德興茶餐廳 (已結業)

喺沙田食粥呀都唔知做乜鬼咁鬼貴，一碗艇仔粥都可以去到成$30，明明對面海都唔使咁鬼貴。唔知幾時開始，呢間德興茶餐廳，就出咗個早餐set叫醒神早餐，咁呢你可以揀牛肉粥或者咸瘦肉粥，配一個炒麵啦或者齋腸或者油炸鬼，再加多杯豆漿，都係$29姐，不過呢個Offer呢就去到朝頭早11點架啫。我通常呢都係食牛肉粥嘅，加個炒麵，因為呢我自己就麻麻佢嗰啲齋腸同油炸鬼啦。分量呢其實個炒麵啦都塞到好滿，個粥都OK ga.嗰啲粥呢牛肉嘅份量都好多架，咁粥身都綿嘅，又夠熱，食落腸胃就好舒服，個味道就個牛肉味好香，不過味精重左d，扣左少少分。個炒麵呢，分量多就多，但係油左少少，不過就好在唔會話太鹹。其實都OK嘅喺沙田呢個價，個炒麵同埋個粥都叫幾好食都唔係難食嘅。如果朝頭早想食粥同炒麵，絕對可以一試嘅。

呢間舖已經有好多年歷史，由細細個開始食，以前以為只有魚蛋粉食，估唔到呢度有得食打冷既野！鹵水拼盤入面有鵝掌、鵝腸、紅腸、豬大腸、鵝片、墨魚。。好多款！份量都好多！好開心！開頭食覺得好夠味，但越食就覺得整體偏咸！腐乳通菜好少叫油菜有咁大碟！真係好抵食！油菜好綠而且好嫩！腐乳都好夠味！一樣食落覺得好咸！牛筋牛腩河 好大碗！好多餸又好多河粉！3個人食，都載左5小碗，好厲害！牛筋比牛腩好食！牛腩有少部分唔夠捻！河粉口感好滑！不是粗河粉，比較易入口！蘿蔔糕碟上好多豉油，再放蘿蔔糕上面，一黎就索晒豉油，超咸！而且蘿蔔糕無咩蘿蔔，同太多粉，一般！煎蠔餅好正宗既感覺，有埋魚露，好多蠔仔！好大份！柑桔蜜都唔錯！見佢只係用柑桔蜜溝水，唔係有真正柑桔，不過味道都唔錯！好驚喜呢度有得打冷，都係一個又方便又快抵食既選擇！裝修完都光邁左好多！

今日晏晝去買外賣，買咗碗 雲吞米，點知拎返去食，開頭都覺得幾好味，但食到最後發覺有一粒老鼠屎，呢間野真係唔會再去😭真心覺得好核突，攞返去同佢投訴佢都完全冇理過我

星期六去沙田行街搵食價錢相宜就易搵位就去茶餐廳🤟🏾好運中心轉角位連開既大茶記一個午餐牛脷意粉 好多人叫呢個 係最鐘意既橙色汁😍食落發現係蜜味豆黎😂份量同味道唔錯👍🏽西洋菜湯甜甜地 略油

琴日喺沙田做完gym想食個下午茶，但新城市好多人，所以行咗去好運中心間德興茶餐廳食。一入到去waiter已經叫我坐去卡位，都坐得幾舒服。咁我就叫咗個熱狗下午茶，因為唔想食咁飽食唔落晚飯點先黎到隻熱狗好大份條腸直頭係特大版司華力腸，結果食咗半份就算。味道就一般般過得去咁啦。係塊包有小小唔夠熱。不過整體黎講$35連埋涷飲都算OK嘅。沙田近市中心來講佢都真係算係抵食㗎啦。搵位又比其他餐廳易。下次希望有機會再食

放工去沙田買野,順便食埋晚飯,好多餐廳都要等位,經過德興茶餐廳見無人等位,而且價錢物美,行街坊路線,平,靚,正..星洲炒米,份量真喺好多,岩晒大食嘅我.米粉又唔會太乾身,香香嘅咖哩味,又唔會太辣,炒得幾惹味.仲有一碗時令例湯送,真喺有一種家嘅味道.蕃茄豬扒飯, 份量都好大份,豬扒就"鞋"左少少,蕃茄汁就"杰"左少少,太濃味.豆漿甜度就啱啱好,好好飲頁丸麵, 麵幾爽口,又唔怕韌, 鹼水味又唔會太重,頁丸大大粒又爽口.

今次已是一個月內第二次來在沙田市中心搵食 在沙田市廣場內的等位都有排等 而且想清清地食下粉麵或家常便飯想起好運中心那邊應該有於是行過去 兜了一個圈就決定去這間茶餐廳選擇很多 粥粉麵飯 三文治 套餐也有上次試了牛筋米 今次試下飯兩個人點了一個豆腐班腩飯 一個菇菌雞肉飯原來份量好大 雖然清清地幾好味 但真的吃不晒 做了大徙鬼 下次兩個人叫一個飯加一個小食或粥也可以豆腐班腩飯的班腩 沾了些少咖哩粉炸這碟飯也加了磨菇 都幾多料菇菌雞肉（其實忘記了是否這名堂）有好多菜和菇👍😋今次例湯是海帶 正👍服務態度也很好 地方不知是否新裝修 很整潔多數是街坊客 一枱來一枱走 所以也不用等位

最近好似寫左好多早餐文， 緊係，俗語有云：一日之計在於晨吖嘛。加上最近早上時間比較充裕，可以同我英國讀書放暑假返香港度假嘅寶貝姨甥仔嘆埋個靚早先去做野，呵呵🤭🤭🤭！住沙田嘅都應該知道呢間平台茶餐廳， 每次我地去食早餐都必點豬扒公仔麵。今朝我就加啲啲新意， 加埋雞翼，轉通粉。佢嘅煎豬扒真係好得， 超大塊，又煎得香脆， 仲好多肉汁一啲都唔乾。有陣子豬扒縮左水， 不過最近佢又大塊番， 足有手掌咁大， 兩個人可點一份share, 因為麵餐加豬扒要加7蚊架！不過堅係抵食。嗰兩隻雞翼好大隻， 媽咪話認得出佢地係巴西嚟嘅😅，乳香酥炸， 但裡面雞翼依然好juicy, 正呀！呢份早餐我諗大大話話有過千卡路里， 但who cares?! 最緊要好味囉！

好耐無黎食，由佢仲係未裝修，食到依加。以前對面仲係做潮州酒樓已經幫襯。咁耐，水準仲係一樣，收銀阿姐依態度依然係咁冷淡，熱狗都仲係廚師腸。最鍾意佢係熱O水用玻璃杯，咁啲O水就無咁快變苦。啲西多都係咁薄都係個句，30蚊食到個下午茶仲想點。

食完早餐返半日工，放工冇食午餐！行住街等男友，等到佢果陣又有少少餓，沙田顆圍都好多人，男友超醒咁帶我去哩度食下午茶因為要乖戒凍飲，所以飲茶走！珍寶熱狗王有大大條珍寶腸

呢間茶餐廳地方細，坐位 狹窄，又多人，一般我都唔會揀， 不過我朋友話想食粉麵，所以食呢間。叫咗 招牌四寶同 牛肚河價錢三十幾蚊一碗， 都幾貴， 但叫做都算大碗， 牛肚都幾林， 可惜欠缺幾條菜。

今日喉嚨痛, 就去左德興買外賣粥, 難得食到雞什粥$26!! 之後仲叫左條油炸鬼 $10. 外賣拎番屋企食. 就咁望落去唔算大碗, 以為會唔夠食先叫多條油炸鬼, 點知倒出黎勁大碗, 最後食淨1/4條油炸鬼...講番個雞什粥, 其實好耐以前同媽媽食左一次, 已經覺得勁好味, 可惜之後一直都買唔到. 所以停左成年冇食. 今次食番一樣咁好味. 勁多雞什, 咁岩條油炸鬼新鮮整好, 拎到番屋企D皮仲係脆. 以前唔識食又唔敢自己入茶記買野食, 淨係識隔離海皇粥店, 依家發現原來茶記先又平又好食.

本來一心想黎食魚旦粉，但見到餐牌貪平（38 蚊）叫左窩蛋牛肉飯食。大家見到圖片好似麻麻地咁，唔好比佢誤導，佢唔係麻麻地咁簡單，而係難食到嘔。有幾難食？且聽我慢慢道來。首先，窩蛋牛肉飯有咩特點？係有隻生蛋打落牛肉餅度嘛。咁隻蛋生o既點食呢？靠 D 飯 o既熱力，再搞云隻蛋撈飯，去整到半生熟咁食囉。難題黎喇，如果個蒸飯本身係凍 o既，咁點食呢？我冇誇張到，個蒸飯唔係唔夠熱咁簡單，而係直情凍o既。我一路搞 D 蛋，一路食，我都冇見到 D 蛋黃或蛋白有凝結過，好恐怖。最難頂 o既係，個牛肉餅又係生生地咁 o既  feel，本來如果飯夠熱咁係冇問題，半生熟仲正添。但正如頭先所講，飯係凍架嘛，我覺得自己好似食緊生肉咁，真係一路食一路好想嘔。正宗窩蛋嘔飯。跟住我峽左啖紫菜湯，oh my god，係熱架。尤記得之前有套叫 My 盛 Lady o既劇集，蝦頭整 D 生 o既肉餅比黃子華食，黃子華襯蝦頭行開左就拎 D 熱湯想整番熟 D 落左肚 o既肉餅，我一路睇仲心諗邊有人咁低能架，有用 o既咩？但我果刻真係頓時萌生呢個念頭，證明左人響絕望時真係咩都會想嘗試去減輕自己 o既痛苦。食哂盅飯，埋左單，我好內疚

來了此店好幾次，皆因價廉物美，所以它一直都備受沙田街坊及我的歡迎。我最愛它的滷水豆腐，入味得來，又份量大，十分抵食。炸兩亦十分出色，是即叫即制，上枱時中間的油柞鬼還又熱又脆。但今次想試一試其他食物，所以沒叫上述大熱之選。點了窩蛋肉餅飯及牛筋麪。窩蛋肉餅飯份量充足，肉餅滑溜，口感豐富，飯則有點過諗，可能過了頭。牛筋麪，有五大件牛筋，牛筋非常入味，又不會太咸，湯底是牛腩汁。 麪是應該自家製的，有蝦子的咸香，以$40的麵來說，用料算是非常好。

#HkgoodeatsShatin 德興粥麵店🍲相信沙田人必定對德興不陌生，它在好運中心有三間店：潮式粉麵、茶餐廳和海南雞飯店。粥麵店已有三十四年歷史，當中滷水和魚蛋粉最出名。試過滷水鵝、滷大腸、滷豆腐，滷水味聞起來香但吃起來可更入味；蠔餅炸得香脆，但脆漿多蠔仔份量少（所以說還是在家煎的蠔餅最好）。反而粥粉麵有驚喜，簡單地道🐥食物 ⭐️⭐️1/2服務 ⭐️⭐️環境 ⭐️⭐️價錢 ⭐️⭐️⭐️⭐️地址: 沙田好運中心3樓6號C舖