸底大樂 ($14) - 大粒冰配支裝大可樂, 透心涼。提示: 辦公室午飯時間超多人。

見放假, 突登去到係電視介紹過既茶餐廳, 其實黎呢度都幾唔就腳, 如果唔係特登黎試, 都幾難有機會.呢間茶餐廳真係好FULL, 佢既茶餐又真係幾好味, 佢地最大特色係個廚房係OPEN KITCHEN, 仲係在街上面, 可以見到廚房既運作都幾得意. 呢到茶靚, 蛋香, 食過就明白點解要行一段路都咁多人去喇!!眼見有人叫西多士, 好似好吸引, 之後見到廚房用大量既油去整….真係有D怕怕, 呢D咪叫寧俾我知, 莫俾我見囉, 哈哈!!

雖然有HK$6,000响手, 都係唔好亂"fing"好耐無去過大排檔, 今日lunch就去試一試行咗去PP後兩條街 - 灣仔光明街的德如茶餐廳 well, 呢度大部份碟頭飯介乎HK$30 至HK$34, 嘢飲另計想叫隔離枱炒得好靚嘅干炒牛河, 點知無哂我地4條友, 3條係女 (唔好太羨慕) 所以只叫3個碟頭飯, 另加一碟「奶醬多士」及4隻「南乳雞翼」(@HK$5 隻架!)3個碟頭飯分別係 - 「星洲炒米」, 「西炒飯」同財爺都唔知價錢嘅「粟米班腩飯」嘢食質素ok - 但唔係話太太太好無乜驚喜就係大排擋水平囉即沖飲品要等一陣先有, 其中有兩個伙計 (定老闆)態度唔錯, 有一個則麻麻地 - 不過茶餐廳來講 - 可以接受囉環境實在算不上乾淨, 我覺得呢方面可以改善下啦, 雖然話係大排檔, 都可以與時並進嘛埋單每人HK$41 (HK$166 for all) - 我唔覺得抵, 但就唔叫貴囉財爺 - 了解下民生痛苦啦!!!

好久之前也是因為客戶的關係，已經路過德如一次，今天在同一客戶上班完後，去了一口曲奇，付款之時問了一句「對面間茶餐廳好唔好食？」，店員答案是「好食，間野好多年啦，杯奶茶好好飲。」既然如此，擇日不如撞日，進去後發揮我唔怕醜既精神，直接問落單伙計有咩好食，換黎答案：「家鄉炒飯丫，你怕唔怕辣，辣辣地幾好味的。」，再加多杯熱奶茶，滿心期待。德如老闆邊度家鄉我真係估唔到，但這碟家鄉炒飯一黎到已經香到不得了。見到廚房一炒好後，伙計才把銀魚乾放上飯面。炒飯望落去好似幾濕，但其實都是汁，飯炒得粒粒均衡，汁都包住每粒飯，超夠鑊氣。配料除了銀魚乾外，還有蛋花，叉燒和鮮蝦，兩者同樣出色，蝦不是死蝦霉蝦，夠爽口；叉燒就算切粒後都感覺到其「生前」是鬆化的，而且是半肥瘦的叉燒。飯的辣味大於微辣，但又不會辣得滿頭大汗，既熱且辣吃得很是過癮，果然無介紹錯。熱奶茶是在外面沖的，就在外面那一架鐵皮車，這一架車令我想起蘭芳園，但蘭芳園長期人龍超長，如果想感受下香港舊茶餐廳文化，這裡也是不錯的。這杯熱奶茶，茶味比奶味重，我不抗拒，但我想下次會叫茶走或多奶；奶茶幾滑，果然無介紹錯。雖然要行斜路，而且幾唔就腳且遠，但我想還是值得一

灣仔光明街, 在皇后大道中還要行上一條斜坡才到, 頗高級的地段呀…. 見那些地產公司放在玻璃門的廣告, 就算是4百呎左右的, 全是超過一萬元一呎的樓房, 不要說那些一千呎以上的了, 最起碼的也要萬八元一呎… 在這些貴價房的樓下, 就有這間十分古舊, 沒有裝修, 一半廚房還放在街邊的茶餐廳, 坐下了, 餐牌也沒望, 其實可能是沒有餐牌的, 就與阿姐講, 要一碟 “炒飯” 和 “奶茶”, 阿連問都沒問是何款式的”炒飯”, 便向廚房走了, 先來了奶茶, 味道尚好, 與一般的茶餐廳無甚差異, 特了差不多20分鐘才來”炒飯”, 是楊州炒飯, 估到了… 炒得不太乾, 些少濕, 不合我謂口, 但還好… 飯還顯得一粒粒狀, 沒有“痴”住一舊舊, 材料都是一般的义燒, 生菜和小蝦, $39 找數, 可以吧…. 下次才試一試 多士和咖啡…

一碟飯都要廿幾三十蚊, 野飲仲要另計, 差不多四十蚊一個午餐食物質數方面, 食過沙爹牛肉河, 牛肉無話"那"過咁, 河粉又同出面差不多, 都唔係話太好食, 過得去咁啦!衞生方面要改進一下, 雖然見唔到蟑螂, 很多地方都有污漬, 抹干淨d會好d但又唔知點解咁多人食!

今天老公陪我去灣仔做牙科檢查，在檢查之前，我們已經想好要到德如茶餐廳吃下午茶‧幾經辛苦才找到這間店舖，可惜這間經常在報紙或雜誌被介紹的店舖，食物水準竟然令我們大失所望‧我們點了蛋治，奶油多及熱奶茶，然而味道竟然如下： 蛋治：蛋唔夠滑，麵包唔夠新鮮，麻麻地!奶油多：雖然牛油及煉奶都夠，可惜唔夠香，加上麵包又唔夠新鮮，味道也是很普通!熱奶茶：沒有茶味及奶味，好唔掂! 原本我和老公對此店抱有希望，然而結果卻出人意表，尤其是奶茶，相信我們都不會再來了‧

灣仔星街一帶,如果說是法國之小小殖民地,你們會信嗎?Chez Patrick,La Fleur,肥仔周的Olala等法蘭西餐廳,外圍的Agnes b,低調的法國生活店Kapok又剛好成為其中一個法蘭西成員,忽然之間,有如身處在異鄉.有友人又說過:{這一帶是法國迷的烏托邦.}為了感覺更加French,iPOD上的playlist,即刻loop到去Nouvelle Vague,真係扮野.在Kapok對面的老牌茶記"德如",突然之間,彷如異族入侵.比起歌賦街,蘇豪一帶,對比更為強烈.皆因此一帶沒有前兩者般熱鬧,靜局的氣氛,更為突出這間德如的存在感.同時亦好想知道,Kapok的老闆Arnault,有沒有來過對面喝過港式奶茶?除三文治外,早上還有麵食陪伴著,不過全部都是餐蛋,腿蛋,腸蛋,自己整到的那一種,既然自己都做得到,為何仍要比錢給人賺?凍奶茶味道偏甜,腿蛋麵要我怎去說?火腿片得薄,邊位煎得微脆,荷包蛋也煎得頗靚,早知的話,當然要太陽蛋.麵條不是甚麼丁麵福麵,而是頂好的無味麵條.就是這樣.童年時感覺最純最真,在渡輪上最期待的,就是個餐蛋福麵,在小息時吃個什麼也沒有,自己沖

相信喺PP3附近上班嘅人應該多數幫襯過呢個”大排檔”, 雖然佢有個茶餐廳鋪位, 但每逢午飯時間啲枱就開晒出馬路, 可想而知幾多Fans呢! 有時仲有差佬趕添, 因為啲客坐晒出馬路阻住啲車出入嘛!講到嘢食嘅水準, 呢度算係最穩定喇! 唔似好多食店, 第一次食唔錯, 第二次已經唔掂, 跟住就唔會有第三次喇! 仲有, 有時”無記”啲劇集都有喺度取景架! 因為呢度門口有個非常懷舊嘅屋仔茶檔坐鎮, 好有Feel架!例湯 (足料唔係味精水) 家鄉炒飯 (有少少辣, 有叉燒, 蝦仁, 最特別係伴咗啲炸脆嘅白飯魚, 食落好香口, 唔知老細係邊度鄉下嘅呢?)

An overdue pickup of something I should've done so 4 months ago brought me here, in Wan Chai's secret corner, surrounded by now-popular establishments on St. Francis and Star. There they were, walking up around the bend passing the posh CHEZ PATRICK and minimalist CLASSIFIED. The once-dreary landscape of unknown has been transformed into the new chic culinary mecca. I arrived at the lifestyle boutique and greeted the owner, picked up my item, and headed out the door to find an old-style joints.

在星街和月街附近食肆林立，但有一所"簡陋"的半入舖大排檔，今天上班前要先行到灣仔辦事，也造就了這次的光臨。不用多說，在香港碩果僅存的大排檔越來越少，不是被淘汰了就是因為後繼無人，好不悲傷。不過，有的大排檔出品卻是毫無誠意，有點以大排檔作賣點而繼續經營的，看到此景有點"雞肋"之感...這家大排檔的早餐有點奇怪，跟一般的不太一樣，套餐非常簡單。既然選擇只有這個也就來一個嚐嚐好了。沒有愛吃的沙爹牛肉而只有火腿，這個<<火腿通粉>>味道很一般，通粉還好沒有過腍，而湯底是用回丁麵的味精粉而開的，物盡其用。至於茶餐廳的"靈魂"<<熱奶茶>>，沒有那陣芳香濃郁的茶味，既不滑亦不香，平平無奇。跟餐附送的<<牛油多士>>，味道正常不過，外脆內軟熟，如果能再多一點牛油便更加美味了。吃到這裡有點若有所失，"心水清"的各位該知道差了甚麼吧﹖那就是早餐中不可或缺的炒蛋﹗向中年侍應追加了一份<<蛋治>>，沒有焙底的麵包更加軟熟可口，而剛炒好的蛋熱呼呼的十分美味，如能多一點蛋汁便完美了。這

「逃離」西半山現場, 腦裡面只有「我需要一杯熱奶茶」8 個字, 撞了上0黎呢間幾隱蔽的茶記 / 茶檔. 天氣又焗又熱, 唔 mou 街了, 坐入室內叫個熱奶茶 + 奶油多 (total $16) 就算.奶茶幾多「沉積物」(茶渣), 飲落滑滑的, 茶味奶味近乎 60:40, 十分好飲!奶油多屬薄身, 見留了邊, 烘得金黃, 煉奶又落得夠, 大喜, 不過食落唔算鬆脆, 麵包邊仲係腍的, 加上牛油唔夠, 印象一般.室內環境幾殘舊, 衛生麻麻, 天氣無咁熱的話, mou 街應該仲好; 招呼不錯, 阿叔們幾友善, 見佢0地同大部分食客 (熟客?) 打牙骹0既開心情況, 係幾有人情味的一個地方.$16 買個滿足, 感覺不錯. 有機會再0黎 mou 0下蛇0下吧.

門外一個小小鐵皮屋, 沖著滑滑的絲襪奶茶, 日月星街一帶, 三家平價午餐, 就只有這裡有人海.每日菜式用Market Pen寫了在牆壁的瓷磚上, 有點慳水慳力. 叫了一個涼瓜排骨飯, 味道亦是十足大排檔風味. 說好, 奶茶是最好, 說平, $24連奶茶, 的確是吸引的價錢. 日月星街既平民野報導完畢, 如有下次, 必是豪食.

因為唔係好肚餓所以只係叫左 d 小食凍奶茶、豬扒湯麵、椰子醬多士我本身唔太鍾意飲奶茶所以都唔係好識欣賞不過朋友就話都唔係好特別可能佢只係熱奶茶出名，凍奶茶麻麻卦至於個豬扒麵 d 豬扒的確係比普通茶餐廳o個 d 多 d 心思起碼都醃得幾入味不過都唔算太大驚喜反而個椰子醬多士就幾o岩我心水真係好香椰子味o里度有少少相:http://eat-together.blogspot.com/2008/05/blog-post.html