德成巷仔 (已結業)

唔食冇損失，附近大把餐廳餐廳早餐及下午茶有一定水準，可惜夥計質素參差，尤其一位戴眼鏡白頭中年男子，對客極冇禮貌，呼呼喝喝，態度近乎趕客，拎杯水叫三次都唔睬你，同佢講調位。大大聲話要你隨時起身比返個位佢。自以為senior 同啲阿姐大大聲，全個場聽佢哋表演講嘢。之前有聽佢同啲客大大聲鬧示威者，可能後來俾人納入為藍店，唔敢再講。曾經遇過一位疑似老細嘅，彬彬有禮。奉勸一句，如果換咗呢啲夥計應該生意好好多。

當日大雨到有遮都半身濕，諗住搵個地方食嘢，順便避下雨，見到呢間聲稱自己係老字號既德成巷仔，就入去試下。未知係咪當日維多利亞公園有大型公眾活動，一入去就話無曬下午茶餐，只有常餐！自問唔算十分揀擇既人，所以得常餐咪食常餐囉！同行友人同我都有係點餐後，同侍應反映冷氣同風扇太凍，但係講左幾次佢都無應過我地，當聽唔到然後再特登叫佢過黎同佢講話我地淋濕左好凍，可唔可以熄其中一個風扇，點知佢既回應係佢好熱，熱到出汗，唔會熄 我地唯有諗住快快食完就走！期間同場亦有其他食客反映好凍，該名侍應都仍然當聽唔到！唔知係咪有心想啲人快啲食完快啲走！食物質素只係普通茶餐廳，但係要淋完雨凍住食就係不是味兒！

今日2019年8月18日落好大雨同朋友行左一陣街大家衫同鞋都濕左，諗著是旦搵間餐廳休息同食野入到去下午茶時間冇下午茶，落單之前又冇講明，到知我地要叫下午茶嘅時候就態度極差！落完單問佢可唔可以關一關風扇，因為衫濕左好凍，個伙記好串咁話佢自己好熱，唔關得！過左一陣第二個員工關左佢又開返！😡😡食物比一般餐廳更一般！不提也罷！有冇得揀都一定唔會再去！

大坑有間茶室開了2年左右提供早餐至晚餐裝飾係仿舊冰室茶記風格其中佢既蛋撻同各種麵包都係由師傅每日製作,脆口既撻皮,甜蜜既蛋撻餡加上少有既椰絲奶油包真係令人一試再試仲有佢既招牌奶茶,濃香茶味,可能係香港最好既其中一間

路過見到有手工麵包及蛋撻，忽然就好想食（大概係太耐無食甜嘢？），入面裝修都幾靚，索性坐下再叫一個凍奶茶。凍奶茶是樽裝的，飲唔晒都可以拎走，好方便，而且都幾好飲！我係比較鐘意茶味濃D嘅，飲完仲可以有茶香回味，不過如果可以走糖就更好啦。蛋撻上桌還是熱熱的，要趁熱食，外面蘇皮酥脆，入面蛋汁滑嫩，買多仲有便。菠蘿包唔算熱，同其他相比有D韌，可能有人唔鐘意，見仁見智啦。收銀姐姐都好熱情，宜家咁有耐心的店員好少見。

店家裝修很用心，色調復古，乾淨整潔，有舊時香港的味道。叫了一份牛尾湯通粉，味道出乎意料地好。牛尾是有骨的牛尾肉，有肥有瘦，十分鮮香入味。湯底濃而不膩，配料有洋蔥片、紅蘿蔔粒，整體份量很足。套餐搭配的煎蛋和牛油包亦都唔錯，還會再來！

整個環境裝修到好舊式，坐下來感覺彷彿回到50年前咁。奶茶又熱又濃味。叫了牛尾湯通粉，有3塊牛尾（1大2小夠肉）。湯自然好好味，很濃。我吃到清底。下次會特意來吃早餐。

今日帶小公主到大坑上興趣班，有一個鐘頭 hea ..... 原本打算走入大坑的茶檔嘆杯奶茶食個包。途中發現有間新茶餐廳，有奶茶飲又唔使行太遠，就決定坐下來。上綱一查發現這家【德成巷仔】始於1972年，原本位於銅鑼灣蘭芳道及白沙道交界的茶檔，最馳名是奶茶及每日新鮮出爐麵包。2003年創辦人退休結業後， 茶檔老闆女兒在大坑重開茶檔。新店更重金設置了自家餅房做酥皮蛋撻、雞蛋糕等懷舊老餅，麵包、西餅每日新鮮出爐，保持舊式冰室風味。難怪吸引不少傳媒報道。第二代打理，通常加入不少新搞作，就好似這個「七星伴月」菠蘿包的月餅，七種顏色及七種口味，非常有創意。室內裝潢。早餐都是平常的茶檔早餐: 通粉、公仔麵及三文治。每份早餐大約$25~35，價格合宜，因此見到不少街坊到來幫襯。筆者只想揾過地方，享受難得的一小時自由時間……揀了【蛋牛治配熱粉茶 $30】。蛋牛治首先呈上。鹹牛肉蛋治在香港很普遍，隨便一家茶餐廳也吃到， 這種平民美食要做得好卻不簡單。【德成巷仔】的蛋牛治就非常普通，沒有令筆者回味。首先這份蛋牛治蛋及牛肉碎份量少，特別是牛肉碎。雞蛋混入鹹牛肉沒有煎香，另外入面不夠濕潤，蛋汁又沒有內裡流心效果。

星期日又同屋企人行或是過大坑，見攰攰地就入咗嚟食嘢，雖然係茶餐廳但地方光猛寬敞舒適，環境不錯，叫咗個下午茶，好地道嘅雞翼薯條，雞翼香脆惹味，入面雞肉好滑又保留雞汁，粗扭紋薯條熱辣辣又脆卜卜，不太油！好味！

焗梳乎厘, 焗得好靚當然要影張相先, 食落去甜度適中, 好香蛋白味, 空氣感! 正!!! 另外,樽仔奶茶, 茶奶份量適中, 皇牌鴛鴦焗飯, 選了鮮茄豬扒及咖喱牛腩, 豬扒大大件新鮮爽口, 面頭很多芝士, 咖喱牛腩很腍同惹味!!! 不錯之選!!

夜晚同朋友响大坑想坐低飲啲嘢, 就入咗一間茶餐廰德成巷仔, 叫咗個焗梳乎厘, 焗得好靚, 又大個, 即刻忍唔住影張相, 食落去甜度適中, 好香蛋白味, 空氣感黎又有口感! 正!!!

由於太晏先出到大坑嘅源故，大部分再食嘅餐廳都已經閂左，經過呢間門口貼住報章介紹嘅茶餐廳，諗住應該都無伏，就比次機會佢。我見門口嘅報導都係講呢到嘅鐵板，應該係必食推介。什扒餐連埋飲品，湯同餐包。本來點左凍奶茶，因為好似係樽仔奶茶，但黎到竟然變左熱奶茶🙄 咁我早知叫茶走啦～餐湯無乜料，得個酸味。餐包都有少少期望，提子餐包真係買少見少。不過餐包只係微暖，完全溶唔到牛油。而提子就只有左下角一粒咁大擺～主角來了，但竟然沒有上黑椒汁！仲要待應完全無發覺，提醒左都仲要等超過五分鐘先有，黑椒汁淋上去嘅時候鐵板已經唔夠熱了！黑椒汁完全無黑椒味，但又稱唔上蒜蓉汁🤔 雖然份量好大，但係所有扒都係同一樣嘅腌味同梳打粉味，豬扒牛扒尤其過份。另一碟茄汁豬扒意粉就係無味之選，雖然啲汁嘅顏色好濃，但完全唔夠味。豬扒一樣係老嘅腌味豬扒

嚟茶記，最緊要多肉小菜，多汁多飯，同最緊要碗例湯。哩碗青紅蘿蔔湯清，味道適中。老乾媽係我最愛嘅辣椒油之一，見到哩個老乾媽豆卜蒸雞唔係唔叫呀嘛？雞件嫩溫無雪味，豆卜略為硬身少少。豉油味有，有少少好少辣味，仲唔知點解有梅子味，就係無老乾媽。朋友落完單話，唔記得叫佢少汁。我心諗多汁唔係幾好咩？上枱就知，因為哩度嘅汁係唔係叫都多到水浸咁。涼瓜火腩飯，係豆豉汁底嘅，唔係太鐘意佢太多芡，杰撻撻。火腩肉竟然係嫩口嗰隻，一啲都唔乾唔鞋。涼瓜半脆，如果多啲涼瓜就好了。

當放假諗住搵間普通餐廳食下午茶入到呢間餐廳叫左個菠蘿油同埋一個蛋撻。當佢上隻蛋撻既時候見到已經中伏，心諗蛋撻無水準唔緊要啦 菠蘿油好難會唔好食。跟手上個菠蘿油 仲要林謝謝加凍冰冰。一d都唔脆 仲要凍點解可以咁無水準 ？

我是看到某媒體文章前來第一次光顧的，結果太讓我失望了。食物質素簡直沒有水準可言，服務員保持住「唔願做」態度。事源：本人跟友人打算醫肚，就上網搜索到這間。我叫了叉燒煎雙蛋飯，朋友叫了瑞士汁雞翼撈麵，朋友那份都正常的，都未覺得伏，到後來我的來到，一眼望落去，一個字「乾」，跟著向店員反映，卻得到無視的對待，完全無跟進的行動，其實入去倒點豉油或煎多一隻蛋岀黎唔難吖？大不了加錢而已，好過「意見接受，態度照舊」，服務真係好差，錢就識得收，態度就黑到極。咁唔願做叫老闆接埋間舖囉。本人都做過飲食業，自問都不是淹尖的人，就算平時對方來錯食物，自己吃得下都會照留下，但這頓飯真的難咽下，整碟飯本身就無欠汁做面，全靠兩隻煎蛋同豉油撈拌，但偏偏這兩樣都少得可憐，味道尤如吃白飯般，「價錢就收到足，質量就求其到死」。不過，雖然全程食物質素不堪，但奶茶的確不差。有一點絶對可以肯定，就是不會再光顧，望貴店檢視一下員工的態度。