德美壽司 (裕民坊YM²)

營業中

休息中

德美壽司🍣 而家有做晚市定食套餐親民價錢～之前無留在到有🤔野菜牛肉鍋🥘牛肉都幾大塊～ 而且入口都幾香濃溫泉蛋好靚仔、似水波蛋一樣～ 浸左喺壽喜燒熱湯之中～ 味道好食。可以搞散佢又得，拎出嚟用蛋漿點牛肉食都得香蔥吞拿魚丼我覺得吞拿魚蓉和飯的比例都幾乎接近一比一😹 我最後食晒啲飯，仲有吞拿魚蓉剩低～ 好足料！👍🏼 香蒽都有唔少、係幾重要嘅靈魂元素。定食套餐仲有麵豉湯和前菜沙律🥗 飯後仲有一小粒泡芙做甜品留意加10% service charge

德美其實喺尖沙咀還是觀塘點樣食過好多次，一直以來都未食過叉燒烏冬，咁就試一試啦一上枱見到 嘩 咁都可以出餐俾客人嘅？ 三舊叉燒都肥到呢 完全無肉嘅最搞笑就係店員問我仲要唔要 ，我忍唔住同佢講咁嘅叉燒點樣食落口呢？店員反應先好笑，日式叉燒係咁樣我喺香港真係未食過有日式叉燒係咁樣其實好多嘢都正正常常，唔知點解係唯獨是叉燒搞到咁，仲要都唔係第一次幫襯你哋啦，呢件客人咁嘅反應換過會唔會好難呢？除咗肥仲有啲叉燒係好臭，一大浸豬騷味或者你哋啲師傅學吓點樣整叉燒先至再重新推出呢個Menu啦

放工後忽然想食壽司，刺身之類，記起公司對面嘅裕民坊有一間日式料理店，價錢實惠，食物有水準。黃金汁焗蠔蠔隻爆膏，非常肥美，配合滿滿黃金汁，好味。德美海膽魚生飯海膽，蝦，帶子，三文魚，油甘魚，蟹籽和蟹條所有刺身非常鮮味，海膽濃郁有回甘味，三文魚籽粒粒爆漿，鹹香，口感一流。飯粒混合了醋，增加開胃感，越食越停不了。蜂蜜紅棗茶秋冬季節，潤喉，最適合不過。今時今日用百多元可嚐到鮮味魚生飯，性價比高，值得推介。

以前隔一段時間都會去德美食日本野，貪佢性價比高。不過自從寶琳果間冇左之後就冇再食，難得星期二係觀塘做完野，就去試下呢間分店。我地見到menu有二人餐($358)，啱哂好餓唔想諗野既我地。入面有多款野食。.前菜有煙三文魚和風沙律，沙律菜夠新鮮，配埋沙律醬夠哂開胃！另外仲有帶子裙邊，呢個食落有驚喜，加埋個汁酸酸甜甜幾惹味。壽司剌身方面就有四塊厚切三文魚同兩塊油甘魚壽司～厚切三文魚夠哂肥美！平時好怕油甘魚一咬會有腥味，但呢個厚身得黎唔腥，食落帶點甘甜。.燒物我地揀左三文魚鮫腩，十分有驚喜👍🏻魚身瀟上少少鹽燒，令魚肉味道更加提升，皮脆但魚肉好嫩，入口即溶，魚油封哂係魚身入面，食完個嘴成口魚油香😍.主食我地揀左日式炒飯同野菜牛肉鍋。牛肉鍋既牛肉份量超級多，牛肉都好嫩滑，壽喜燒湯汁比較濃，個人好推介炒飯加入少少湯汁，兩者既味道都好夾。而炒飯入面既蝦肉終於唔係出面食既急凍野，蝦味濃、肉質爽彈🦐.講到呢度，其實仲未食哂，仲有個天婦羅拼盤，入面有大蝦 2 隻、茄子、番薯、南瓜同冬菇各一。個人好鐘意大蝦天婦羅，入面蝦肉都係好爽彈新鮮，外皮脆身。.最後仲有個味噌湯同甜品(泡芙)，為今餐畫上完美句號。味噌湯有

"德美壽司" 嘅定食, 性價比真係好高😘, 晚餐時段好多人, 六點幾就坐滿曬客🥔便當三段(炸雞、刺身、迷你牛肉烏冬) $92配沙律、味噌湯、甜品咁嘅價錢, 咁多樣嘢, 已經超值, 最重要係質素唔差👍, 沙律係青瓜、雜菜加上胡麻醬, 炸雞亦香脆, 刺身夠厚又新鮮, 仲有兩件玉子蛋, 好味😋, 迷你牛肉烏冬一啲都唔迷你😂, 份量十足, 牛肉質素有驚喜, 唔韌牛肉味濃🫶, 甜品係迷你忌廉泡芙,  晚餐完結嚟個甜品, 真係滿足🥰🥔天婦羅烏冬定食 $90配沙律、味噌湯、甜品天婦羅有海老🦐、茄子🍆、鮮冬菇🍄、蕃薯🍠、南瓜🎃, 天婦羅炸漿做得唔錯, 而且海老仲好大隻😘, 烏冬亦都係大大碗🤗🥔煙肉蠔卷 $55煎香嘅煙肉卷住半熟嘅生蠔, 外硬內軟好有層次感, 味道特別, 旁邊仲伴著薯仔沙律

德美壽司🌟洋風燒三文魚丼🌟火炙帆立貝壽司🌟火炙和牛壽司🌟免治雞肉棒串燒今日咁啱經過重建之後嘅裕民坊，入到去覺得呢個商場真係唔同咗好多，行下行下見到開咗間德美壽司，順便食返個dinner。最近天氣好想食啲熟食或者炙燒，叫咗個燒三文魚丼。個三文魚丼有隻溫泉蛋同三文魚子，撈埋一齊食加少少豉油，唔使更加多嘅調味都已經好好食。另外叫咗個火炙帆立貝壽司同火炙和牛壽司，價錢同壽司郎差唔多，但係味道好一d，都幾唔錯嘅。免治雞肉棒串燒入面有雞軟骨，食落有兩種口感，係我鍾意食嘅個type免治雞肉棒。

鄰近觀塘地鐵站, 餐廳落地大玻璃透光感極高, 和式風格, 中間的壽司吧檯透明度極高, 可以看住師傅包壽司及料理，仲有VIP房，侍應們有禮貌，重點性價比極高，值得推介-韓式泡菜豬肉鍋 $75.0豬肉片肥瘦分明, 油脂分佈平均，肉質彈牙爽口, 內有大量娃娃菜, 豆腐, 冬菇, 粉絲等材料, 配埋韓式泡菜, 湯頭微辣香甜, 粉絲吸晒所有食材的精華, 真係值得推介-加州卷 $50.0性價比極高的加洲卷, 卷物好大舊, 內有青瓜絲, 蟹柳同玉子, 卷物面鋪滿大量蟹子, 真係抵食夾大件-燒腐皮餃子 (自家製) $51.0腐皮餃子即叫即做, 需時製作, 請耐心等候，腐皮燒得好香脆, 皮脆餡靚, 肉餡十分爆汁, 配埋得製醬汁, 超級好味, 真係好出色，, 提提大家, 食嘅時候小心因為真係好熱㗎, 小心辣親嘴仔-串燒雞翼 $26.0雞翼燒得好香, 皮脆肉滑, 肉汁超豐富又重雞味-串燒雞腎 $26.0雞腎唔過火, 脹卜卜又脆口，配啤酒一流

今晚去咗德美壽司食飯，晚上套餐除咗有丼飯食，仲有得揀其他定食和烏冬等。三色魚生丼由三文魚、帶子和油甘魚魚生搭配飯所組成，三文魚有著豐富的脂肪和鮮美的口感，帶子鮮甜，油甘魚則具有濃郁的油脂和鮮味。飯加入了切片海苔、醬油和芥末等，又開胃又美味。天婦羅烏冬天婦羅有蝦、南瓜、冬菇和茄子，全部都炸得好香脆。烏冬彈牙，內有海帶、溫泉蛋和日本魚蛋，性價比高。晚餐定食仲會有沙律、麵豉湯和泡芙甜品，食完感覺好飽足。人均花費大約$100 ， 十分划算。

觀塘開咗間德美壽司，間唔中就會想幫襯下，鍾意佢食物選擇多元化。價錢唔貴，食物質素亦唔錯，算得上係性價比高嘅一間餐廳。呢晚經過裕民坊，難得唔使等位，於是乎入去食過晚餐先。點咗「壽司定食配牛肉烏冬」（$172）同「咖喱吉列豬扒定食」（$80）各一。壽司定食水準唔錯，入面有帶子、油甘魚、三文魚子、三文魚、熟蝦六款壽司。多款魚生都好新鮮，味道好正。牛肉烏冬亦相當高質，入面有牛肉及粟米配菜，烏冬滑溜好味。咖哩吉列豬扒飯未食已經聞到陣陣嘅香味，入口咖喱味道濃郁。吉列豬扒粉漿唔會太好，炸得香脆，仲配以溫泉蛋，令味道相當有層次感。兩款定食除咗有前菜沙律和麵豉湯提供外，仲奉送甜品，而呢晚嘅甜品係黑芝麻糕。芝麻糕入口帶香濃嘅芝麻味，鍾意佢唔會太甜。

德美壽司在香港開得越來越多，人流依然有多無減，可見質素一直都有維持。小編大學時期至今都算是半個常客，通常去紅磡和尖沙嘴的分店。德美全日都提供定食，有沙律、味噌湯及甜品，部分更有茶碗蒸，價格豐儉由人。吞拿魚腩蓉三色丼每當看到有吞拿魚蓉丼，而且是魚腩部位，小編會毫不猶豫的選擇它，因為很愛那軟綿口感跟油脂香味。這份量相當多，基本鋪滿整個表面。魚蓉應該不是外邊急凍鋪賣的那些，因為外邊的通常不是全魚腩，而是混合部位，所以會吃到魚筋。油脂味都比較分散，不過價錢都算少貴（小編都常常買......因為魚蓉不是外邊都有或是味道不錯，買外帶是比較有保證的）這個吞拿魚蓉有驚喜，因為魚油味很平均，而且沒有筋。小編覺得是人手刮的魚蓉，因為看到好幾塊原整魚肉🤔。魚蓉配上芝麻，味道更香。帶子一分二，帶子肉厚身且鮮，不錯。海膽不算很甜但新鮮，入口有爆開的creamy口感。三文魚子粒粒分明，爆汁鹹香。壽司飯還有一點香菇，增添了香氣。以153蚊的價錢來說，整體都算高質。火炙洋風三文魚厚切三文魚，表面因為火炙而帶點三文魚的焦香及油脂味，上面還曬上香蔥，中和了油膩感。底下還加了一點蛋黃沙拉醬，酸酸甜甜，配上壽司飯，令人胃口大

好喜歡德美lunch set 性價比高，有好多選擇 壽司、丼飯、烏冬，已經食過幾次了🤤🤤🤤👍💕店舖環境安靜寬敞，都坐得舒服今日試咗德美慕之內便當🍱便當有刺身四片同小食，刺身食落都新鮮，三文魚肥美🍣豬軟骨煮到好淋好好食，海鮮雜菜餅好大份食得有點飽，套餐重包沙律、蒸蛋、麵豉湯、甜品，非常滿足😋朋友就叫咗壽司盛合🍱 壽司大舊足料，魚生幾新鮮而且都係厚切，最後食埋甜品，每次食都唔同款，今次係牛奶加左芒果醬吧奶凍，好味🌟🌟👍

晚餐想食壽司，而一諗價錢相宜又好食嘅壽司店就諗起德美😂同埋期待最尾會送咩甜品😂⭐️火灸鰻魚⭐️油甘魚壽司⭐️三文魚腩壽司⭐️火炙左口魚邊鰻魚肉質好肥美，外皮烤至少少焦，加埋鰻魚汁，好正😊。左口魚邊經過火炙後，表面形成了一層微焦的外皮，迫走多了嘅油脂，食到魚肉嘅柔軟⭐️沖繩菠蘿果酒想飲少少酒，但想飲甜酒就揀了呢款菠蘿果酒。口感清新，帶有少少甜味⭐️朱古力奶凍今次送奶凍，奶凍好滑且清清地，上面加了朱古力糖漿，甜度剛剛好

德美壽司 (裕民坊YM²) (觀塘).自從裕民坊重建後多左好多食肆加入！.▪️蟹籽沙律▪️.想食個開胃啲嘅前菜，蟹秄沙律係個好好嘅選擇，新鮮嘅青瓜絲！.▪️咖喱吉列豬扒定食🍛▪️.好耐無食過咖喱飯！豬扒香脆炸粉唔厚，有薯仔，南瓜等作配料.▪️野菜牛肉鍋定食▪️.甜豉油湯底再加上牛肉片，入面仲有娃娃菜，京葱以及豆腐！.📌 德美壽司 (裕民坊YM²) (觀塘)觀塘協和街33號裕民坊YM² 3樓310號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

德美都有啲歷史，見喺觀塘裕民坊開咗分店，今次一於帶媽咪去試吓先。晚市嚟講，鍋物🥘7-80蚊起，魚生丼🍣都係百零蚊起，都有綠茶畀你添飲🍵，價錢係幾親民。見到有3位壽司師傅駐場，即切即整，都唔係頹㗎！🍱壽司定食配牛肉烏冬 $172 Set餐價：包芝麻沙津、麵豉湯同甜品呢個Set係好豐富！賣相好睇啦，壽司都有6舊再搭2粒玉子蛋。幾新鮮、冇雪藏味，最好味係魚子同帆立貝壽司；三文魚同大拖羅都好厚切，味道都唔錯🥰。個牛肉烏冬睇落細細個，份量又唔係真係咁少，都有好多塊牛肉，烏冬都係完整一個嘅份量，幾飽肚👌🏻。🥘韓式泡菜豬肉鍋 $75 (+ $20 葛絲🌟)鍋物雖然都係肉 + 菜簡單嘢，不過呢個鍋又確係濃郁，幾好味喎👍🏻！入面有大量薄切豬肉、泡菜、菜、滑豆腐，湯底好惹味。你可以揀追加麵食，葛絲真係必定要追加！佢會擺埋入去個湯底度煮淋咗先上枱，葛絲嘅質感煙韌彈牙，索埋湯汁特別好味🤤🤤。最後飯後甜品有朱古力奶凍🍮，都幾好味！下次會想試吓佢啲丼飯，見隔離枱食都好似賣相幾Full幾吸引。🕵🏻‍♀️：不過二人枱坐得有啲逼逼地，如果嗌得多嘢食就會唔係好夠擺。

觀塘有一間，好食嘅日本菜知道佢幾度地方都有食過都ok，今次朋友約觀塘食飯所以唸起呢間有個二人餐好多野食有刺身有天婦羅仲有鍋物首先刺身都算厚切，新鮮肥美三文魚食完好滿足油甘魚壽司都好肥美好食有個天婦羅，包括蝦，番薯，茄子炸粉唔厚，而且入面都juicy日式炒飯，份量好多，兩個女仔都食唔哂鯖魚燒，新鮮燒，魚皮仲係脆卜卜野菜牛肉鍋，食到呢度已經小小飽然後但因為好食都食哂最後有味噌湯同雪米糍 平日二人餐400蚊都唔使勝在唔使唸乜都有得食