德如茶餐廳

營業中

休息中

上次試完有利，今次自然試食光明街的德如大排檔，特別係我對大排檔的港式風味有一定偏好，絕對唔可以錯過一個人去到德如，發現有個單人位，坐底後一直考慮要咖哩牛肉飯好，干炒牛河好，定係炒麵好呢... 選擇太多了，但最後都點了肉絲炒麵，$30。這家大排檔午市沒有套餐供應，如果叫一碟飯加杯飲品都已經接近 $40，但係德如日日都好多客出入，究竟，有咩特別之處呢一. 食物有鑊氣今時今日，要響香港搵到間炒粉麵飯做得好，炒得夠鑊氣既真係少之有少，我的肉絲炒麵正正做到 d 一點，即叫即製，繁忙午市都絕不欺場，質素不比一些高級茶記遜色，唯一小小不足既係麵條可以再煎香點，效果會更好二. 食料新鮮份量足正如我今日既炒麵，其實足夠兩個人食，料多麵多，冬菇絲、肉絲、芽菜等數之不盡，賣相討好三. 服務夠快夠準大排檔講服務水準，你可能唔會應同，但係今日檔內叔叔眼明手快，再忙都好，都會主動問我叫 d 咩食，轉頭又問我要唔要飲品，有問必答，結賬時總有聲多謝，這樣便很足夠了!比較之下，德如同有利的分別，不止是地理上的一街之隔，而是品質上，服務上...一個亳無疑問的笑臉

很久以前來這裡食過，之後便沒有再來了，因這裡的營業時間對我們來說，真係幾難配合；早前剛剛有事休息，看看時間也來得及再來這裡，便立刻決定再來了。因之前已食過野，來這裡主要想飲返杯熱奶茶，所以只叫了熱奶茶兩杯、油占多和牛油椰子醬多。熱奶茶- 茶味香濃、奶味又唔會過重，真材實料，當然非常出色；正如說，賺少幾毫子也沒有問題，最重要是保持水準。可惜係用膠杯，唔係用厚身的舊杯飲，感覺上好像失去了原有的味道。油占多- 即叫即做，當然新鮮一點，味道都幾好。牛油椰子醬多- 問老闆才知，原來椰子醬就是咖，他說以前的人唔知什麼是咖，所以他另外改了這個名；咖味唔算太香，食落唔會太甜，口感都幾好。因這裡唔做晚市，所以小菜種類唔多，返而碟頭飯就很多選擇，下次有機會來試試先。

豬扒帶甜，很腍，雖然不是很濃，但仍吃得到點點囌打粉的痕跡。由於豬扒經過油炸，才放進米粉裏，湯底變得頗油，幸好有些白菜仔伴着，中和了點油膩。米粉亦剪得過碎，吃起來有點怪。這碗豬扒米索價26元，竟是跟碟頭飯同價，自覺太貴。豬扒米：26元熱檸茶：10元

之前食過佢d午餐, 好似係豬扒, 幾好味! 奶茶普通!於是, 再去食早餐, 麻麻地! 可以不試!

難得唔係星期日過海,還是想去大牌檔。有利休息,只餘這裡營業,幫襯以街坊熟客居多,可選坐店內,自己卻要坐在店外。點了生炒排骨飯+凍奶茶。一向唔習慣午餐時間吃飯,份量係男人份量,自己還是食唔哂。汁甜甜酸酸,不俗。生炒骨唔太脆,但頗為入味,不過嫌入面肥肉多左少少。菠蘿青椒也炒得夠香。反而凍奶茶麻麻,雖然頗滑唔太澀,但奶味偏重,茶味冇乜生存空間。大部份工序都在室內進行,至於出面大牌檔就要來沖奶茶(熱奶茶)同煎野。見阿叔熟手沖絲襪奶茶,熱奶茶是否比凍奶茶好飲?入舖成茶餐廳,出面的大牌檔,何時也入舖?

本想去有利lunch　today .. but then 有利was packed with ppl, so came here.. find here much more better than 有利. at least is bigger..more chance to have table.. we order ham and egg rice.. fried frice.. and fried beef noddles... all are very nice and you can feel it has "wok" 氣十足... taste nice.. however, the dishes are a bit big, so next time we might order 3 dishes share among 4 ppl also might try their toast next time..

連續幾日都要去PP III開會，有機會「掃一掃」進教圍的幾間食肆，就由這間大排檔開始。進教圍原來有兩間正宗排檔，但有利已早「進舖」，唯有這裡才保留部份運作在出面的排檔裡。天氣已轉涼，就算跟同事坐在排檔出面都不覺得熱。這裡的炒飯及炒麵都不錯，但是日卻想吃咖哩，就要了咖哩豬頸肉飯，亦叫了個炸子雞炒麵給同事。落單的阿叔不忘提醒「要等一等喎」，見周圍食客的「盛況」，當然明白。這裡的咖哩，非港式而是偏向馬來式的，即是重椰汁味道的。顏色雖然偏向有點螢光黃色，但落足香茅及月桂葉，味道不錯。反而豬頸肉落油炸過，腍腍的，沒什麼味道，口感亦麻麻。咖哩汁夠多，輕易的就吃完一碟飯；同事的炸子雞炸得很乾身，如果當是小菜就不及格，不過在大排檔有炸子雞吃，起碼誠意是有的。連凍飲兩杯，埋單66蚊。熱天來就受罪一點，如果天時涼快，坐路邊吃大排檔，也不錯。

PP3附近都冇乜好野食,太貴太高級又太難搵位呢度價錢合理($30幾蚊,星街附近wor!),食物日日都唔太同,好食.成日都好多人,但都容易搵位.推介:炒飯,豬排飯