德昌魚蛋粉

營業中

休息中

好耐冇食過魚蛋粉麵啦！又係行完花市肚餓就衝左入去因為我整身對魚蛋魚片冇乜興趣，去哩啲舊式粉麵舖多數都會食牛腩牛腩就好睇到一間餐廳既功架！！叫左一碗牛腩墨丸米粉～其他粉麵舖多蚊搭幾條菜，德昌就搭舊蘿蔔，冇渣幾好味不到一黎到見到得好少牛腩真係有啲失望......好在食落都算嫩，唔係韌到咬唔到，不過就瘦得濟，唔係我平時鍾意食果種有少少肥膏但係墨丸就冇墨魚味，好咸，你話係魚蛋我都會信😂但係口感就好爽！所以似魚蛋囉😂衛生情況就預咗一般般架啦～但都好多人食，唔知係因為附近冇野食定大家都係行完花市

#小秘書 趁仲放緊長假，星期五陪媽咪行 #工展會😏 迫完一輪，我依然係兩手空空，但係媽咪就滿載而歸🛍 #小秘書 好需要一杯檸茶補充體力，媽咪話我有啲肚餓，當然要照顧咗佢先囉😏天后電氣道出名係一條食街，不過咁啱係下午茶時間，只好食得簡單啲，晏啲再安排🍽 古靈精怪嘅食物唔係咁啱老人家，我就帶咗媽咪去 #德昌 嘆奶茶，我知 #德昌 出名嘅係 #魚旦魚片，不過 #小秘書都係鍾意食牛🐂多啲，所以我就要咗碗牛腩河+芥蘭。#德昌 嘅 #下午茶餐 一樣出色，$29一碗嘅 #牛腩河，牛腩 食感雖然就硬咗啲，不過配埋辣椒油，非常野味... 就連配菜嘅 #白蘿蔔 一樣炆得又淋又好味🤩 不過加$9嘅 #油菜 就認真迷你🤤 幾筷子就無哂lu!!

今日lunch 見唔太餓，走咗去食碗魚蛋米，平時必叫多青再加個魚皮，今日冇咗魚皮感覺有點失色，湯底今日有D淡，所以加咗D辣油點調下味，如果食得落魚皮係我至愛，但最好浸湯因為就咁食有D咸，浸咗湯佢仲可以keep 住脆，皮又唔厚唔會整損口，呢度魚皮好出色。

魚蛋粉是香港特色美食之一，魚蛋係嘜？相信大家都唔會陌生，就係用魚肉加入麵粉混合成魚漿，再將混合材料加工而製成圓形或長條形，這就是港人常常會食的魚蛋了。今日係德昌買來一碗魚蛋河粉$30 (外賣)：河粉，湯及魚蛋分別用兩個外賣湯碗打包。太約10分鐘後，把外賣打開，熱湯內有魚蛋魚片各3個，河粉賣相非常幼滑。將湯及魚蛋大合併，就可以開餐超方便。湯底奶白色帶有胡椒粉味，魚蛋有彈性，入口彈牙而且質地柔軟，魚片鹹味較重，圓片形象，入口同樣柔軟細滑，河粉都好靚，滑溜幼細而且薄身，不會粘在一起，每條河粉都清晰分明。由下單，收銀到食物製成，全程只需5分鐘，呢間餐廳嘅效率超高，完全緊貼香港人嘅社會步伐。係服務方面，職員態度有禮，說話客氣，魚蛋粉入外賣袋時，職員還詢問我要不要辣椒油，呢個問題真係問得好，多問一句就不用浪費。

上星期最寒冷的一夜，行經天后，頓時很想食一碗熱辣辣的湯麵，於是便行入德昌，順便避寒😂一坐下來，便立刻查閱餐牌，用最快速度點了一客腩汁蘿蔔及紫菜魚蛋河。不消三分鐘，腩汁蘿蔔便上檯，煙緩緩升起，望上去已感到暖笠笠，食下第一口就覺得蘿蔔好清甜，絕對沒有加糖製作的那種死甜，蘿蔔很嫩沒有渣，牛腩汁也很香，不會過鹹，點上德昌自製的辣椒醬更覺錦上添花🤠之後是晚的主菜紫菜魚蛋河便上檯了，熱辣辣，真是將所有寒氣都驅走😆通常加上紫菜的湯粉，我都會第一時間揚下那束紫菜，因為我最怕就是紫菜不乾淨，常有一些黑點冒出來，怎知這店的紫菜好乾淨，一粒黑點都沒有，值得一讚👍🏼魚蛋爽口河粉亦很幼滑，只嫌湯頭味不夠，於是我便加上特製辣椒醬，成碗河粉味道頓時變得恰到好處😋他們的自製辣辣醬是有零售的，但因為之後有活動所以忍手不買，下次一定要買樽回家自用🤗雖然只是簡簡單單的一餐晚餐，但十分滿足，凍了差不多十天，那一夜真的是最暖的一夜❄️✨

第一次幫襯，亦係最後一次。今朝外賣兩個餐，等咗大半個鐘都算，一打開，料少又難食，失望。另一碗食咗大半發覺有料六十幾蚊唔算貴，但點都應該尊重吓食客掛？！天后咁多食肆，我以後唔會再食佢。

德昌魚蛋粉是傳統的港式冰室茶記，早市選擇都是一般的麵包粉麵早餐 A。 這份標示為「營養餐」的早餐，當真與營養二字拉不上關係，炸魚柳香脆感合理；午餐肉很鹹；炒蛋滑感普通；唯一推介的食品是熱奶茶，茶奶比例平均，好喝。

等人既時間，拎住一袋二袋當然想坐下。天后好多餐廳小店，是旦入左呢間見到個樣伏伏地....29蚊值唔值？一路食寫食評。凍檸茶少甜，ok既，真係少甜但亦少冰。天氣涼涼地感覺好少少，但本人最討厭唔凍唔熱的水薯條沒有炸太耐，但脆口雞肶暖暖地，未算凍夠咸但不夠香，「老」水汁味不多但雞皮夠滑29蚊成正比

地方不潔，成枱底係水張櫈有兩條河粉，叫都無人執，匙羹仲有條河粉係度，d杯油淋淋，叫左個魚蛋魚片米粉，魚蛋同粉淡，魚片咸，另外叫左個炸魚柳腸仔蛋，個炒蛋多油到…，條腸炸到乾，蘿蔔起哂渣，仲有個蒂喺到，亦都無味。

淨四寶有豬肉丸2粒、魚皮餃2隻、白魚蛋2粒、墨丸1粒、生菜小許。除墨丸較為好吃外，其他丸特別是豬肉丸很一般。雖然豬肉丸跟魚蛋都彈牙，不過欠缺豬肉味及魚味。魚皮原來有分大小，小份的一個人配麵吃的話都夠。魚皮炸得脆身不過有幾件都碎了，略有少少鹽巴提味，不錯。兩樣加起來近＄40，以這個質素來說偏貴。

平時喜歡去九龍城的德昌老店，因為湯底很足料入味，而且河粉非常滑溜，好索湯，每次差不多連湯都清埋，北角水準都可以保持到。是日到了天后店，點了水餃河加腩汁，先看賣相，其他店的大部份河粉都浸於湯上，今天的全浸於湯中，已扣分，先喝湯，雖已加腩汁，但仍不夠濃，再食河粉，雖已好幼細，不過其他德昌店的比較晶瑩剔透及幼滑，但比好多地方的河粉好好多，而水餃好普通，細隻又唔足料，還我滑溜河粉？

午飯時份, 見好耐無食過粉麵, 見招牌以魚蛋粉麵為主, 不用等位, 不妨一試.餐牌望完一輪, 發覺似間茶餐檔多過魚蛋粉麵檔, 有中伏感覺. 既然已坐底, 叫了個牛腩撈麵. 餐牌沒有套餐, 飲品要加錢. 叫完才發覺, 左右都係叫公仔麵之類. 今次好大機會叫錯了. 麵上枱, 蘿蔔和牛腩 "色澤分明", 如果一齊煮的, 蘿蔔怎可能如此白? 牛腩咬下去, 只是有點暖, 比一般魚蛋檔的硬身. 牛腩汁亦不夠濃, 應該係加熱時間不足. 一同叫的檸檬茶, 一般茶餐檔味道. 臨走前特別留意一下舖前的煮食位置, 發現沒有一大盤滾熱的牛腩, 證實推測. 不能全怪人, 自己進門時沒留意, 亦沒望左右叫什麼. 應該不會有下次了.

It is always me who have the desire to seek and try nice food, but for my parents, all they want might just be a simple yet delicious meal. Tak Cheong Noodle (德昌魚旦粉) is one of those simple but nice little restaurant that my family and I like alot. Tin Hau actually has a lot of those restaurants, we usually dine there twice a week for quickie but nice dinners.The fish ball here is always one of my favourite! They are very bouncy and meaty. However what is best about XX is not the fish ball, but t

放工好鍾意嚟呢度食tea :西多+熱檸水只係廿蚊無乜邊度好似呢度可以食到7點鐘 ...原來，呢度仲有豆豆餐，仲全日供應tim...抄蛋好滑好正蕃茄吞拿魚多士都好fresh 超級意外驚喜

捨其主打的魚蛋粉而取奄列，出事！蛋不少，卻煎得過火過老，實實的不嫩滑。加上廚房求其將蛋覆蓋腸仔及鹹牛肉便算，欠誠意！點會滿意？！不過有奶茶做救星，味濃且滑，俾佢ok啦。