德昌魚蛋粉

營業中

休息中

北角德昌－魚蛋粉最好食...魚蛋彈牙，爽口．．．Ｄ米粉夠晒滑加一杯熱奶茶就最perfect喇．

魚蛋粉最好食...魚蛋彈牙...d粉夠滑加炸魚皮就更加無得頂...其次係牛丸...都唔錯...油菜就推介- - 芥蘭

有日行過,見到新裝修後就入去試下...但係入到去就發覺好唔妥了..湯底好難飲, 得個鹹味! 河粉好粗劣, D 野食難食到死不特止,D WAITER 既態度仲麻麻..成日走埋一齊傾計喎...都唔明,附近咁多雲吞麵檔, 佢\ 點可以仲繼續生存~唉,我冇野食都唔會再食佢\ 呀....

裝修的時候﹐很想它快點裝好。早兩天﹐看到它裝修好了﹐於是午餐就在這兒吃了。叫了墨丸魚蛋河及一杯熱朱古力奶。久違了的味道﹐竟然變了。湯底不是從前的味道﹐河粉很"林"﹐不好吃。那杯朱古力更不像樣﹐像一杯淡淡淡的朱古力水。唉~~ 我身旁的女人﹐也與伙記投訴為何味道差了??? 為何紫菜的顏色及湯底的味道這樣難看及難吃?? 總之﹐不像以前了。

今日係北角行街, 去左呢度食左碗魚蛋粉, D魚蛋真係好彈口有魚味, 魚片ok, D粉好滑, 湯底偏淡, 都ok. 其它無試. 可以講值得再去食既.

今天中午黎食brunch,order左豬扒腸仔炒蛋餐，加個魚蛋粉腩汁。豬扒比較肥，味道較以前差，炒蛋普通。魚蛋粉保持水準，點D辣椒油，乜都好味晒。

鋪頭唔算大，食物可以接受。但是魚蛋和魚片略為鹹左一點，味道較番淡一點就very good!!!

午飯時間, 和朋友去了試這裏的墨丸河和牛腩魚皮鮫麵, 好失望, 牛腩好肥, 又加了太多薑, 我不喜歡辣, 魚皮鮫有小骨刺, 皮也硬, 墨丸水準則一般...整體上有少少失禮.

今日成兩點去到, 都坐滿人..叫了個魚蛋魚皮米, 魚皮就一般啦..不過魚蛋就真係幾好味, 好彈牙, size中等, 有機會再去試其它食物!同埋見到門口都有一d報紙雜誌的訪問, 我諗佢地都應該幾出名.

魚蛋粉($17) - 魚蛋和魚片都好味，河粉一般。四寶河($24) - 有魚蛋，墨魚丸(細細粒但幾彈牙，好似還有少許墨魚粒)，豬肉丸(有肉味，不錯)和魚皮餃(都好食)。腐乳通菜($12) - 麻麻，菜葉偏黃。柱侯牛腩($40) - 牛腩牛筋都炆得好腍但略鹹，反而白蘿蔔好好食，味帶甜又沒有渣。特別要讚那個辣椒油，又香又好味，食麵加辣椒油(當然要水準高的)真是一絕。樽裝汽水$8一枝。老公覺不夠，再要多個淨四寶，食完好飽足。有些少味精，不算厲害。

成日掛住我的魚蛋河﹐放工心思思又去吃了。用的依然是透明薄身的河粉﹐好大碗﹐但當晚餐又唔夠飽﹐叫多碟菜喇。以前德昌一向冇菜心﹐而家有喇﹐試下喇﹐點知﹐貫徹佢油菜唔惦的「宗旨」﹐菜心好骸口﹐菜葉又爛﹐完全唔新鮮﹐非常難食。不過魚蛋河依然無變﹐湯底屬于偏淡的味道﹐我會加些少醋和魚露﹐當然亦少不得點些辣油喇。好開心我的推介有人欣賞﹐尤其係德高望重的KC 大人﹐點都要講句﹕多謝晒﹗食物的評分係魚蛋河5 分﹐爛油菜冇分。

看過Lulula 的食評，知道這裡是她的推介，食物是滿分的食肆。雖說感情影響味覺，但都想試試，可惜一直未有機會。上星期四晚，送了同事返屋企，時候還早，正好可以有時間，就一個人來試下。呢度除了招牌菜魚蛋粉之外，還有湯窩及一般茶餐廳食物。雖然十點幾，人一點不少，似乎幾旺場的。不太肚餓，只叫了一碗魚蛋粉來試。有魚蛋亦有魚片，還有一塊片頭，賣相幾好。先吃魚蛋，魚味不重，淡淡的，咬落好爽口，亦彈牙，有水準。不知何時，人們要吃重魚味的魚蛋，吃魚丸便可以，但這款爽口彈牙的，是個人標準中的「好魚蛋」；魚片口感跟魚蛋一般爽口，但味道略重了一點，亦有味精的痕跡，相比之下，還是魚蛋好吃一點，下次叫碗淨魚蛋粉好了；河粉是腍身的半透明幼身河粉，幾易結成一埋，個人計，比較喜歡爽身一點的，多油一點也沒所謂。值得一提的是，辣油幾香亦夠辣，越加越多，吃得很過瘾。埋單17蚊，經濟抵食，如果來開這區又想吃魚蛋粉的話，會再幫襯這裡。

本人一直很喜爰德昌的魚蛋, 因很有魚的鮮味; 昨天特意到天后店叫了一碗魚蛋粉。一看之下, 魚蛋不是以往的形狀, 再吃一下, 竟和街市的貨式一樣: 沒有魚味, 只一味夠"實"! 但其魚片則仍有水準, 估計魚蛋是取貨的, 真做壞招牌! 走的時候, 跟老闆說魚蛋跟以前不一樣, 他竟推說因天氣熱, 真的當所有客是傻的! 以後可以忘記這字號了, 可惜!

食食下碗魚蛋粉，察覺到有陣陣的漂白水味。初時未能確定來源，後來發現膠湯匙的漂白水味很濃洌，再"聞"下個碗都一樣有漂白水味！不過已經唔係等一次在德昌食到漂白水啦。上次在土瓜灣分店食到有漂白水味的腐竹！

一年前般離開天后區﹐是基於一個很特別的原因﹔當每次重返這區﹐又有一種很特別的心情。電氣道一帶﹐新開了不少店舖﹐但每次重返這裡﹐依然不能不來探訪一下德昌的魚蛋粉。最喜歡它的河粉﹐是透明薄身的﹐而且份量很多﹐魚蛋和魚片整齊地鋪在上面。魚蛋略呈方形﹐有人嫌它不夠魚味﹐我就喜歡它淡淡的魚味。要來當晚餐﹐一碗真的不夠。但德昌的油菜一直麻麻﹐故此唯有叫多一碗淨魚蛋。它的味道﹐一點也沒有改變。當我以為自己已經忘記了的時候﹐淡淡的記憶又漂回來了﹗